Lasagne ~ Grootmaat

Jan van Niekerk
Lewer 48 porsies

Bestanddele
1,2 kg Ongekookte lasagne pasta
120 g Parmesaankaas

Vleissous:
4,5 kg Beesmaalvleis
50 ml Sonneblomolie
800 g Uie, gekap
10 ml Varsgemaalde knoffel
1,2 kg Tamaties, geskil en grof gekap
360 ml Tamatiepasta
30 ml Sout
10 ml Varsgemaalde swartpeper
60 ml Bruinsuiker
15 ml Droë basiliekruid
1,2 l Warm vleisaftreksel
200 ml Varsgekapte pietersielie

Bechamel-sous
4,8 l Melk
400 g Wortels,gekap
200 g Selderystingels, gekap
20 Swartpeperkorrels
4 ml Foelie
450 g Botter
450 ml Koekmeel
10 ml Sout

Metode:
Vleis:
Verhit die olie in ‘n groot kastrol en braai die vleis bruin. Voeg die ui en knoffel by en soteer tot sag. Voeg die tamaties, tamatiepasta, geurmiddels, suiker, basilie en warm aftreksel by. Verlaag die hitte,plaas die deksel op en prut vir 1 uur. Voeg die pietersielie by.

Bechamel-sous
Verhit die melk, wortels, seldery, peper en foelie saam in ‘n kastrol tot welpunt. Giet dit deur ‘n sif. Smelt die botter in ‘n kastrol en roer die meelblom by. Voeg die gegeurde melk bietjie vir bietjie by en roer tot ‘n gladde mengsel verkry is. Geur met sout en verhit oor lae hitte terwyl dit aanhoudend geroer word. Kook tot sous verdik. Skep afwissellende lae pasta, vleismengsele en sous in oondvaste bak. Herhaal 2 tot 3 maal die lae en eindig met bechamelsous. Strooi die parmesaankaas oor en bak in voorverhitte oond by 180°C vir 40 minute. Lewer 48 porsies.

Advertisements
 

GEURIGE  HAM-EN-TAMATIEGEREG

Rika Theron

Bestanddele
1 1/3 k macaroni
1 blik tamatiesop
4 snye ham
1 blik wortels.

Metode
Kook macaroni en dreineer.  Verhit sop en wortels in aparte skottels.  Voeg macaroni by sop en plaas in warm skottel.  Sny wortels en ham in skyfies en voeg by mengsel in skottel.  Bedien dadelik.

Wenk
Ek dink ‘n lekker laag gerasperde kaas sal ook nie skade doen nie

 

FAMILIEGUNSTELING

Rika Theron

Bestanddele
1 pakkie spekvleis, fyngesnipper,
klein blikkie tamatiepuree,
1 blikkie Weense worsies in wieletjies gesny,
1/2 k water,
klein blikkie Idealmelk,
1 medium ui, fyngekap,
1 huisie knoffel, fyngekap,
1/2 t kerriepoeier,
1/4 t paprika,
1/2 t braaivleisspeserye,
Fondorsout,
peper,
1/2 – 1 k gerasperde kaas,
1/2 pakkie gaar macaroni.

Metode
Braai uie en knoffel in ‘n bietjie olie, voeg spekvleis en Weense worsies daarby en braai tot bruin. Voeg daarby die tamatiepuree, water, Idealmelk en kruie na smaak. Soteer oor medium hitte vir ongeveer 5 minute. Roer die vleismengsel liggies in die gaar pasta. Skep in diep oondbak. Strooi kaas egalig bo-oor. Bak in warm oond (230°C). Bedien met ertjies en tamatieslaai.

 

Eenbak SPAGHETTI met BOELIEBIEF

Lynette Muller

Bestanddele
1 pakkie spaghetti – in stukkies opgebreek
1 blik heelpit mielies (jy kan hier ook ertjies of veggie mix gebruik)
1 blik Boeliebief – in blokkies gesny
1 tamatie – geskil en opgekap
1 ui – opgekap
1 groenrissie – in blokkies gesny
1 pakkie wit uiesop
3 eiers
1 koppie melk
1 koppie kaas – gerasper

Metode:
Kook die spaghetti tot gaar en dreineer. Klits die eiers, melk en soppoeier saam. Meng nou alles goed deurmekaar. Spuit ‘n oondbak met spray and cook en skep die mengsel daarin. Strooi die gerasperde kaas bo-oor. Bak in voorverhitte oond teen 180° vir 1 uur.

 

Spiraal Pasta en Spek Geregreg

Resep en foto Jan van Niekerk 

Heerlikste Spiraal Pasta en Spek Geregreg

Bestanddele:
500 g Spiraal macaoni
500 g Spekvleis dobbelsteemtjies (CAB) die ander is onegalig gesny
2 Medium uie, gekap
1 Groen soetrissie, gekap
250 g Gekerfde sampioene
15 ml Gemengde kruie
1 Pakkie Sampioenroomsoppoeier
1 Pakkie 3 kase kaassous
800 ml Melk
2 k Gerasperde cheddarkaas
Sout en peper na smaak

Metode:
Kook pasta volgens aanduidings op pak en spoel af.
Gooi bietjie olyfolie op pasta en roer deur dat hulle nie kleef nie.
Braai die uie tot deurskynend en voeg die soetrissie by.
Braui 3 minute tot sag en voeg die sampioene by en braai tot sag.
Voeg gemengde kruie by en braai 2 minute.
Skep uit en hou eenkant.
Gooi die spekblokkies in die pan met klein bietjie olie en braai tot sag.
Voeg die uie, soetrissie en sampioenmengsel by en roer deur.
Meng die melk met die soppoeier en roer deur.
Verhit in mikrogolf vir drie minute terwyl elke 30 sekonders geroer word.
Meng die kaassous by die soppoeier in en meng goed.deur.
Voeg die sous by die uie en sampioenmengsel en verhit tot dit prut.
Roer aanhoudend tot die sous verdik.
Voeg 1 koppie gerasperde kaas by en roer tot gesmelt
Skep in borde en deel die ander koppie kaas tussen die borde op die pasta.

 

MACARONI  MET  GEBAKTE  BONE

Rika Theron

Bestanddele
15 ml olie,
2 uie, fyngekap,
1 knoffelhuisie, fyngemaak,
25 ml gekapte pieterselie,
1 blikkie gebakte bone in tamatiesous,
sout & peper,
250 g macaroni,
45 ml gerasperde kaas,
1 groot tamatie, in ringe gesny.

Metode
Verhit olie in kastrol en braai ui en knoffel daarin tot sag en deurskynend.  Voeg bone, pieterselie, sout & peper by en verhit tot dit deurwarm is.  Kook macaroni.  Skep ‘n laag macaroni in ‘n gesmeerde bakskottel en skep ‘n laag boontjies bo-oor.  Herhaal en strooi die kaas oor.  Rangskik die tamatieringe bo-op en bak 20 min. (180°C)

 

 

Spek en kaas pasta

Wanda-Mari

Bestanddele
1 pak Spaghetti
2 x 250gr pakkies spek (gekap).
500 g Gerasperde Cheddarkaas (Hoe meer kaas hoe lekkerder).
2 Pakke gekerfde Sampioene.

Metode:
Braai die spekvleis en sampioene saam tot heerlik bruin en bros. Kook die spaghetti tot gaar en dreineer. Roer die warm spaghetti tussen die spekvleismengsel in. Roer al die kaas tussenin en laat dit smelt.

 

Rys noedel slaai

Niekie Rossouw

(Groot bak slaai)

Bestanddele
1 x 500mg Rys noedelslaai (By die pasta afdeling). By Shoprite and P & Pay
2 x eier gele. Ek gebruik dit nie regtig nie, Dit gee net kleur.
1 x teelepel mostert (poeier of smeer)
½ Koppie (125 ml) wit asyn
½ Koppie kookolie
¾ Koppie Mayonaise
2 medium groot wortels/1 blik sweet corn pitte
1 klein uie fyn gerasper
1 Blik pynappel ringe/verkieslik crushed pynappel
1 Blik kondensmelk

Metode
Kook solank die noedels
Meng al die bestandele saam terwyl die noedels kook.

MENG DIE NOEDELS SAAM
Maak hierdie resep die dag tevore al, want dan is dit baie lekkerder.
Hierdie slaai is lekker met braaivleis. Die mans is nogal lief hiervoor, omdat dit iets anders is. Dit hou vir 3 dae. Lekker met warm en koue kos.

 

PASTA-PESTO MET TAMATIES

Pesto
Tamatie pesto

Bestanddele
60ml olyfolie
60ml sonneblom olie
25ml suurlemoensap
5ml Fondor of Aromat
5ml knoffel poeier
45ml basilie pesto**
125ml songedroogde tamaties
250g macaroni
4 medium tamaties
1 bossie grasuie
500ml jong spinasie
250g fetakaas

Metode
Meng die olies, suurlemoensap, speserye, knoffel en pesto.
Kook die pasta gaar en meng dadelik met die sous.
Meng die res van die bestanddele (behalwe die feta) by en laat staan vir 1– 2 ure.
Net voor opdiening voeg die feta by, geur en garneer.
Lewer 4 porsies.

**Basillie pesto resep   http://www.liplekker.co.za/2018/03/balisie-kruid-pesto-basil.html/

Die sous mengsel alleen sal ook goed vir n basis op n pizza

Met vergunning van Anna Eksteen

 

HAMSOUS

Rika Theron
(4 porsies)

Bestanddele
25 ml olie,
125 g ham,
2 klein uitjies,
3 ryp tamaties,
sout & peper,
50 ml gekapte pieterselie.

Metode
Verwarm olie in kastrol, voeg gesnipperde ham en gekapte ui by. Soteer stadig tot uie sag is. Voeg gekapte tamaties by. Bring tot kookpunt, verminder hitte en stowe sonder deksel, 5 minute tot sous dik word. Geur met sout & peper. Voeg pieterselie by en meng goed. Geniet saam met jou gunsteling pasta.