MIELIEMEELHAPPIES 

Rika Theron

Bestanddele: 
375 ml melk
375 ml mieliemeel
1 groot ui, fyn gekap
1 groot groen soetrissie, fyn gekap
2 stele seldery, in ringe gesny (opsioneel)
2 medium wortels, in dun ringe gesny
50 ml botter
500 ml koekmeelblom
20 ml bakpoeier
5 – 7 ml sout
5 – 7 ml tiemie
1 ml rooipeper
1 ml neutmuskaat
25 ml suiker
3 ekstra groot eiers, effens geklits.

Metode: 
Voorverhit die oond tot 180°C.  Smeer twee panne van 24 x 24 cm met margarien.  Verhit die melk tot kookpunt in ‘n groot kastrol op die stoof.  Voeg die mieliemeel lepelsgewys by terwyl aanhoudend geroer word.  Meng goed en verwyder dan van die stoofplaat.  Laat effens afkoel.  Soteer die groente in verhitte botter tot effens sag.  Voeg by die mieliemeelmengsel en meng goed.  Meng die res van die bestanddele, buiten die eiers, goed saam.  Voeg dit beurtelings met die geklitste eiers by die mieliemeelmengsel en meng goed.  Verdeel die mengsel in twee en skep in die voorbereide panne.  Bedek en bak 30 minute lank of tot gaar.  Sny in blokkies en dien warm of koud op saam met tuisgemaakte tamatiesous.

Variasie: 
Skep lepelsvol van die mengsel in verhitte olie en diepvetbraai tot goudbruin en gaar van binne.  Dreineer op handdoekpapier.

Vir ‘n vinnige tamatiesous: 
Gebruik ‘n blik tamatie-en-uiesmoor, geur dit met sout, swartpeper en basielkruid en kook dit af totdat dit nie meer waterig is nie.

Print Friendly, PDF & Email
Advertisements
 

AARTAPPELS IN KERRIEMARINADE

Anna Eksteen

Bestanddele
750g aartappeltjies

Metode Aartappels
Kook die aartappeltjies in soutwater vir 10-15 minute of totdat hulle byna sag is.

MARINADE
20ml kookolie
1 groot ui, fyn gekap
2 huisies knoffel, fyn gedruk
25ml matige kerriepoeier
5ml gemaalde borrie
1 rissie, ontpit en gekap
2-3 suurlemoen- of lourierblare
15ml vars gemmer, gekap
30ml appelkooskonfyt
125ml wynasyn
125ml hoenderaftreksel
5ml mielieblom

Metode
Verhit die kookolie in ‘n swaarboomkastrol, voeg die ui en knoffel by en braai totdat die ui deurskynend is. Voeg die kerriepoeier en borrie by en braai vir nog 2 minute. Dreineer die aartappels en voeg by die marinade. Kook vir nog 5 minute of totdat die aartappels sag is. Pak die aartappels in ‘n opdienskottel. Steek peuselstokkies in die aartappels. Maak ‘n pasta van die mielieblom en water en voeg by die marinade. Roer aanhoudend. Kook vir nog 1-2 minute totdat die marinade dik word. Gooi in ‘n klein doopbakkie en bedien as ‘n doopsous saam met die aartappels. Bedien 6 porsies.

Print Friendly, PDF & Email
 

KAAS ASEMPIES

1 koppie (250 ml) sterk cheddarkaas, gerasper
1 koppie (250 ml) meel
1 koppie (250 ml) botter (laat die botter sag word buite die yskas) 1 eiergeel

METODE:
Dis een van die heel maklikste resepte.
Jy meng letterlik alles – maak die hele spulletjie sommer met jou hande aan.
Maak toe met kleefplastiek en laat rus vir sowat I n halfuur in die yskas.
Verhit die oond tot 180 o C
Maak klein balletjies en plaas op gesmeerde bakplaat.
Druk plat met ‘n vurk.
Bak die kaas-asempies op die middel rak vir ongeveer 12 tot 15 minute.
Hou maar dop tot hulle mooi goudbruin is.
Laat eers afkoel op die bakplaat voordat jy proe.

Bron: Onbekend
Wenk:  Maak die resep maar dubbel aan want dit word gou verslind

 

Print Friendly, PDF & Email
 

PIZZA POPPERS

Koekoes Vorster

Ingredients
1 package puff pastry
1 cup mozzarella cheese
48 slices pepperoni
½ cup finely diced green pepper
½ cup pizza sauce for dipping

INSTRUCTIONS
Preheat oven to 180 degrees. Spray two mini muffin tins with non-stick olive oil spray.When you unwrap the puff pastry, separate into four rectangles You should have four even rectangles. Slightly roll out the dough horizontally and vertically.Sprinkle ¼ cup of the mozzarella on each rectangle and then sprinkle with a little bit of chopped green pepper. Press into dough. Layer pepperoni on top of cheese and peppers. There should be three rows of four pepperonis each.Tightly roll, jelly roll style and cut each rectangle into six pieces.Place poppers, cut side down into mini muffin tins.Bake for about 10 minutes or until crescent roll dough is cooked through and pale brown

Print Friendly, PDF & Email
 

Spinasie en feta tertjies

Rohanja
Deeg:
1 kp Nutty wheat
1 kp koekmeel
125g botter in blokkies
2 eiers
2 eetl yswater

Metode
Meng meel en botter en pols tot broodkrummels. Voeg eiers en water by. Meng tot bal vorm. Rol uit en druk in pan. Verkoel.

Vulsel:
2 bossies spinasie gewas en stingels verwyder
200g gekrummelde feta kaas
1 teel mosterd
50g flour
50g botter
1 kp melk
2 eiers geklits
50g cheddar (opsioneel)

Metode
Stoom spinasie vir 5 min. Kap grof. Maak witsous van meel, botter en melk. Voeg sout, peper en mosterd by en dan die spinasie en feta kaas. Skep in tertdop en gooi geklitste eier oor en cheddar kaas. Bak 15min. By 180°.

Print Friendly, PDF & Email
 

Fat bombs oftewel Banting sjokolade

Fat bombs

Bestanddele
Halwe koppie  coconut olie
Halwe koppie coco
Kwart koppie xyletol stroop
Halwe teelepel vanilla
Knippie sout

Metode
Kook op lae hitte tot alles goed opgelos en mooi vermeng het.
Giet in ysbakkies en hou in die vrieskas.
Dit gaan deur as n Banting sjokolade lekker.
Maar as jou energie vlakke laag is suig een en jy maak dit deur jou dag.

Print Friendly, PDF & Email
 

SMULSTAFIES

Anna Eksteen
(12 stafies)

Bestanddele
125 ml volkoringmeel
250 ml hawermout
1 ml koeksoda
125 ml klapper
125 ml bruin suiker
250 ml pitlose rosyne
150 g margarien, gesmelt
15 ml heuning

Metode
Voorverhit oond tot 180C.
Smeer die bakplaat.
Meng die volkoringmeel, hawermout, koeksoda, klapper, bruin suiker en pitlose rosyne saam in ‘n groot mengbak.
Meng die gesmelte margarien en heuning saam in ‘n aparte bak.
Roer goed.
Voeg margarien-heuningmengsel by die droë bestanddele en meng deeglik met ‘n houtlepel.
Druk die mengsel eweredig vas op die bakplaat.
Bak 20 minute lank tot goudbruin.. Sny in stafies terwyl nog warm..
Laat heeltemal afkoel.

Print Friendly, PDF & Email
 

Kondensmelk balletjies

1 Pakkie Mariebeskuitjies  baie fyn gemaak
1 K Klapper
1 Blikkie Kondensmelk (Volroom)
Ekstra klapper om in te rol

Meng Kondensmelk en klapper goed en voeg dan die fyn Mariebeskuitjies by.
Meng baie goed.
Rol in Balletjies en rol dan in klapper.
Plaas op waspapier in lugdigte houer of in klein papierkoppietjies (Cup Cakes).
Variasie:
 Gebruik Karamel Kondensmelk in plaas van gewone.
Druk in kersie of neut in balletjie vir ‘n verrassing.

Bron: http://kampkosenwenke.weebly.com/

Print Friendly, PDF & Email
 

Wit sjokolade likeur balletjies of truffels

Keur resep

Bestanddele
125g botter
250ml versiersuiker, gesif
1 Eier
90ml Cape velvet aarbei likeur
(of ander room likeur van u keuse)
400g Marie beskuitjies, baie fyn gekap
200g Wit sjokolade

Metode
Room botter en versiersuiker tot liggeel.
Voeg di eier en likeur by en klits goed.
Voeg beskuitjie krummels by en meng goed.
Skep klein teelepels vol van die mengsel en vorm balletjies met jou hande.
Voeg nog n bietjie likeur by as n sagter balletjies verkies.
Plaas balletjies in yskas to gestol.
Smelt die sjokolade in die mikrogolf op  70% krag of n dubbel koker.

**Indien jy dit in die mikrogolf smelt, hou dit goed dop. Roer as sommige dele baie sag is.  Dit brand maklik. Doop balletjies in sjokolade en plaas op afkoel rakkie of bakpapier tot gestol.

Print Friendly, PDF & Email