SPAGHETTI MET HOENDERLEWERS EN PYNAPPEL

Rika Theron
(4 porsies)

Bestanddele:
1 ui, in ringe gesny,
2 knoffelhuisies, fyngedruk,
olie,
2 houers (250 g) hoenderlewers, kleiner gesny,
1 tamatie, ontvel en in blokkies gesny,
15 ml koekmeel,
250 ml melk,
1 blik (260 g) pynappelstukke, gedreineer, maar behou sap,
10 ml tamatiepasta (opsioneel),
sout & peper na smaak,
basielkruid na smaak,
250 g spaghetti.

Metode:
Soteer die ui en knoffel in ‘n bietjie olie tot sag. Voeg die hoenderlewers by en braai tot bruin van buite maar nog effens pienk van binne. Voeg die tamatie by en braai tot sag. Meng die koekmeel met ‘n bietjie van die melk, voeg die orige melk by die hoenderlewermengsel. Voeg ook ‘n bietjie van die pynappelsap by indien verkies. Voeg die pynappelstukke by en verhit oor stadige hitte tot goed warm. Voeg die koekmeelblompasta by en roer gedurig tot die mengsel kook en verdik. Voeg die tamatiepasta by indien verkies. Geur goed met sout en peper asook basielkruid na smaak. Kook die spaghetti tot net sag. Dreineer en skep in ‘n opdienbak. Sit dadelik voor saam met die hoenderlewermengsel asook gerasperde Cheddarkaas indien verkies.

Print Friendly, PDF & Email
Advertisements
 

Sommer net lekker Pasta

Frik Lombard

Bestanddele
300g Pasta van jou keuse
2 blikkies Tuna in water
500g Tamaties (Klein of groot tamaties)
Olyf Olie
Flippen Lekka Spice na smaak
Gerasperde kaas

Metode
Kook pasta tot sag. Terwyl die pasta kook, sny die klein tamatiies in die helfte of die groot tamaties in stukkie. Gooi olyf olie in pan en daarna die tamaties. Braai tamaties tot dit so dikkerige sous maak. Gooi nou jou flippen lekka spice by. Gooi die water van die tuna af en roer die tuna nou by die tamaties. Sodra die paste gaar is gooi die water af en voeg by die tamatie tuna sous. Roer deur ne bedien met gerasperde kaas.

Wenk
Wat die dis so uniek maak is dat al die smake mekaar komplimenteer. Jy kan natuurlik enige ander bestanddele byvoeg indien verkies. Vir my is dit reg net soos dit is. Jy kan ook indien verkies die sous verdun met die water van die tna wat jy afgooi om die dis meer souserig te maak. Indien verkies kan jy ook Tuna in olie ook gebruik.

Print Friendly, PDF & Email
 

Noedels met Tuna

Rika Theron

Bestanddele
125 g rou noedels
1 ui, fyn gekap
2 knoffelhuisies, fyngedruk,
olie
2 tamaties, ontvel en in blokkies gesny
1 blikkie (185 g) gesnipperde tuna, in soutwater verpak
50 ml mayonnaise
25 ml blatjang
sout & swartpeper na smaak
knippie neutmuskaat
paar druppels tabascosous (opsioneel)
125 ml Cheddarkaas, gerasper
25 ml gekapte pieterselie.

Metode:
Voorverhit oond tot 180°C. Smeer ‘n oondvaste bak. Kook die noedels in soutwater sag. Dreineer en hou eenkant. Soteer die ui en knoffel in ‘n klein bietjie olie tot sag. Voeg die tamaties by en prut tot ‘n moes. Voeg die tuna asook ‘n bietjie van die soutwater waarin dit verpak is, by. Voeg die noedels, mayonnaise en blatjang by, meng en geur met sout, swartpeper, neutmuskaat asook die tabascosous. Meng goed en skep in die voorbereide bak. Meng die kaas en pieterselie en sprinkel oor. Bak sowat 20 – 30 minute of totdat die kaas gesmelt en die gereg lekker warm is. Dien op saam met slaai.

Print Friendly, PDF & Email
 

Een bak ete

Woumarie

Bestanddele
100 g botter
200 ml koekmeel
1,2 L warm melk
’n knippie muskaatneut
sout en swartpeper na smaak
15 ml (1 e) olyfolie
1 ui, gekap
1 groen soetrissie, in blokkies gesny
250 g sampioene, in kwarte gesny
250 g pasta van jou keuse
250 g spekvleis, in stukkies gesny
500 g maalvleis
125 ml (½ k) gerasperde kaas

METODE:
Voorverhit die oond tot 180 °C. Smelt die botter en voeg die koekmeel by. Verhit terwyl jy deurentyd roer tot die mengsel begin borrel.
Voeg die warm melk bietjie vir bietjie by terwyl jy aanhou roer. Laat prut tot die sous verdik en gaar is. Geur met muskaatneut, sout en peper. Hou eenkant.

Verhit die olie in ’n kastrol, voeg die ui, groen soetrissie en sampioene by en braai tot die uie deurskynend is. Kook die pasta tot al dente, dreineer en hou eenkant. Wanneer die uie gaar is, voeg die spekvleis by en braai tot die spekvleis amper gaar is. Voeg die maalvleis bietjie vir bietjie by en roerbraai tot dit ook gaar is. Skep ’n laag pasta in ’n oondbak, dan ’n laag van die maalvleismengsel en dan ’n laag witsous. Herhaal die proses en sorg dat jy met witsous eindig. Strooi die gerasperde kaas oor en bak 20 minute.

Print Friendly, PDF & Email
 

Canneloni met groente

Woumarie
Genoeg vir: 6-8
Bereidingstyd: 1 uur
Gaarmaaktyd: 40 minute
Oondtemperatuur: 180 °C

Bestanddele
1 kg gemengde winter-groente
3 ryp tamaties, grofgekap
olyfolie
3 knoffelhuisies, geskil en gekap
3 selderystokkies, gekap
5 ml droë basilie
2 ml droë tiemie
50 ml botter
1-2 rooi-uie, middeldeur en dan dun opgesny
1 boks cannelloni-buisies
80 ml gerasperde cheddar
30 ml parmesaan
roket vir garnering

KAASSOUS
110 ml (100 g) botter
125 ml koekmeel
1 liter melk
100-200 ml gekrummelde bloukaas

METODE
Skil en sny die groente in klein blokkies of stukkies op – ons het pampoen, wortels, witwortels, patat, blomkool en eiervrug, gesout en
afgespoel, gebruik, maar jy kan enige groente van die seisoen gebruik. sit die groentestukkies saam met die tamaties in ’n oondpan.
Gooi lekker baie olyfolie oor. Voeg dan die knoffel, seldery en kruie by en meng goed deur. Bedek met foelie en rooster vir 20 minute in die verhitte oond. Haal die foelie af, roer deur en rooster sonder die foelie vir nog 20 minute of tot die groente karamelliseer en effens geskroei raak.Terwyl die groente in die oond is, kan jy die botter in ’n kastrol verhit. Voeg die rooi-ui by en soteer tot sag.

KAASSOUS
Verhit die botter in ’n kastrol. Voeg die meel by en roer vir ’n minuut tot glad. Haal van die plaat af. Voeg die melk bietjies-bietjies op ’n slag by en roer die heeltyd. Sit terug op die plaat en roer tot verdik. Roer die bloukaas by. Haal van die plaat af en geur na smaak.

Sit alles Bymekaar
Haal die groente uit die oond sodra dit sag is. Voeg omtrent 100-150 ml van die bereide kaassous by. Geur na smaak met sout en varsgemaalde swartpeper. Skep die groentemengsel in die cannelloni-buisies en pak dit in ’n gesmeerde oondbak sodat hulle netjies langs mekaar lê.
Smeer die gekaramelliseerde uie oor die buisies. Gooi die res van die sous bo-oor om dit oraloor te bedek. Strooi die cheddar en parmesaan oor. Bak in die verhitte oond vir 40 minute of tot die cannelloni sag is. Garneer met roket en sit voor.

Print Friendly, PDF & Email
 

NOEDELS  MET  TUNA 

Rika Theron 
4 porsies

Bestanddele: 
125 g rou noedels
1 ui, fyn gekap
2 knoffelhuisies, fyngedruk
olie
2 tamaties, ontvel en in blokkies gesny
1 blikkie (185 g) gesnipperde tuna, in soutwater verpak
50 ml mayonnaise
25 ml blatjang
sout & swartpeper na smaak
knippie neutmuskaat
paar druppels tabascosous (opsioneel)
125 ml Cheddarkaas gerasper
25 ml gekapte pieterselie.

Metode: 
Voorverhit oond tot 180°C.  Smeer ‘n oondvaste bak.  Kook die noedels in soutwater sag.  Dreineer en hou eenkant.  Soteer die ui en knoffel in ‘n klein bietjie olie tot sag.  Voeg die tamaties by en prut tot ‘n moes.  Voeg die tuna asook ‘n bietjie van die soutwater waarin dit verpak is, by.  Voeg die noedels, mayonnaise en blatjang by, meng en geur met sout, swartpeper, neutmuskaat asook die tabascosous.  Meng goed en skep in die voorbereide bak.  Meng die kaas en pieterselie en sprinkel oor.  Bak sowat 20 – 30 minute of totdat die kaas gesmelt en die gereg lekker warm is.  Dien op saam met slaai.

 

Print Friendly, PDF & Email
 

VEGETARIES LASAGNE

Woumarie

Bestanddele
lasagne-velle
500g geroomde spinasie
1 botterskorsie, geskil en in blokkies gesny
1 ui, gekap
2 knoffelhuisies, gekneus
250g ricotta
1 koppie gerasperde Cheddarkaas
sout, opsioneel

METODE
Kook lasganevelle tot gaar en hou eenkant. Braai uie en knoffel, voeg botterskorsie by, sit deksel op en laat dit gaar stoom. Maak botterskorsie en ui fyn (jy moet dit kan “smeer”) Pak die helfte van die spinasie onder in ‘n oondvaste glasbak, dan ‘n laag ricotta, dan die helfte van die botterskorsie en dan ‘n laag pasta. Herhaal die proses. Strooi die Cheddar heel bo-op. Bak teen 180 grade vir 20 minute.

Print Friendly, PDF & Email
 

BEEF STROGANOFF

Woumarie

Bestanddele
500gr beesvleis maalvleis
1 blikkie sampioenroomsop
3 repe spek, in blokkies gesny
1 koppie suurroom
1/2 ui, gekap
1/4 teelepel paprika
1/4 teelepel peper
1/2 teelepel sout
Pasta (enige keuse)
1 eetlepel botter

METODE:
Braai die vleis met die uie en spek tot gaar. Roer die sampioen sop, paprika, sout en peper by. Prut 10-20 minute, roer dikwels.
Roer suurroom by en prut deur. Kook die noedels tot sag. Voeg botter by die noedels. Gooi pasta by maalvleis mengsel, meng deur.
Sprinkel pietersielie oor.

Print Friendly, PDF & Email
 

MACARONI-EN BULLYBEEF GEBAK

Lynette Muller

Bestanddele
500g macaroni
2 groot uie, geskil en gekap
37.5ml koekmeel
500ml melk
2 groot tamaties, geskil en gekap
300g blik soutbeesvleis, losgebreek
25ml vars pietersielie, gekap
50ml sterk blatjang
10ml gemengde, groen, droë kruie sout en peper na smaak
250ml gerasperde cheddarkaas

Metode
Kook macaroni soos op pak aangedui, dreineer. Braai die uie in die botter  tot  gaar. Voeg die meel by en roer, voeg die melk by en roer totdat die mengsel dik word en kook. Voeg al die oorblywende bestanddele by, behalwe die kaas. Bring tot kookpunt, laat prut en roer sodat die mengsel nie brand nie. Meng nou die sous van die macaroni en skep in ‘n oondvaste glasbak wat gesmeer is. Strooi laaste die kaas oor, en bak by 180C vir 20 minute tot gaar. Die resep lewer sowat ses tot agt porsies. Jy kan 4 geklopte eiers inmeng om die porsies tot tien te vermeerder.

Print Friendly, PDF & Email
 

Melkkos Met Macaroni

Lynette Muller

Bestanddele
100g (250ml) Macaroni
1L Melk
25ml Botter
2 eiers
50ml Meel
5ml Bakpoeier
Sout
Kaneel

Metode
Mikro 750ml van die melk saam met die macaroni en botter vir 15min op 100% krag. Roer en kook weer vir 5 min. Skei eiers. Klits eiergeel, 250ml van die melk, meel bakpoeier en die sout saam. Voeg by macaroni mengsel en kook vir 6 min op 100% krag.
Klits eiers witte styf (nie droog nie) en vou in. Bedien met kaneel en suiker.

Print Friendly, PDF & Email