Vleisrolletjies

Thea Eksteen

Bestanddele
2 Koppies Meel
500 g Margarien
1 t Sout
1 Eier
2 t Asyn of Suurlemoensap
4 e Koue Water
1 kg Fyngemaalde vleis (helfte bees & helfte Vark)

Metode Deeg
Meng deeg en margarien totdat gekrummel. Klits eiergeel, asyn en water. Meng eiermengsel met meel mengsel. Laat goed afkoel voor gebruik.

Metode Vleisrolletjies
Neem deeg en rol uit. Sny kante mooi gelyk. Neem vleis en geur na smaak. Vul versiersak of buis (met geen punt) en vul met vleis. Druk op deeg sodat dit ‘n wors vorm. Rol vleis toe. Sny oortollige deeg af. Sorg dat las onder lê. Sny in verlangde grootte. Smeer eier of melk oor. Sny skuins kepe oor. Sprinkel met braaivleis speserye oor. Bak tot gaar.

Advertisements
 

Vispastei

Liza Bosch

Bestanddele Pastei
1 blik Pilchards in Tamatiesous
¾ k Witsous (of Mayonnaise)
2 Uie, fyngekap
2 e Pietersielie
2 Eiers
2 e Asyn
Sout na smaak
Mespunt Rooipeper

Bestanddele Kors
2 k Fyngedrukte aartappels
4 e Botter
2 t Bakpoeier

Metode Vulsel
Gooi sous van vis af en meng al die bestanddele saam.

Metode Kors
Meng alles saam en voeg bakpoeier laaste by. Sit onder in tertbak, gooi vulsel in die kors en bak 1 uur by 180 °C.

 

Viskoekies (2)

Liza Bosch

Bestanddele
2 k fyn gaar vis
Sout & Peper
2 medium gaar Aartappels, fyngemaak – 1 koppie
12,5 ml Pietersielie
2 e gesmelte Margarien
1 Eier, geklits
12,5 ml Melk

Metode
Strooi sout en peper oor die vis, voeg die aartappels, pietersielie, margarien en eier by. Vorm plat, ronde koekies, rol dit in fyn, droë broodkrummels, dan in geklitste eier verdun met 12,5 ml melk en weer in krummels. Braai alkante bruin in diep olie.

 

Vis braai ~ Snoek

Dave Terblanche

Bestanddele Vis braai 1
½ k Olyfolie
1 t Gekapte Knoffel
1 e Suurlemoensap

Metode Vis braai 1
Vlek die vis oop. Maak die marinade aan en smeer oor vis ten minste een uur voor braai. Plaas vis met vel na onder op koel kole. Gedurende braai smeer nog marinade oor. Moet nie vis omdraai nie. Sodra die vleis wit is die vis gaar. Net voor jy die vis afhaal sout na smaak. Dien op met Growwe bruin brood en perske konfyt.

Metode Vis braai 2
Vlek vis oop. Vul vis met gekapte uie en tamaties. Drup ‘n paar druppels suurlemoensap op die tamaties en uie. Geur met sout en peper na smaak. Maak die vis toe en plaas in foelie. Plaas op kole en draai slegs een keer.

Metode Vis braai 3
Vlek die vis oop. Maak ‘n marinade met olyfolie en perske konfyt. Smeer oor vis ten minste een uur voor braai. Plaas vis met vel na onder op koel kole. Gedurende braai smeer nog marinade oor. Moet nie vis omdraai nie. Sodra die vleis wit is die vis gaar. Net voor jy die vis afhaal sout na smaak.

 

Vinnige Gemmerbier

Elsie

Bestanddele
1 Groot emmer met deksel
5¼ l louwarm water
10ml Jamaika Gemmer (Lennon’s se produk)
4½ k Suiker
10ml kitsgis
28 rosyne

Metode
Meng 10ml suiker en die 10ml kitsgis in 125ml louwarm water. Laat staan vir 10 – 20 minute (totdat dit begin gis). Voeg die suiker by die louwarm water in die emmer en roer ongeveer 3 minute (totdat suiker gesmelt het). Voeg die Jamaika Gemmer by suikerwater. Voeg die water-, suiker- en kitsgis mengsel (nadat dit begin gis het) by die suikerwater en roer baie goed. Voeg die rosyne by en roer weer deur. Plaas deksel op emmer en laat staan in die son om te gis. Persoonlik laat staan ek dit in die son van so ongeveer 10 uur in die oggend tot 2 uur in die middag. Dit is dan gereed, maar smaak verskil en dit kan langer in die son gelaat word om verder te gis. Onthou net om elke nou en dan die lug uit te laat, anders skiet die deksel af en jou gemmerbier is daarmee heen. Gooi die bier in houers en plaas in yskas om verdere gisting te voorkom.

Nota
Dit is ‘n heel eenvoudig resep en baie lekker. Ek moet egter erken toe ek die resep die eerste keer onder oë kry, was ek baie skepties. Hoe gebruik mens dan nou medisyne om gemmerbier mee te maak? Ek het dit egter probeer, en die resultate was verstommend. Selfs mense wat nie graag gemmerbier drink nie, het gesê dit is lekker.
Behalwe vir die suiker, is dit ook nie so duur om te maak nie. So, probeer dit gerus.

 

Vinnige Brood

Welkom High School

Bestanddele
1 Pakkie Bruismeel
1 Pakkie Bruin uie sop
3 Hande vol Gerasperde Cheddar Kaas
1 Houer Amasi (500 ml)

Metode
Meng alles goed saam. Hervul die leë Amasi houer met melk (500 ml). Voeg die melk by die deeg totdat die deeg loperig is. Plaas die deeg in ‘n broodpan. Bak teen 180° C vir 45 minute.

 

Vinnige Aandete

Bestanddele
4 Dik snye brood
1 Blikke Weense Worsies
3 Geklikste eiers
2 k Gerasperde kaas
2 k Melk
1 Pakkie Bacon
Pietersielie, sout, rooipeper en mosterd
Uie

Metode
Sny die bacon in stukkies. Voeg die uie by en braai. Krummel die brood en voeg warm melk oor en laat week. Voeg die geklitste eiers by en meng goed. Gooi alles in ‘n bak en bak in matige oond tot gestol en gaar.

 

Vetkoekies De Luxe

Bestanddele
1½ k Koekmeelblom
2 t Bakpoeier
½ t Sout
‘n Knypie Neutmuskaat
¼ t Kaneel
½ k Suiker
½ k Melk
1 e Olie
1 Eier
Olie vir diepbraai

Metode
Verhit die olie vir diepbraai. Sif die droë bestanddele saam. Klits die melk, olie en eiers saam. Voeg die droë bestanddele by die melkmengsel en meng goed. Drup lepels vol van die deeg mengsel in die olie. Braai ongeveer 3 tot 5 minute, tot goudbruin. Dreineer op papier handdoek.

Wenk
Suiker kan oor die vetkoekies gegooi word, indien verkies. Dit sal ook nie skade doen as jy kaneel suiker oorgooi nie. Een wenk wat hulle in die ou kookboeke gee is die lepel waarmee jy die deeg inskep, moet eers in die warm olie gedruk word. Dan moet ‘n skeppie deeg uitgeskep word en in die olie gegooi word. Die rede is natuurlik dan sal die deeg afgly van die lepel af.

 

Vetkoek (2)

Bestanddele
500 ml lou water
10 ml suiker
10 ml droë gis
250 ml (5 x) meelblom
10 ml sout
25 ml olie

Metode
Roer suiker in lou water en gooi gis by. Laat rys tot gis bo dryf. Sif meelblom en sout saam. Voeg olie by gis, meng met meelblom en knie goed. Laat rys vir 50 minute. Maak op in vetkoeke. Plaas op olie gesmeerde blad. Sit plastiek oor en laat weer vir 20 min rys. Bak in warm olie.

 

Unieke Worsrolletjies

Bestanddele
1 k Fyngemaakte gaar aartappel
½ k Gerasperde Kaas
100 ml Hawermout
Worcestersous na smaak
Sout en peper na smaak
Gekapte Pietersielie
5 Weense worsies in ¼ gesny
Olie vir diepbraai

Metode
Meng die aartappel, kaas, hawermout en pietersielie goed. Geur die mengsel met Worcestersous, sout en peper. Gebruik ‘n eetlepel vol van die mengsel, en vou ‘n stukkie worsie daarin toe. Fatsoeneer dit soos ‘n worsrolletjie. Bak vinnig in diep olie tot mooi bruin. Dreineer op kombuis papier. Lewer 20 happies.