Thaise hoenderhappies

Dié lekker happies se geur verbeter as dit vir ‘n dag in die yskas staan en smaak heerlik koud.

Bestanddele
4 hoenderborsies, fyn gekap
1 groen soetrissie, fyn gekap
3 knoffelhuisies, fyn gedruk
60 ml fyngekapte pietersielie
2 rooi brandrissies, ontpit en gekap
Sout, peper en speserye na smaak
1 ekstra-groot eier, geklits
75 ml vars witbroodkrummels
10 ml fyngerasperde suurlemoenskil
3 grasuie, geka
Koekmeelblom
Olie, vir braai

Metode
Verwerk hoender, soetrissie, knoffel, pietersielie, brandrissies, geurmiddels, eier, broodkrummels, suurlemoenskil en grasuie saam in ‘n voedselverwerker tot gemeng. (Moenie te lank meng nie, dit sal pap word.) Vorm bolletjies met meel bestrooide hande en druk effens plat. Braai in vlak olie tot goudbruin en deurgaar. Dreineer op kombuispapier en laat afkoel. Sit voor op roket met soet rissiesous. Lewer 18 happies.

Nota: Soetrissiesous is by alle supermarkte beskikbaar. Soek daarvoor by die blatjangs en souse.

Print Friendly, PDF & Email
(Visited 233 times, 1 visits today)
Advertisements

Leave a Reply

Your email address will not be published. Required fields are marked *