Dagstukkies – Page 2

’n Coke, 2 liter melk, ’n pastei en 2kg koekmeel

Hallo Frik

Dis Sondag en my maag fladder oor die klomp werk wat voorlê die week. Toe ons uit die kerk kom, besluit ek dit sal lekker wees om ’n worsie te braai en saam met my gesin om die vuur te kuier.

Maar niemand het hulle beursies by hulle nie. My seun sê toe dat hy met sy foon kan geld trek en ons vra hom om R100 te trek – die kinders is ons darem altyd een voor en ons stop by die bank.

Sy banktransaksies registreer via ’n sms op my vrou se selfoon en terwyl ons in die kar vir hom sit en wag, merk sy op dat hy R300 getrek het. Toe hy terugklim in die kar, sê hy daar was R3 000 in sy rekening en hy het sommer 10% daarvan getrek om homself met sy tiende te bederf. Ek snap dadelik dat hy sy ma se been trek.

Hy het die ekstra R200 getrek omdat hy iemand daarmee wil seën.

Hy stap saam met my by die winkel in, maar stap toe in sy eie rigting. Ek kry eers weer by die toonbank ’n kykie in sy aankope: ’n bottle Coke, 2 liter melk, ’n pastei en 2kg koekmeel.

Met die uitstapslag sê hy ons moet net bietjie wag, hy kom nou. Na ’n kort rukkie kom hy sonder die inkopies by ons motor aan.

My vrou sê vir hom dat die Here nou seker met ’n groot glimlag sit. Hy sê ja, seker net so groot soos die sekuriteitswag s’n.

“Wat het jy vir hom gesê?” vra my vrou: “Remember God loves you and God bless”.

Dis nou die volgende oggend en ek raak stil by die volgende vers: ¹⁸Vra hulle om hulle geld te gebruik om arm mense mee te help. Hulle moet nie suinig wees nie en moet graag met ander deel wat hulle het.

Ek glo nie in toeval nie.

Soos die Engelsman sê: “Enough said …”

Teks
1 Timoteus 6:17-21

Om oor na te dink
Hoe ervaar mense jou beursie?
Of ervaar hulle dit glad nie?
Waar kan jy gee?

Gebed
Here, ek weet ek het ’n bietjie werk in my beursie nodig. Omtrent alles wat daaruit gaan, is vir my. Ek weet ek moet meer vir ander gee, maar weet nie hoe en waar nie. Sal U my help om my geldsake reg te bestuur sodat ek ook eerste vir ander kan gee. Amen.

Shalom

Gerjo Ben

Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Wag geduldig 3

Blye Versekering vir 7 Aug. 2019 Tema: Wag geduldig 3

**** My eie woorde

**** Ons kan maklik sê ons is geduldig, maar wanneer iemand voor jou inry of jou aanval met harde woorde, besef jy geduld is nou nie een van jou goeie eienskappe nie. Jy is dadelik gereed en op jou perdjie. Toe ek vanoggend hierdie woorde lees wonder ek daaroor. Wees geduldig met mekaar. Hoe kry mens hierdie geduld, behalwe deur die krag van Jesus Christus en oefening. As ek en jy vandag vra vir geduld, wees verseker jy gaan oefening kry en as jy die toets faal moet jy weer oefen.

Kol.3:13 Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe.

**** Dei tweede aspek is vergifnis. Ek wonder hoe skoon sou my sonde wees, as die HERE vergewe soos ek en jy vergewe. Ons haal mos die ou koeie uit die sloot en trek weer hulle vel aan en gooi dit voor ander neer en sê : “ Maar onthou jy wat jy gedoen het ….” Nou my vraag, wanneer ek en jy ons sonde bely en die HERE vergewe soos ons vergewe dan kan Hy ook sê : “Ja, maar kyk na jou verlede, onthou jy die en daardie en hierdie“. Weet jy wanneer ek reeds sonde bely en laat staan het en ek kom weer dan sê Hy : “Verskoon My maar Ek sien net MY Seun se Bloed Ek weet nie waarvan jy nou praat nie”.

Heb 8:12 Want Ek sal barmhartig wees oor hulle ongeregtighede en aan hulle sondes en hulle oortredinge nooit meer dink nie.

Ps 103:12 So ver as die ooste verwyderd is van die weste, so ver verwyder Hy ons oortredinge van ons.

1 Kor. 13:4a Die liefde is geduldig,……….

GEBED vir VANDAG M

Onse Vader U wat barmhartig genadig en geduldig is met ons, aan U alleen al die lof dank en eer daarvoor. Help ons elkeen vandag met ons ongeduld met mekaar. Help ons om die woorde uit te leef….liefde is geduldig. Ons het U genade en vergifnis so nodig, help ons dat ons werklik kan vergewe soos U ons vergewe, want ons leer so stadig. Ek bid vandag vir elkeen wie se naam met die letter M begin. Ek glo hulle staan in afwagting van U seën en hand van genade en beskerming oor hulle vandag. Wil U gee na die rykdom van U liefde en genade. In Jesus se Naam. Amen

Geseënde dag vir elkeen.

GETUIENISSE en TERUGVOER

****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie, Probleme tydens vas. Bybels tekste oor vas

https://youtu.be/xtM_BWsonFw Deel 2

https://youtu.be/WRmcCzr9g3c Deel 1

Die offer

https://youtu.be/BAXyZF_6oh8 -Deel 1

https://youtu.be/h9w6NicWKiY -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste: http://www.go.to.co.za/lenten

Nuwe intekenare is welkom

blye.versekering@gmail.com

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com

Wag geduldig 2

Blye Versekering vir 6 Aug. 2019 Tema: Wag geduldig 2
**** My eie woorde
****Vanoggend kyk ons na drie boodskappe in een teksvers. Eerstens sê Paulus, verbly julle in die hoop. Tweedens moedig Hy ons aan om geduldig te wees, en laastens gee hy die antwoord hóé ons dáárby kan uitkom juis wanneer dit onmoontlik lyk.
Rom.12:12 verbly julle in die hoop; wees geduldig in die verdrukking; volhard in die gebed.
**** Van watter hoop praat Paulus dat ons daaroor moet bly wees. Wanneer mens op iets hoop, kan jy mos nie bly wees daaroor nie, want jy leef nog in afwagting. Kyk hoe mooi antwoord die woord van God ons.
Tit 1:2 in die hoop van die ewige lewe wat God, wat nie kan lieg nie, van ewigheid af beloof het,
**** Dit is die ware hoop, die ewige lewe wat God van ewigheid af beloof het en dan die ernstige woord, dat God nie kan lieg nie. Hy sê daarmee saam ons gaan swaarkry, dis nie maklik nie, maar dan sê hy, hou aan bid. Hy sê volhard, moenie opgee nie. Al sien jy nie die antwoord nie, al voel dit of jou wêreld in duie stort hou aan bid. As jy nie weet wat om te bid nie, meld net aan voor die Allerhoogste. Hy kyk, Hy sien, Hy hoor. Hy is ons Ewige God en Vader.
GEBED vir VANDAG L
Onse Vader, dankie vir die wonderlike wete en belofte dat die ware hoop juis is om vir altyd en ewig in U teenwoordigheid te wees. Dankie, dat U woord die waarheid is en dat ons dit onvoorwaardelik kan glo. Ek vra vanoggend help ons om geduldig aan U vas te hou. Ek bid vanoggend vir elkeen wie se naam met die letter L begin. Mag elkeen van hulle vanoggend opnuut aanmeld vir diens aan U. Help elkeen om gehoorsaam te wees totdat U kom. In Jesus se Naam . Amen.
Geseënde dag en week verder.
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

You Tube:
Skakels oor vas.
https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.
https://youtu.be/Zcs-MjdrVWc Deel 3 Vas en Medikasie, Probleme tydens vas. Bybels tekste oor vas
https://youtu.be/xtM_BWsonFw Deel 2
https://youtu.be/WRmcCzr9g3c Deel 1
Die offer
https://youtu.be/BAXyZF_6oh8 -Deel 1
https://youtu.be/h9w6NicWKiY -Deel 2

http://www.facebook.com/Blye.Versekering#!/Blye.Versekering
Blye Versekering Webtuiste: http://www.go.to.co.za/lenten
Nuwe intekenare is welkom
blye.versekering@gmail.com
blye.versekering.audiocd@gmail.com
Gebedsversoeke kan gestuur word aan
gebed.asseblief@gmail.com

Wag geduldig 1

Blye Versekering vir 5 Aug. 2019 Tema: Wag geduldig 1
**** My eie woorde
**** In vanoggend se gedeelte sê die HERE, Hy is goed vir die wat op Hom bly hoop en wat na Sy wil vra, maar dan die ander deel, ons moet net geduldig bly wag. Geduld is seker een van die eienskappe wat ons almal so ver mee te kort skiet. Onthou een ding, God kan nie vergeet nie en as Hy iets aan jou belowe het, doen Hy dit. Wag daarop met geduld.
Klg 3:25 (NV) Die Here is goed vir wie op Hom bly hoop, vir die mens wat na Sy wil vra; 26 dit is goed om geduldig te wag op die hulp van die Here; 27 dit is goed vir ‘n mens om sy las in sy jeug te dra. 28 Laat hy in sy eensaamheid geduldig bly as God hom die las opgelê het,
**** Jare gelede was ons in ‘n baie negatiewe situasie. Dit het werklik gevoel en gelyk of die HERE nie hoor nie en of Hy Sy rug op ons gekeer het. Toe gee die HERE vir my ‘n belofte Hy sal ons lot verander…..keer op keer wanneer ek voor Hom op my knieë is bevestig hy dit weer. Na 7 jaar keer Hy ons situasie om en breek die lig deur. Daar het ek geleer om te bly hoop en geduldig te wag. Vandag hoor ons van vroue wat hulle babas weggooi maar die HERE sê Hy sal ons nooit vergeet nie.
Jes.49:15 Kan ‘n vrou haar suigling vergeet, dat sy haar nie ontferm oor die seun van haar skoot nie? Ofskoon hulle sou vergeet, nogtans sal Ék jou nie vergeet nie!
GEBED vir VANDAG K
Onse Vader, groot en Heilig is U Naam. Dankie vir U omgee hart en dat ons U op U woord kan neem. Help ons om te bly hoop en in geduld op U te wag. Ek bid vandag vir elkeen op die lys wie se naam met die letter K begin. Miskien het hulle al gevoel om hoop op te gee en hulle geduld is op. Versterk hulle vandag met daardie wete op die regte tyd sal die lig weer deurbreek. In Jesus se Naam. Amen.
Geseënde dag en week vir elkeen.
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

n Lewe gebou op vertroue

Hallo Frik

Ek sien ek het ’n fout gemaak. Ek het in die vorige gedeelte die laaste stukkie van vers 17 uitgelos. Eintlik is dit die antwoord op alles. ¹⁷… Hulle moet eerder hulle lewe bou deur op God te vertrou. Hy sal sorg dat ons alles kry wat ons nodig het om van te leef. Praat mooi met die ryk mense.

Dadelik spring die teksvers van ons moenie op prinse vertrou nie in my kop. Ek vra vir Google om my te help kyk waar dit staan. Psalm 146. Wat ’n pragtige Psalm wat woord vir woord vandag vir my by die hand vat. Dit beteken vir my so baie en in ’n tyd waar die branders woes aangerol kom, kry ek rustigheid:

³Moenie op mense staatmaak nie.

Jy kan dalk dink dat mense in hoë posisies jou sal kan help. Moenie glo nie.

Mense bly maar net mense.

⁴’n Mens is net van stof gemaak en leef net ’n kort rukkie.

As hy doodgaan, word hy weer soos niks.

Sy planne hou nie lank nie. Daarom kan jy nie op ’n mens staatmaak om jou te help nie.

⁵Hoor mooi, jy sal nie ’n fout maak as jy op die God van Jakob vertrou om jou te help nie.

Hy het deur die geskiedenis gewys dat jy Hom kan vertrou.

Iemand wat die Here as sy God vertrou, is ’n baie gelukkige mens.

⁶Onthou, die Here het al die mag in die wêreld.

Hy het alles gemaak: die hemel, die aarde, die see, ja, alles wat leef en beweeg.

Hy sal nooit dit wat Hy gemaak het, in die steek laat nie. Hy bly altyd getrou.

⁷Die Here sorg dat mense wat swaarkry, reg behandel word.

Hy sorg dat mense genoeg het om van te leef. Hy haal mense uit die tronk.

⁸Die Here help mense met die grootste probleme.

Hy maak mense gesond, al is hulle hoe siek.

Die Here gee moed vir mense wat platgeslaan is; Hy tel hulle weer op.

Die Here het sy kinders baie lief.

⁹Hulle wat verstoot word en nie voorregte het soos ander nie, kan op die Here vertrou.

Hy sal vir hulle sorg.

Maar mense wat hulle nie aan die Here steur nie, is in groot moeilikheid.

God is betroubaar. Kyk maar na Sy volk. God was altyd by hulle, al het hulle soms teen Hom gekies. As ek so oor my lewe kyk, sien ek dat God nooit van my af weggegaan nie, al was Hy soms nie in my gedagtes nie. Hoe kan God dit wat Hy self gemaak het, vir die wolwe los?

God, wat al die mag het, sal jou nooit in die steek laat nie. Hy sorg vir mense wat swaar sleep. Is jou probleem te groot om uit te sorteer? God sal jou daarmee help. Voel dit of jou siekte jou oorrompel? God is daar! Lê jy platgeslaan op die vloer? God het jou só lief. Hy sal jou daar kom optel. Elke keer.

¹⁰Die Here is Koning oor alles. Hy regeer oor almal wat leef.

Hy is jou God. Hy sal jou nooit in die steek laat nie.

Vertrou op Hom! By Hom is jy veilig.

Kom prys die Here!

Amen!

Teks
1 Timoteus 6:17-21

Om oor na te dink
Waarop bou jy jou lewe?
Vir wie vertrou jy met alles?
Hoeveel vertroue kry God?

Gebed
Ons Vader wat in die hemel is, laat U Naam geheilig word. U is die grootste en die almagtigste. U skep. Ja, U het ook vir my gemaak. U sal nooit U skepsel alleen los nie. Dankie daarvoor. Op U vertrou ek. Amen.

Shalom

Gerjo Ben

Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Geen kopiereg – kan gratis versprei word.

Kliek hier om uit te druk | Print Email

Stel nie meer belang nie? Unsubscribe from this newsletter

Twyfel jy? 5

Blye Versekering vir 2 Augustus 2019 Tema: Twyfel jy? 5
**** My eie woorde
**** In vandag se gedeelte dui Jesus daarop dat dit wat menslik onmoontlik lyk, wel moontlik is Dan die voorwaarde ons moet Hom volkome vertrou en glo, en nie in ons hart twyfel nie.
Mar 11:23 Want, voorwaar Ek sê vir julle dat elkeen wat vir hierdie berg sê: Hef jou op en werp jou in die see—en nie in sy hart twyfel nie, maar glo dat wat hy sê, sal gebeur—hy sal verkry net wat hy sê.
**** Dadelik is daar ‘n klomp vrae. Hoeveel keer het jy al gevra en regtig geglo en dit het net nie gebeur nie…. hmmmm jy is nie seker of jy getwyfel het nie. ’n Dame het so paar jaar gelede aan my geskryf en vertel sy wou ‘n nuwe blyplek hê en nog ‘n paar ander goed. Sy begin toe bid daaroor. Toe wys die HERE haar daarop dat sy nie eers dit wat sy het, skoon hou versorg en oppas nie. Sy vertel hoe sy vrou alleen haar huis opgeknap het, die tuin uitgelê en skoongemaak het. Sy sê sy staan een dag so en kyk na haar handewerk en toe sê sy “ Dankie, HERE ek het my nuwe huis en prag tuin wat ek U gevra het. Dit herinner my aan die liedjie: “Tel jou seëninge tel hulle een vir een “ Verder vra ons mos vir sovele dinge, maar waaroor en vir wie vra ons dit? Ons neem een teks en besluit dis wat daar staan, maar kyk wat staan daar ook geskrywe.
Joh 14:13 En wat julle ook al in my Naam mag vra, dit sal Ek doen, …..sodat die Vader in die Seun verheerlik kan word.
****Kyk hoe kosbaar, Jesus sê nie dat Hy verheerlik moet word nie, Hy sê Hy sal dit doen, sodat die Vader in die Seun verheerlik kan word. Ek en jy vra sodat ons self die eer kan ontvang.
GEBED vir VANDAG J
Onse Vader vanoggend wil ons net weer dankie sê. As ons vanoggend eerlik met onsself is, seën U ons meer as wat ons verdien. Help ons om dit wat U aan ons toevertrou het, tot Eer van U Naam te benut en te gebruik. Ek bid vandag vir elkeen onder die letter J. Wil U vandag aan hulle die krag genade en sterkte gee, om te doen wat U van hulle vra. Wil U hulle skoon was in Jesus se bloed. In Jesus se Naam. Amen.
Geseënde dag en naweek vir elkeen, tot Maandag as ons gespaar bly.
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

God, jou boekhouer

Hallo Frik
Daar is baie verhale van mense wat alles gehad het en toe alles verloor het. ’n Groot vriend van my het amper sy hele plaas verloor. ’n Vriend van Kruispad skryf ’n tyd terug en sê hy het so pas al sy miljoene verloor.

Niemand, maar niemand van ons kan ’n waarborg gee dat ons môre nog ons geldjies sal hê nie. Nee, ek is nie bang nie, want my geld lê stewig in die bank. ’n Paar jaar gelede toe Amerika een oggend wakker word, het een van hulle grootste banke gevou en die mense se geld was net weg.

Daar is geen waarborg vir geld nie.

WAARSKUWING:

17Waarsku die mense wat in hierdie wêreld baie geld het om nie te veel van hulleself te begin dink nie. Hulle moet nie hulle hele lewe op geld en rykdom bou nie, want dit hou nie baie lank nie. ’n Mens kan ook nie seker wees dat jy altyd geld sal hê nie.

As ons mooi gaan kyk, spandeer die gemiddelde mens amper dubbeld die tyd wat hy wakker is, om geld te verdien. Hoekom werk jy? Hoekom het jy ’n besigheid? Om geld te verdien.

Maar sodra ons dit het, moedig die advertensies op die TV, op die radio en in die Malls ons aan om daardie geld waarvoor ons so hard gewerk het, weer uit te gee. Ag, nog voor ons ons geld gesien het, is die helfte reeds uit ons bankrekening geneem.

Die hele wêreld draai om geld.

Geld is nie verkeerd nie, dit is wat ons vir geld toelaat om aan ons doen, wat verkeerd kan wees (lees weer die sin).

Daarom die raad aan alle mense: maak God die boekhouer van jou geld. Vra Sy Gees om jou te help met jou geld. Wanneer God die bestuur van jou banksake oorneem, sal selfs jy ’n groot verskil in ander mense se lewens kan maak. 18Vra hulle om hulle geld te gebruik om arm mense mee te help. Hulle moet nie suinig wees nie en moet graag met ander deel wat hulle het.

Nee, jammer, ek kom self nie eers aan die einde van die maand deur nie. Hoe dan nog uitdeel vir ander? Wie is aan die stuur van jou geldsake? Weet jy hoe hard het ek gewerk vir al die geld wat ek het?

My vriend, daar is geen waarborg nie. Môre kan alles net weg wees.

Laat God jou lei en gaan gee brood waar dit nodig is. Gaan soek plekke waar God jou beursie wil oopmaak. Gaan soek mense vir wie God wil bederf.

Hierdie is nie ’n opsie wat kinders van God kan uitoefen as ons wil nie. Nee, dit is eintlik ’n opdrag. Op ’n manier moet jou beursie ook tot bekering kom. Op ’n manier moet jou beursie oopstaan vir enige persoon vir wie God wil seën.

Ek leer baie by ’n Oom op die dorp, alhoewel ek hom nog nooit ontmoet het nie. Sy besigheid was nog baie jonk en dit het maar finansieel broekskeur gegaan. Eendag, terwyl hy op pad was na ’n waterskeidingsgeleentheid, vra hy vir God om hom te help en hy belowe dat as hulle die besigheid kry, hy 30% van sy winste vir God sal gee. Hy het die besigheid gekry en vir God sy 30% gegee. ’n Paar jaar later het hy die somme omgedraai en hy gee nou 70% vir God. Sy besigheid ploeg miljoene per maand in God se besighede in!

En jy?

Teks
1 Timoteus 6:17-21

Om oor na te dink
Hoe bekeer is jou beursie?
Vir wie vertrou jy?
Is jy ryk in God se oë?

Gebed
Here, U praat met my oor geld. Help my om my beursie te bekeer. Help my om my finansies te bestuur, want op my eie mors ek. Amen.

Shalom
Gerjo Ben

Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Twyfel jy? 4

Blye Versekering vir 1 Augustus 2019 Tema: Twyfel jy? 4
**** My eie woorde
**** Jakobus sê wanneer ons twyfel is ons soos ’n golf van die see wat met elke wind voortgesweep word. Elke probleem, elke moeilikheid, elke krisis, slaan ons onderstebo. Twyfel is ongeloof. Twyfel sê Jesus kan my nie deur hierdie storm kan dra nie. …..Julle ken die liedjie wat sê.. “ Twyfel nie meer vertrou die Heer”. Dis wat tel.
Jak 1:5 En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.6 Maar hy moet in die geloof bid, sonder om te twyfel; want hy wat twyfel, is soos ‘n golf van die see wat deur die wind gedrywe en voortgesweep word.
**** Waarom slaan die goed ons plat?. Hoor die HERE dan nie ons gebede nie? Bid ons dalk verkeerd? Onthou Jesus het nie gekom om ons net brood te gee nie, Hy wil die Brood wees. Hy het nie gekom om elke begeerte en gebed te vervul nie, maar om ons begeertes en gebede te verander vir die hiernamaals. Alles hier sal vergaan, maar Hy kyk na die ewighei. Kan ek en jy vandag opreg sê: “HERE laat U wil geskied?”
GEBED vir VANDAG i
Onse Vader buiten dat ons twyfel en dan rondgeslinger word, help ons om te glo in U, omdat U weet wat vorentoe wag. Ons sien net ons ou kolletjie, U sien die heelal tot in alle ewigheid. As U wil, kan U in hierdie oomblik dinge verander, maar dan verloor U dalk ons siele vir U ewige Koninkryk. Baie dankie dat ons weet U maak nie foute nie. Ek bid vandag vir elkeen wie se naam met die letter i begin. Help hulle vandag om die las te dra met blymoedigheid wat U vra, en om staande te bly teen die aanslae van die bose. In Jesus se Naam. Amen.
Geseënde dag vir elkeen.
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

Twyfel jy 3

Blye Versekering vir 31 Julie 2019 Tema: Twyfel jy 3
**** My eie woorde
**** Ek wil vanoggend begin met ‘n groot dankie aan elkeen wat hierdie bediening seën mag dit honderdvoudig na julle terugkeer
Verbeel jou vir ‘n oomblik, Jesus staan voor jou vanoggend en dan sê Hy hierdie woorde
Joh 13 v20 Voorwaar, voorwaar Ek sê vir julle, wie iemand ontvang wat Ek stuur, ontvang My; en wie My ontvang, ontvang Hom wat My gestuur het.
****Ons kan so maklik dink dit handel oor geld, tog is dit nie altyd so nie. Dalk stap daar iemand by jou in vandag, vir wie jy moet bid, of miskien net iemand wat wil hê jy moet luister. Dalk is daar iemand wat vanoggend net ‘n glimlag nodig het omdat hulle swaar dra aan die sorge van die lewe. Miskien het jou vrou of man vandag net daardie ekstra drukkie nodig.
Matteus 25:40 En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen.
Judas 1:22 En aan sommige wat twyfel, moet julle barmhartigheid bewys;
GEBED vir VANDAG H
Onse Vader hoe wonderlik om te weet wanneer ons goeddoen aan ander is dit net so goed of ons dit aan U doen. Help ons elkeen vandag om te luister na U Heilige Gees se stem en ander se behoefte aan U raak te sien. Ek bid vandag vir elkeen wie se naam op die poslys begin met die letter H. Heilige Vader hoor die pleit stem van hulle harte en voorsien vir hulle soos U weet die beste sal wees volgens U wil. In Jesus se Naam. Amen
Geseënde dag vir julle elkeen.
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

Twyfel jy? 2

Blye Versekering vir 30 Julie 2019 Tema: Twyfel jy? 2
****My eie woorde
****Ek wonder as elkeen vandag vir my iets kon vertel oor hulle fisiese letsels. Ek dink dit sou ‘n klomp interessante stories wees. My jongste broer het as kind die tuinvurk tussen sy tone ingedruk en daardie letsel vertel sy storie. Dalk ‘n doringdraad wat jou gehaak het of ‘n hond byt wat sy merk gelaat het.
**** Jesus staan voor sy dissipels na Sy opstanding, maar hulle twyfel of dit werklik Hy is. Hulle het self gesien hoe Hy uitroep en Sy laaste asem uitblaas. Dan bevestig Hy dat Hy vlees en bloed is. Ja, die spykermerke in Sy hande en voete het gesond geword, maar die letsels vertel hulle storie van die verskriklike pyn en lyding wat Hy beleef het.
Lukas 24:38 En Hy sê vir hulle: Waarom is julle ontsteld en waarom kom daar twyfel in julle hart op? 39 Kyk na my hande en my voete, want dit is Ek self. Voel aan My en kyk; want ‘n gees het nie vlees en bene soos julle sien dat Ek het nie.
**** Weet jy wanneer Jesus na Sy handpalms kyk dan sien Hy mense se name vir wie Hy dit gedoen het. Ek wonder soms of Hy nie so na die spykermerke kyk en dink: ja dit het ek vir Koos gedoen en ja, vir Jan en Piet en Martie en……
Jes.49:16 Kyk, Ek het jou in die handpalms gegraveer; jou mure is gedurig voor My.
****Vanoggend sê Hy vir my en jou soos destyds: Waarom is julle ontsteld en waarom kom daar twyfel in julle harte op, Kyk na my hande en voete , dit was vir jou …. Ek sal jou mos nie los nie.
Luk.12:7 Maar selfs die hare van julle hoof is almal getel. Wees dan nie bevrees nie: julle is meer werd as baie mossies.
GEBED vir VANDAG G
Onse Vader baie dankie vir sulke kosbare woorde aan ons elkeen vandag. Ons staan skuldig net soos die dissipels destyds, want twyfel kom so maklik in ons harte op. Ons kan so gou en maklik kla oor ons pyn en seerkry deur woord of dade, en ons vergeet so gou U bloed het vir ons sonde betaal. Dankie, dat ons vir U meer werd is as baie mossies. Ek bid vandag vir elkeen wie se naam met die letter G begin. Wil U deur U Heilige Gees hulle aanraak en hulle oortuig waar hulle buite U wil optree. In Jesus se Naam. Amen.
Geseënde dag vir elkeen
GETUIENISSE en TERUGVOER
****Indien jy ‘n getuienis het stuur gerus aan en ek plaas dit onder ‘n skuilnaam. Hou dit net kort asb.

Category: Dagstukkies

’n Coke, 2 liter melk, ’n pastei en 2kg koekmeel

Like this:

Wag geduldig 3

Like this:

Wag geduldig 2

Like this:

Wag geduldig 1

Like this:

n Lewe gebou op vertroue

Like this:

Twyfel jy? 5

Like this:

God, jou boekhouer

Like this:

Twyfel jy? 4

Like this:

Twyfel jy 3

Like this:

Twyfel jy? 2

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this:

Deel dit

Like this: