Aartappelgebak met Ham

Magda
Genoeg vir 6 mense

Bestanddele
60 ml (4 e) botter
2 groot uie dik gesny
1 knoffelhuisie fyngedruk
125 ml (1/4 k) ham gekap
30 ml (2e) vars pietersielie
sout en vars gemaalde swart pepper na smaak
neutmuskaat na smaak
7 ml (1 ¼ t) paprika
500 g gaar aartappels in skywe gesny
250 ml (1 k) suurroom
1 ekstra groot eier
150 ml gerasperde kaas

Metode
Voorverhit oond tot 180°C.  Smeer oondpan. Verhit botter en soteer uie daarin tot sag.  Voeg knoffel by en soteer verder.
Voeg nou ham, pietersielie, sout, peper, neutmuskaat en parika by. Voeg aartappels by Braai liggies en skep alles in die voorbereide oondbak. Klits suurroom en eier liggies saam en giet oor. Sprinkel die kaas oor en bak vir 30 minute tot goudbruin.

Print Friendly, PDF & Email
Advertisements

BILTONG, KAAS- EN UIE-POTBROOD

Anna Eksteen

Bestanddele
500g bruismeel                                                             
1 bier
1½ koppies gerasperde Cheddarkaas                            
250ml fyn (nat!) biltong
125ml fyn, bruingebraaide uie

Metode
Meng die meel en bier goed. Voeg 1 koppie kaas, die biltong en ui by en meng alles saam. Plaas dit in jou gesmeerde pot en bedek met die res van die kaas Bak tot gaar. Toets met ‘n skoon mes of totdat hy onderkant mooi hol klink. Eet warm met plaasbotter en konfyt

VARIASIES:
(Sonder die biltong en uie)
‘n Pakkie droë, bruin uiesop.
‘n Eetlepel of twee Marmite of Frey Bentos.
Neute en rosyne.
Spek (brosgebraai en gekrummel)
Olywe, kappers en ansjovis
Baie vars knoffel en pietersielie; gemengde kruie van jou keuse.

Print Friendly, PDF & Email

VINNIGE MAKLIKE BYGEREG BY BRAAIVLEIS

Lynette Muller

Bestanddele
Vat 3 tot 4 hamburger buns, sny in helfte oop – le plat in bak sodat gesnyde kante na bo le.
Meng: 1 blikkie room met een pakkie potato of pasta bake (enige geur) meng goed – gooi bo-oor die buns.
Rasper klomp kaas bo-oor en bak in die oond tot gaar en goudbruin.
Jy kan sout en gemaalde swartpeper ook byvoeg en bietjie pietersielie en paprika.                                                 .

Print Friendly, PDF & Email

GEBAKTE BROODROLLETJIES MET ROOMSOUS

Lynette Muller

Bestanddele
Klaar bereide brooddeeg gerys en afgeknie

Bestanddele Sous:
125 g spekvleis gesnipper
1 blik tamatie en uiesmoor
250 ml vars room
swartpeper
vars pietersielie
250 ml cheddarkaas gerasper

Metode.
Voorverhit oond tot 100°. Smeer ‘n plat swartpot of ‘n kasserolbak met botter. Knyp stukke deeg af en vorm in bolletjies. Pak die deegbolle taamlik naby aan mekaar in die bak en laat rys goed uit in die oond. Soteer intussen spek tot gaar, voeg tamatie-en-uiesmoor by en verhit tot kookpunt. Laat prut tot effens afgekook ~ verwyder van hitte, roer room by en geur met sous, peper en pietersielie. Verwyder bak uit oond en verhoog die temperatuur tot 180°. Giet sous oor die deeg en bak 40-50 minute. Sprinkel kaas oor en bak 10 minute. tot goudbruin

Print Friendly, PDF & Email

AARTAPPELS VIR BRAAIVLEIS

Anna Eksteen

Bestanddele
1kg baba-aartappeltjies, skoon afgewas                        
25ml olie
1 groot ui, gehalveer, geskil en fyn gekap                      
2 knoffelhuisies, gekneus, fyngemaak
25ml matige kerriepoeier                                               
5ml borrie
1 brandrissie, ontpit en gekap                                        
3 suurlemoen of lourierblare
15ml fyngekapte, vars gemmerwortel                            
30ml goue stroop
125ml wynasyn                                                             
125ml aftreksel

AFRONDING:
100ml grofgekapte koljanderblare(opsioneel)

Metode
Skep die aartappeltjies in ‘n kastrol, bedek met kraanwater, geur met sout, verhit tot kookpunt en kook vir 10 minute. Bedek en laat 5 minute staan. Verhit intussen die olie in ‘n groot kastrol en voeg die uie en knoffel by. Roerbraai vir 2-3 minute. Strooi die kerriepoeier, borrie, brandrissie, suurlemoenblare en gemmer oor. Voeg die gouestroop, asyn en aftreksel by. Verhit tot kookpunt en prut vir 2 minute. Dreineer die aartappeltjies en skep in kastrol met die sous. Strooi die koljanderblare oor en sit voor met braaivleis.

Print Friendly, PDF & Email

MIELIEPAPTERT

Anna Eksteen
ABSOLUUT HEERLIK!!!!

Bestanddele
4x250ml gewone of kitsmieliemeel                                 
5ml sout
knypie rooipeper
sowat 2 liter water
125ml gekapte grondbone
250g spek (fyn gesny en gebraai)
250g sampioene (fyngesny en in spek-vet gebraai
1 blikkie suiker,ielies        
250ml Cheddarkaas (gerasper)
50ml suur room of gewone jogurt         
sout en peper na smaak

Metode
Meng mieliemeel, sout, rooipeper en water en kook tot ‘n slap pap. Strooi grondbone in ‘n gesmeerde oondskottel en skep ‘n lagie pap bo-oor. Meng res van die bestanddele en skep beurtelings met pap in lae in skottel- 2 lae spekmengsel en 2 lae pap. Strooi gerasperde kaas bo-oor en bak sowat 1 uur by 180C

Wenk
Wat ‘n kollega van my doen is om alles behalwe die kaas in die pap te meng. Hy skep die helfte van die pap in ‘n bak, dan kaas, dan weer pap en dan die laaste kaas oor die pap. Bak dan 1 uur by 180 grade.

Print Friendly, PDF & Email

WARM PATATS IN FOELIE

Anna Eksteen

Bestanddele
een medium patat per persoon                                       
foelie
botter 
growwe peper / peperkorrels
growwe sout / soutkorrels 
extra virgin olyfolie
een suurlemoen 
‘n paar takkies vars tiemie

Metode
Was die patats skoon en droog af (hou die vel aan). Neem ‘n vurk en steek so ‘n paar gate in die patats reg rondom. Plaas die patats elkeen op ‘n stuk foelie (blink kant na binne). Drup so klein bietjie olyfolie op elke patat, en smeer so bietjie botter op elkeen. Sny die suurlemoen in die helfte en druk ‘n klein bietjie sap op elke patat. Meng die sout en peperkorrels en maal dit fyn strooi op die patats. Plaas een takkie vars tiemie saam met die patat op die foelie. Draai die patats goed toe in die foelie moenie dat die tiemie uitval nie, want dit bring so ‘n lekker geurtjie en smakie daarby.

Print Friendly, PDF & Email

RISSIE BLATJANG

Woumarie

Bestanddele
3 uie
2 knoffelhuisies
500ml opgesnyde brandrissies
250ml Bruin asyn
750ml Appelkooskonfyt
10ml kerriepoeier
5ml Gemaalde gemmer
125ml sweet chillie sous
5ml sout

METODE:
Skil die uie en knoffel en sny dit in stukkies op. Maal dit saam met brandrissies. Voeg die asyn by en kook vir n paar minute.
Roer die res van die bestanddele by. Verhit dit stadig tot kookpunt. Prut ongeveer 30 minute lank tot duk. Roer gereeld.
Bottel Blatjang in gesteriliseerde bottels en verseel dadelik.

Print Friendly, PDF & Email

WORTEL EN PATAT KLUITJIES

Woumarie
Dis byna dieselfde as om gnocchi te maak, maar hier vorm jy groter balle.
18 kluitjies

Bestanddele
500 g wortels, geskil en in skywe gesny
500 g patats, in blokkies gesny
250 g (445 ml) koekmeel
hand vol gekapte vars pietersielie
sout en varsgemaalde swartpeper na smaak
100 g (110 ml) botter
hand vol vars salieblare

METODE:
Kook wortels en patats in aparte kastrolle tot sag. Dreineer en laat effens afkoel. Maak fyn en meng goed met mekaar. Voeg meel en pietersielie by en geur met sout en swartpeper. Men goed tot ‘n klam deeg. Verdeel deeg in 18 kluitjies en plaas op ‘n uitgevoerde, meelbestrooide bakplaat. Hou eenkant. Bring water tot kookpunt in ‘n kastrol. Plaas ‘n paar kluitjies vir sowat 5 – 10 minute daarin. As hulle bo dryf, is hulle gaar. Skep uit en hou eenkant warm. Herhaal met almal. Verhit botter in ‘n pan en voeg salieblare by. Braai vir 3 minute. Plaas kluitjies in saliebotter en sit warm voor. Sit voor saam met ‘n Bredie. Jy kan die rou kluitjies so 10 minute voor jy dit voorsit in die bredie skep. Sit dan weer die deksel op. Só kook die kluitjies gaar in die sous van die bredie.

Print Friendly, PDF & Email

AARTAPPEL TERRIEN

Woumarie

Bestanddele
1kg aartappels
1 klein groen appel, ongeskil in blokkies gesny
1 rooi soetrissie, klokhuis verwyder en in blokkies gesny
1 medium wortel, grof gerasper
1 ui gerasper
2 selderystingels, gekap
1 t kerriepoeier gemeng met ¼ k mayonnaise
45ml maaskaas
200ml Bulgaarse joghurt
Sout en peper
Garnering: Stokkiestjips

INSTRUKSIES:
Kook die helfte van die aartappels met skil en al in soutwater tot sag. Skil die ander helfte en sny in 1cm blokkies. Kook in soutwater tot net sag, nie pap nie; dreineer. Verwyder die skille van die ander en druk fyn. Voeg die appel, soetrissie, wortel, ui en seldery by die blokkies aartappel. Voeg die maaskaas, joghurt, mayonnaise, sout, peper en kerriepoeier by die fyn aartappel en meng goed deur. Voeg nou die twee mengsels bymekaar en roer dit met die steel van die houtlepel tot goed gemeng. Werk versigtig dat die blokkies aartappel nie stukkend geroer word nie. Skep in vormbak of broodpannetjie wat met kleefplastiek uitgevoer is en plaas in yskas om te stol. Keer uit op slaaibord en versier met stokkiestjips.

Print Friendly, PDF & Email