VARKWORSIE-EN-RYSDIS

Ingestuur deur Lynette Muller

Bestanddele
560ml water
310ml rou witrys
5ml sout
10ml olie
25g gerookte varkworsies
1 groen soetrissie, gekap
1 rooi soetrissie, gekap
2 klein knoffelhuisies, fyn gedruk
215ml hoenderaftreksel
2ml vars gemaalde swartpeper
3 klein uitjies, baie dun gesny

Metode
Verhit 500ml van die water tot kookpunt en voeg die rys en sout by. Kook tot gaar, dreineer en stoom vir 10 minute. Hou eenkant. Terwyl die rys kook, verhit die olie in ‘n swaarboompot en braai die wors daarin tot goudbruin en gaar. Skep uit en laat effens afkoel. Sny dan in bytgrootte stukkies. Braai die soetrissies in dieselfde pot tot sag. Skep die wors terug, voeg die knoffel by en braai vir ‘n paar minute tot geurig. Voeg die aftreksel, swartpeper, uitjies en res van die water by en verhit tot kookpunt. Laat prut tot die vloeistof amper afgekook is en ‘n geurige sous in die pot vorm. Voeg die rys by en meng deur. Sit warm voor. Genoeg vir 6 mense.

Print Friendly, PDF & Email
(Visited 402 times, 1 visits today)
Advertisements

One thought on “VARKWORSIE-EN-RYSDIS”

  1. Goeie more Lynette. Moet die 25g gerookte varkworsies nie eerder 250g wees nie? Adviseer asb. Baie dankie.

Leave a Reply

Your email address will not be published. Required fields are marked *