Ma se melktert

Bestanddele Kors
60ml suiker                                                                                          
60g margarien
1 eier, geklits                                                                                      
1ml sout
180ml koekmeelblom                                                                    
 8ml bakpoeier
60ml melk                                                                                          
Bestanddele Vulsel
1liter melk                                                                                            
60g margarien
250ml suiker                                                                                        
30ml mielieblom
30ml koekmeelblom                                                                        
2ml sout
4 eiers, geskei                                                                                    
3ml vanieljegeursel
fyn kaneel
Metode
Klop die suiker en margarien tot romerig en voeg die eier by. Meng goed. Sif die droë bestanddele saam en roer om die beurt met die melk by die suikermengsel. Verdeel die deeg in twee en skep in twee gesmeerde tertborde. Smeer die deeg egalig in die tertborde met ‘n slaplemmes. Voorverhit die oond tot 180°C. Berei die vulsel. Kook die melk en margarien oor lae hitte. Meng intussen die suiker, mielieblom, meelblom en sout met ‘n bietjie water tot ‘n pasta. Voeg die eiergele en vanieljegeursel by die pasta en meng goed. Voeg ‘n bietjie van die kookmelk by die meelmengsel en roer goed. Roer die meelmengsel by die melk in die kastrol. Roer aanhoudend tot die mengsel begin kook en dik word. Verwyder van die stoof. Klits die eierwitte styf en vou dit met ‘n metaallepel in. Verdeel die vulsel in twee en skep in die tertborde. Sprinkel ‘n bietjie fyn kaneel bo-oor. Bak ongeveer 20 minute.
Print Friendly, PDF & Email
(Visited 219 times, 1 visits today)
Advertisements

Leave a Reply

Your email address will not be published. Required fields are marked *