ROOI SLAPHAKSKEENTJIES:

Anna Eksteen

Bestanddele

Bestanddele
1.5kg dwerguitjies
150g gebleikte sultanas
125g wit suiker
250ml wit asyn
200ml water
125ml tamatiepasta
50ml sonneblomolie
2 ml sout
knippie rissiepeper

Metode
Skil die uitjies. Voeg die res van die bestanddele by en kook dit, aan die begin met die deksel op, maar later daarsonder, oor matige hitte totdat die uitjies sag en die sous dik is. Bottel die uitjies warm en verseël dit dadelik.

Advertisements
 

Rys noedel slaai

Niekie Rossouw

(Groot bak slaai)

Bestanddele
1 x 500mg Rys noedelslaai (By die pasta afdeling). By Shoprite and P & Pay
2 x eier gele. Ek gebruik dit nie regtig nie, Dit gee net kleur.
1 x teelepel mostert (poeier of smeer)
½ Koppie (125 ml) wit asyn
½ Koppie kookolie
¾ Koppie Mayonaise
2 medium groot wortels/1 blik sweet corn pitte
1 klein uie fyn gerasper
1 Blik pynappel ringe/verkieslik crushed pynappel
1 Blik kondensmelk

Metode
Kook solank die noedels
Meng al die bestandele saam terwyl die noedels kook.

MENG DIE NOEDELS SAAM
Maak hierdie resep die dag tevore al, want dan is dit baie lekkerder.
Hierdie slaai is lekker met braaivleis. Die mans is nogal lief hiervoor, omdat dit iets anders is. Dit hou vir 3 dae. Lekker met warm en koue kos.

 

Meermin se Aartappelslaai

Erika Vorster

Bestanddele
6 Medium aartappels
1 koppie suurroom
½ koppie mayonnaise
1 pakkie spek, gekap en bros gebraai
4 hardgekookte eiers – grof gekap as gaar is
1 klein ui – gekap
Spruituie – gekap
1 en ½ koppie gerasperde kaas (meng indien kan 2 kleure bv wit en geel cheddar – dit gee mooi kleur)
Sout en peper na smaak

Metode
Kook die aartappels (in skil) laat afkoel, skil af en sny in blokkies. Meng die suurroom, mayonnaise sout, peper, ui en spruituie. Meng die aartappels, eiers en die helfte van die spek in by die sous
Skep in opdienbak. Gooi die gerasperde kaas en ander helte van die spek oor en bedien

 

BROCCOLI SLAAI

Joey Hannekom
Bestanddele
2 broccoli koppe (ek gebruik hier 1 broccoli en een blomkool)
1 ui, fyn gekap
250 g spek stukkies (bits of bacon)
150 g Cheddar, in klein blokkies gesny

Sous:
250 ml mayonnaise of 125 ml ongegeurde joghurt en 125 m mayo
100 ml kondensmelk

Metode
Breek die broccoli in stukkies en spoel dit af. Sny in kleiner stukkies. Kook die broccoli + blomkool en ui in vinnig-kokende water vir 2 minute. Dreineer in ‘n vergiettes sodat al die water afloop. Braai die spek tot gaar en bros. Laat alles goed afkoel. Meng die broccoli met die spek, en meng die
kaasblokkies daarby in. Meng die mayonnaise en kondensmelk saam en roer dit deur die slaai. Verkoel voor opdiening.

Wenke
Ek gooi by my broccoli slaai ook neute by. Net voor ek dit opdien strooi ek een pakkie croutons oor. Gooi gerus paar rosyntjies, gevriesde ertjies en mielies by. 1 tl kerrie by die mayo en kondensmelksous is ook heerlik

Indien jy nie die mayonaise en kondensmelk sous wil maak nie, probeer die sous.

By die sous resep is dit wys om die slaai oornag te laat staan om “te trek” vir optimale geur
Sous
125ml wit asyn
250ml suiker
250ml olie of minder
15ml droe mostert
klits alles goed saam en gooi oor slaai

 

KONDENSMELK PIESANG SLAAI

Ingestuur deur Joey Hannkom

Bestanddele
6 Piesangs skyfies gesny
1 Blikkie fruit cocktail (sap afgegooi)
2 eetlepels mayonnaise (enige sort)
2 Eetl Kondensmelk
Klein bietjie suurlemoensap
MAAK NOU SO:
Sprinkel suurlemoensap oor gesnyde piesangs
Meng met fruit cocktail vrugte
Meng mayo en kondensmelk en gooi oor jou slaai Bedien dadelik
Heerlik saam met braaivleis!

 

KERRIE PERSKESLAAI

Ingestuur deur Joey Hannekom

1 groot ui, gekap
1 groen soetrissie, gekap ( dit kan ook uitgelos word )
20g (25 ml) botter of margarien
125 ml wit asyn
25 ml witsuiker
25 ml mielieblom
5 ml kerriepoeier
5 ml borrie
1 groot blik perskeskywe

Soteer die ui en die soet rissie in die botter of margarien. Meng die asyn, suiker, mielieblom, kerrie en borrie deeglik. Dreineer die perskeskywe. Meng die kerriemengsel met die stroop, giet dit oor die ui en kook tot dik.
Proe aan sous en voeg nog smaakmiddels by, indien nodig.
Laat afkoel. Snipper die perskeskywe in ‘n slaaibak. Giet die kerrie sous oor en meng liggies.

 

Butternut Slaai no 2

Bestanddele
1 Butternut, geskil en gerasper.
1 Pakkie pynappel jelly (net die poeier, nie aangemaak nie)
1 klein blikkie pynappel – die klein fyn stukkies

Metode
Meng alles. Verkoel en bedien.

Wenk
Resep van my niggie Wilna Grix gekry en hy is heerlik. Ek het voorheen dieselfde resep gebruik maar met blokkies Butternut. Maar hy moet oornag in die yskas staan en al die blokkies moet met die pynappel bedek wees, anders moet jy dit omdraai en weer laat staan vir die pampoen of sag te word.

 

Maak die vorige dag slaai (Day before salad)

Kropslaai

Spring onions

Seldery

Groenrissie

Baby Marrow – gerasper

Petit Pant ertjies

Mayonaise

Sout en peper

Parmesaankaas

Hargekookte eiers – gerasper

Pietersielie

 

Pak lae in bak

Sit Gladwrap (kleef plastiek) oor en bêre in die yskas

 

Kerrie Boontjie slaai

Deur Arina du Plessis

Kerrie Boontjie Slaai

Aangesien ’n mens die slaai kan bottel, gee ek ’n groot resep, wat genoeg is vir sowat 6 flesse van 500 ml elk.

■ Ongeveer 2 kg groenboontjies
■ 3 groot uie, redelik grof gekap
■ 750 ml wit druiweasyn
■ 750 ml suiker
■ 40 ml matige kerriepoeier
■ 15 ml borrie
■ 15 ml seesout
■ 110 ml mielieblom
■ 60 ml water

Maak die groenboontjies skoon en kerf redelik grof.
Sit die boontjies en uie saam in ’n mengbak en bedek met kookwater.
Laat staan vir 10 minute en gooi die water af.
Herhaal die proses nog een keer en dreineer goed.
Verhit die asyn en suiker saam tot kookpunt.

Meng die kerriepoeier, borrie, sout en mielieblom met die water tot ’n pasta.
Voeg ’n bietjie van die warm asynmengsel daarby en roer deur.
Giet alles terug in die kastrol en verhit tot kookpunt, terwyl jy roer.
Voeg die boontjie-en-uiemengsel by die kerriesous en prut stadig vir ’n paar minute tot die boontjies net-net gaar is.

Skep die slaai in gesteriliseerde flesse en verseël onmiddellik met gesteriliseerde deksels.
Laat afkoel en bêre op ’n koel, droë, donker plek.
As jy ’n fles boontjieslaai oopgemaak het, bêre daardie fles in die yskas.
Lewer ongeveer 3 liter slaai.

Met vergunning landbou.com

 

HOENDER EN AARTAPPELSLAAI

500g jong aartappeltjies, in dik skywe gesny
1 eetlepel balsamiese asyn
3 eetlepels olyfolie
100g baba spinasieblare
400g of vier gaar hoender borsies in skywe gesny
100g gehalveerde kersie tamaties

Kook die aartappel skywe in water tot sag, so 5 minute.
Giet water goed af en verbruin in 2 eetlepels olyfolie vir so 7 tot 8 minute in ‘n braaipan tot lekker goudbruin.
As al die skywe nie in pas nie, doen in twee sarsies.
Voeg die asyn, die oorblywende olie en spinasie blaartjies by tot hulle verwelk.
Dis sommer gou-gou.
Voeg dan hoender en tamatie by, roer deur, snipper ‘n paar grasuie daaroor en skep op