Botterkluitjies

Mev. Leë

Bestanddele
2 1/2 E Maizena
1 E Suiker
2 Eiers – geskei
Sout
2 K melk

Metode
Laat melk kook. Meng Maizena, suiker, sout en eiergele met ‘n bietjie koue melk aan. Roer in kookmelk en laat kook. Klits eierwit styf en vou in. Skep met lepel in bak. Stip met stukkies botter en strooi suiker en kaneel oor. Bedien warm.

Geniet dit!!

Advertisements
 

Kerrie skaapvleis

Bestanddele
1.5 kg Skaapvleis in blokkies
4 Uie fyngekap
250 ml Water gekook
37,5 ml Appelkooskonfyt
12.5 ml Kerriepoeier
12.5 ml Suiker
12.5 ml Meel
12.5 ml Asyn of Suurlemoensap
Sout en Peper na smaak

Metode
Soteer die ui in margarien tot ligbruin. Voeg vleis by die uie mengsel. Braai vleis tot lig bruin. Gooi water by en laat kook vir so 1½ tot 2 ure. Maak ‘n pasta van al die ander bestanddele. Kook tot vleis sag is. Dien op met blatjang, rys en klapper.

 

Biltong Potjie

Bestanddele
6 Uie
1 Pak Sampioene
½ kg Biltong
1 Blikkie Pit mielies
1 Pak Noedels (Gaargemaak)
½ Green Pepper
2 Houertjies Vars Room
Gerasperde Kaas

Metode
Braai uie en Sampioen tot gaar. Voeg Biltong by. Voeg gaargemaakte noedels by.
Plaas gekapte Green Peppers en Pitmielies bo-op. Gooi room oor. Plaas laaste die kaas bo-op. Hou pot op stadige kole totdat die kaas gesmelt het.

 

Groenbone en Feta Gereg

Bestanddele
500 ml Groenbone
1 Ui Gekap
12,5 ml margarien
25 ml Koekmeel
2 ml Bruinsuiker
Sout en Peper na smaak
125 ml Suurroom
75 ml Melk
250 g Gekrummelde feta kaas
100 ml Gekrummelde Crisps

Metode
Voorverhit oond tot 180°C. Kook bone tot sag en dreineer. Braai uie tot bruin en verwyder van hitte en voeg die volgende by: Meel, suiker, sout en peper. Roer melk en room by en hou aan roer tot sous verdik. Meng sous met bone en gooi in oondpan
Strooi feta kaas en crisps oor. Bak tot mooi bruin.

Wenk
Hierdie gereg sal ook heerlik wees indien dit koud voorgesit word.

 

Biltong Slaai

Louise Rossouw

Bestanddele
9 Eiers
Vars Slaaiblare
Miracle Whip
Fyn Biltong

Metode
Kook eiers tot hard. Ontdop die eiers en maak dit fyn. Neem slaaiblare en sny fyn.
Gooi ‘n laag slaaiblare in ‘n slaaibak. Skep ‘n paar lepels Miracle Whip oor die slaaiblare. Gooi ‘n lagie eiers oor die Miracle Whip. Gooi nou ‘n lagie fyn biltong oor die eiers. Herhaal totdat daar so 3 lae van alles is of totdat die bestanddele klaar is.

Wenk
Sny Salami fyn en gooi oor die Miracle Whip volg dan met eiers en biltong.

 

Gebakte Souskluitjies (1)

Estelle Lotter

Bestanddele – Kluitjies
275 g Koekmeelblom
15 ml Bakpoeier
1 ml Sout
25 g Margarien
2 Eiers Geklits
125 ml Melk
Kaneelsuiker na smaak

Bestanddele – Sous
1.5 l Water
300 g Suiker
15 ml Margarien
5 ml Kaneel
2 ml Sout

Metode
Kook al die bestanddele saam vir 3 minute. Maak intussen die deeg aan. Sif die koekmeelblom, bakpoeier en sout saam. Vryf die margarien met die vingerpunte in die meelmengsel in tot goed gemeng. Meng die eiers met melk, voeg dit by die meelmengsel en meng tot ‘n deeg. Gooi die kokende stroop in ‘n groot diep oondskottel met ‘n deksel. Skep lepels vol deeg in netjiese hopies in die sous. Doop elke keer die lepel in die warm sous voordat die volgende kluitjies geskep word. Strooi bietjie kaneelsuiker bo-oor. Sit die deksel op en bak kluitjies vir 40 minute.
Dien warm op.

 

Bacon Kips Happies

Fonna Goosen

Bestanddele
1 Pak Bacon Kips
1 Pak Sout en Asyn Chips
Gesnyde Bruin Brood
Margarien
Bovril, Oxo, Fraybentos of Marmite

Metode
Maak die sout en asyn chips fyn. Meng genoeg margarien en een van die smere na smaak. Neem brood en druk met ronde vorm, sirkels uit, groot genoeg om op Bacon Kips te pas. Smeer sirkel broodjie en plak die verkeerde kant van die Bacon Kip. Versier bo-kant eb snykante van die broodjie met margarien mengsel. Probeer die Bacon Kip skoon te hou. Strooi die gesmeerde deel met fyn Sout en Asyn chips.
Hierdie sout happie is beslis ‘n wenner.

 

Appel frikkadelle

Dottie Luus

Bestanddele Frikkadelle
500 g Maalvleis
2 Snye dik bruinbrood, korsies verwyder en in water geweek
1 Ui Geskil en gekap
1 ml Neutmuskaat (Nutmeg)
1 ml Fyn Gemmer
Sout en Peper
1 Eier geklits
Olie

Bestanddele Sous
1 Ui geskil en in ringe gesny
2 knoffelhuisies fyngedruk
2 to 3 Appels, geskil en in blokkies gesny
15 ml Sojasous
250 ml Warm hoenderaftreksel of water
10 ml fyngekapte vars salie
2 ml Fyn Gemmer
10 ml suiker
mielieblom

Metode
Meng al die bestanddele vir die frikkadelle liggies in ‘n groot mengbak. Vorm sowat 12 frikkadelle. verhit olie in ‘n pot en braai frikkadelle tot bruin. Skep frikkadelle uit en hou eenkant. Sorteer ui en knoffel in dieselfde pot tot sag. Voeg die appelblokkies by en roerbraai sowat 5 minute tot glansig. Giet sojasous en aftreksel by en verhit tot kookpunt. Voeg res van die bestanddele by behalwe mielieblom. Laat prut tot die appels byna sag is en die sous effens afgekook is. Voeg die frikkadelle by en sit deksel op. Laat prut oor lae hitte tot die appels sag is en die frikkadelle gaar is. Verdik die sous met die mielieblom wat aangemaak is met ‘n bietjie water. Laat sous verdik.
Bedien met kapokaartappels.

 

Chakalaka (1)

All Gold

Bestanddele
30 ml Olie
1 Uie gekap
1 Huisie knoffel, gekneus
3 cm Gemmer geskil en gerasper
15 ml Kerrie Poeier
3 Wortels grof gerasper
1 420 g Blik All Gold Boontjies in tamatiesous
1 410 g Blik Tamatie en Uie Sous
Sout en Peper na smaak

Metode
Verhit die olie en braai die ui tot sag. Voeg knoffel en gemmer by en braai vir 1 minuut. Voeg wortels by en braai vir 2 minute. Voeg die twee blikke se inhoud by.
Meng goed en verhit goed. Voeg sout en peper na smaak by.

Wenk
Hierdie is genoeg vir 4 tot 6 persone. Kan warm bedien word as bygereg en koud as