BRUIN BESKUIT

(WATERTAND RESEPTE VIR OUD EN JONK)

Bestanddele
500gr bak margarien
2 koppies suiker
1kg Bruismeel
5 koppies semels
‘n groot handvol gemengde sade en neute
‘n groot handvol rosyntjies
2 koppies karringmelk
75ml olie

METODE:
Smelt botter en suiker saam in n glasbak. Ek smelt vir 7 minute in mikrogolf en roer na so 3 minute. Mikrogolf verder vir 4 min tot suiker gesmelt is. Gooi olie, karringmelk, sade, rosyntjies en semels in en roer. Gooi bruismeel in – meng goed en bak vir 35 minute op 180*C.

Print Friendly, PDF & Email
Advertisements
 

Klapper Biscotti, Ekstra groot

Biscotti is niks anders as die Italianers se weergawe van beskuit nie-
Ek maak graag hierdie klapper biscotti ekstra groot. sodat dit nie soos koekies lyk nie. maar soos ons beskuit ken.
Dis vinnig om te bak en baie vinniger om uit te droog as ons tradisionele beskuit, maar nét so lekker om in jou tee of koffie te doop!

• 150 8 sagte botter
• 250 ml witsuiker
• 10 ml vanieljegeursel
• 3 ekstra groot eiers
• 810 ml koekmeel
• 3 ml sout
• 15 ml bakpoeier
• 500 ml klapper

Voorverhit die oond tot 180C.
Voer twee bakplate met bakpapier uit en spuit liggies met kleefwerende kossproei.

Verroom die botter en suiker tot lig en romerig.
Voeg die vanieljegeursel en eiers by, en klits goed.
Voeg die res van die bestanddele by en meng tot ‘n hanteerbare deeg.
verdeel die deeg in twee ewe groot stukke en vorm elke stuk in ‘n oval vormige rol.
Sit elke rol op ‘n voorbereide bakplaat en bak vir 30 minute tot lig goudbruin.
Haal uit die oond en laat vir sowat 20 minute afkoel.
Sny elke stuk in snye van 1 cm dik, en pak die stukkies op dieselfde uitgevoerde bakplate. verlaag die oond temperatuur tot 150C en sit die bakplate terug in die oond.
Bak die biscotti vir nog 12 minute.
Draai elke stukkie om en sit dit weer in die oond vir nog 10-12 minute, tot goudbruin en bros.
Laat afkoel tot kamertemperatuur en bêre in ‘n lugdigte houer.

Lewer 24 ekstra groot biscotti

Bron en foto: Arina du Plessis
netwerk24.com/landbou

Print Friendly, PDF & Email
 

SUIKERVRYE DADELBESKUIT

Lynette Muller

Bestanddele
250 g (1 pakkie dadels), gesnipper
250 ml (1k) water
500 g koekmeel
500 g volkoringmeel
50 ml (10t) bakpoeier
10 ml (2t) kremetart
5 ml (1t) sout
400 g botter of margarien
6 Weetbix-ontbytstafies (sout- en suikervry), gekrummel
500 ml karringmelk
2 ekstra groot eiers, geklits

Metode
Voorverhit die oond tot 180°C en bespuit n vierkantige pan of oondpan van 24 x 24 cm met kleefwerende kossproei of smeer liggies met margarien.

Kook die dadels in die kookwater tot sag en fyn en laat effens afkoel. Meng die droë bestanddele en vryf die botter in tot die mengsel soos growwe mieliemeel lyk. Roer nou die Weetbix by.

Klits die karringmelk en eiers saam en voeg by die droë bestanddele saam met die dadels. Meng goed (voeg ‘n klein bietjie water by as die mengsel te droog is) en skep in die voorbereide pan. Bak 50 – 60 minute lank tot gaar en ligbruin.

Keer uit en laat heeltemal afkoel. Sny in stafies en droog vir ongeveer 3 uur lank uit teen 100°C.

Print Friendly, PDF & Email
 

Vlaskywe

Sanet Havenga

Bestanddele
1pk Cream Crackers
1l Melk
200g Suiker
50g botter
60g Koekmeel
50g Mielieblom
10ml Vlapoeier
2ml Sout
100ml Kouewater
3 Eiers geskei
5ml Vanieljegeursel
250g Versiersuiker gesif
40ml Kookwater

Metode
Smeer ‘n vlak bak. Pak die koekies onder in die bak.

Verhit melk in groot kastrol tot kookpunt. Voeg suiker en botter by en roer tot gesmelt is. Haal van stoof. Koekmeel, mielieblom, vlapoeier, sout en kouewater deeglik. Voeg eiergele by en klits goed. Klits melkmengsel geleidelik by vlamengsel. Gooi terug by res van die melk in groot kastrol. Roer aanhoudend oor lae hitte en laat kook vir 5 min tot dik. Haal van stoof en roer vanielje by. Klits eierwit styf. Vou witte liggies in. Gooi vlamengsel oor koekies. Pak ander koekis bo op mengsel. Laat goed afkoel.  Plaas in yskas en laat koud word. Meng die versiersuiker en kookwater tot smeerbaar. Gooi oor. Sny en geniet die vlaskywe.

Print Friendly, PDF & Email
 

MALTABELLA BESKUIT:

Anna Eksteen

Bestanddele
500ml Maltabella meel                                                   
750ml koekmeelblom
500ml semels
500ml suiker
2ml sout                                                                       
10ml bakpoeier
10ml kremetart                                                              
10ml koeksoda
250g margarien                                                             
750ml karringmelk

Metode
Voorverhit die oond tot 180C. Smeer twee panne met margarien. Meng al die droë bestanddele, insluitende die rysmiddels, in ‘n groot mengbak goed saam. Smelt die margarien. Laat effens afkoel en voeg die karringmelk by. Voeg by die droë bestanddele en meng deeglik deur. Skep in die voorbereide panne en bak sowat 60 minute lank of totdat die toetspen skoon uit die beskuit kom. Keer uit, en laat heeltemal afkoel. Sny in vingers en plaas op bakplate.  Droog uit by 100C.

Print Friendly, PDF & Email
 

Gesondheidsbeskuit – Mikrogolf resep

 

 

 

 

 

 

Lewer 104 beskuite
By die meeste van ons gaan dit dikwels soggens aan die ontbyttafel maar raap en skraap en is daar nie tyd vir ‘n ordentlike ontbyt nie.
Hou vir sulke dae hierdie growwe karringmelkbeskuit in voorraad. Saam met ‘n koppie boeretroos sal so ‘n beskuit jou tot middagete laat hou.

500 g botter of margarien
200 g (250 ml) sagte bruinsuiker
50 ml melasse
1 kg bruismeel
15 ml bakpoeier
2 ml sout
350 g (750 ml) muesli
300 g (6 x 250 ml) All-Bran semel vlokkies
100 g (200 ml) afgedopte sonneblomsaad
75 g (100 ml) pitlose rosyntjies
500 ml karringmelk
2 ekstra-groot eiers

Mikrogolf die botter of margarien, sagte bruinsuiker en melasse 3 minute saam in ‘n diep bak by 100% krag.
Roer dit goed en mikrogolf dit ‘n verdere minuut indien die botter of margarien nog nie gesmelt is nie.
Sif die bruismeel, bakpoeier en sout saam in ‘n groot skottel.
Voeg die muesli, semelvlokkies, sonneblomsaad en rosyntjies by en meng.
Voeg die suikermengsel by en meng dit liggies maar goed met die hande.
Klits die karringmelk en eiers saam, voeg dit by die meelmengsel en meng goed.
Voer die boom van ‘n ronde koek- of tertbak, 20 cm in deursnee en 5 cm diep, met ‘n ewe groot sirkel papierhanddoek uit.
Druk ‘n kwart van die beskuitdeeg (800 g) styf met ‘n spaan in die bak vas.
Plaas die bak op ‘n omgekeerde piering in die mikrogolfoond.
Mikrogolf die beskuit 5 minute by 70% krag en daarna 5 minute by 100% krag.
Draai dit elke 2de minuut as die mikrogolfoond nie ‘n draaitafel het nie.
Keer die gaar beskuit op ‘n draadrak uit, trek die papierhanddoek af en laat dit afkoel terwyl ‘n volgende kwart van die deeg op dieselfde manier gemikrogolf word.
Gaan so voort totdat al die deeg gaar is.
Sny die 4 ronde beskuit-“koeke” met ‘n broodmes in 8 snye van 2,5 cm elk.
Sny elke sny in lengtes van 5 cm elk.
Plaas die beskuite op ‘n draadrak en droog dit gewoonweg in ‘n louwarm konveksie-oond uit, of plaas ‘n kwart van die beskuite op ‘n skoon doek of papierhanddoek op die boom van die mikrogolfoond.
Mikrogolf dit 20 minute by 30% krag tot halfdroog.
Haal dit uit en doen dieselfde met ‘n volgende kwart.
Wanneer al die beskuite halfpad uitgedroog is, begin weer met die eerste kwart en mikrogolf dit ongeveer 20 minute by 20% krag tot droog.
(Wees tog net versigtig dat jy die beskuit nie te lank mikrogolf nie, want dit verbrand maklik binne-in terwyl dit van buite reg lyk.)
Herhaal met die volgende klomp en gaan op hierdie manier voort totdat al die beskuite gedroog is.
Laat dit goed afkoel en bewaar dit in ‘n digte houer.

Mikrogolf Wenners, Annette Human

Print Friendly, PDF & Email
 

Rentia se saamgooi karringmelk beskuit

Ek het letterlik koskaste leeg gemaak.
‘n Ggewone karringmelk beskuit resep geneem.
‘n Bbietjie muesli & Weetbix wat te min was vir n ontbyt.
Laaste klapper en sade en n dosie Tasty wheat.
‘n Teelepel kaneel ingesit en 2 tl vanilla saam met eiers geklop en toe 1 tl koeksoda en 1 tl bakpoeier ekstra bygevoeg.
Die geure uit die oond is heerlik.

 

Resep: Rentia van der Merwe

Print Friendly, PDF & Email
 

Ongebakte dadel balletjies

Beshonderhede
2 eetl botter
2 eiers
500g dadels (die blokke), fyngesny
6 k klapper
1 1/5 k suiker
4 k Rice Krispies

Metode
Sit dadels in kastrol op lae hitte – laat dit net sag word. Klits eiers, suiker en botter. Voeg by dadels en kook oor lae hitte – pasop vir brand! Voeg dan Rice Krispies en klapper by en meng goed.
Rol balletjies en rol dan in klapper.

Print Friendly, PDF & Email
 

Warm-uit-die-oond-sjokoladekoek


Bestanddele
750 ml meel
20 ml bakpoeier
500 ml strooisuiker
250 ml sagte margarien
250 ml melk
4 ekstra-groot eiers
75 ml kakao
125 ml water

Metode
Verhit oond tot 180°C. Smeer oondpan van 33 x 26cm. Sif meel en bakpoeier saam in groot mengbak. Voeg strooisuiker, margarien, melk en eiers by. Klits vir 5 minute met elektriese klitser tot goed gemeng.
Meng goed en giet in voorbereide pan. Bak ± 40 minute of tot gaar.

Versiersel:
500 g versiersuiker
50 ml margarien
50 ml kakao
75 ml kookwater

Metode
Sif versiersuiker en kakao saam.  Voeg margarien en kookwater by en meng tot margarien gesmelt het.  Giet oor warm koek.  Bedien louwarm.

Print Friendly, PDF & Email
 

Chocolate Brownies / Sjokolade Bruintjies

Annelien
Hierdie resep het ook ‘n storie.
Ek het ‘n Tuisnywerheid gehad en my sussie Maryke het vir my hierdie wonderlike sjokolade bruintjies gebak, aanvanklik het sy baie geskaaf en skuur aan die resep totdat sy op hierdie wenner uit gekom het.
‘n Amerikaanse dame het elke vrydag haar bestelling gemaak vir hierdie “Fugde Brownies”.
Ons kon net nie voorbly met die bak van hierdie lekkerny nie.
Dit is vir my ‘n baie beter alternatief om te gee by kinderpartytjies, dit is gesond en preserveermiddel vry.
Hoop julle gaan dit net so baie soos ons 2 sussies geniet!

KOEK
300 g botter of Rama of Stork bake
380 ml strooisuiker
400 g donker bak sjokolade
6 ekstra groot eiers
10 ml vanielje geursel
2 kop koekmeel – gesif
1 kop pekan neute – grof gekap

METODE
1. Voorverhit oond tot 180 ˚ C.
2.Voer ‘n bakplaat met waspapier uit en spuit met kos sproei.
‘n Lang werpige pyrex bak van so 19 x 30cm sal werk of 2 vierkantige koekpanne.
3.    Smelt botter, strooisuiker en sjokolade in kastrol oor lae hitte totdat die suiker opgelosis.
4.    Verwyder kastrol van hitte en klits eiers en vanielje geursel by.
5.    Voeg die koekmeel by en roer goed deur.
6.    Gooi neute by en roer deur.
7.    Gooi mengsel in bakplaat en bak vir 25 – 30 minute.
8.    Laat afkoel terwyl jy die fugde maak.

FUDGE BOLAAG
50 g botter
30 ml water
1/2
50 ml strooisuiker
250 ml versiersuiker – gesif en klonte fyn gedruk
30 ml kakao poeier

METODE
1.    Smelt botter, water en strooisuiker in ‘n kastrol totdat die suiker opgelos is.
2.    Sif versiersuiker en kakao saam.
3.    Klop die versiersuiker en kakao by die botter mengsel in.
4.    Smeer dadelik op die lou koek.
5.    Laat set en sny in skywe.

PORSIES: 20 repies afhangende van hoe jy kies om te sny.
BRON: Maryke Botha (Maai)    https://annelienpienaar.co.za

Print Friendly, PDF & Email