Lamsvleis-krokette met Aioli en Pesto

Bestanddele
2 lamskenkels
30 ml Willow Creek Koljandergegeurde olyfolie.
1 peer
500 ml Dewfresh Beesvleisaftreksel
130 ml gedroogde Bosbessies
500 ml droë rooiwyn

Vulsel:
250 ml suurroom (crème fraiche)
60 ml kruisementblare, fyn gekap
60 ml basiliekruidblare, fyn gekap
30 ml mosterdsaadjies
Sout en peper
700 ml kapokaartappels

Vir die diepbraai:
750 ml kookolie
2 Nulaid eiers, geklop
250 ml koekmeel
250 ml polenta

Metode:
Braai die lamskenkels bruin in die koljandergegeurde olyfolie. Gooi in ‘n pot saam met die res van die bestanddele en kook vir ongeveer 3 tot 4 uur, of tot die vleis maklik van die been afval. Vlok die vleis en plaas in ‘n mengbak. Gooi die vulselbestanddele by die lamsvleis. Meng goed. Druk die kapokaartappels fyn in jou hand en plaas ‘n bolletjie vleis daarin, vou toe en rol in netjiese balletjies. Rol die balletjies in die meel totdat dit goed bedek is. Skud die oortollige meel af en doop in die eiermengsel en daarna in die polenta. Diepbraai die balletjies vir ongeveer ‘n 1 minuut totdat dit bruin en krakerig is. Dreineer op ‘n papierhanddoek en bedien saam met Aioli-sous en Pesto.

Pesto
750 ml basiliekruidblare
½ suurlemoen se sap en skil
Sout en peper
250 ml canola olie
100 ml geroosterde dennepitte

Plaas al die bestanddele in ‘n versapper. Gooi suurlemoensap, sout en peper na smaak by en meng goed.

Aioli:
1 knoffeltoon
Sout en peper
½ suurlemoen se sap
2 eiergele
250 ml canola-olie

Gooi alles behalwe die olie in ‘n mengbak. Gebruik ‘n klitser gooi die olie bietjie vir bietjie by terwyl jy klits totdat die mengsel verdik en liggeel raak.

Print Friendly, PDF & Email
(Visited 148 times, 1 visits today)
Advertisements

Leave a Reply

Your email address will not be published. Required fields are marked *