KONFETTI FUDGE

Ingestuur deur Lynette Muller

Bestanddele
875 ml (740 g) suiker
125 g botter
1 blik kondensmelk
30 ml gouestroop
10 ml vanieljegeursel
silwer of pastelkleur koek-konfetti of gekleurde suikerkristalle

METODE:
Verhit die suiker en 250 ml water in ’n swaarboomkastrol oor lae hitte tot die suiker gesmelt het.
Voeg die botter, kondensmelk en gouestroop by. Verhit dit tot kookpunt en verlaag dan die hitte.
Laat die mengsel vir sowat 10 minute prut, en roer af en toe sodat dit nie aanbrand nie.
Laat dit dan vir nog 10 minute prut, maar roer die heeltyd tot die temperatuur 112 ˚C op ’n suikertermometer meet of tot dit die sagtebalstadium bereik (as jy ’n bietjie van die mengsel in yskoue water drup, vorm dit ’n sagte balletjie).
Haal dit van die plaat af en roer die vanieljegeursel by. Klop met ’n houtlepel tot dit begin verdik.
Gooi die fudge-mengsel in ’n gesmeerde en gevoerde vierkantige koekpan van 24 cm. Sprinkel pastelkleur konfetti of gekleurde suikerkristalle bo-oor en druk dit liggies vas. Laat stol en sny in 3 cm-blokkies.

Print Friendly, PDF & Email
(Visited 410 times, 1 visits today)
Advertisements

Leave a Reply

Your email address will not be published. Required fields are marked *