Toxins in the workplace

 2020/03/14

Toxins in the workplace

2 Corinthians 6:17 NKJV

Stop and think about the products we once considered not only to be harmless, but actually beneficial: asbestos, lead, mercury, etc. A generation later we are still treating sick workers who installed asbestos and breathed in its toxic fibers. With that illustration in mind, beware of the toxins in your workplace and don’t get infected. The Bible says, “‘Come out from among them and be separate,’ says the Lord. ‘Do not touch what is unclean, and I will receive you.'” Now, God is not telling you to separate yourself from your co-workers. And He’s most certainly not telling you to adopt a spiritually superior attitude. He’s telling you to watch out for toxic attitudes, toxic behaviours, and toxic values. What are the toxins in your workplace? The obvious ones are complainers, gossipers, backbiters, and harassers. When these agents come your way, do whatever you can to distance yourself from them. Just being associated with them can be dangerous to your emotional health and spiritual health. And beware of the toxin of workaholism, whether it is the expectation from your boss or self-induced. Be willing to go the extra mile when it’s required, but maintain clear boundaries between your work life and your home life. Learn to separate business from pleasure. If you don’t allow yourself time for physical rejuvenation and spiritual restoration, you’ll burn out. As a result, Satan will be able to trip you up. The most effective antidote to toxins is good nutrition. And spiritually speaking, that calls for daily prayer, Bible reading, and fellowshipping wi th believers who strengthen and encourage you.

Soul food: Gen 47-49Matt 22:34-46Ps 26Prov 7:26-27

 

Print Friendly, PDF & Email
Advertisements

Staan op teen teenstand

Staan op teen teenstand
Hallo Frik

Oom Paulus vergeet sy jas en boeke. Ja, selfs hy is ’n outjie met ’n paar foutjies. Maar tog gebruik God hom. En snaaks genoeg, gebruik God ook ’n krom stok soos ek om ’n verskil in ander mense se lewens te maak. Ten spyte van al my foute.

Vir jou ook! Ja! God wil ook vir jou gebruik, al dink jy jy maak nie die cut nie. Al dink jy, jy het te veel foute. Maar ook ten spyte van jou foute wil God jou gebruik.

En net soos ’n mens nou uiteindelik oor die brug is en weet dat elkeen geroepe is, kom die eerste uitdaging sommerso aangerol. Vra maar vir Paulus: 14Aleksander, die kopersmid, het my ’n groot klomp skade aangedoen. Die Here sal wel met hom afreken. 15Julle moet ook versigtig wees vir hom, want hy het sy bes probeer om alles wat ons sê belaglik te probeer maak.

Die ou het nie sy mond gehou nie. As Paulus iets sê, het hy sy bes probeer om hom teen te gaan. Aleksander het so vêr gegaan dat hy teen God gelaster het. Die aanvalle teen die waarheid was erg en as jy nie presies geweet het waarvoor jy opstaan én waarteen jy veg nie, kon ’n mens maklik die pad byster raak.

Wanneer ons dus hoor dat God ons roep, te midde van al ons foute, moet ons nie te gou die aanbod aanvaar nie. Dit klink baie snaaks, so asof ons ’n keuse het om God se hande en voete hier op die aarde te wees.

Ja, ons het ’n keuse, maar as ons regtig besef wat God vir ons deur Jesus aan die kruis gedoen het, dring dit ons om iets te doen. Dan kan ek nie anders as om ander ook te laat deel in hierdie ongelooflike, verlossende boodskap nie. Dan is die keuse eintlik vir my gemaak.

Ons moet egter nie blindelings inhardloop en dink dit sal altyd maanskyn en rose wees nie. As ons onsself uitsit vir ’n toffieappel gaan iemand ons êrens langs die pad ’n kou gee. Ons gaan teenstand kry. As mense se hokke geskud word, gaan dit ’n groot geraas en gefladder tot gevolg hê.

Nog minder kan ’n mens dit op jou eie doen. Ons moet hande vat met vriende, familie en kollegas. ’n Dubbele tou is net soveel sterker as ’n enkeltou. Wanneer die een se energie op is, kan die ander een weer voor trek, terwyl ons batterye gelaai word. So kan ons mekaar aanmoedig om staande te bly teen die mense wat ons probeer stilmaak.

Gelukkig weet ons ook dat God ons nie alleen laat nie. God sal ons beskerm teen mense wat ons wil onderkry. Ons moet sorg dat ons verhouding met Hom stewig is en genoeg tyd elke dag opsy sit om met Hom te praat. Dit is binne dié verhouding wat God ons sal touwys maak. Hy sal ons troos as ander ons met hul monde skop en slaan.

Ons moet ook weet dat God met die mense sal afreken. Eendag sal hulle hul slae ontvang vir hulle werke.

Dit staan soos ’n paal bo water: God wil jou gebruik, soos jy is. Al dink jy, jy is nie geskik nie. Daarmee saam moet jy teenstand verwag. Dit is OK, want die waarheid maak soms seer en dan gaan mense probeer om jou uit te haal.

Gelukkig help God se Gees ons om staande te bly. Hy sal ons trane afvee en ons krag gee om môre weer op ons pos in die wêreld te wees.

Teks
2 Tim 4:9-18

Om oor na te dink
Is daar mense wat soms teen jou opstaan?
Hoe hanteer jy hulle?
Hoe wil God hê moet jy hulle hanteer?

Gebed
Vader, ek is nogal nie so goed met kritiek nie. Help my om te onderskei waaraan ek my moet steur en watter ek net vir U moet los. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Print Friendly, PDF & Email

Kolossense 3-Deel  1

Blye Versekering vir 16 Maart. 2020 Tema: Kolossense 3-Deel  1

**** My eie woorde

****Ons kan maklik getuig dat ons in ‘n nuwe lewe is. Ek kyk weer die naweek op die media, hoe aaklig mense met mekaar kan wees. Toe besef ek, dis die ou mens in hulle, want nuut gebore mense in Christus, het daardie goed afgesterf. Wat bedink ons? Kyk hoe mooi stel die skrif dit 

Kol 3:1  As julle dan saam met Christus opgewek is, soek die dinge daarbo waar Christus is en aan die regterhand van God sit. 2 Bedink die dinge wat daarbo is, nie wat op die aarde is nie. 3  Want julle het gesterwe, en julle lewe is saam met Christus verborge in God.

Gal.2:20  Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het.

**** Vrees oorval sovele en net soos met die lotery, skreeu almal dat ons net gou Psalm 91 moet opsê. Weet ons wat daar staan? Jy kan daardie Psalm net joune maak as jy vers 1 uitleef. Dit is hierdie nuwe lewe dat ek Christus in geloof aanneem en by Hom gaan skuil, want dit sê hy wat in die skuilplek van die Allerhoogste sit, eers dan sal ek in Sy skaduwee kan bly. Om te sit beteken ek spandeer tyd met Hom. Die tragedie is juis, wanneer die rampe oor ons kom is almal seker daar is ‘n God maar sodra dit beter gaan, gaan ons op die ou trant voort soos gister en eergister.  

GEBED vir VANDAG K

Onse Vader baie dankie dat ons verseker kan weet in U Seun Jesus Christus kan ons vandag ‘n nuwe lewe ontvang en ons ou lewe afsterf. Help ons elkeen om te besef, U roep uit tot ons om te sê “ Kom na My toe en Ek sal julle rus gee” Ek bid vanoggend vir ons land en sy mense en vra vir genade op genade. Ek bid vir ons President dat U hom wysheid insig en genade sal gee. Help ons om sy bene sterk te hou deur gebed maar dat ons op U sal vertrou en nie op ons regering nie. Ek bid vir elkeen onder die letter K vandag. Wil U ‘n wyle by hulle stilstaan vandag en U sterk hand op hulle skouer sit en sê: Moenie vrees nie, ek is by jou. In Jesus se Naam. Amen.

Geseënde dag en week aan julle elkeen.

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

Gebedsversoeke kan gestuur word aan

gebed.asseblief@gmail.com 

Print Friendly, PDF & Email

’n Ou wat werk vir die Here doen

’n Ou wat werk vir die Here doen
Hallo Frik

’n Vriend deel met my e-posgesprekke met ’n kliënt aan wie hy ’n naaimasjien verkoop het:

Goeie middag

Ek wil net vir jou baie, baie dankie sê vir die wonderlike masjien. Ek was nog nooit so gelukkig met ‘n masjien soos met die een wat ek nou het nie. Baie dankie dat jy bereid was om na my te luister en ag te slaan op wat ek te sê gehad het. Ek kan nie glo dat daar nog sulke mense is wat bereid is om te luister en te help nie. 

Baie dankie vir alles.

Mev. K

 

Middag mev. K

Dankie vir u kosbare skrywe. Alle eer vir dit wat gedoen is, kom die Heer toe – ek het bloot, volgens Sy opdrag, Sy liefde met u gedeel. Die feit dat u nou gelukkig en tevrede is, is my bonus. Geniet elke steek wat u werk – u het nou ‘n puik masjien.

Opregte groete

D

 Goeie middag

Ek gaan vra dat jy net so bietjie moet “bear” met die brief, want ek het vandag rêrig ‘n “wake-up call” gekry met jou e-pos.

My pappie is oorlede toe ek baie jonk was en my mammie het nooit weer getrou nie. Ek is ‘n laatlammetjie en sy het my gehad toe sy 41jr oud was en my oudste broer hulle eersteling verwag het. My ander broer is 17jr ouer as ek.

My mammie het my baie Christelik grootgemaak, maar êrens langs die weg het ek als verloor. Ek het beide my broers verloor in ‘n kwessie van 6 maande en my mammie op die ouderdom van 91. Ek was baie sinies oor godsdiens, want hoe kan ek deur al die eensaamheid gaan? Ek kon nie verstaan wat ek verkeerd gedoen het nie. 

My ma het altyd gesê die Here doen alles met ‘n doel en ek wou dit nooit glo nie tot ek jou e-pos vandag ontvang het en ek nou eers besef dat daar tog goed in die lewe kan wees. 

BAIE DANKIE DAT JY MY OË OOPGEMAAK HET, DAT EK WEER GAAN BEGIN GLO IN DIE HERE EN EK WEER GAAN BEGIN OM MY KNIEË VOOR HOM TE BUIG. Jy sal nooit weet wat dit rêrig vir my as mens beteken het nie.

Ek is so dankbaar bly dat ons paaie kon kruis.

Groete

Mev. K

’n Verkoopsman wat net sy werk gedoen het, soos die Here van hom verwag. En tog was die impak groot.

My vriend was soos Markus, ’n ou wat baie vir die werk van die Here doen: 11… As jy kom, moet jy ook vir Markus saambring. Hy kan baie vir my en vir die werk van die Here doen.

En jy?

Teks
2 Tim 4:9-18

Om oor na te dink
Hoe lyk jou werk?
Pas die Here daarin?
Sien ander dit soms raak?

Gebed
Here, help my op só te leef dat my manier van doen ook vir ander aan U laat dink. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Print Friendly, PDF & Email

Tevergeefs 3

Blye Versekering vir 11 Maart. 2020 Tema: Tevergeefs 3

**** My eie woorde

**** Wat interessant is in vanoggend se gedeelte is juis dat dit ‘n lied moet wees, maar wanneer mens die hele Psalm lees, sluit dit aan by vers twee, die verlange dat hierdie uitroep na God nie tevergeefs sal wees nie. Moontlik het jy al so gevoel dat jou uitroep na Hom tevergeefs is en jy wonder wat doen jy dan verkeerd en vra ook soos die Psalmis dat jou geroep tog nie by Hom sal verbygaan nie.

Psalm 88 :1 ‘n Lied.  … V2 Here my God wat my altyd help, ek roep elke dag om hulp, elke nag bid ek tot U. 3 Laat my gebed nie tevergeefs wees nie, hoor my geroep.

Kyk hoe antwoord HY in Sy woord. Hy sê Hy is gretig om ons genadig te wees en om Hom oor ons te ontferm. Hy laat reg geskied. Hoekom lyk alles dan so deurmekaar. Weet net dit God sien die ongeregtigheid raak en dit wat nou gebeur is nie sonder Sy medewete nie.  Hy is die God wat die onmoontlike moontlik maak, die Een wat spreek en dit gebeur, die Een wat die heelal in stand hou en beheer… dis Hy wat ons gebed hoor en gretig is om ons te antwoord al sê Hy soms nee werk ook dit ten goede mee. Vorentoe sal ons sien.

Jes 30:18 Tog is die Here gretig om julle genadig te wees en wil Hy Hom oor julle ontferm: Die Here is ‘n God wat reg laat geskied, en dit gaan goed met elkeen wat op Hom vertrou. V19 Jy, volk in Sion, jy wat in Jerusalem woon, jy hoef nie meer te huil nie. Die Here sal jou genadig wees as jy na Hom roep om hulp, Hy sal jou gebed verhoor sodra Hy dit hoor. V20 Die Here het jou honger en dors laat ly, maar Hy wou jou leer, en Hy sal Hom nou nie meer afsydig hou van jou nie; jy sal self sien dat Hy die Een is wat jou leer.

GEBED vir VANDAG H

Onse Vader hoe wonderlik is die wete dat U gretig is om ons genade te skenk en U oor ons te ontferm. Baie dankie vir U groot liefde. Help ons om te verstaan dat soveel negatiewe goed van die vyand af kom en hy lê dit voor U deur. U wat U Seun laat sterf het vir ons. Geen groter offer as dit is moontlik nie. Ek bid vandag vir elkeen onder die letter H Ek vra dat U hulle uitroep na U sal hoor en verhoor soos U belowe in U woord. Seën hulle vandag met ‘n spesiale hemelse seën. In Jesus se Naam. Amen

Geseënde dag vir elkeen.

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

Gebedsversoeke kan gestuur word aan

gebed.asseblief@gmail.com 

Print Friendly, PDF & Email

Tevergeefs 2

 

Blye Versekering vir 10 Maart. 2020 Tema: Tevergeefs 2

**** My eie woorde

****Paulus herinner die Korintiërs maar ook vir jou en my om aan die evangelie, vas te hou want as ons aan iets anders vashou is ons geloof tevergeefs. Nou  kom die vraag wat is “dié evangelie” Ons as Christene gebruik dikwels terme en dan het ek en jy nie eers ‘n idee wat dit beteken nie. Iemand praat eendag met my en sê ons moet net die evangelie verkondig. Ek stem saam want anders is ons geloof tevergeefs. Toe vra ek, nou wat is die evangelie? Skielik  weet die een nie en antwoord dat dit seker iets met Jesus te doen het. Onthou die skrif verklaar homself. Kom ons kyk wat sê die woord daaroor. Paulus gee hierdeur ‘n opdrag

1Kor 15:1  Ek herinner julle, broers, aan die evangelie wat ek aan julle verkondig het en wat julle ontvang het en waarin julle ook gevestig staan. 2 Deur dié evangelie word julle ook gered as julle vashou aan die boodskap soos ek dit aan julle verkondig het. As julle aan iets anders vashou, het julle tevergeefs tot geloof gekom.

**** Nou verduidelik hy wat  hierdie evangelie is. Soveel gelowe glo wel in Jesus maar nie dat Hy God is nie en wat Hom anders maak is dat Hy uit die dood opgestaan het en daardeur is  profesie vervul.

1Kor.15:3  Die belangrikste wat ek aan julle oorgelewer het en wat ek ook ontvang het, is dit: Christus het vir ons sondes gesterf, volgens die Skrifte; 4 Hy is begrawe en op die derde dag opgewek, volgens die Skrifte.

GEBED vir VANDAG G

Onse Vader opnuut besef ons die wonders in U woord en dat daar net een antwoord is naamlik Jesus ons Heiland en Verlosser wat die dood oorwin het. Al sou ons sterf weet ons dat ons deur Hom die ewige lewe het. Ek bid vir elkeen onder die letter G vandag. Ontferm U oor hulle vandag en laat U wil ook in hulle lewens geskied. In Jesus se Naam. Amen

Geseënde dag aan elkeen.

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

Gebedsversoeke kan gestuur word aan

gebed.asseblief@gmail.com 

Print Friendly, PDF & Email

’n Bynaam vir jou

’n Bynaam vir jou
Hallo Frik

Hier by die seunskool op die dorp word omtrent elke graad sessie met ’n naam beslaan. As daar ’n ouer broer is, kry jy sommer sy naam of ’n verwerking daarvan. ’n Man met rooi hare word maklik Vlam of Bontjors. Baie manne hou die name vir die res van hulle lewe.

’n Vriend van my dogter se naam is Pamela – dit is hoe almal hom ken. Ek vra toe uit nuuskierigheid waar hy dan so ’n naam kry. Hy vertel toe dat hy as ’n skaam graad 8-klong nie eintlik iets gehad het wat uitstaan nie. Met die gekopkrap vra een van die matrieks: “Is jy ’n boude of ’n borste man?”

Skoon uit die veld geslaan kom daar nie ’n woord uit sy mond nie. Die groot matriekseun bulder weer: “Is jy ’n boude of ’n borste man?” Verbouereerd sê hy sag, “borste”. Die matriekseun haak af: Dan is jy van nou af Pamela (met verwysing na die wel bedeelde Pamela Anderson – die aktrise.)

En tot vandag toe nog ken sy vriende hom net by dié naam.

Êrens langs die pad kry ons ’n bynaam wat iets wat ons gedoen of nie gedoen het nie beskryf. Ek was en is nog steeds vir my skoolvriende Bulle, want ek het glo soos John Foster (wie se eerste naam Balthazar was – hoe hulle van Balthazar by Bulle uitgekom het, sal net hulle weet!) gepraat.

Ons ander vriend was Bok Tanneman, want hy het met Blaartjie uitgegaan (jong bokke hou mos van ou blare …). Die Tanneman-agtervoegsel kom van ’n insident waar ek hom met my motorfiets getrek het, hy van sy fiets afgeval het en in die proses al sy voortande verloor het.

Elke bynaam het ’n lekker storie.

En so deur die lewe kry ons ook name. Ons kollegas sal maklik praat oor die kwaai of goeie baas. Ons vriende kan van ons praat as die ou wat so lekker vleis braai of die grapkas. Of dalk die ene wat verstrooid is. Dalk praat vriende van ’n ander as Moeder Theresa, want hy of sy gee so baie om.

Sommige is mooi. Sommige nie so aangenaam nie.

Paulus se een vriend het ook ’n naam gekry – nie so ’n lekker naam nie: 10Demas is Tessalonika toe. Hy is nie meer by my nie, want hy het te lief geraak vir die dinge waarvan God nie hou nie.

Demas, Wêreldliefhebber of Rugdraaier of Verraaier. Dis nie lekker name nie. Maar Demas het dit ongelukkig verdien, want die roeping om agter Jesus aan te stap, was net te veel vir hom. Die wêreld met al sy oënskynlike lekker dinge het hom soos ’n magneet aangetrek. Die kragte was te sterk en hy het die verkeerde keuse gemaak.

Vir die res van sy lewe dra hy swaar aan sy titels.

Ek wonder watter name sal ek kry as ek vir my gesin vra om vir my ‘n naam te gee wat my wese opsom. Ek wonder watter naam sal my vriende en kollegas vir my gee.

Ek wonder watter name sal die mense met wie jy elke dag skouers skuur vir jóú gee.

Wonder jy ook?

Teks
2 Tim 4:9-18

Om oor na te dink
Watter naam sal ander vir jou gee?
Hoekom?
Is daar ’n paar aanpassings wat jy moet maak?

Gebed
Here, help my asseblief om nie die reguit pad te verlaat en te verdwaal nie. Met U in my, kan ek die sondige wêreld met al sy aanloklikhede oorwin. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Print Friendly, PDF & Email

Your benefits package

Written by Bob & Debby Gass

  2020/03/07

Your “benefits package”

Malachi 3:14 NLT

In the last book in the Old Testament, Malachi, the Israelites asked, “What’s the use in serving God?” It’s a question nonbelievers and sometimes even believers ask, particularly when times are hard and our faith is sorely tested. The psalmist gives us the answer: “Praise the Lord! For all who fear God and trust in him are blessed beyond expression…happy is the man who delights in doing his commands. His children shall be honored everywhere, for good men’s sons have a special heritage. He himself shall be wealthy, and his good deeds will never be forgotten. When darkness overtakes him, light will come bursting in. He is kind and merciful – and all goes well for the generous man who conducts his business fairly. Such a man will not be overthrown by evil circumstances. God’s constant care of him will make a deep impression on all who see it. He does not fear bad news, nor live in dread of what may happen. For he is settled in his mind that Jehovah will take care of him. That is why he is not afraid, but can calmly face his foes. He gives generously to those in need. His deeds will never be forgotten. He shall have influence and honor” (Psalm 112:1-9 TLB). Notice that the benefits of serving God include happiness, children you can be proud of, success, influence, and honor. Note in particular the words: “He does not fear bad news, nor live in dread of what may happen. For he is settled in his mind that Jehovah will take care of him.” These blessings are all part of your “benefits package.”

Soul food: Gen 32-34Matt 21:12-17Ps 106:1-23Prov 7:1-2

Print Friendly, PDF & Email

Tevergeefs 1

Blye Versekering vir 9 Maart. 2020 Tema: Tevergeefs 1

**** My eie woorde

 **** So dikwels hoor mens dat mense ervaar dat alles maar tevergeefs is. Wat ons daarmee sê is dat alles eintlik tot niks lei nie. Dis nie regtig so nie, elke saak onder die son het ’n doel en God se grootste doel is ons redding en geestelike groei. Net omdat ek en jy dit nie verstaan nie beteken dit nie  dis waardeloos nie. Dan sê Paulus aan die Korintiërs dat hulle moet sorg dat hulle nie Christus se genade tevergeefs ontvang het nie. Wat sou hy daarmee bedoel, want dit is ook vir ons vandag. Wat Paulus sê is dat ons nie God se onverdiende guns van Verlossing en opoffering deur die lewe van Christus as niks afmaak nie.  Mag hierdie week se uitdagings jou opnuut bewus maak van God se  mag, gesag  en wil in elke saak.

2Kor.6 :1 As medewerkers van God doen ons ‘n beroep op julle om te sorg dat julle die genade van God nie tevergeefs ontvang het nie.  V2 Hy sê: “Op die regte tyd het Ek jou gebede verhoor, en op die dag van redding het Ek jou gehelp. “Kyk, nou is dit die regte tyd, nou is dit die dag van redding.

Rom.5:8  maar God bewys Sy liefde tot ons daarin dat Christus vir ons gesterf het toe ons nog sondaars was.

**** Wees verseker die coronavirus is nie die einde van die wêreld nie, maar slegs die begin van die einde. Verseker moet ons gereed maak maar ook gereed wees elke dag. Ek kan vandag sterf sonder ‘n virus, dan kan ek nie meer kies nie.

GEBED vir VANDAG F

Onse Vader, help my en elkeen wat hier lees of luister om opnuut Christus ons eie te maak. Hy het immers gekom om ons as sondaars te kom red. Ek bid vir elkeen onder die letter F. Vader help hulle vandag om te weet U is daar en terwyl daar lewe is, is daar hoop. In Jesus se Naam. Amen.

Geseënde dag en week aan elkeen.

 

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

Gebedsversoeke kan gestuur word aan

gebed.asseblief@gmail.com 

Print Friendly, PDF & Email

’n Pakkie vir ’n prys

’n Pakkie vir ’n prys
Hallo Frik

Daar was ’n stadium in my lewe toe ek vir elke kompetisie wat daar was ingeskryf het. Ek wou so graag ietsie wen. Ek wou so graag ’n pakkie met my naam by die poskantoor gaan optel. Ek het al in my geestesoog gesien hoe ek die pakkie oopmaak en die groot geskenk vir my uithaal, maar nodeloos om te sê, dit was my nie beskore nie.

Dit laat dink my nou aan my weermag dae daar aan die grens. Kyk nè, daar het ’n mens mos die wêreld se tyd en kom jy met die kreatiefste idees na vore. Met die groot lus vir ’n pakkie by die poskantoor, trek ek ’n pen nader en skryf vir Simba ’n pragtige brief.

Ek kan nie meer alles onthou wat daarin gestaan het nie, maar ek weet dit was soetsappig en dat die afsluiting plus-minus soos volg was: En as ’n soldaat ’n pakkie van die States ontvang en daar is nie ’n produk van Simba in nie, was die pakkie maar ’n flop.

Groot was my verbasing toe daar ’n moewiese pakkie van Simba aankom met al hul lekker produkte, genoeg vir al die manne in die tent om vir ’n paar dae lekker saam te smul. Sjoe, dit was so lekker om ’n pakkie vol geskenke by die poskantoor te gaan optel.

Toe dit werk met Simba, het ons natuurlik vir alle groot maatskappye die mooi soetsappige briewe gestuur. Ek moes gereeld my pakkie by die poskantoor gaan optel. Dit was so lekker om al die produkte as geskenk te kry. Ek onthou nog in Cadbury se pakkie was ook nuwe sjokolades wat nog nie eers op die mark was nie.

Ek onthou ook Gants Foods (hulle het blikkieskos gemaak) se pakkie:  Net ’n resepteboek! Ek sal nou nie die manne se kommentaar hier herhaal nie …

Ek moes maar my eie “pryse” genereer met mooi briefies aan die groot maatskappye. Maar die opgewondenheid om die pakkie by die poskantoor op te tel, die paadjie terug na die tent en die oopmaak daarvan was altyd ’n groot opgewondenheid in ons tent.

My vrou is meer gelukkig met kompetisies. Net nou die dag koop sy drie sjokolades en skryf daarmee in vir ’n kompetisie. En wraggies waar hier bel hulle. Sy moet Spar toe kom en haar prys kom optel. Nogal ’n kisvrieskas. Groot was die opgewondenheid.

Tog wag daar ’n groter opgewondenheid op ons wat in God glo. By die hekke van die hemel sal ons elkeen ’n groot prys wen. Kyk net hier: 8God sal vir my die prys gee wat sal sê dat my saak met Hom heeltemal reg is. Wanneer God besluit om die prysuitdeling te hou, sal die Here, wat die pryse regverdig sal uitdeel, vir my my prys gee. Nie net ek sal ’n prys kry nie, maar almal wat daarna uitsien dat Christus Jesus weer moet kom.

Sien jy die prentjie waar jy instap in die hemel en die oorwinnaarskroon word op jou kop gesit? Sjoe, ek sal op en af spring van opgewondenheid. Ek weet die trane sal oor my wange rol. My mond sal oophang, want eintlik sal ek dit nie kan glo dat ek dit gemaak het nie. Ek sal my arms omhoog gooi en stil gaan staan en alles net indrink.

Wat ’n vooruitsig! Iets wat almal van ons wat in Jesus glo, gaan wen.

Gaan leef daarom die lewe as ’n wenner. Weet wat jou identiteit in Jesus is en gaan lewe so dat Hy eendag ook nie kan wag om ’n kroon op jou kop te sit nie!

Teks
2 Tim 4:6-8

Om oor na te dink
Sien jy uit na die prysuitdeling?
Sal dit maklik wees vir Jesus om jou kroon op te sit?
Is daar êrens ’n paar aanpassings wat jy moet maak?

Gebed
Jesus, ek sien so uit daarna om U te sien. Ek sien uit om my oorwinnaarskroon te ontvang. Dankie dat U dit vir my moontlik gemaak het om daar by U te kom woon. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Print Friendly, PDF & Email