Lemoen Hoender

MARINADE
500 ml (2 k) lemoensap
1 suurlemoen se skil, gerasper
60 ml (¼ k) sojasous
125 ml (½ k) sagte bruinsuiker
15 ml (1 e) heuning
1 rooi ui, in kwarte gesny
3 knoffelhuisies, gekneus
2 ml (½ t) tabascosous
15 ml (1 e) tiemieblare en/of basilie
3 ml (ruim ½ t) aangemaakte mosterd

HOENDER
1 heel hoender, opgebind
sout en vars gemaalde peper
1 lemoen, 2 suurlemoene, 3 lemmetjies, in wiggies en skywe gesny
’n paar heel knoffelhuisies, geskil
botter
’n paar tiemietakkies
’n bietjie hoenderaftreksel of water
natuurlike jogurt

Metpde
Meng al die bestanddele vir die marinadeen giet oor die hoender. Laat minstens ’n uur of verkieslik oornag staan sodat die geure lekker kan intrek.

Voorverhit die oond tot 200 °C. Plaas die hoender in ’n oondpan, borskant na bo. Geur van binne en buite-om met sout en peper. Plaas die gesnyde sitrusvrugte, knoffel en tiemietakkies rondom. Giet die marinade oor. Vryf botter oor die vel van die hoender en oondbraai 15 minute. Verlaag die oondtemperatuur tot 160 °C en oondbraai nog 1-1½ uur of tot die vleis sappig en gaar is. Smeer tussendeur met nog botter en bedruip et die marinade.

Paas die hoender op ’n dienbord n rangskik die sitrusstukke rondom. Voeg ’n bietjie hoenderaftreksel of water by die pansappe en laat goed kook op die stoof. Kook af tot ’n geurige sous. Roer ’n skeppie natuurlike jogurt by en sit voor saam met die hoender.

Sit voor met ’n vars groen slaai.

Print Friendly, PDF & Email
(Visited 2,331 times, 1 visits today)
Advertisements

Leave a Reply

Your email address will not be published. Required fields are marked *