Koffie Varktjops

Hierdie resep is ook geplaas op www.boerekos.com

Dankie Sanet
Op versoek
 Moenie laat die koffie jou afskrik nie , die eindproduk vingerlek lekker…
 Bestanddele
 2 kg Varktjops
 Koekmeelblom met sout en peper gegeur
 Kookolie
 2 uie, in skywe gesny
 30 ml margarien
 30 ml kitskoffiepoeie­r
 250 ml kookwater
 250 ml asyn
 150 ml gouestroop
 10 ml Bisto
 Sout en peper
 Keep die Varktjops liggies aan spek kant
 Rol die Varktjops in die gegeurde koekmeelblom totdat hulle goed daarmee bedek is.
 Braai die Varktjops aan weerskante tot goudbruin in net genoeg olie om die bodem van die pan te bedek.
 Pak die Varktjops in ‘n groot oondkasserol.
 Braai die uie in die margarien tot sag.
 Los die koffiepoeier in die kookwater op en voeg dit by die uie saam met die asyn, gouestroop en Bisto wat met ‘n klein bietjie water aangemaak is.
 Geur dit met sout en peper en laat dit opkook; verdik die sous met ‘n bietjie mielieblom wat met koue water aangemaak is indien ‘n dikker sous verkies word.
 Gooi die koffiesous oor die Varktjops, bak op die middelste oondrak in ‘n voorverhitte oond (150 grade) vir ‘n half uur , of tot die Varktjops lekker sag is.
 Wanneer jy dit uit die oond haal, laat staan dit vir so 10 minute, dan gaan lê al die vet wat uit die Varktjops gebak het, bo-op, en kan dit maklik afgeskep word om net die lekker sousie oor te laat.
(Visited 1,197 times, 1 visits today)
Advertisements
 

Laat 'n boodskap

Jou e-posadres sal nie gepubliseer word nie. Verpligte velde word met * aangedui