Kaaps Koor Hoender

Retha Liebenberg

Bestanddele
1 Groot Hoender
Sout en Peper
2 ml Tiemie
125 ml Room
250 ml Hoendersop (Blik konsentraat)
125 ml Sjerrie
1 Blik Pynappelstukke
250 ml Sampioene
30 ml Botter

Metode
Kook die hoender gaar met geurmiddels. Ontbeen die hoender en sny in blokke. Plaas die vleis in ‘n oondskottel. Verhit die sop, room en sjerrie en roer aanhoudend. Sorteer die sampioene in botter en voeg die sop mengsel en pynappel by. Gooi oor die vleis. Bedek die vleis met deksel of foelie. Bak vir 15 tot 20 minute by 160° C.

Print Friendly, PDF & Email
Advertisements
 

Klewerige Hoender vlerkies

Annetjie Cilliers

Bestanddele
16 hoender vlerkies
125ml vars suurlemoensap
80ml fyn appelkooskonfyt( gesmelt)
125ml sojasous
80ml blatjang
3 knoffelhuisies ( fyngedruk)
1 groot ui (fyngekap en gesoteer)

Metode
Voorverhit die oond tot 160C. Pak die hoender vlerkies in ‘n vlak oondvaste bak.
Meng die res van die bestanddele goed en giet oor die vlerkies. Marineer ongeveer 1 uur lank. Bak dan sowat 1 uur lank onbedek tot die hoender vlerkies gaar en goudbruin is. Genoeg vir 6 mense.

Print Friendly, PDF & Email
 

Hoender Tetrazini

Liza Bosch

Bestanddele
50 ml Margarien
50 ml Meelblom
5 ml Sout
2,5 ml Neut
62,5 ml fyngekapte geroosterde Amandels
2,5 ml Witpeper
62,5 ml Sjerrie (opsioneel)
300 g Sampioene
1 gaar Hoender, ontbeen en in stukkies gesny
62,5 ml Parmesaankaas
250 ml dun Room of gewone yoghurt
500 ml Hoender ekstrak

Metode
Smelt die margarien en roer die meel, sout, peper en neut in. Voeg die hoender ekstrak stadig by. Kook oor lae hitte en roer gedurig tot glad. Voeg room en sjerrie by en verhit tot kookpunt (pasop vir skif). Meng nou hoender, sous, sampioene (wat effens gebraai is) en amandels by en giet in bakskottel. Strooi kaas en paprika oor en bak in oond van 180 °C tot goudbruin. (Kan gevries word)

Print Friendly, PDF & Email
 

Hoender met Sampioene

Liza Bosch

Bestanddele
1 – 1½ kg Hoender (of Hoenderboudjies)
1 blik (450 g) Aspersies
1 blik (450 g) Sampioene
1 blik (450 g) Aspersie roomsop
6 Agurkies
Sout & Peper

Metode
Stel oond op 150 °C. Sny die hoender in stukke en rangskik dit in ‘n oondvaste bak.
Sprinkel goed met sout en peper. Verdun die sop met die aspersiesap en gooi oor die hoender. Sit foelie bo-oor. Bak ± 1½ uur tot die hoender sag is. Rangskik die sampioene, aspersies en gesnyde agurkies oor die hele oppervlakte en sit weer terug in oond vir ± 15 minute.

Print Friendly, PDF & Email
 

Hoender met perske en heuning

Elize van Zyl

Bestanddele
8 Hoenderboudjies of dye
250 ml Blatjang
50 ml Heuning
50 ml Mayonnaise
10 ml Kerriepoeier
5 ml Sout
1 Blik perske skywe gedreineer

Metode
Voorverhit oond tot 180°C. Plaas hoenderstukke in bak met deksel. Meng blatjang, heuning, mayonnaise, kerriepoeier en sout. Gooi oor die hoenderstukke. Sit deksel op en bak vir 1½ ure. Haal bak uit oond en skep olie af. Sir perske skywe tussen die hoenderstukke. Bak vir nog 30 minute sonder die deksel.

Print Friendly, PDF & Email
 

Hoender lewer met byt

Annetjie Cilliers

Bestanddele
500g hoenderlewertjies
90ml botter
sout en varsgemaalde swartpeper na smaak
1 ui, gekap
2 knoffelhuisies, gekneus
1 stuk ± 1cm gemmer, fyn gekap
12,5ml kerriepoeier of garam masala
5 ml borrie
1 brandrissie, ontpit en fyngekap
410g ( 1blik) tamaties, gekap
200g bevrore of vars jong ertjies
vars koljanderblare gesnipper

Metode
Soteer skoongemaakte hoender lewers in botter in ‘n braaipan. Dit moet nog pienk binne wees, maar verseël aan die buitekant. Geur met sout en varsgemaalde swartpeper en skep uit. Hou eenkant. Braai ui tot sag in pan in vet oor lae hitte. Voeg knoffel, gemmer, borrie, kerriepoeier en brandrissie by. Roer en laat 1-2 minute stadig prut. Voeg tamaties by en bring tot kookpunt. Laat ongeveer 10 minute lank prut. Voeg ertjies net voor opdiening by en geur met sout en varsgemaalde swartpeper.
Indien verkies voeg ‘n bietjie suiker by. Sodra sous begin prut, voeg hoender lewers en bietjie koljanderblare by. Laat prut tot deur warm. Sit voor en garneer met die res van die koljanderblare.

Print Friendly, PDF & Email
 

Hoender al la King

Liza Bosch

Bestanddele
2 groot Groen Rissies, in repies gesny
6 – 8 Hoenderporsies
1 pakkie Sampioen room soppoeier
2 huisies knoffel, gekneus
5 ml Sjerrie of brandewyn
30 ml Margarien
3 groot uie, gekap
250 g Knopies sampioene
1 pakkie Hoender room soppoeier
700 ml Melk
100 ml Hoenderaftreksel

Metode
Maak die hoenderporsies gaar. Verwyder die vel en bene en sny in blokkies. Behou 100ml van die aftreksel waarin die hoender gaargemaak is. Verhit die margarien in ‘n vlak pan en braai die soetrissies, uie, sampioene en knoffel daarin tot sag. Meng die hoender- en sampioen room soppoeier met die melk en hoenderaftreksel. Verhit totdat die mengsel dik en gaar is. Voeg die hoender blokkies, asook die gesoteerde groentemengsel hierby en verhit totdat die gereg goed deur gaar is. Voeg die sjerrie of brandewyn net voor bediening by en meng goed. Bedien saam met rys of pasta.

Print Friendly, PDF & Email
 

Hoender Hawai

Liza Bosch

Bestanddele
1 groot Ui, gekap
125 g Spekvleis, gekap
1 kg Hoenderstukkies
1 blik Pynappel stukkies, gedreineer
1 klein groen Soetrissie
1 blikkie Hoender roomsop
Sout & Peper

Metode
Braai ui en spekvleis ‘n paar minute lank in ‘n verhitte kasserol bak. Voeg hoenderstukkies by en braai bruin. ‘n Bietjie olie kan bygevoeg word indien dit te droog raak. Geur hoender met sout en peper. Verwyder van plaat en voeg res van bestanddele by. Sit deksel op kasserol en bak 45 – 55 minute in oond by 180 °C.

Print Friendly, PDF & Email
 

Hoendergereg ~ Tannie Babs

Tannie Babs Schutte

Bestanddele
1 Hoender
1 Blik gemengde groente
½ k korente
1 e Kerrie
1 e Maizena (Opgehoop)
Melk
½ k Blatjang
Sout en peper na smaak

Metode
Kook hoender sag met sout en peper. Verwyder die bene. Voeg blik gemengde groente by. Voeg korente by. Meng kerrie en maizena met melk tot pasta. Meng die pasta met blatjang. Meng die pasta nou met die hoender. Kook tot gaar en dien op in mooi bak.

Print Friendly, PDF & Email