Chakalaka Broodjie of Muffins

Lynette Muller
Resep vir Broodjie of muffins

Bestanddele
500 ml koekmeel
10 ml bakpoeier
sout & peper na smaak
4 eiers
410g Chakalaka (matige geur / sterker geur indien verkies)
125 ml Cheddar kaas gerasper

Metode. 
Voorverhit oond tot 180°
Sif droë bestandele saam
Klits eier en chakalaka
Meng eier mengsel met droë bestandele
Plaas deeg in gesmeerde broodpannetjie en strooi gerasperde kaas bo-oor
Bak +/- 45 minute

Print Friendly, PDF & Email
Advertisements
 

KRUMMEL-MAALVLEISPASTEI 

Rika Theron
4 – 6 porsies

Bestanddele: 
1 ui, fyngekap,
2 knoffelhuisies, fyngedruk,
olie,
500 g maalvleis,
1 blik gebakte boontjies in tamatiesous,
15 ml Worcestersous,
paar druppels tabascosous,
sout en swartpeper.  

Bolaag:
60 ml botter,
200 ml koekmeel,
2 ml basielkruid,
200 ml Cheddarkaas, gerasper.

Metode: 
Verhit oond tot 180°C.  Smeer ‘n oondvaste bak.  Soteer die ui en knoffel in ‘n klein bietjie olie in ‘n pan tot sag.  Voeg die maalvleis bietjie vir bietjie by en braai tot effens bruin.  Voeg die gebakte boontjies by en geur met die Worcestersous en tabascosous, asook sout en swartpeper na smaak.  Skep in voorbereide bak.  Vryf botter met vingerpunte in koekmeel.  Voeg basielkruid en kaas by en meng goed.  Sprinkel oor die mengsel.  Bak sowat 20 tot 30 minute lank tot goudbruin van bo.  Dien op saam met slaai.

 

Print Friendly, PDF & Email
 

Varktjop Pot

Idees

Bestanddele
4 varktjops
Mexikaanse of vleis-speserye
sonneblomolie
250 ml rys
500 ml hoenderaftreksel
1 blik gekapte tamatie met soetrissie en rissie (of tamatie-en-ui)
1 blik heel soetmieliepitte, gedreineer
1 blik nierbone of gemengde bone, gedreineer
vars koljander, om voor te sit

METODE:
Geur die tjops aan albei kante met die speserye. Verhit ’n kastrol en gooi ’n bietjie olie by. Verbruin die tjops aan albei kante en skep dit uit. Gooi die rys in die kastrol en bedek dit met die aftreksel. Voeg die blik tamaties by en verhit dit tot kookpunt. Prut vir vyf minute met die deksel op. Roer die soetmielies en boontjies by, roer goed en sit die tjops bo-op die mengsel. Prut vir 10 minute met die deksel op, of tot die rys sag en die tjops gaar is. Sit voor met vars koljanderblare as garnering.

Print Friendly, PDF & Email
 

Oom Paul se Aspersie Sop

Sonja
Bestanddele
4 Blikkies aspersies – salad cuts
2 Pakkies sampioene
4 Selotte en 2 Uie in botter gebraai
6 Aartappels
250ml Vars Room
250ml Room kaas
6 Hoenderaftreksel blokkies
6 Koppies water (gebruik eerste die Aspersie water in die blikkies)

METODE:
Braai eenkant die selotte (spring onion) en uie en sampioene wat fyn gesny is. Kook aartappels Sag rasper of mash dit en gooi in sop
pot. Gooi die water by en kook als saam. Gooi Die hoenderaftreksel room, en roomkaas by. En daer het jy jou lekkerste sop.

Print Friendly, PDF & Email
 

KERRIE-EIERS MET MIELIES

Rika Theron
4 – 6 porsies

Bestanddele:
1 ui, in ringe gesny
1 knoffelhuisie, fyngedruk
olie
10 ml kerriepoeier
300 ml hoenderaftreksel
sap en skil van ‘n halwe suurlemoen
30 ml blatjang
30 ml suiker
1 blik (420 g) geroomde suikermielies
15 ml koekmeelblom
sout & swartpeper
4 – 6 eiers, hardgekook.

Metode:
Soteer die ui en knoffel in ‘n klein bietjie olie tot sag. Voeg die kerriepoeier by en roerbraai nog ‘n bietjie. Giet die hoenderaftreksel by en bring tot kookpunt. Voeg die sap en skil van die suurlemoen by asook die blatjang, suiker en suikermielies. Laat goed kook en verdik dan die sous met meelblom wat aangemaak is met ‘n bietjie water. Voeg die eiers by en verhit tot die eiers deurwarm is. Dien op saam met rys, piesangskyfies, blatjang en klapper indien verkies.

Print Friendly, PDF & Email
 

MIELIEMEELHAPPIES

Rika Theron

Bestanddele:
375 ml melk
375 ml mieliemeel
1 groot ui, fyn gekap
1 groot groen soetrissie, fyn gekap
2 stele seldery, in ringe gesny (opsioneel)
2 medium wortels, in dun ringe gesny
50 ml botter
500 ml koekmeelblom
20 ml bakpoeier
5 – 7 ml sout
5 – 7 ml tiemie
1 ml rooipeper
1 ml neutmuskaat
25 ml suiker
3 ekstra groot eiers, effens geklits.

Metode:
Voorverhit die oond tot 180°C. Smeer twee panne van 24 x 24 cm met margarien. Verhit die melk tot kookpunt in ‘n groot kastrol op die stoof. Voeg die mieliemeel lepelsgewys by terwyl aanhoudend geroer word. Meng goed en verwyder dan van die stoofplaat. Laat effens afkoel. Soteer die groente in verhitte botter tot effens sag. Voeg by die mieliemeelmengsel en meng goed. Meng die res van die bestanddele, buiten die eiers, goed saam. Voeg dit beurtelings met die geklitste eiers by die mieliemeelmengsel en meng goed. Verdeel die mengsel in twee en skep in die voorbereide panne. Bedek en bak 30 minute lank of tot gaar. Sny in blokkies en dien warm of koud op saam met tuisgemaakte tamatiesous.

Variasie:
Skep lepelsvol van die mengsel in verhitte olie en diepvetbraai tot goudbruin en gaar van binne. Dreineer op handdoekpapier.

Vir ‘n vinnige tamatiesous:
Gebruik ‘n blik tamatie-en-uiesmoor, geur dit met sout, swartpeper en basielkruid en kook dit af totdat dit nie meer waterig is nie.

Print Friendly, PDF & Email
 

GROENBOONTJIE BREDIE

Sarie Kos

Bestanddele
4 porsies
45 ml olyfolie
800 g lamsnek
1 ui, fyngekap
2 knoffelhuisies, fyngekap
1 blik (410 g) gekapte tamaties
5 ml gemengde droë kruie
1 kg bevrore groenbone
sout en varsgemaalde swartpeper na smaak
250 ml kookwater
2 aartappels, geskil en in kwarte gesny
METODE
Verhit oond tot 180 °C. Verhit olyfolie in ’n groot oondvaste kastrol. Braai lamsnek tot bruin. Voeg ui en knoffel by. Roer tamaties, kruie en bevrore groenbone by. Geur met sout en swartpeper. Gooi kookwater by en meng goed. Plaas aartappels bo-op. Maak kastrol toe en plaas in die warm oond vir 1 tot 1½ uur, totdat die vleis sag is. Kyk nou en dan dat dit nie droog kook nie. As dit droog lyk, kan jy ’n bietjie water byvoeg.

Print Friendly, PDF & Email
 

GROENTE BREYANI

Bron: Sarie Kos
(4 – 6 porsies)

Bestanddele
30 ml botter
1 ui, fyngekap
2 knoffelhuisies
45 ml kerriepoeier
5 ml komynsaad
2 kardemom-peule, oopgebreek en saad verwyder
1 x 400 g-blik gekapte tamaties
125 ml water
30 ml olyfolie
1 eiervrug, in blokkies gesny
4 murgpampoentjies, in ringe gesny
6 vla-pampoentjies
1 x 250 g wit sampioene
1 blik lensies, gedreineer
250 ml rys, gekook tot gaar
sout en varsgemaalde swartpeper
hand vol vars koljander, gekap
Bulgaarse jogurt vir voorsit

METODE:
Verhit botter in ‘n middelslagpan tot warm. Voeg ui en knoffel by. Braai vir 5 minute of tot dit begin verkleur. Voeg kerriepoeier, komyn en kardemomsade by. Braai vir nog 5 minute. Voeg tamaties en water by. Verlaag hitte en prut vir 5 – 8 minute. Verhit olyfolie in ‘n braaipan tot warm. Voeg groente by en roerbraai vir 8 -10 minute. Meng lensies en rys met die groente. Geur goed met sout en swartpeper. Skep in oondvaste bak. Roer koljander by tamatiesous en gooi oor rys. Bak vir 10 – 15 minute of tot warm. Sit voor met jogurt.

Print Friendly, PDF & Email
 

CURRIED BEEF,MUSHROOM & MASHED POTATO GRATIN

Source: Knorr / Stork Recipe

Ingredients
30 ml Stork margarine
150 ml Milk
900 gr Potatoes
125 ml water OR
coconut milk
125ml Red wine
410 gram Can tomatoes, chopped
30 ml Curry powder
250 gram Button mushrooms, halved
2 Large onions, chopped
750 gr Stewing steak, cut into 3 cm cubes
15 ml oil
1 KNORR Garlic & Herb Potato Bake
Add a little bit of brown sugar
TO TASTE to counteract the acidity of the tomatoes.

Instructions
Brown meat in heated cooking oil. Remove from pan. Add onions, mushrooms and curry powder to the same pan and cook until onions are soft. Return meat to pan and add tomatoes, red wine and water. Simmer covered for about 1½ hours until meat is tender. Peel then boil potatoes until tender. Drain well and mash. Add the milk, Stork margarine and contents of the sachet of KNORR Garlic & Herb Potato Bake to the mash. Spoon the potato mixture into a greased, ovenproof dish, lining the base and sides and leaving a large hollow in the middle for the meat filling. Fill with meat filling and flatten with a spoon. Bake at 180°C for 25 min or until potato is golden around the edges.

Print Friendly, PDF & Email
 

KERRIE-EIERS  MET  MIELIES

Rika Theron
4 – 6 porsies

Bestanddele: 
1 ui, in ringe gesny
1 knoffelhuisie, fyngedruk
olie
10 ml kerriepoeier
300 ml hoenderaftreksel
sap en skil van ‘n halwe suurlemoen
30 ml blatjang
30 ml suiker
1 blik (420 g) geroomde suikermielies
15 ml koekmeelblom
sout & swartpeper
4 – 6 eiers, hardgekook.

Metode: 
Soteer die ui en knoffel in ‘n klein bietjie olie tot sag.  Voeg die kerriepoeier by en roerbraai nog ‘n bietjie.  Giet die hoenderaftreksel by en bring tot kookpunt.  Voeg die sap en skil van die suurlemoen by asook die blatjang, suiker en suikermielies.  Laat goed kook en verdik dan die sous met meelblom wat aangemaak is met ‘n bietjie water.  Voeg die eiers by en verhit tot die eiers deurwarm is.  Dien op saam met rys, piesangskyfies, blatjang en klapper indien verkies.

 

Print Friendly, PDF & Email