Broodslaai

Ingestuur deur Okkie Jansen van Vuuren

Bestanddele
1 Witbrood (Verwyder korsies en sny in klein blokkies)
1 Klein botteltjie agurkies (in skyfies gesny)
125 ml Kaasblokkies ( Feta of Cheddar)
Kookolie
Slaaisous
75 ml Suiker
5 Eiers (geklits)
75 ml Asyn
75 ml Water
5 ml Mosterdpoeier
45 ml Mayonnaise
45 ml Room of ongegeurde joghurt

Maak eers die sous.
Klits die suiker lepels-gewys by die eiers. Meng die asyn, water en mosterdpoeier en klits by die eiermengsel. Roer die sous oor matige hitte tot dit begin verdik. Verwyder van die stoof en klits die sous goed met ‘n eierklitser. Laat afkoel. Roer die mayonaise en room by. Hou eenkant.

Slaai
Braai die broodblokkies in diep olie tot lekker bros en bruin. Dreineer en laat goed afkoel. Meng die broodblokkies, kaasblokkies en agurkieskyfies in ‘n slaaibak.
Roer die slaaisous liggies by net voor opdiening anders word die broodblokkies sag.

Lewer 15 tot 20 porsies

Advertisements