WARM PATATS IN FOELIE

Anna Eksteen

Bestanddele
een medium patat per persoon                                       
foelie
botter 
growwe peper / peperkorrels
growwe sout / soutkorrels 
extra virgin olyfolie
een suurlemoen 
‘n paar takkies vars tiemie

Metode
Was die patats skoon en droog af (hou die vel aan). Neem ‘n vurk en steek so ‘n paar gate in die patats reg rondom. Plaas die patats elkeen op ‘n stuk foelie (blink kant na binne). Drup so klein bietjie olyfolie op elke patat, en smeer so bietjie botter op elkeen. Sny die suurlemoen in die helfte en druk ‘n klein bietjie sap op elke patat. Meng die sout en peperkorrels en maal dit fyn strooi op die patats. Plaas een takkie vars tiemie saam met die patat op die foelie. Draai die patats goed toe in die foelie moenie dat die tiemie uitval nie, want dit bring so ‘n lekker geurtjie en smakie daarby.

Print Friendly, PDF & Email
Advertisements
 

RISSIE BLATJANG

Woumarie

Bestanddele
3 uie
2 knoffelhuisies
500ml opgesnyde brandrissies
250ml Bruin asyn
750ml Appelkooskonfyt
10ml kerriepoeier
5ml Gemaalde gemmer
125ml sweet chillie sous
5ml sout

METODE:
Skil die uie en knoffel en sny dit in stukkies op. Maal dit saam met brandrissies. Voeg die asyn by en kook vir n paar minute.
Roer die res van die bestanddele by. Verhit dit stadig tot kookpunt. Prut ongeveer 30 minute lank tot duk. Roer gereeld.
Bottel Blatjang in gesteriliseerde bottels en verseel dadelik.

Print Friendly, PDF & Email
 

WORTEL EN PATAT KLUITJIES

Woumarie
Dis byna dieselfde as om gnocchi te maak, maar hier vorm jy groter balle.
18 kluitjies

Bestanddele
500 g wortels, geskil en in skywe gesny
500 g patats, in blokkies gesny
250 g (445 ml) koekmeel
hand vol gekapte vars pietersielie
sout en varsgemaalde swartpeper na smaak
100 g (110 ml) botter
hand vol vars salieblare

METODE:
Kook wortels en patats in aparte kastrolle tot sag. Dreineer en laat effens afkoel. Maak fyn en meng goed met mekaar. Voeg meel en pietersielie by en geur met sout en swartpeper. Men goed tot ‘n klam deeg. Verdeel deeg in 18 kluitjies en plaas op ‘n uitgevoerde, meelbestrooide bakplaat. Hou eenkant. Bring water tot kookpunt in ‘n kastrol. Plaas ‘n paar kluitjies vir sowat 5 – 10 minute daarin. As hulle bo dryf, is hulle gaar. Skep uit en hou eenkant warm. Herhaal met almal. Verhit botter in ‘n pan en voeg salieblare by. Braai vir 3 minute. Plaas kluitjies in saliebotter en sit warm voor. Sit voor saam met ‘n Bredie. Jy kan die rou kluitjies so 10 minute voor jy dit voorsit in die bredie skep. Sit dan weer die deksel op. Só kook die kluitjies gaar in die sous van die bredie.

Print Friendly, PDF & Email
 

AARTAPPEL TERRIEN

Woumarie

Bestanddele
1kg aartappels
1 klein groen appel, ongeskil in blokkies gesny
1 rooi soetrissie, klokhuis verwyder en in blokkies gesny
1 medium wortel, grof gerasper
1 ui gerasper
2 selderystingels, gekap
1 t kerriepoeier gemeng met ¼ k mayonnaise
45ml maaskaas
200ml Bulgaarse joghurt
Sout en peper
Garnering: Stokkiestjips

INSTRUKSIES:
Kook die helfte van die aartappels met skil en al in soutwater tot sag. Skil die ander helfte en sny in 1cm blokkies. Kook in soutwater tot net sag, nie pap nie; dreineer. Verwyder die skille van die ander en druk fyn. Voeg die appel, soetrissie, wortel, ui en seldery by die blokkies aartappel. Voeg die maaskaas, joghurt, mayonnaise, sout, peper en kerriepoeier by die fyn aartappel en meng goed deur. Voeg nou die twee mengsels bymekaar en roer dit met die steel van die houtlepel tot goed gemeng. Werk versigtig dat die blokkies aartappel nie stukkend geroer word nie. Skep in vormbak of broodpannetjie wat met kleefplastiek uitgevoer is en plaas in yskas om te stol. Keer uit op slaaibord en versier met stokkiestjips.

Print Friendly, PDF & Email
 

GROENBOONTJIE KOEKIES

Woumarie

Bestanddele
450g genipperde groenboontjies
200g Koekmeel
10ml Bakpoeier
5ml Kerrie poeier (sterkte soos verlang)
5ml sout
Knypie peper
2 eier (geklits)
5ml gerasperde ui
Kookolie vir vlakbraai

METODE:
Kook boontjies tot sag. Dreineer hulle goed en laat afkoel. Sif koekmeel,bakpoeier, kerrie, sout en pepper saam. Voeg die boontjies by en meng deur. Voeg eiers en ui by en meng tot n deeg. Voeg bietjie water by as deeg te styf is. Skep lepelsvol van deeg in vlak warm olie. Druk koekies effens platter en braai tot mooi goudbruin. Dreineer goed op kombuispapier

Print Friendly, PDF & Email
 

CRUMBED MUSHROOMS

www.flippenlekkespices.co.za

Ingredients
20 medium button mushrooms halved
vegetable oil for frying
1 cup plain flour
Flippen Lekka Spice to taste
1cup milk
2 eggs
2 cups breadcrumbs.

Method
Heat the oil in a fryer (or deep heavy bottomed pot) to 180-190 C. Mix flour and spice in a large bowl, the milk mixed with eggs in another, and the breadcrumbs in a third bowl. Toss the mushrooms in the flour, then in the egg wash and then in breadcrumbs. Fry in batches until golden. Drain well on kitchen paper towels. Serve the mushrooms with tartare sauce.

Print Friendly, PDF & Email
 

Bierbrood en sy Boeties

Woumarie

Bestanddele
500 g koekmeel
5 ml sout
340 ml bier
1 pak bruin uiesop

Metode
Voorverhit die oond tot 180º C. Spuit ‘n broodpan met kleefwerende middel. Sif die bruismeel en sout saam. Voeg die bier by en meng goed. Skep in die bereide pan en bak sowat 1 uur lank. Laat afkoel en keer uit.

Variasies:
# Spekvleis-bier-brood:
250 g spekvleis, fyn gekap
1 groen rissie, grof gekap en gesoteer tot sag
1 ui, fyn gekap en gesoteer tot sag

# Mielie-bier-brood:
410 g heel pitmielies, gedreineer
100 g gerasperde kaas

# Knoffel-bier-potbrood:
9 vars gekneusde knoffelhuisies, fyn gedruk
50 ml pietersielie, fyn gekap

Voeg die variasies se bestanddele by die basiese resep en bak soos deur die basiese resep beskryf.

Print Friendly, PDF & Email
 

GROENBONE MET SAMPIOENE

Woumarie

Bestanddele
10 ml olyf- of avokado-olie
1 ui, in kwarte en dan dun skyfies gesny
250g sampioene, gehalveer en in dun skyfies gesny
15 ml sojasous
400g dun groenboontjies
varsgemaalde swartpeper, na smaak

METODE
Verhit ‘n braaipan oor matige hitte en soteer ui vir ‘n paar minute. Voeg sampioene by en braai tot sag. Roer sojasous en boontjies by. Soteer boontjies vir 5 – 7 minute of tot net gaar. Verlaag die hitte, sit die deksel op en laat vir nog 5 – 7 minute prut. Die boontjies moet nog heldergroen en bros wees. Geur na smaak. Sit dadelik warm voor.

Print Friendly, PDF & Email
 

Oongeroosterde groente met couscous

Lynette Muller

Geniet die gereg warm of as slaai

Bestanddele en Metode
1kg gevriesde mix veg (klein blokkies).
Roerbraai met margarien en lekker baie aromat.
Gooi in bak.
Gooi 1 k room en pakkie patatobake bo oor.
Dan gerasperde kaas en bak so 30 min by 180.
Heerlik.

Print Friendly, PDF & Email
 

KERRIE JAFELS

Lynette Muller

Bestanddele
30 ml olyfolie
500 g beesmaalvleis
1 ui, fyngekap
3 knoffelhuisies, fyngekap
10 ml borrie
10 ml fyn koljander
5 ml komyn
2 ml fyn kaneel
0,5 ml fyn gemmer
15 ml garam-masala
1 blik (400 g) gekapte tamaties
15 ml suurlemoensap
sout en varsgemaalde swartpeper
12 snye witbrood
50 ml sagte botter

METODE:
Verhit olie in kastrol. Voeg maalvleis by en braai tot los en bruin. Voeg ui en knoffel by en braai tot ui sag is. Voeg borrie, koljander, komyn, kaneel, gemmer en masala by. Braai nog 5 minute. Voeg tamaties en suurlemoensap by. Geur met sout en peper. Laat prut sowat 1 uur. Die kerrie moenie souserig wees nie. Laat effe afkoel voor jy jaffels maak. Smeer brood aan een kant met sagte botter. Plaas een sny met gesmeerde kant na onder op ’n jaffelpan.

Skep kerrie bo-op en maak toe met nog ’n sny brood, gesmeerde kant na bo. Maak pan toe en sny oortollige brood af. Plaas op warm plaat en braai sowat 5 minute. Draai om en braai verder. Maak versigtig oop en kyk of brood goudbruin en bros is. Indien nie, braai verder. Sit voor met tamatie-en-ui-sambal, piesangen- jogurt en gekoopte groente-atjar. bygeregte

TAMATIE & UIE SAMBAL
400 g klein rosa-tamaties, in kwarte gesny
½ ui, baie fyngekap
¼ komkommer, in klein blokkies gesny
hand vol vars koljander, gekapMeng al die bestanddele saam.

PIESANG EN JOGHURT
4 piesangs, in skywe gesny
sowat 80 ml griekse jogurt
Plaas piesangskywe in bak en skep jogurt bo-op.

Print Friendly, PDF & Email