Olyfbrood Met Tamaties

Rohanja

Bestanddele
950ml koekmeelblom
10ml sout
1x10g pakkie kits droëgis
45ml olyfolie
280ml lou water
20ml vars roosmaryn, gekap
growwe sout
100g songedroogde tamaties in olyfolie

Metode
Voorverhit oond tot 230C. Dreineer tamaties in kap in stukkies. Sif meelblom en sout saam in warm mengbak en voeg gis by. Meng olyfolie met water. Voeg by meelmengsel en meng tot sagte deeg verkry word. Plaas op ‘n meelbestrooide oppervlak en knie vir 10 minute. Vorm tot ‘n bal, plaas in gesmeerde bak en bedek met kleef plastiek. Laat deeg rys tot dubbele volume-sowat 1 uur. Knie deeg af en voeg tamaties en roosmaryn by. Vorm deeg tot ovaal vorm. Plaas deeg op gesmeerde bakplaat, bedek met kleef plastiek en laat weer vir 45 minute op warm plek rys. Bestryk brood met water en strooi growwe sout oor. Bak vir 12 minute, verminder temperatuur tot 190C en bak vir nog 10-15 minute. Verwyder van bakplaat en laat afkoel.

Print Friendly, PDF & Email
Advertisements

Botterskorsie- Gesondheidsbrood

Rohanja

Bestanddele
125ml sonneblomsaad, gerooster                     
750ml volkoringmeel
5ml koeksoda                                                          
15ml bakpoeier
5ml sout                                                                   
250ml All-Bran-graanvlokkies
250ml gerasperde rou botterskorsie                
45ml heuning
1 ekstra groot eier, geklop
500ml karringmelk
125ml water

Metode
Meng die sonneblomsaad, meel, koeksoda, bakpoeier, sout, graanvlokkies en botterskorsie saam. Klop die heuning, eier, karringmelk en water saam en voeg by die droë bestanddele. Meng goed om ‘n taaierige brooddeeg te vorm. Skep in ‘n groot voorbereide brood pan. Bak in ‘n voorverhitte oond by 180C vir ongeveer 1 uur.

Print Friendly, PDF & Email

Polenta Broodjie

Rohanja

Bestanddele
500ml polenta
250ml koekmeelblom
2.5ml sout
5ml bakpoeier
2 eiers, geklits
125g botter, gesmelt
50ml heuning
250ml karringmelk
papawersaad om oor te sprinkel

Metode
Voorverhit die oond tot 200C. Voer ‘n brood pan uit met papier en smeer. Meng die droë bestanddele. Voeg eiers, botter, heuning en karringmelk by en roer tot net gemeng. Skep in brood pan en sprinkel papawersaad oor. Bak vir 35 minute. Keer uit en laat afkoel.

Print Friendly, PDF & Email

Idees vir Jaffels

Lynette Muller

Maak kapokaartappels gegeur met botter, sout en peper na smaak (effens styf) en meng gerasperde kaas daarby. Skep in
snackwichmaker en braai tot goudbruin. Dit is heerlik saam met braaivleis en vertoon baie mooi.

Braai wors en blokkies aartappels met uie tot gaar. (oorskiet kos van vorige aand?) Sny wors in blokkies en meng weer saam met uie en aartappel mengsel. Maak sous van Bisto of soppoeier. Skep lepelsvol op broodjie en plaas in jaffle/snackwich masjien.

Meng tuna met uie, agurkies, groen rissie en mayonnaise.

Neem gaar vleis (bees/lam, enige oorskiet vleis). Sny in blokkies en braai in pan saam met uie, groen rissie. Roer bietjie kerrie en borrie na smaak by.

Kook gemengde groente tot sag (blomkool, broccoli, worteltjies, ertjies, mielies) Braai saam met uie, sampioene en green pepper.
Maak sous bietjie dik met Maizena

Print Friendly, PDF & Email

Aartappel Gesondheids Broodjie

Rohanja

Bestanddele
250ml aartappels, fyn gedruk
525ml volgraanmeel
250ml koekmeel
7ml koeksoda
5ml sout
10ml bruinsuiker
500ml ongegeurde lae vet jogurt

Metode
Voorverhit oond tot 180C. Meng die droë bestanddele saam. Vryf die aartappels met die vingerpunte in die droë bestanddele in. Meng die jogurt met die mengsel. Plaas die deeg in ‘n gesmeerde broodpannetjie van 220mm x 100mm. Bak vir 1 uur en 15 minute.

Print Friendly, PDF & Email

Maklik en Vinnige Piesangbrood

Lynette Muller

Bestanddele
6 Ryp piesangs
500 g Bruismeel
1 Blikkie (400 ml) klapperroom

Metode:
Maak die piesangs fyn in jou mengbak. Roer die meel by. Roer die klapperroom by. Smeer jou oondpannetjie. Bak teen 180°C vir 60 minute.

Opsioneel:
Jy kan n klein bietjie (5ml) fyn kaneel by die broodjie inroer. Dit gee dit net n dieper smaak. En moet nie die knippie sout vergeet nie!
Die 3 bestanddele piesangbrood resep kom handig te pas as die geldjies bietjie aan die nou kant is en jy lus is vir ‘n piesangbroodjie.

Print Friendly, PDF & Email

KORINGROERBROOD:

Anna Eksteen

Bestanddele
5 x 250 ml gaar koringkorrels
6 x 250 ml bruinbroodmeel
2 x 10 g kitssuurdeeg
25 ml sout
60 ml bruinsuiker    
125 ml kookolie
1 liter louwarm water

Metode
Meng die koringkorrels, bruinbroodmeel, suurdeeg en sout in´n mengbak. Plaas die suiker, olie en water in ´n ander mengbak en roer tot goed gemeng. Voeg dié mengsel by die droë bestanddele en roer goed deur. Skep die deeg in twee gesmeerde broodpannetjies Laat op ´n warm plek rys tot gelyk met die borand van pan. (Dit duur sowat ´n halfuur; die brood rys ook terwyl dit bak.) Stel intussen die oond op 200C. Wanneer die deeg gereed is, bak sowat een uur tot gaar in die voorverhitte oond. Die brood is gaar as ´n mens ´n hol klank kry wanneer jy dit onder met die kneukels klop.

 

 

Print Friendly, PDF & Email

Grondboontjiebotter Broodjie

Rohanja

Bestanddele
500ml gesifte meel
125ml suiker
10ml bakpoeier
5ml sout
187ml grondboontjiebotter
1 eier (goed geklits)
187-250ml melk

Mtode
Sif die droë bestanddele en die suiker saam. Werk die grondboontjiebotter met ‘n vurk daarin. Voeg die eier by en meng dit verder met die vurk. Voeg die melk by, meng dit goed en gooi dit in ‘n gesmeerde broodpannetjie. Bak dit 50-60 minute lank in ‘n matige oond by 180C. Dien op met botter gesmeer.

Print Friendly, PDF & Email

Tropiese Piesangbrood

Rohanja

Bestanddele
250ml rosyne
425g pynappelstukkies, sonder sap
45ml lemoensap
125g botter
125ml bruinsuiker
1 eier, geklits
500ml fyngedrukte piesangs
500ml bruismeel
2ml sout
5ml gemengde speserye

Metodee
Voorverhit die oond tot 180C. Meng die rosyne, pynappel en lemoensap in afsonderlike bak. Klits die botter en suiker saam tot liggeel en donserig. Voeg dan die eier en fyn gemaakte piesang by. Sif die meel, sout en gemengde speserye. Voeg die piesang mengsel by en meng dan die geweekte rosyne en pynappel by. Plaas in ‘n gesmeerde broodpannetjie en bak vir 1uur 15 minute of tot goudbruin en gaar. Laat afkoel.

Print Friendly, PDF & Email

BROODSLAAI

Lynette Muller

Bestanddele
1 brood (korsie loos) in blokkies gesny
6 eiers (fyngedruk met vurk)
6 eet lp asyn
6 eet lp suiker
1 eet lp mostert poeier
500 ml mayonnaise
blokkies kaas
gurkins in skyfies gesny

Metode.
Braai brood blokkies in diep olie en hou eenkant
Meng eiers, asyn, suiker en mostert poeier saam oor lae hitte – roer gereëld sodat nie aanbrand
Haal af van hitte voeg mayonnaise by
Meng brood en sous 1 uur voor opdiening, voeg kaas en gurkins by

Print Friendly, PDF & Email