Rooibos hoender

Ingestuur deur Wanda-Mari Lundy

Bestanddele
6-8 hoenderporsies, bv boudjies en dytjies
1 groot ui, gekap
1 k (250 ml) ongegeurde laevet-jogurt
½ k (125 ml) blatjang
½ k (125 ml) Rooibostee of lemoensap
½ t (2,5 ml) sout
2 t (10 ml) mielieblom, met ‘n bietjie water tot ‘n pasta gemeng

Metode
Voorverhit oond tot 180 °C.
Plaas hoender en ui in ‘n oondbak. Meng jogurt, blatjang, tee of sap, sout en mielieblompasta en skink oor die hoender.
Bak vir 30-45 minute of tot goudbruin en gaar, maar nie droog nie.

Wenk
Varktjops, met die oortollige vet verwyder, kan op dieselfde manier gaargemaak word. Voeg blokkies botterskorsie by die vleis en bak so saam in die sous.

Print Friendly, PDF & Email
(Visited 425 times, 1 visits today)
Advertisements
 

Leave a Reply

Your email address will not be published. Required fields are marked *