MACARONI EN KAAS EN BOELIEBIEF GEBAK:

Anna Eksteen

Bestanddele
500 g macaroni (1 pak)
2 groot uie, geskil en gekap
3 eetlepels hoogvol koekmeel
2 koppies melk
2 groot tamaties, geskil/en gekap
4 eetlepels sterk blatjang
2 teelepels gemengde, groen droë kruie
300-g-blik soutbeesvleis, losgebreek
2 eetlepels vars pietersielie, gekap
sout en peper na smaak
1 koppie gerasperde cheddarkaas

Metode
Kook macaroni soos op pak aangedui, dreineer. Braai die uie in die botter tot gaar. Voeg die meel by en roer, voeg die melk by en roer totdat die mengsel dik word en kook. Voeg al die oorblywende bestanddele by, behalwe die kaas. Bring tot kookpunt, laat prut en roer sodat die mengsel nie brand nie. Meng nou die sous van die macaroni en skep in ‘n oondvaste bak wat gesmeer is. Strooi laaste die kaas oor, en bak by 180C vir 20 minute tot gaar. Die resep lewer sowat ses tot agt porsies.

Print Friendly, PDF & Email
(Visited 588 times, 1 visits today)
Advertisements
 

Leave a Reply

Your email address will not be published. Required fields are marked *