KERRIE-EIERS  MET  MIELIES

Rika Theron
4 – 6 porsies

Bestanddele: 
1 ui, in ringe gesny
1 knoffelhuisie, fyngedruk
olie
10 ml kerriepoeier
300 ml hoenderaftreksel
sap en skil van ‘n halwe suurlemoen
30 ml blatjang
30 ml suiker
1 blik (420 g) geroomde suikermielies
15 ml koekmeelblom
sout & swartpeper
4 – 6 eiers, hardgekook.

Metode: 
Soteer die ui en knoffel in ‘n klein bietjie olie tot sag.  Voeg die kerriepoeier by en roerbraai nog ‘n bietjie.  Giet die hoenderaftreksel by en bring tot kookpunt.  Voeg die sap en skil van die suurlemoen by asook die blatjang, suiker en suikermielies.  Laat goed kook en verdik dan die sous met meelblom wat aangemaak is met ‘n bietjie water.  Voeg die eiers by en verhit tot die eiers deurwarm is.  Dien op saam met rys, piesangskyfies, blatjang en klapper indien verkies.

 

Print Friendly, PDF & Email
Advertisements
 

MIELIEMEELHAPPIES 

Rika Theron

Bestanddele: 
375 ml melk
375 ml mieliemeel
1 groot ui, fyn gekap
1 groot groen soetrissie, fyn gekap
2 stele seldery, in ringe gesny (opsioneel)
2 medium wortels, in dun ringe gesny
50 ml botter
500 ml koekmeelblom
20 ml bakpoeier
5 – 7 ml sout
5 – 7 ml tiemie
1 ml rooipeper
1 ml neutmuskaat
25 ml suiker
3 ekstra groot eiers, effens geklits.

Metode: 
Voorverhit die oond tot 180°C.  Smeer twee panne van 24 x 24 cm met margarien.  Verhit die melk tot kookpunt in ‘n groot kastrol op die stoof.  Voeg die mieliemeel lepelsgewys by terwyl aanhoudend geroer word.  Meng goed en verwyder dan van die stoofplaat.  Laat effens afkoel.  Soteer die groente in verhitte botter tot effens sag.  Voeg by die mieliemeelmengsel en meng goed.  Meng die res van die bestanddele, buiten die eiers, goed saam.  Voeg dit beurtelings met die geklitste eiers by die mieliemeelmengsel en meng goed.  Verdeel die mengsel in twee en skep in die voorbereide panne.  Bedek en bak 30 minute lank of tot gaar.  Sny in blokkies en dien warm of koud op saam met tuisgemaakte tamatiesous.

Variasie: 
Skep lepelsvol van die mengsel in verhitte olie en diepvetbraai tot goudbruin en gaar van binne.  Dreineer op handdoekpapier.

Vir ‘n vinnige tamatiesous: 
Gebruik ‘n blik tamatie-en-uiesmoor, geur dit met sout, swartpeper en basielkruid en kook dit af totdat dit nie meer waterig is nie.

Print Friendly, PDF & Email
 

Idees vir Jaffels

Lynette Muller

Maak kapokaartappels gegeur met botter, sout en peper na smaak (effens styf) en meng gerasperde kaas daarby. Skep in
snackwichmaker en braai tot goudbruin. Dit is heerlik saam met braaivleis en vertoon baie mooi.

Braai wors en blokkies aartappels met uie tot gaar. (oorskiet kos van vorige aand?) Sny wors in blokkies en meng weer saam met uie en aartappel mengsel. Maak sous van Bisto of soppoeier. Skep lepelsvol op broodjie en plaas in jaffle/snackwich masjien.

Meng tuna met uie, agurkies, groen rissie en mayonnaise.

Neem gaar vleis (bees/lam, enige oorskiet vleis). Sny in blokkies en braai in pan saam met uie, groen rissie. Roer bietjie kerrie en borrie na smaak by.

Kook gemengde groente tot sag (blomkool, broccoli, worteltjies, ertjies, mielies) Braai saam met uie, sampioene en green pepper.
Maak sous bietjie dik met Maizena

Print Friendly, PDF & Email
 

Ontbyt Burgers

Rohanja

Bestanddele en Metode

Groot hamburgerbuns of ronde klein buns. Sny bo-oop en hol uit. Braai spek, uie, sampioene, kersie tamaties, green, yellow red peppers selfs blokkies ham, kaasworsies enige iets sal werk. Gooi blikkie baked beans in en meng goed. Voeg speserye by van keuse.

Skep in uitgeholde bun bakkie. Breek eier bo-op oop en bak in die oond by 180 grade tot eier gaar is. Ek dink wat lekker sal wees is om bietjie kaas net voor opdiening oor te gooi.

Jy kan die baked beans uitlos en vervang met mielies, chakalaka enige iets wat na jou smaak is

Print Friendly, PDF & Email
 

Lekkerste Sop

Rohanja

Bestanddele
1 kg sopbene
500 g stowebeesvleis, in klein blokkies gesny
3 uie, fyn gekap
5 wortels, gekap
6 selderystele, gesnipper
2 lourierblare
Handvol vars pietersielie, fyn gekap
4 liter water
Sout en peper na smaak
1 x 410 g blik gekapte tamaties
250 ml (1 k) gort
10 ml (2 t) suiker
Ekstra vars pietersielie en fyn gerasperde suurlemoenskil, om af te rond

Metode
Verhit die bene, vleis, uie, die helfte van die wortels, die helfte van die seldery, lourierblare, pietersielie, water en ’n bietjie sout en peper saam in ’n groot kastrol tot kookpunt. Bedek en prut stadig vir sowat drie uur, of tot die vleis sag is. Verwyder die bene en sit die vleis terug in die pot. Voeg die res van die bestanddele by en prut vir sowat een uur, of tot die gort lekker sag is. Geur na smaak. (Voeg ekstra water of ’n bietjie vleisaftreksel by as die sop te veel afkook.) Lewer 10 porsies.
Spek-en-bonesop

Print Friendly, PDF & Email
 

Herderspastei met Sousboontjies

Frik Lombard

Bestanddele
Sousboontjies (baked beans) ` 1 blikke is genoeg vir so 3 tot 4 mense
500g Aaartappels per blikkie
Uie na smaak ~ opgekap
tamaties na smaak ~ opgesny
Green pepper na smaak ~ opgesny
Bietjie knoffel
Olie
Maizena
Kaas nam smaak ~ Gerasper

Metode

Boonties
Verhit die oond solank o 180 grade.
Braai uie in olie to deuskynend.
Voeg green pepper by en braai nog so paar minute.
Gooi nou knoffel by en braai vir n minuut.
Sny tamaties in en braai tot sag.
Gooi nou sousboontjies by en kook so 10 minute.
Maak Maizena aan om die mengsel dik te maak.
Kook nog so paar minute om totdat die mengsel lekker dik is

Aartappels
Maak lekker kapok aartappels.
Sodra die kapokaartappels reg is gooi ‘n derde van die gerasperde kaas by.

Gereg
Skep boontjies in oondvaste bak. Maak gelyk met ‘n lepel. Skep nou die kapok aartappels oor die boontjies. Gooi die res van die kaas oor die aartappels en bak vir ongeveer 30 to 45 minute tot mooi goudbruin.

Bedien met ‘n groen slaai.

Print Friendly, PDF & Email
 

SUIKERMIELIEGEREG

Rika Theron

Bestanddele en Metode
Gooi 1 groot blikkie geroomde suikermielies in vuurvaste bak. 
Klits 3 eiers, voeg knypie sout by en gooi oor suikermielies. 
Strooi 1 k gerasperde Cheddarkaas en 3 repe gekapte streepspekvleis bo-oor. 
Bak (180°C) tot bruin en laat stol.

Print Friendly, PDF & Email
 

SPAGHETTI – EN – KAASOMELET 

Rika Therron
(2 porsies)

Bestanddele en Metode
Meng 3 eiergele met ‘n bietjie sout en peper
Voeg 1 blikkie (283g) spaghetti-in-tamatiesous by. 
Vou 3 styfgeklopte eierwitte in. 
Maak 2 e margarien in pan warm en gooi eiermengsel in 
Bak 3 – 4 min tot onderkant ligbruin is. 
Strooi 1/2 k gerasperde Cheddarkaas bo-oor en bak nog 3 – 4 min tot kaas smelt. 
Hierdie omelet word nie omgevou nie.  Bedien met ‘n slaai.

Print Friendly, PDF & Email
 

Mielie en spek gereg

Wanda-Marie Lundly

Bestanddele
250g spek
1 groot ui
410g blik roommielies
410g blik pitmielies
100g kaas
2 eiers
5ml vars tiemie

Sout en swartpeper
Voorverhit die oond tot 140C. Braai die ui en die spek liggies. Geur na smaak met sout en swartpeper. Gooi die res van die bestanddele by mekaar en voeg die ui en spekmengsel daarby. Bak vir 40 minute tot bruin en gestol. Bedien met broccoli en tamatieslaai. Lewer 4-6 porsies.

Print Friendly, PDF & Email
 

KAAS-WORSGEREG

Rika Theron

Bestanddele
1 pakkie vark- of beeswors (500 g),
1 blik gemengde groente,
1 blik tamaties,
1/2 k gerasperde kaas,
sout & peper.

Metode
Braai wors tot dit gaar is. Dreineer groente en meng met tamaties. Verhit en geur na smaak. Plaas wors in oondskottel. Giet tamatie- en groentemengsel oor wors. Bedek met kaas en bak in baie warm oond tot kaas gesmelt en bruin is.

Print Friendly, PDF & Email