Ingestuur deur Joey Hannekom

1 groot ui, gekap
1 groen soetrissie, gekap ( dit kan ook uitgelos word )
20g (25 ml) botter of margarien
125 ml wit asyn
25 ml witsuiker
25 ml mielieblom
5 ml kerriepoeier
5 ml borrie
1 groot blik perskeskywe

Soteer die ui en die soet rissie in die botter of margarien. Meng die asyn, suiker, mielieblom, kerrie en borrie deeglik. Dreineer die perskeskywe. Meng die kerriemengsel met die stroop, giet dit oor die ui en kook tot dik.
Proe aan sous en voeg nog smaakmiddels by, indien nodig.
Laat afkoel. Snipper die perskeskywe in ‘n slaaibak. Giet die kerrie sous oor en meng liggies.

Print Friendly, PDF & Email
(Visited 157 times, 1 visits today)
 

3 Thoughts on “KERRIE PERSKESLAAI

  1. Ek het somertyd baaaiiie geelperskes en wil graag kerrie perskeslaai inlê.

    Het jy ‘n resep asb

     
    • VINNIGE INGELEGTE KERRIE PERSKES

      Petré Van Jaarsveld

      3 kg geblikte perskes, gesnipper of in skywe gesny en gedreineer …..
      1 kg uie in halwe ringe gesny …
      500 g suiker …
      750 ml witasyn …
      1 teelepel mosterdpoeier …
      2 teelepels sout …
      1 eetlepel borrie …
      1 eetlepel kerrie …
      1 eetlepel fyn gemmer …
      4 eetlepels maizena, opgelos in n bietjie water …

      Kook uie tot sag in 3 koppies water ….
      Water moet alles omtrent weggekook wees …
      Voeg speserye by .. Kook deur …
      Voeg asyn en suiker by … Kook vir 10 minute …
      Voeg gesnipperde perskes by en kook 5 minute … Voeg maizena by en kook goed deur …
      Bottel warm
      BRON: Petré Van Jaarsveld

      Bron en foto http:///bottelenbere.weebly.com

       
    • KERRIE PERSKESLAAI
      Amanda Struwig

      ​1 groot ui
      25 ml botter/margarien
      125ml wit asyn
      25 ml witsuiker
      3ml sout
      25 ml mielielblom (maizena)
      knypie peper
      5ml kerriepoeier
      5ml borrie
      1 groot blik perskeskywe (825g)

      Soteer die ui in die smeer
      Meng asyn, suiker, mielieblom, kerrie en borrie deeglik.
      Dreineer die perskeskywe
      Meng kerriemengsel met die perskestroop en voeg by die uie.
      Kook tot dik.
      Voeg perskes by en bring weer tot kookpunt.
      Bottel warm en verseël dadelik.

      Bron en foto http://bottelenbere.weebly.com

       

Leave a Reply

Your email address will not be published. Required fields are marked *

Post Navigation