Suzie se sout patats

RSG

Bestanddele
4 groot patats
Maalvleis
Witsous
Gerasperde kaas

Metode
Prik patats met vurk en kook in water tot gaar. Sny kruisie in patat en trek oop. Maak jou maalvleis op gewone manier gaar (uie in olie, knoffel, maalvleis, kruie en tamatiepuree). Sit gaar maalvleis op patat. Maak witsous en sit bo-oor maalvleis. Strooi laastens gerasperde kaas oor. Bak in oond vir 30 minute, 180 grade Celsius tot kaas gesmelt het.

Print Friendly, PDF & Email
Advertisements

Sunette se Maandag-maalvleis

RSG

Bestanddele
Maalvleis
Bees blokkies
Blikkie tamatie en uie-smoor
Vars kruie soos roosmaryn
Worcestersous
Asyn
Suiker
Suurlemoensap
Pakkie swartpeper-sous
Addisioneel: sampioene
Knoffel

Metode
Laat alles lekker saam prut tot gaar. Gooi geurmiddels by volgens smaak

Print Friendly, PDF & Email

Rita se een bak-wonder

RSG

Bestanddele
Uie
Maalvleis
100 ml blatjang
1 koppie rou rys
Bietjie sout
Minestrone sop in blikkie
1 blikkie geroomde sampioene
500 ml kookwater

Metode
Braai uie in bietjie olie en voeg maalvleis by tot gaar. Sit in ‘n oondvaste bak wat ‘n deksel het en voeg blatjang bo-oor. Strooi koppie rys eweredig bo-oor, asook sout. Gooi minestrone sop bo-oor en ook sampioene en laastens die kookwater. Sit deksel op en bak in oond vir 1 tot 1½ uur in voorverhitte oond teen 180 grade Celsius.

Print Friendly, PDF & Email

Petro se Bees-oog

RSG

Bestanddele en Metode
4 of vyf eiers gekook (sag). Maalvleis frikkadelle-mengsel (jou eie mengsel). Blikke kerriegroente – fyngemaak. Voeg kerriegroente in maalvleis-mengsel. Sit frikkadelle-mengsel om eiers en bak in ‘n oondbak met ‘n bietjie water en olyfolie in oond teen 130 tot 140 grade Celsius. Wanneer gaar, sny bolle in helfte en gooi blatjang of Worcestersous oor.

Print Friendly, PDF & Email

Marie se kat koppe (Frikkadelle)

RSG

Bestanddele
1 kg maalvleis
3 snye witbrood in melk geweek
gerasperde ui
2 eiers
sout en pepper en ander geurmiddels na smaak
50g meel

Bestanddele Beslag
400ml melk
2 eiers, knippie sout
500 ml meel

Metode
Maak beslag aan. Doop frikkadelle in beslag en braai in diep olie

Print Friendly, PDF & Email

Krulletjie se maalvleis dis

RSG

Bestanddele
½ kg maalvleis
Sout
Peper
Kruie
Ui
Rys
Blatjang
1 blikkie sampioensop

Metode
Braai maalvleis saam met ui in ‘n pan met sout, peper en ander kruie na smaak. Skep gaar maalvleis in oondvaste bak. Gooi rou rys en blatjang saam met maalvleis in. Voeg blik sop by met 500ml kookwater. Bedek met foelie en bak in oond vir 1½ uur teen 180 grade Celsius. Bedien met brood of mengelslaai.

Print Friendly, PDF & Email

Johan se rysgereg

RSG

Bestanddele
Groterige ui
Bietjie olie
Maalvleis
Bietjie sout
Swartpeper
Tamatiesous
Blatjang
250 m rys
Groente sopmengsel

Metode
Braai opgekapte ui in bietjie olie tot glaserig. Gooi maalvleis in en braai en roer tot los. Gooi bietjie sout en swartpeper in. Roer tamatiesous en blatjang in. Smeer ‘n oondbak met ‘n deksel. Gooi rys op bodem. Sit maalvleismengsel bo-op. Maak sopmengsel aan met een koppie kraanwater en twee koppies warm water. Gooi oor. Sit in oond en bak vir 45 minute.

Print Friendly, PDF & Email

Emma se pampoen!

RSG

Bestanddele
1 groot wit pampoen
1 kg maalvleis
Knoffel
Knopiesampioene
2 pakkies beesstertsop
3 lepels geel margarine
Uie
Aartappels, in blokkies gesny
Tamaties, in blikkie
Swart peper en sout na smaak
1 koppie bruinsuiker

Metode
Sny stingel van pampoen redelik groot en rond af. Sit dit eenkant – moenie weggooi nie. Haal pitte met hand uit pampoen. Meng al die bestanddele deurmekaar. Stop dit in die pampoen tot bo. Sit stingel (deksel) terug – nie te styf nie. Smeer pampoen met botter. Draai toe met foelie en sit in matige oond oornag of van oggend tot aand teen 100 grade Celsius. Haal pampoen uit, sny soos ‘n koek, bedien met rys en slaai. Jy kan dit ook in ‘n swart pot sit, oor kole vir so 4 tot 5 ure.

Print Friendly, PDF & Email

Elize se wat-wat skorsies

RSG

Bestanddele en Metode
8 Skorsies
500g maalvleis
1 Ui
1 Groenrissie
2 Knoffelhuisies
1 pakkie sampioene
Sampioen-soppoeier
Braaivleis speserye
½ blikkie heel tamaties
Gerasperde kaas

Metode
Sny skorsies in helfte en kook met pitte in, tot sag. Skep pitte uit. Braai uie, groenrissie, knoffel en sampioene in bietjie olie. Voeg maalvleis by en braai gaar. Voeg sampioen-soppoeier, braaivleis speserye en tamaties by. Vul die skorsies met die vulsel en strooi gerasperde kaas bo-oor. Bak in oond totdat kaas gesmelt het. (NB: kaas moet net smelt en nie bruin bak nie, anders word dit hard)

Print Friendly, PDF & Email

Frikkie se Frikkadelle

RSG

Bestanddele
1 kg Maalvleis
Krummels van 4 snye brood
2 eiergele geklits saam met ‘n halwe koppie melk
2 teelepels sout
1 teelepel koljander
Knippie neutmuskaat
Witpeper
1 teelepel gedroogde kruie

Metode
Meng alle droë bestanddele en vleis saam met ‘n 2-tand vurk om dit lekker losserig te maak. Voeg eier en melk saam in mengsel en hou lekker los met die vurk. Vorm die frikkadel en sit in oondbak. Gooi halwe koppie water by (sit een afgeskilde piesang in die water om die frikkadelle soeterig te maak). Bak teen 180 grade Celsius vir 30 – 45 minute. Bedien saam met rys.

Print Friendly, PDF & Email