VY – EN – ROKETSLAAI:

Rina

Bestanddele
8 vars vye, in kwarte gesny
125g roket
180g sagte bokmelkkaas in skyfies gesny
8 skyfies Parma-ham
(moenie bekommerd wees as dit breek nie)

BASILIEKRUID-VINAIGRETTE:
½ knoffelhuisie gekneus
45ml gekapte dennepitte
‘n handvol vars basiliekruidblare, geskeur
90ml olyfolie
45ml balsamiese asyn
sout en varsgemaalde swartpeper na smaak

Metode
Plaas vye vir 2 uur in die yskas. Dit maak dit fermer en makliker om in skyfies te sny. Plaas roket en Parmaham in ‘n mengbak. Sny vye in oorlangse skyfies. Berei slaaisous deur al die bestanddele saam te meng. Giet bo-oor die roket, Parmaham en vye in mengbak en meng liggies deur. Rangskik slaai op ‘n opdienbord. Druk skyfies bokmelkkaas tussen in en sit voor.
Lewer 4 porsies.

NOTA:
Vervang die vye deur die soetste hanepoot-druiwekorrels ( sowat 375ml). Halveer die druiwekorrels voordat jy dit meng met die res van die slaaibestanddele.

Print Friendly, PDF & Email
Advertisements

AARTAPPELTJIES MET BLOUKAAS EN BILTONG

Okkie Janse van Vuuren

Bestanndele
500g jong aartappeltjies
2 hardgekookte eiers, in skywe gesny
100g bloukaas, gekrummel
100g biltong, gekerf
125ml mayonnaise
75ml room of natuurlike jogurt
sout en varsgemaalde swartpeper
gekapte ui
15ml gerasperde biltong om bo-oor te sprinkel

Metode
Kook die aartappels in kookwater tot sag, ongeveer 10-15 minute. Dreineer en trek die skille af terwyl nog warm. Plaas die aartappeltjies, eierskywe, bloukaas en biltong in ‘n mengbak. Klits die mayonnaise en room of jogurt saam en geur mildelik met sout en peper. Giet die slaaisous oor die aartappeltjies. Meng liggies en versigtig deur. Garneer met gerasperde biltong en gekapte grasui. Sit louwarm of koud voor. Bedien 4 porsies.

Print Friendly, PDF & Email

KNOFFEL SUURLEMOEN AARTAPPELS

Okkie jansen van Vuuren

Bestanddele
3 groot aartappels, geskil, in skywe gesny
60ml vars uitgedrukte suurlemoensap
60ml botter, gesmelt
2 knoffelhuisies, gekneus

Bestanddele
Rangskik aartappelskywe in gesmeerde, vuurvaste oondskottel. Meng suurlemoensap, botter en knoffel en giet oor die aartappels. Bak in voorverhitte oond by 180C, sowat 45 minute lank of tot aartappels sag is en bruin bo-op. Bedien saam met gebakte skaap of varktjops.

Print Friendly, PDF & Email

Aartappelslaai met Spek ~ Grootmaat

Jan van Niekerk
Lewer 50

Bestanddele
8 kg Aartappels
20 ml Sout om te kook
1 kg Swoertlose Spekvleis
500 ml Mayonaise
500 ml Ongegeurde jogurt
20 ml Sout
15 ml Varsgemaalde swartpeper
100 ml Grasui, fyn gekap

Metode:
Kook die aartappels in soutwater tot net sag maar ferm. Dompel in koue water en trek die skille af. Sny in blokkies in ‘n slaaibak. Snipper die spekvleis grof. Braai tot goudbruin. Gooi die uitgebraaide vet af en dreineer die spek op handdoekpapier. Meng die mayonnaise, jogurt en grasui en voeg by die aartappels. Voeg spekblokkies asook sout en peper by. Meng liggies deur en verkoel in yskas. Lewer 50 porsies.

Die jogurt kan met blatjang vervang word en as warm aartappelslaai voorgesit word.

Print Friendly, PDF & Email

BROS AARTAPPELSKIL SLAAI:

Rina

Bestanddele
8 aartappels se skille
15ml olie
200g gekapte spekvleis
blaarslaai
100ml gekapte haselneute
60g fetakaas, in blokkies gesny
2 rooi, ongeskilde appels, in blokkies

Metode
Skrop aartappels onder koue, lopende water. Druk droog. Skil aartappels in eweredige repe en braai in verhitte olie tot goudbruin en bros. Braai spekvleis tot bruin en bros en dreineer. Voer ‘n slaaibak uit met slaaiblare. Meng neute, kaas, appel, spekvleis en aartappelskille liggies. Plaas in slaaibak en verkoel. Lewer 4 porsies.

Print Friendly, PDF & Email

Gerookte Hoenderslaai

Rohanja

Bestanddele
2 gerookte hoenderfilette
1 pakkie sampioene
kwart koppie sojasous
1 teelepel suiker
skeut sjerrie
vars slaaiblare
sprietuie
fetakaas
avokado
tamaties

Metode
Skroei sampioene in pan. Meng sjerrie, suiker en sojasous en voeg by sampioene. Sny hoender in klein stukkies.
Maak gewone slaai met die orige bestandele en versier met hoender, feta en sampioene. Bedruip orige sojasous en olyfolie oor slaai.

Print Friendly, PDF & Email

VRUGTIGE MACARONI-SLAAI

Marie

Heerlik by ‘n vleisbraai. (Dit lewer 8 porsies)

Bestanddele
250 g macaroni                                                            
15 ml olie
1 klein pynappel, geskil en in blokkies gesny                 
3 piesangs, in skywe gesny
1 x 410 g-blik perskeskywe, gedreineer                         
401 g-blik jong ertjies, gedreineer
kruisementblare vir garnering

Slaaisous:
125 ml bier                                                                   
125 ml goeie gehalte mayonnaise

Metode
Kook die macaroni in soutwater vir 10 15 minute of tot al dente.   Dreineer en spoel af onder koue lopende water.  Meng pasta liggies met die olie.  Berei intussen die slaaisous deur die bier en mayonnaise goed te skud in ‘n glasfles met ‘n skroef deksel.  Meng die macaroni, pynappel, piesangs, perskes, ertjies en slaaisous saam.  Skep in ‘n mooi vlak slaaibak, garneer met kruisementblare.

Wenke:
Die slaai kan ‘n uur of wat vooraf gemaak word, bedek met kleefplastiek en bêre in die yskas.
Besprinkel die piesangskywe met ‘n bietjie suurlemoensap.

Variasies:
Vervang die ingemaakte perskes deur ingemaakte lietsjies.
Vervang die bier deur pynappelsap óf natuurlike jogurt.
Gebruik 1 x 410 g-blik pynappelstukke, gedreineer, in plaas van vars  pynappel.

Print Friendly, PDF & Email

RYS EN SPINASIE SLAAI:

Bestanddele
200 g rou rys (250 ml)                                                   
6 repe spekvleis, gekap
1 klein bossie jong spinasie, gewas, die wit stingels verwyder en fyngekerf                   
2 selderystingels, gekerf stingels verwyder en fyngekerf                                      
3 eiers, hardgekook, gekap
6 knopiesampioene, in skywe gesny

Slaaisous:
125 ml mayonnaise
30 ml asyn
5 ml peperwortel (horse-radish)                                     
3 ml Tabasco-sous
5 ml sout  
varsgemaalde swartpeper

Metode
Berei die rys voor volgens die aanwysings op die verpakking en laat afkoel. Braai die spekvleis tot bros, dreineer op papierhanddoek en laat afkoel. Meng die rys, spekvleis, spinasie, seldery, sampioene en eiers liggies saam. Giet die slaaisous oor en meng goed met twee vurke.Laat die slaai vir minstens 1 uur staan voor opdiening.

Print Friendly, PDF & Email

Franse slaaisous

Magda

Bestanddele
Gooi die volgende bestanddele in ‘n lee bottel:
2 Koppies olie
1 Koppie asyn (Skud die bottel totdat die mengsel wit word)

Voeg dan verder by:
2 Teelepels Aromat
2 Teelepels Sout
3 Lepels Suiker
1 Teelepel Tiemie
2 Teelepels Droë Pietersielie
1 Teelepel Swart Peper
1 Knoffelhuisie fyn gesny

Metode
Skud die mengsel goed en plaas in die yskas. Hoe langer dit staan hoe lekkerder word die sous en is heerlik oor mengelslaai

Print Friendly, PDF & Email

Gemarineerde Broccoli ~ Grootmaat

Jan van Niekerk
Lewer 30 porsies

Bestanddele
2 kg Broccoli, Blommetjies afgesny
5 Soetrissies in repies gesny

Marinade:
250 ml Olyfolie
15 ml Sout
8 ml Varsgemaalde swartpeper
10 ml Droë pietersielie
10 ml Droëbasiliekruid
19 ml Oreganum
150 ml Wynasyn
35 ml Suiker
100 ml Mayonnaise
10 ml Varsgemaalde knoffel

Metode:
Marinade:
Meng al die bestanddele vir die marinade en laat 12 ure of oornag in die yskas staan. Gooi die marinade oor die broccoli en rissies en marineer 4 ure. Dreineer die marinade en sit koud voor. Lewer 30 porsies.

 

Print Friendly, PDF & Email