Peanut Butter Cookie Recipe

Lynette Muller

Ingredients and Method
Preheat the oven to 180 degrees. In a large mixing bowl, stir together 1 cup creamy peanut butter, 1 cup sugar, and 1 egg until smooth. Scoop the dough onto a lined baking sheet. (Roll doug into balls with your hands, if you do not have a scoop.) Press down with the back of a fork and then press again from the opposite direction, to form the criss-cross pattern on top.
Bake for 12 minutes and then let cool on the tray for 1-2 minutes before removing to a wire rack to finish cooling. Store in an airtight container.

Print Friendly, PDF & Email
Advertisements

HAWERMOUT KOEKIES MET KAKAO EN KLAPPER

Lynette Muller

Bestanddele
125 gr margarien
500ml suiker
125ml kakao
125ml melk
750ml oats
250ml klapper
2.5ml vaniljie

Metode
Meng die margarien, suiker, kakao en melk saam in ‘n kastrol. Laat kook vir 5 minute. Meng die hawermout, klapper en vanilla hierby in en roer tot goed gemeng. Skep lepelsvol van die mengsel op bakplate en laat afkoel.

Print Friendly, PDF & Email

CAVACAS ~ Portugese Koekies

Bestanddele
1 koppie eiers
1 koppie koekmeel
1 koppie kookolie

Metode: Koekies
Meng alles met die klitser vir ongeveer 10 minute. Dit het baie lug nodig om te rys. Skep in muffin pannetjies. Bak in oond teen 230 grade Celsuis vir so 8 – 10 minute, net tot ligbruin.

Bestanddele Bolaag
1 koppie versiersuiker
3/4 koppie suurlemoensap (min of meer)

Metode
Meng gesifte versiersuiker met suurlemoensap. Dit moet dikkerig wees, maar steeds van jou lepel af drup. Bedruip die cavacas met die mengsel sodra dit uit die oond kom. Jy sal sien hulle begin in die middel induik. Dit is dan perfek.

Print Friendly, PDF & Email

Gemmer-Brosbroodvormpies

Lynette Muller

Bereidingstyd: 30 minute
Baktyd: 10–15 minute
Oondtemperatuur: 180 °C

Bestanddele
270 ml (250 g) botter by kamertemperatuur.
220 ml (125 g) versiersuiker, gesif
375 g (780 ml) koekmeel
3 ml elk fyn gemmer, kaneel en gemengde speserye
2 stukke verglansde gemmer, fyn gekap
1 eiergeel

Metode
Room die botter en versiersuiker saam tot lig en donsig. Roer die res van die bestanddele by en vorm die deeg in ’n plat skyf. Maak dit toe in kleefplastiek en laat rus vir 20 minute in die yskas.

Rol die deeg op ’n meelbestrooide oppervlak uit tot sowat 5 mm dik. Gebruik koekiedrukkers en druk koekies daarmee uit. Pak die koekies op bakplate wat met bakpapier uitgevoer is en laat rus dit vir nog 10 minute in die yskas – onthou die gaatjie as jy die koekies aan jou Kersboom wil ophang. Bak die koekies in ’n voorverhitte oondvir sowat 10 minute of tot dit net begin verkleur. Laat afkoel op draadrakkies.

As jy die koekies wil versier
Meng 1 eierwit en sowat 250 ml gesifte versiersuiker tot ’n dik, smeerbare mengsel. Kleur dit met voedselkleursel as jy wil. Gebruik ’n spuitsak om die koekies te versier.

Print Friendly, PDF & Email

SOETKOEKIES SONDER EIERS

Lynette Muller

Bestanddele
500ml suiker.
10ml Koeksoda
250ml melk
250ml varkvet
6x250ml meelblom
7,5ml sout

Metode
Kook die suiker melk saam Laat afkoel Vryf die varkvet in meel sout in Meng dt met di afgekoelde melkmengsel. Rol dun uit druk af plaas op n bakplaat en bak 180C vir 15min

Print Friendly, PDF & Email

KOFFIE KOEKIES

Anna Eksteen

Bestanddele
750ml botter 
250ml suiker
25ml stroop
25ml koffie ekstrak
5ml vanilla    
60ml melk
5ml koeksada   
5 koppies koekmeel
½ teelepel sout

Metode Koekies
Klop botter en suiker goed. Meng melk en koeksoda.Meng alles met koekmeel en knie. Gebruik vleismeule of koekiedrukker en sny koekies. Bak ± 20 minute by 180C.

Vulsel
250ml suiker     
125ml melk
250ml botter
5ml vanilla

Metode Vulsel
Kook alles saam vir 5 minute. Klop tot koud en styf. Skep in gaar koekies en sit op mekaar.

Print Friendly, PDF & Email

GEMMERKOEKIES:

Anna Eksteen

Bestanddele
125 ml botter                                                                
125 ml gouestroop
1 eier
750 ml koekmeelblom
250 ml suiker
15 ml gemmer
5 ml koeksoda
2 ml sout
35 ml melk

Metode
Voorverhit die oond tot 180C en smeer ‘n bakplaat. Smelt die botter en roer die gouestroop by. Laat afkoel. Klits die eier by. Sif die droë bestanddele saam en roer dit afwisselend met die melk in die stroop-mengsel. Verkoel deeglik in die yskas tot dit styf genoeg is om te vorm. Maak balletjies en sit dit op die bakplaat. Druk dit effens plat met ‘n vurk. Bak vir ongeveer 10 minute tot lig-bruin.

Print Friendly, PDF & Email

KONFYTSKYWE

Lynette Muller

Bestanddele
500ml koekmeel
15 ml bakpoeier
1 ml sout
125 g botter/margarine
25 ml kookolie
100 ml suiker
1 ekstra groot eier
Appelkoos of enige ander konfyt

METODE:
Sif die koekmeelblom, bakpoeier en sout saam. Verroom die botter, kookolie , suiker en eier saam. Voeg die meelmengsel by die eiermengsel en meng tot ‘n deeg vorm. Druk twee derdes van die deeg taamlik dun met die vingers op die boom van ‘n oondbak met ‘n volume van ongeveer 2 liter. Smeer appelkooskonfyt oor die deeg. Rasper oorblywende deeg grof bo-op. Bak totdat die deeg begin verbruin op die middelste oondrak by 180 C. Bak vir + – 20 min. Sny in blokke sodra dit afgekoel het.

Print Friendly, PDF & Email

Dadelwieletjies

Okkie Jansen Van Rensburg

Bestanddele Vulsel
1 pakkie (250g) dadels, gekap
½ koppie (125ml) rosyntjies
150ml water
1 eetlepel (15ml) brandewyn
1 pakkie (100g) gevlokte amandels, gekap

Bestanddele Deeg
2 koppies (500ml) koekmeel
1 teelepel (5ml) koeksoda
2 teelepels (10ml) kremetart
½ teelepel (2,5ml) kaneel
knypie sout
knypie gemengde speserye
¾ koppie (187ml) strooisuiker
½ koppie (125ml) olie
1 koppie (250ml) water

Stel oond op 180 ºC.

Metode Vulsel
Kook dadels en rosyntjies in water vir 2 minute in mikrogolfoond. Roer brandewyn en amandels by en laat eenkant om af te koel.

Metode Deeg
Sif al die bestanddele behalwe suiker, olie en water saam. Roer suiker by gesifte bestanddele. Roer olie en water bymekaar en roer by gesifte bestanddele. Vorm deeg en rol tot redelik dun op ‘n meelbestrooide oppervlak in reghoek van ongeveer 50 cm x 30 cm uit. Smeer vulsel op uitgerolde deeg en rol in breedte op soos ‘n rolkoek. Draai deegrol toe met kleefplastiek en plaas in yskas vir 5 ure. Sny deeg in 1 cm- skyfies, plaas op gesmeerde bakplaat en bak vir 12 minute of tot goudbruin. Lewer ongeveer 60 koekies

Print Friendly, PDF & Email