AARTAPPEL EN CHEDDAR ROLLETJIES

4 groot aartappels, geskil
300 g sterk cheddarkaas, gerasper
2 eiers, geklits
60 ml gekapte pietersielie
knippie rooipeper, of na smaak
sout en varsgemaalde swartpeper na smaak
6 velle filodeeg
sowat 50 ml gesmelte botter
sowat 150 ml olyfolie
30 ml gekapte pietersielie

Kook aartappels tot sag. Druk fyn met ‘n vurk.
Daar kan nog stukke in wees.
Voeg kaas, eiers en pietersielie by
Geur met rooipeper, sout en peper.
Plaas een vel filodeeg op jou werkoppervlak. Smeer met gesmelte botter.
Plaas ‘n tweede vel deeg bo-op.
Smeer weer met gesmelte botter.
Herhaal met ‘n derde vel.
Skep van die aartappelvulsel sowat 5cm van onderkant van deeg in ‘n lang wors.
Vou deeg oor vulsel. Vou kante weerskante oor vulsel en rol op
. Herhaal met die res.
Maak toe met kleefplastiek en laat koud word in yskas. Sny koue rol in skywe van sowat 3cm.
Verhit olyfolie in pan en braai sirkels weerskante vir sowat 3minute.
Dreineer op kombuispapier.
Sprinkel gekapte pietersielie oor en sit warm voor.

(Uit Anna Eksteen se E-RESEPTE BOEK: VIR DIE SOETTAND!)

Print Friendly, PDF & Email
Advertisements
 

Katima Molilo

Katima Molilo

Met my uitgebreide kennis van radio’s en radio prosedures was ek gelukkig gewees om oor geplaas te word na die OPS Kamer toe. In die ops kamer het ons al die radio boodskappe ontvang en
geliasseer in verkillende kategorie en afdelings.

In die oggende is daar vergadering gehou deur die offisiere en waar die leërs en inligting nagegaan is. Dit is nou maar net in ʼn neutedop wat hier aangegaan het. Ons regiment was uitgeplaas en so hier en daar in Katima was van ons mense gewees. So ek was maar alleen in die vreemde see van die basis gewees.

Nou ʼn ander ding. Ek het sommer so van die begin af gesê of gevolunteer om in die aande te werk. Aandskof het sewe uur in die aand begin en sewe uur in die oggend opgehou. Dit was lekker.
Daar was altyd twee mense op diens gewees deur die nag. ʼn Offisier en natuurlik ek. Die radio kamer waarvan ons die berigte gekry het, was in ʼn aparte kamer reg langs ons groot kantoor gewees.

Ons het in die aande geëet en dan eers weer ontbyt in die oggende. Daarna het ons gaan stort en gaan slaap. Baie keer het ons deur die middagetes geslaap. In die aande so teen 12 uur word mens
lekker honger. In so groot basis soos Katima werk die kokke dag en nag. Een aand vra ek die luitenant of ek kan kombuis toe.

Daar aangekom verduidelik ek aan die kokke wat nou eindelik ons probleem is. Hulle kyk my so aan en se ok ek kan vat net wat ek wil en self gaarmaak, want hulle het nie lus om vir ons kos te maak
nie. So gesê so gedaan. Dit was lekker om in so ʼn kombuis te werk. Een aand is dit fillet gebraai in botter, of die ander aand is dit T-bones met chips. Partykeer toebroodjies. So het ek aangegaan. Elke aand twaalf uur het ek ingeklok in die kombuis en so rukkie later het ek en die luitenant heerlik geëet.

In enige basis is daar drie menasies. Een vir offisiere, een vir onderoffisiere en een vir die troepe. Soos met ontbyt het die troepe bv. pap, toast en eiers gekry. Die onderoffisiere het dieselfde gekry met gebakte tamaties, verskillende konfyte en miskien geurige maalvleis.

Die offisiere het die hele spread gebry met ʼn stukkie steak, gebraaide mushrooms, keuse van gekookte of gebraaide eiers. So het dit gegaan. Ek moet sê die kos in Katima was nogal baie lekker
gewees. Niemand het honger gely nie.

In die oggende as ons van diens afgekom het, het ek en die offisier saam afgeloop menasie toe. Teen die tyd wat ons afgekom het, het die basis se mense al klaar geëet en die menasie was leeg gewees. Baie keer het die offisier my genooi om saam met hom te gaan ontbyt eet. Dan het ons behoorlik weggelê aan die kos. Daar was geen beperkinge aan die hoeveelhede wat ons kon eet
nie. Want alles wat oorgebly het, kon ons skep en weer skep. Ons het genoeg geët om ons te help oor middag ete wat ons nie moontlik sou eet nie.

Print Friendly, PDF & Email
 

Gebed vir die aarde

Daar lê so baie klein juwele in ons huishoudings en families wat wag om ontdek te word. Wat en hier van praat is Kos stories..

Hierdie stuk wat volg kom uit ʼn boek van Hennie Aucamp getiteld Borde Borde Boordevol. Die agtergrond gaan oor die droogte van ʼn paar jaar gelede. Die boere het gereeld bymekaar gekom en gebid vir reën. Dit gaan nie spesifiek oor kos nie, maar tog hier kom die uittreksel

Gebed vir die aarde

Chris Barnard

“Oom Jacob het eerste gebid. Dit was die langste gebed wat ek ooit (voorheen en daarna) moes aanhoor, maar ek het nie aan die slaap geraak soos ek dikwels voorheen het nie. Ek het geluister. En ʼn bietjie skuldig gevoel. Want dit was asof ek agter ʼn deur gestaan het en ʼn argument afgeluister het.

Oom Jacob het die droogte posisie baie netjies vir die Here uiteengesit. Hy het by die vorige jaar se reënval begin, die winter se droogte posisie geskets en die situasie toe op datum gebring deur ʼn oorsig te gee van die skade wat die droogte tot op hede veroorsaak het.

“Here” het oom Jacob gesê, hierdie lemoen boompies onderkant die tweede dam – die boompies wat ons laaste jaar geplant het – ag’ daar leef omtrent nie meer een van hulle nie. En self die ou boorde. Ek stap vanmiddag juis deur die nartjies – nie die by die rivier nie, Here, hulle kan nog gaan – maar die nartjies bokant die klipplate, U weet? Hulle lyk sleg. Ek sê vanaand vir die vrou, Here, ek sê vir haar as dit nie hierdie week nog uitkoms is nie, dan weet ek nie. Here, ek wens ek kan U saam met my vat more vroeg oorkant die rivier toe. Daardie arme avos daar. Daardie avokado’s moes nou dra. En hoe kan hulle dra as hulle nie water het nie? Daardie bome kyk heeldag vir my. Ek wens U kon sien hoe kyk hulle na my. Ek moet juis weer more daar laat skoffel. Ek sien amper nie kans nie. Nou vra ek vanaand – ek vra reguit hoekom? Wat het ons dan vir U gemaak? Ek meen, ons praat nou ʼn slag reguit.

Daardie nag het ek wakker geword van die reën op die dak.”

As dit nie vir die reën was nie sou ons nie kos gehad het nie.

Nou ʼn ander kos storie. ʼn Man wat lank gelede saam met my gewerk het sê hy het een aand ʼn jonge dame uitgeneem vir ete. Alles moes natuurlik perfek gewees het, want hy wou haar graag ʼn baie goeie indruk op haar gemaak het. Hulle kyk so na die spyskaart en hy vra aan haar wat sy wil eet en sy antwoord hom toe Vis. Die kelner vra aan haar hoe wil sy haar vis gaargemaak hê, bedoelende gebak of gebraai en sy antwoord die kelner “Well done please”. Net daar het die verhouding geëindig.

Hierdie volgende kos juweel kom van Riekie af :

My Oupa as ouderling en die predikant het jare terug maar huisbesoek gedoen soos wat die gewoonte was. Elke drie maande by elke huisgesin in die wyk omgegaan voor Nagmaal.

Die jaar is dit slagtyd toe die groot huisbesoek tyd daar is.  Oupa en Dominee besoek gemiddeld drie tot 4 huisgesinne elke aand.  Soos dit in die slagtyd gaan en groot hoeveelhede vleis verwerk moet word, is die huisvrou maar besig en word gou ‘n stukkie wors in die pan gegooi, saam met wat ook al – brood, pap en sous, aartappels.

Toe Oupa en Dominee die vierde aand by huis nommer drie aankom en vir die hoeveelste keer genooi word om saam met die gesin aan te sit, kan hulle dit nie weier nie.  Weereens is wors en wat ook al op die spyskaart.  Toe die boervrou haar rug draai, sit dominee die ou stukkie wors in sy wit sakdoek en

druk dit in sy sak maar o wee, van die speserye (seker maar peper) kry hy die groot nies, ruk sy sakdoek in ‘n oomblik van waansin uit!  Daar trek die stuk wors!  Ek wens ek was ‘n vlieg teen die muur…… Riekie du Plessis Johannesburg

Print Friendly, PDF & Email
 

Maak jou eie karringmelk

Lynette Muller

As jy nie karringmelk het nie kan jy gou jou eie aanmekaarslaan deur ‘n houer te neem, 1 eetlepel asyn daarin te gooi en dit met melk aan te vul tot 250ml.  Gee dit ‘n roer en laat staan vir 5 minute en gebruik.

Hoekom gebruik ons karringmelk in resepte?
Karringmelk bevat suur wat met ander bestanddele soos bakpoeier en koeksoda reageer om suurstofborreltjies te maak om die rysproses te bewerkstellig.

Jy kan enige melk gebruik met ‘n suurmiddel soos asyn, lemoensap of suurlemoensap.  Die presiese hoeveelhede maak nie regtig saak nie.  Jy kan ‘n teelepel suurlemoensap gebruik instede van ‘n eetlepel wat die resep voorskryf.  Wees ook maar versigtig vir te veel, dit kan jou gereg laat suur proe.  Dit is beter om die melk by die suurmiddel te voeg as andersom.

Nog maklike plaasvervangers vir karringmelk:

Suurlemoensap
Gooi 1 eetlepel suurlemoensap in ‘n 250ml maatbeker en vul aan met melk tot by die 250ml merk.  Laat die mengsel staan vir vyf tot tien minute teen kamertemperatuur en gebruik.

Gewone jogurt
Meng twee eetlepels melk met genoeg jogurt om 250ml te maak en gebruik.

Kremetart
Klits 1 koppie melk (250ml) met 3/4 tot 1 eetlepel kremetart en laat dit staan vir vyf tot tien minute.  Roer voor gebruik.

Print Friendly, PDF & Email
 

Caesar’s Slaai

Caesar’s Slaai

Hierdie slaai was nie Julius Caesar se gunsteling slaai gewees nie. Die oorsprong van die slaai is nie eers naby aan Rome gewees nie. Die geboorteplek van die slaai is in Tijuana, ‘n klein dorpie in Mexico, gewees. Wanneer mens in die Avenida Revolucion wandel is dit ‘n lelike buurt waar mens nie eintlik gesien wil wees nie.

Caesar’s Sports Bar & Family Grill Restaurant is ‘n half donker plek teen die ou verslete Hotel Caesar. Die restaurant bestaan uit 6-halfmaan tafels en ‘n lang kroeg toonbank. In 1924 is die beroemde slaai die eerste keer in die restaurant gemaak

Die storie van die slaai begin met Alex Cardini ‘n Italiaanse vlieënier wat in Tijuana gewoon het. Hy was die eienaar van die restaurant. Eendag kom daar van sy mede-vlieëniers daar aan wat lus was vir iets om aan te peusel. Daar was nou juis nie baie kos voorraad gewees in daardie tyd nie aangesien Mexico Stad baie ver van Tijuana is.

‘n Tannie van Alex Cardini wat in die kombuis gewerk het, het maar met die voorraad wat sy gehad het die slaai gemaak. Wat is in die slaai wat so beroemd geraak het ?

Bestanddele
8 Anchovy Filets
2 Klein Suurlemoene
1 tot 2 eetlepels Knoffel
2 eetlepels olyf olie
2 eetlepels rooiwyn asyn
1 eetlepel Worcestersous
3 eiers sag gekook
4 teelepels mosterd
5 tot 6 eetlepels gerasperde Parmesaan kaas
1 koppie Croutons
3 Klein Slaaiblare
Vars peper na smaak.

Metode

Neem die anchovies, sap van die twee suurlemoene en knoffel en maak tot ‘n pasta met ‘n vurk. ‘n Voedsel verwerker sal hier handig te pas kom. Meng nou olie, asyn, eiers, mosterd, worchestershire sous en kaas by die pasta. Meng nou die croutons en gesnyde slaaiblare by.

Hierdie slaai sal met al die verskillende smake ‘n wenner wees by enige ete.

Die Caesar’s slaaie wat mens by die restaurante kan koop word nie meer op die oorspronklike manier gemaak nie. Dit bly ‘n heerlike slaai om te eet.

Print Friendly, PDF & Email
 

Die Derde Maal

Die Derde Maal

Na so twee jaar kom die bleddie amptelike koevert weer daar by ons aan. My dogter was ses maande oud gewees.

Net voor die kamp besluit ek en my vrou dat ons so bietjie gaan vakansie hou in Durban. Ons bespreek plek in een van die vakansie woonstelle en kry een op die 10de vloer. Die een aand kruip ek in die bed in. My vrou sit ons dogter so tussen ons twee. My vrou blaai deur ʼn tydskrif en wys so die prentjies vir my dogter.

So raak ek aan die slaap, en droom een vieslike droom. Ek droom en herleef weer die aanval op Ruacana. Maar baie erger, want ek droom dat die MPLA se soldate die kamp omsingel het. My vrou
skuur met die tydskrif teen my arm en ek word wakker en vlieg op. Uit volle bors begin ek skreeu en hardloop na die woonstel se venster toe. Ek ruk en pluk aan die venster om die venster oop te maak. Ek wil net uit en weg kom van die aanval af. Ek is bang en skreeu al hoe harder. Gelukkig praat my vrou en ek skrik wakker, nog met my hande doening by die venster. Gelukkig kon ek nie die venster oopkry nie, anders het ek definitief by die venster uitgespring.

ʼn Paar weke na die vakansie is ek weer op ʼn Flossie (vliegtuig) Suidwes toe. Hierdie keer gaan ons Katima Molilo toe. So word daar aan ons vertel. Met die afwesigheid van kajuitpersoneel en drankies en eetgoed was die vlug nie te sleg gewees nie. Toe dit tyd raak om te land begin die strooi. Die vliegtuig vlieg in sirkels al laer. Hel dit was beslis nie lekker gewees nie. My maag het in my keel gesit.

Daar uitgeklim gaan ons na ʼn basis so ent van die lughawe af vir ons week se oriëntering. Katima lê langs die rivier. Regoor ons is Zambia. Daar is ook ʼn dorp aan die oorkant van ons gewees.
Sowat ʼn jaar voor ons daar aangekom het, op 23 Augustus 1978 het Swapo die een aand die basis aangeval. Agt of nege van ons soldate is daar doodgeskiet. Al die Soldate was van 2 SDB (2 Spesiale Diens Bataljon). Hulle het teenstrydig met hulle opleiding nie in die loopgrawe gaan skuiling soek nie. Toevallig was daar ook ʼn radio joernalis van die Sauk ook daar gewees.

Toe die eerste 122mm missiel die basis tref hardloop die joernalis en sit sy bandopnemer op die bomskuiling se dak en so kry die weermag ook ʼn klankbeeld van die aanval. Die volgende dag of kan
ook nog dieselfde aand wees het die weermag ook nog honderde foto’s van die aanval geneem.

Die foto’s en die klankopname is as deel van ons oriëntasie aan ons gewys. Eers het ons na die klankopname geluister. Tussen die mortiere word daar hardop gebid, God word vervloek, manne wat
skreeu om hulp, manne wat hard sit en huil. ʼn gekreun en gekerm oral waar jy kan hoor.

Maak nie saak wie of wat jy is nie, om sulke dinge te hoor is nie maklik nie. Nou word die foto’s rondgestuur. Een foto wat ek altyd sal onthou is ʼn foto van ʼn lyk in ʼn boom. Die een helfte van die man se kop is weggeskiet. Daar kom so ʼn haat en woede in jou op wat nooit, nooit verlaat nie.

Een van die offisiere het iets gesê soos “Sien julle wat die blerrie mense doen aan ons mense” . Met die beeld en klank nog vars n ʼn mens se geheue en met die woorde kan jy nie anders as om al wat swart is te haat nie.

So begin ons, ons derde kamp.

Print Friendly, PDF & Email
 

Mashed Potato Croquettes

Bestandele

  • 2 koppies mashed potatoes
  • 2 eiergele
  • 1/2 kop gerasperede Parmesaan kaas
  • 2 eetlepels  vars gekapte chives plus ekstra vir versiering
  • 1 eetlepel meel
  • 1 koppie brood krummels
  • 2 eiers
  • 3-4 koppies vegetable of  canola oil
  • Sour cream, indien verkies

Metode

  1. In groot meng bak, meng potatoes, chives, eiergeel, Parmesaan kaas, en meel.
  2. Meng deeglik en rol  in golf bal grootte balletjies.
  3. In klein meng bak klits 2 eiers.
  4. Plaas brood krummels in klein bak
  5. Druk croquettes in eier, dan in brood krummels.
  6. Verhit oil tot medium-hoog hitte.
  7. Plaas croquettes in warm olie, gebruik teelepel om dit om te draai, sodra dit mooi bruin is, is dit reg. +- 3 minute
  8. Dreineer dit.
  9. Bedien warm met sour cream en ekstra chives.
Print Friendly, PDF & Email
 

Samp / Stampmielies

So maak ek my samp.

2 koppies samp oornag in lou warm water, spoel deeglik af voor jy dit in Slow cooker sit.

Slow cooker werk diè beste vir samp – maar dit is hoe ek myne maak, elkeen vir hom \ haarself wat dit aan betref.

Kook die samp vir +- 6 ure, loer af en toe om daar genoeg water in is.

Sodra dit amper opskep tyd is, gooi  sout, pepper en aromat in, botter, laat dit smelt in die samp in, nou kan jy enige van die volgende in jou samp in meng: Indien jy dit iets anders wil maak met samp!

2 blikkies suikermielies \ pietersielie \ enige kruie wat kleur sal gee aan die samp (verkieslik groen)

2 blikkies ertjies

uie en bacon wat gebraai is \ enige groen kruie vir kleur

Het dit ook al gemaak met bietjie witsous wat ek maak van room nie van melk nie, vervang net die melk met houertjie room.

Samp bly maar konings kos kom wat wil!

 

Print Friendly, PDF & Email
 

Braai broodjies

Maaskaas “Braaibroodjie”

Bestanddele
Brood van jou keuse
Botter of margarien
Maaskaas, gekrummel
Tamatie
Gerkins dun gesny
Basil
Mrs Balls Chutney
Uie, baie dun gesny

Metode: Layer:
Smeer brood met botter \ margarien
Maaskaas
Tamatie
Uie
Mrs H. S. Ball’s Chutney
Basil
Uie
Tamatie
Maaskaas
Gerkins
Sit gesmeerde snytjie brood bo-op.

Braai tot mooi bruin.

Print Friendly, PDF & Email
 

Hoender potjie met kluitjies

 

 Bestanddele
45 ml (3 e) olie (olyf olie)
1 kg hoenderdye
5 ml (1 t) hoenderspesery
10 ml (2 t) sout
4 lourierblare
5 ml (1 t) droë tiemie
swartpeperkorrels, na smaak
125 ml (½ k) witwyn
60 ml (¼ k) blatjang
250 ml (1 k) hoenderaftreksel
6 groot aartappels, in blokkies gesny
2 groot wortels, in skyfies gesny
250 g heel knopiesampioene (kan uitgelaat word)
4-6 babamurgpampoentjies, in skyfies gesny
Sout en peper (opsioneel)

KLUITJIES
Bestanddele
250 ml (1 k) koekmeel
7 ml (1½ t) bakpoeier
2 ml (½ t)sout
60 g STORK BAKE, in blokkies gesny
10 ml (2 t) droë pietersielie
60-80 ml (¼-1⁄3 k) melk

POTJIE
Verhit die olie in ’n swaarboom-gietysterpot. Geur die dye met spesery en sout en braai ’n paar op ’n slag tot goud-bruin. Plaas al die dye in die pot; voeg die kruie, peper, wyn, blatjang en aftreksel by.
Bring tot kookpunt, bedek en laat prut 45 minute. Voeg die aartappels by, bedek en laat 20 minute prut.
Voeg die wortels by, bedek en laat 15 minute prut. Voeg die sampioene en murgpampoentjies by, bedek en laat 10 minute prut. Voeg water by indien nodig. Geur na smaak.

KLUITJIES
Sif die meel, bakpoeier en sout saam. Vryf die STORK BAKE met die vingerpunte in tot die mengsel soos broodkrummels lyk. Voeg die pietersielie by en net genoeg melk om ’n sagte deeg te vorm.
Skep eetlepels vol deeg in die potjie en bedek. Laat minstens 15 minute prut sonder om die deksel op te lig tot die kluitjies gaar is. (’n Mes moet skoon uit die middel kom.)

Print Friendly, PDF & Email