NOEDELS  MET  TUNA 

Rika Theron 
4 porsies

Bestanddele: 
125 g rou noedels
1 ui, fyn gekap
2 knoffelhuisies, fyngedruk
olie
2 tamaties, ontvel en in blokkies gesny
1 blikkie (185 g) gesnipperde tuna, in soutwater verpak
50 ml mayonnaise
25 ml blatjang
sout & swartpeper na smaak
knippie neutmuskaat
paar druppels tabascosous (opsioneel)
125 ml Cheddarkaas gerasper
25 ml gekapte pieterselie.

Metode: 
Voorverhit oond tot 180°C.  Smeer ‘n oondvaste bak.  Kook die noedels in soutwater sag.  Dreineer en hou eenkant.  Soteer die ui en knoffel in ‘n klein bietjie olie tot sag.  Voeg die tamaties by en prut tot ‘n moes.  Voeg die tuna asook ‘n bietjie van die soutwater waarin dit verpak is, by.  Voeg die noedels, mayonnaise en blatjang by, meng en geur met sout, swartpeper, neutmuskaat asook die tabascosous.  Meng goed en skep in die voorbereide bak.  Meng die kaas en pieterselie en sprinkel oor.  Bak sowat 20 – 30 minute of totdat die kaas gesmelt en die gereg lekker warm is.  Dien op saam met slaai.

 

Print Friendly, PDF & Email
Advertisements
 

KERRIE-EIERS  MET  MIELIES

Rika Theron
4 – 6 porsies

Bestanddele: 
1 ui, in ringe gesny
1 knoffelhuisie, fyngedruk
olie
10 ml kerriepoeier
300 ml hoenderaftreksel
sap en skil van ‘n halwe suurlemoen
30 ml blatjang
30 ml suiker
1 blik (420 g) geroomde suikermielies
15 ml koekmeelblom
sout & swartpeper
4 – 6 eiers, hardgekook.

Metode: 
Soteer die ui en knoffel in ‘n klein bietjie olie tot sag.  Voeg die kerriepoeier by en roerbraai nog ‘n bietjie.  Giet die hoenderaftreksel by en bring tot kookpunt.  Voeg die sap en skil van die suurlemoen by asook die blatjang, suiker en suikermielies.  Laat goed kook en verdik dan die sous met meelblom wat aangemaak is met ‘n bietjie water.  Voeg die eiers by en verhit tot die eiers deurwarm is.  Dien op saam met rys, piesangskyfies, blatjang en klapper indien verkies.

 

Print Friendly, PDF & Email
 

MIELIEMEELHAPPIES 

Rika Theron

Bestanddele: 
375 ml melk
375 ml mieliemeel
1 groot ui, fyn gekap
1 groot groen soetrissie, fyn gekap
2 stele seldery, in ringe gesny (opsioneel)
2 medium wortels, in dun ringe gesny
50 ml botter
500 ml koekmeelblom
20 ml bakpoeier
5 – 7 ml sout
5 – 7 ml tiemie
1 ml rooipeper
1 ml neutmuskaat
25 ml suiker
3 ekstra groot eiers, effens geklits.

Metode: 
Voorverhit die oond tot 180°C.  Smeer twee panne van 24 x 24 cm met margarien.  Verhit die melk tot kookpunt in ‘n groot kastrol op die stoof.  Voeg die mieliemeel lepelsgewys by terwyl aanhoudend geroer word.  Meng goed en verwyder dan van die stoofplaat.  Laat effens afkoel.  Soteer die groente in verhitte botter tot effens sag.  Voeg by die mieliemeelmengsel en meng goed.  Meng die res van die bestanddele, buiten die eiers, goed saam.  Voeg dit beurtelings met die geklitste eiers by die mieliemeelmengsel en meng goed.  Verdeel die mengsel in twee en skep in die voorbereide panne.  Bedek en bak 30 minute lank of tot gaar.  Sny in blokkies en dien warm of koud op saam met tuisgemaakte tamatiesous.

Variasie: 
Skep lepelsvol van die mengsel in verhitte olie en diepvetbraai tot goudbruin en gaar van binne.  Dreineer op handdoekpapier.

Vir ‘n vinnige tamatiesous: 
Gebruik ‘n blik tamatie-en-uiesmoor, geur dit met sout, swartpeper en basielkruid en kook dit af totdat dit nie meer waterig is nie.

Print Friendly, PDF & Email
 

Idees vir Jaffels

Lynette Muller

Maak kapokaartappels gegeur met botter, sout en peper na smaak (effens styf) en meng gerasperde kaas daarby. Skep in
snackwichmaker en braai tot goudbruin. Dit is heerlik saam met braaivleis en vertoon baie mooi.

Braai wors en blokkies aartappels met uie tot gaar. (oorskiet kos van vorige aand?) Sny wors in blokkies en meng weer saam met uie en aartappel mengsel. Maak sous van Bisto of soppoeier. Skep lepelsvol op broodjie en plaas in jaffle/snackwich masjien.

Meng tuna met uie, agurkies, groen rissie en mayonnaise.

Neem gaar vleis (bees/lam, enige oorskiet vleis). Sny in blokkies en braai in pan saam met uie, groen rissie. Roer bietjie kerrie en borrie na smaak by.

Kook gemengde groente tot sag (blomkool, broccoli, worteltjies, ertjies, mielies) Braai saam met uie, sampioene en green pepper.
Maak sous bietjie dik met Maizena

Print Friendly, PDF & Email
 

Ontbyt Burgers

Rohanja

Bestanddele en Metode

Groot hamburgerbuns of ronde klein buns. Sny bo-oop en hol uit. Braai spek, uie, sampioene, kersie tamaties, green, yellow red peppers selfs blokkies ham, kaasworsies enige iets sal werk. Gooi blikkie baked beans in en meng goed. Voeg speserye by van keuse.

Skep in uitgeholde bun bakkie. Breek eier bo-op oop en bak in die oond by 180 grade tot eier gaar is. Ek dink wat lekker sal wees is om bietjie kaas net voor opdiening oor te gooi.

Jy kan die baked beans uitlos en vervang met mielies, chakalaka enige iets wat na jou smaak is

Print Friendly, PDF & Email
 

MACARONI-EN BULLYBEEF GEBAK

Lynette Muller

Bestanddele
500g macaroni
2 groot uie, geskil en gekap
37.5ml koekmeel
500ml melk
2 groot tamaties, geskil en gekap
300g blik soutbeesvleis, losgebreek
25ml vars pietersielie, gekap
50ml sterk blatjang
10ml gemengde, groen, droë kruie sout en peper na smaak
250ml gerasperde cheddarkaas

Metode
Kook macaroni soos op pak aangedui, dreineer. Braai die uie in die botter  tot  gaar. Voeg die meel by en roer, voeg die melk by en roer totdat die mengsel dik word en kook. Voeg al die oorblywende bestanddele by, behalwe die kaas. Bring tot kookpunt, laat prut en roer sodat die mengsel nie brand nie. Meng nou die sous van die macaroni en skep in ‘n oondvaste glasbak wat gesmeer is. Strooi laaste die kaas oor, en bak by 180C vir 20 minute tot gaar. Die resep lewer sowat ses tot agt porsies. Jy kan 4 geklopte eiers inmeng om die porsies tot tien te vermeerder.

Print Friendly, PDF & Email
 

APPEL & PYNAPPEL POEDING

Lynette Muller
.
Bestanddele
50g (60ml) botter of margarine
125 ml strooisuiker
2 eiers geklits
250 ml koekmeelblom
10 ml bakpoeier
1 ml sout
50 ml melk
1 blikkie onversoete tertappels (465g)
1 blikkie pynappelstukkies (410g)(gedreineer)
Fyn pypkaneel

Sous:
250 ml Ingedampte melk
250g suiker
5 ml geursel (vanilla of caramel)

Metode:
Klits botter en strooisuiker tot room, voeg eiers by. Sif meel en bakpoeier en sout saam en voeg om die beurt met die melk by.
Skep in slow-cooker se bak. Sny pynappelstukkies en appelstukkies kleiner, strooi dit egalig oor die deeg en druk dit in die deeg met ‘n vurk. Strooi kaneel oor en sit foelie op pot en sit die deksel op. Bak op High vir 1 uur. Toets of die deeg gaar is. Kook die sous bestanddele saam vir paar minute. Prik die deeg so bietjie met ‘n vurk, en gooi sous oor. Kook vir nog 15 min op Low. Laat bietjie afkoel en bedien met vla. (My pot is klein, so ek het een koppie appelstukkies en een koppie pynappelstukkies gebruik.).

Print Friendly, PDF & Email
 

Lekkerste Sop

Rohanja

Bestanddele
1 kg sopbene
500 g stowebeesvleis, in klein blokkies gesny
3 uie, fyn gekap
5 wortels, gekap
6 selderystele, gesnipper
2 lourierblare
Handvol vars pietersielie, fyn gekap
4 liter water
Sout en peper na smaak
1 x 410 g blik gekapte tamaties
250 ml (1 k) gort
10 ml (2 t) suiker
Ekstra vars pietersielie en fyn gerasperde suurlemoenskil, om af te rond

Metode
Verhit die bene, vleis, uie, die helfte van die wortels, die helfte van die seldery, lourierblare, pietersielie, water en ’n bietjie sout en peper saam in ’n groot kastrol tot kookpunt. Bedek en prut stadig vir sowat drie uur, of tot die vleis sag is. Verwyder die bene en sit die vleis terug in die pot. Voeg die res van die bestanddele by en prut vir sowat een uur, of tot die gort lekker sag is. Geur na smaak. (Voeg ekstra water of ’n bietjie vleisaftreksel by as die sop te veel afkook.) Lewer 10 porsies.
Spek-en-bonesop

Print Friendly, PDF & Email
 

DORAH’S PILCHARD AND PASTA SALAD

Woumarie

Ingredients
400g can Lucky Star Pilchards in Tomato
1 red pepper, cut in half
1 yellow pepper, cut in half
1 green pepper, cut in half
2 cups noodles (macaroni, twist or small shells)
4 tablespoons oil
2 tablespoons vinegar
2 tablespoons chopped fresh basil
250g button mushrooms, finely sliced
1 bunch spring onions, chopped
salt and ground black pepper
lemon juice

Method
Drain the pilchards; keep the sauce. Heat the oven grill. Place the peppers, cut side down, onto a roasting pan and place under the grill for about 15 minutes until the skins are charred. Cover with clean, damp towel and set aside for about 10 minutes to cool. Remove and discard the skins and seed, then slice the peppers. Cook the noodles in lightly salted water for 10 to 12 minutes until cooked but still firm to the bite. Drain. Mix together the oil, vinegar and basil in a large bowl, then stir in the sauce from the can of pilchards. Add the warm pasta, sliced roasted peppers, mushrooms, spring onions and flaked pilchards. Season with salt and pepper and a good squeeze of lemon juice. Toss the salad to mix, and serve immediately or cover and chill in fridge for a couple of hours before serving.

Print Friendly, PDF & Email
 

HAWAIIAN PORK CHOPS

Rika Theron
6 portions

Ingredients:
25 ml margarine
6 pork chops
37,5 ml finely chopped onion
20 ml brown sugar
1 can pineapple rings, drained
25 ml vinegar
few drops soy sauce
parsley to garnish, salt & pepper to taste.

Method:
Melt margarine. Brown chops on both sides. Add onions, cook 2 minutes. Save 2 pineapple rings and finely chop remaining rings. Add brown sugar, vinegar and soy sauce to pineapple. Remove chops and onions to casserole dish. Season to taste with salt & pepper. Spoon pineapple mixture over. Cover and bake (180°C) for about 35 – 40 minutes. Cut remaining pineapple rings into thirds. Garnish chops with pineapple rings and parsley.

Print Friendly, PDF & Email