Mieliegereg

Lynette Muller

Bestanddele
4 eetlepels botter
4 eetlepels suiker
4 eiers
3 eetlepels mazena
2 teelepels aromat
1 1/2 k melk
2 blikkies sweet corn

Metode:
Klits botter, suiker, eiers tot room. Voeg droe bestanddele saam, meng melk en aromat en voeg by.
Voeg mielies by. Bak tot gaar in mattige oond.

NOTA:
Maak die resep gerus dubbel aan.

Print Friendly, PDF & Email
Advertisements
 

Aspersie Tert

Woumarie

Bestanddele
30 ml (2 e) koekmeelblom
30 ml (2e) botter of margarine
2,5 ml (1/2 t) sout
1 ml (1/4 t) rooipeper
250 ml (1 kop) Melk of mengsel van melk en aspersiewater
2 eiers, geskei
250 ml (1 kop) gerasperde Cheddarkaas
15 ml (1e) gekapte ui
15 ml (1 e) botter of margarine
1 blik (410g) aspersies

Metode
Voorverhit die oond tot 200°C. Voer ‘n tertbord uit met die deeg. Maak witsous van die koekmeelblom, botter, sout, rooipeper en vloeistof.
Voeg geklitste eiergele en kaas daarby. Meng goed. Braai ui goudbruin in 15 ml (1 e) botter en voeg by. Sny aspersies in stukkies en roer in mengsel. Klits eierwitte styf en vou in. Giet mengsel in tertkors. Bak 20 tot 30 minute lank en verminder hitte na die eerste 10 minute tot 180°C.

Print Friendly, PDF & Email
 

MURGPAMPOENTJIE TERT

Woumarie

Bestanddele
4 porsies
1 vel blaardeeg
100 g gladde maaskaas
80 g pecorino-kaas, fyngerasper
4 groot murgpam-poentjies, in skyfies gesny
1 knoffelhuisie, fyngekap
30 ml olyfolie
sout en varsgemaalde swartpeper na smaak

METODE:
Verhit oond tot 200 °C. Sit blaardeeg op ’n uitgevoerde bakplaat. Vou rante van deeg so 2 cm na binne. Smeer maaskaas oor deeg. Sprinkel helfte van pecorino-kaas oor. Meng murgpampoentjies, knoffel en olyfolie in ’n bak. Geur met sout en swartpeper. Rangskik murgpampoentjie-skyfies bo-op maaskaas en sprinkel res van pecorino oor. Bak vir 45 minute totdat deeg gaar is. Sit warm voor

Print Friendly, PDF & Email
 

Aspersietert

Rohanja

Maak wit sous van:
1 e. meel/ bruismeel                                             
1 e. margarien
½ t. sout                                                                   
1 kp. melk

Laat afkoel en voeg by:
1 kp. Cheddar kaas                                                
1 klein blikkie aspersies
2 geklitste eiergele                                                
sout en peper
1 gekapte ui                                                            
1e. pietersielie

Voeg laaste styfgeklitste eierwitte by. Bak 20 – 30 min. by 180°. Maak tert meer met ekstra lepel meel en koppie melk.

Print Friendly, PDF & Email
 

Ham En Kaas Pastei

Rohanja

Skilferkorsdeeg
As jy individuele pasteitjies wil maak, sny sirkles uit, plaas vulsel op eenkant, vou toe en seël die kante.

Deeg:
4 kp meelblom
4 tl bakpoeier
1 tl sout
250 g botter
Yswater

Metode deeg
Vryf smeer in droe bestanddele in, meng met yswater tot hanteerbare deeg. Rol DUN uit !!!

Vulsel:
Neem stuk ham en sny in klein blokkies. Ek het so 3 repies rou spek in stukkies gesnipper en ook so ‘n kwart ui – fyn gekap. Maak nou ‘n DIK kaassous. Die sous moet nie loperig wees nie anders bak dit uit die pastei uit.

Ek maak so:
Het 1 en half koppie koue melk in houer gegooi, so 2 hoog opgehoopte eetlepels meel ingegooi en met my whisk gemeng. Mikrogolf vir so 5 min. Whisk gereeld om klonte te voorkom. Jy gaan nou sien dit is so dik taai mengsel. Rasper klomp kaas in (ek het nie die kaas verder gesmelt nie, dit was nog stukkies kaas – roer die kaas net deur) sout en peper en so 1tl botter. Voeg die ham mengsel in en roer deur. Rol deeg uit, sit mengsel op eenkant van die deeg, sprinkle bietjie spruit uie oor, rol toe, seël kante en smeer mayonnaise oor. Ek het so bietjie pietersielie oorgesprinkel vir versiering. Bak in voorverhitte oond vir so 40 na 45 min tot goudbruin.

Print Friendly, PDF & Email
 

SOUTTERT

Rika Theron

KORS:
Klop 2 teelepels olie en 125 g botter saam. 
Klits eier hierby en klits baie goed saam. 
Sif 2 k meel, 2 t bakpoeier en 1/4 t sout by en meng goed. 
Druk sagte deeg in ‘n tertpan uit. 
Bak in matige oond tot net gaar. 
Skep vulsel in en plaas terug in oond sodat vulsel kan gaar word.  

VULSEL:
Smelt 2 1/2 e botter in ‘n kastrol en roer 2 e meel, knypie rooipeper en 1/4 t sout in. 
Meng goed en roer ‘n groot blik Idealmelk bietjie-bietjie by. 
Haal van stoof af en klits goed. 
Plaas terug en laat net opkook. 
Laat afkoel en roer 2 geklitste eiergele in.
Rasper in ‘n bak die volgende: 
2 Weense worsies,
1 k Cheddarkaas,
3 repe spekvleis,
1/2 k polonie,
1 klein ui en pieterselie. 
Voeg hierdie mengsel by sous en vou in. 
Vou styfgeklopte eierwitte in. 
Skep in gaar kors en bak in matige oond (180°C) net tot vulsel gestol het.

Print Friendly, PDF & Email
 

BULLYBEEF SOUTTERT

Lynette Muller

Bestanddele
1 blik bullybeef
1 kop melk
3 eiers
2 eetl meel
1 en half tl droee pietersielie
1 tl mosterd
sout en peper

Metode
Meng alles en gooi in platbak
Rasper lekker baie kaas bo-oor en bak tot gaar 180grade – ongeveer 30 minute
Indien julle nie van die bullybeef hou nie, vervang dit met so 2 kop blokkies kouevleis, weense worsies in ringetjies gesny, blikkie tuna, 2 kop gaar maalvleis of gevlokte hoender

Jy kan dit bietjie aanpas:
1 gekapte ui, 1 koppie blokkies ham, 1 tl bakpoeier en ook 1 ekstra eier. Jy kan selfs so ‘n halwe blikkie pitmielies ingooi by die beslag en ‘n paar stukkies groen, rooi en geel soetrissies gekap

Print Friendly, PDF & Email
 

Feta and tomato quiche

Ilana

Quiches remain so quick and easy to prepare. The base of this recipe has always been a favourite.

Makes 1 quiche
COOKING

BASE
250 ml (140 g) Snowflake Cake Wheat Flour
250 ml (100 g) grated Cheddar cheese
100 g butter or margarine
30 ml chopped fresh mixed herbs or 10 ml dried FILLING
30 ml olive oil
1 medium onion, coarsely chopped
1 clove garlic, crushed
125 g cherry tomatoes, halved
125 g feta cheese, crumbled
2 extra-large eggs
200 ml milk or fresh cream
10 ml sugar
30 ml chopped fresh mixed herbs or
10 ml dried salt and freshly ground black pepper to taste

Method
1. Base: Combine flour, cheese, butter and herbs and mix to a soft, sticky dough or mix in a food processor. Press dough onto base and against sides of a greased 23 cm ovenproof tart or quiche dish. Place in refrigerator for about 15 minutes until firm.
2. Filling: Heat oil in medium, heavy-based frying pan. Add onion and garlic and sauté for a few minutes until soft. Remove from heat and leave to cool slightly.
3. Spoon onion mixture onto pastry base, then layer with tomatoes and feta cheese.
4. Whisk eggs, milk, sugar, herbs and seasoning together. Pour over filling. Bake in a preheated oven at 160 °C for about 45 minutes, or until set and light brown.

TIP
• The difference between a quiche and a savoury tart is that quiches have a savoury egg custard mixture as a filling, whereas savoury tarts may use a starch, such as cornflour or flour, with or without an egg, to bind the mixture.

Print Friendly, PDF & Email
 

Korslose souttert

Ilana

Bestanddele
30 ml olie
1 ui, gekap
125 g sampioene, gesnipper
125 g gerookte ham, gesnipper
250 ml gerasperde cheddarkaas
1 wiel fetakaas, gekrummel
30 ml fyngekapte pietersielie
80 ml bruismeel
Sout en swartpeper na smaak
4 eiers, geklits
375 ml melk

Bestanddele
Voorverhit die oond tot 190 grade C en smeer ’n middelslag-tertbord. Verhit die olie en braai die uie en sampioene tot gaar. Laat effens afkoel en roer die kouevleis, kase en pietersielie by. Sprinkel die meel, sout en peper oor en roer deur. Klits die eiers en melk saam en voeg by. Roer tot goed gemeng. Giet egalig in die voorbereide oondbak en bak vir ongeveer 30 minute, tot die tert ferm en goudbruin is. Laat effens afkoel en sit voor met ’n mengelslaai. Lewer agt porsies.

Print Friendly, PDF & Email
 

Warm Aartappel tert

4 groot gaar aartappels
1 koppie fyn spinasie (rou)
1/2 koppie gekapte sampioene
2 eiers
1/2 koppie melk
1/2 koppie room
vars pietersielie, gekap
Sout en peper na smaak
2 eetlepels parmesaankaas (opsioneel)
1 koppie gerasperde cheddarkaas

Voorverhit oond tot 180C en smeer oondvaste tertbak
Maak aartappels fyn en men met die spinasie en sampioene.
Klits eiers met melk en voeg by aartappel mengsel
Voeg die res van die bestanddele, behalwe die cheddarkaas, by en meng goed.
Skep in tertbak, strooi cheddarkaas oor en bak vir 20 min of tot ligbruin
Skep lepels vol op borde en bedien.
Kan ook as bykos by meer formele etes bedien word.
Vir ‘n ligte aand ete kan die spinasie deur tuna en skywe tamatie vervang word.

Print Friendly, PDF & Email