EEND MET LEMOEN:

Anna Eksteen

Bestanddele
2 kg jong eend
paprika
sout en peper na smaak

SOUS:
6 lemoene
1 suurlemoen
200ml droë witwyn
30ml bruinsuiker
1 hoenderekstrakblokkie
50ml tamatiesous
10ml mielieblom gemeng met ‘n bietjie water

Metode
Sny alle sigbare vet van vleis af. Geur met paprika, sout en peper. Braai vir sowat 90 minute by 180C. Bestryk gereeld tydens braaityd. Sny die skil van 2 lemoene in baie dun repies. Skil ook alle witskil af en sny huisies tussen vliesies uit. Plaas huisies eenkant. Druk sap uit orige lemoene en suurlemoen. Maak ‘n sous deur skil, lemoen-en suurlemoensap, wyn, suiker, hoenderekstrak blokkie en tamatiesous in ‘n kastrol te plaas en vir 10 minute te laat prut. Verdik met mielieblom. Voeg lemoenhuisies by en verhit. Verwyder die vel van die eend voor bediening en skep die sous bo-oor.

(Visited 183 times, 1 visits today)
Advertisements
 

Laat 'n boodskap

Jou e-posadres sal nie gepubliseer word nie. Verpligte velde word met * aangedui