VRUGTEKOEK Met n verskil:

Joeye Haarhof

Bak die vrugtekoek in Muffin pannetjies of selfs in Cupcake houertjies en gee vir elkeen sy eie koekie: I.p.v masepein, gebruik royal versiersuiker op die koekies:

Bestanddele
50g glanskersies
45ml brandewyn
850g droëvrugte koekmengsel
50g amandels
225g koekmeelblom
2ml sout
2ml gemengde speserye 1ml vars gerasperde neutmuskaat
225g ongesoute botter
225g melassesuiker
4 ekstra groot eiers
15ml melasse
gerasperde skil van 1 suurlemoen gerasperde skil van 1 lemoen

Metode
Plaas die glanskersies in ‘n vergiettes en spoel die stroop af. Laat die kersies afdroog en sny dit fyn op. Voeg die droëvrugte koekmengsel by en meng goed. Sprinkel die brandewyn oor en roer die mengsel.
Bedek die houer en laat die vrugte oornag masereer. Kap die amandels met bruin velletjies en al fyn en sit dit opsy. Smeer ‘n diep koekpan met ‘n deursnee van 20cm. Voer die boom en want met ‘n dubbele laag gesmeerde waspapier uit. Bind ‘n dubbele laag dik bruinpapier buite-om die pan vas.

Sif die koekmeelblom, sout en speserye die volgende dag saam. Verroom die botter en suiker tot lig en donsig. Klits die eiers saam en klop dan eetlepels vol op ‘n keer by die bottermengsel in. Vou af en toe ‘n bietjie van die meelmengsel by die bottermengsel in as dit lyk of dit wil skif. Vou die res van die meelmengsel baie liggies by die bottermengsel in. Vou daarna die vrugtemengsel, amandels en die res van die bestanddele in. Skep die beslag in die pan en smeer dit gelyk. Bedek die koek met ‘n dubbele laag waspapier met ‘n gaatjie in die middel.

Plaas die koek op ‘n dubble laag bruinpapier op die onderste oondrak en bak dit ongeveer 4½ uur lank in ‘n vooraf verhitte oond by 140C. As ‘n toetspen in die middel van die koek ingesteek word en skoon daaruit kom, is die koek gaar. Laat die koek ‘n halfuur in die pan afkoel. Keer dit op ‘ draadrak uit en sprinkel ‘n bietjie brandewyn of rum oor wanneer dit koud is. Draai die koek in ‘n dubble laag waspapier toe. Dit kan vir 6 maande op die rak, of tot ‘n jaar in die vrieskas gebêre word. Maak dit in die begin 1 keer per week oop en en daarna elke maand. Sprinkel brandewyn oor.

“Royal icing”

Die icing raak klip hard en jy kan dit in ‘n piping bag sit en patroontjies en randjies, ens daarmee doen. Skei ‘n eier en gebruik net die eierwit. Klits dit liggies met ‘n vurk tot effe skuimerig. Skep nou bietjie-bietjie gesifte (nb) versiersuiker by en roer dit elke keer eers goed in voor jy die volgende sarsie bygooi. Hou so aan tot jy die verlangde konsistensie het. Jy kan dit kleur ook.

Wenk
As jy die koek gaan bak in muffin pannetjies moet jy dit so 25 tot 30 minute bak. Laat staan so 5 minute voor jy dit uitkeer.

Print Friendly, PDF & Email
(Visited 328 times, 1 visits today)
Advertisements
 

Leave a Reply

Your email address will not be published. Required fields are marked *