AARTAPPELS VIR BRAAIVLEIS

Anna Eksteen

Bestanddele
1kg baba-aartappeltjies, skoon afgewas                        
25ml olie
1 groot ui, gehalveer, geskil en fyn gekap                      
2 knoffelhuisies, gekneus, fyngemaak
25ml matige kerriepoeier                                               
5ml borrie
1 brandrissie, ontpit en gekap                                        
3 suurlemoen of lourierblare
15ml fyngekapte, vars gemmerwortel                            
30ml goue stroop
125ml wynasyn                                                             
125ml aftreksel

AFRONDING:
100ml grofgekapte koljanderblare(opsioneel)

Metode
Skep die aartappeltjies in ‘n kastrol, bedek met kraanwater, geur met sout, verhit tot kookpunt en kook vir 10 minute. Bedek en laat 5 minute staan. Verhit intussen die olie in ‘n groot kastrol en voeg die uie en knoffel by. Roerbraai vir 2-3 minute. Strooi die kerriepoeier, borrie, brandrissie, suurlemoenblare en gemmer oor. Voeg die gouestroop, asyn en aftreksel by. Verhit tot kookpunt en prut vir 2 minute. Dreineer die aartappeltjies en skep in kastrol met die sous. Strooi die koljanderblare oor en sit voor met braaivleis.

Advertisements

KEBABS MET PEPPADEWS

Anna Eksteen

Bestanddele
350g varkvleisblokkies(uit boud gesny), 25mm dik         
1 medium soetrissie, ontpit, in 25mm blokkies gesny
200g ingemaakte peppadews in stroop (sowat 18)          
6 piekeluie, geskil en gehalveer

BEDRUIPSOUS
80ml stroop van ingemaakte peppadews                        
10ml heuning
sout en varsgemaalde swartpeper na smaak                  
15ml ligte bruinsuiker

Metode
Ryg die varkvleis om die beurt met soetrissie, uie en peppadews op die penne. Meng al die bestanddele vir die bedruipsous. Braai kebabs 15-20 minute oor matige kole, keer gereeld om en bedruip met sous tot gaar.

ROOI POTJIE VIR PA

Anna Eksteen
Gebruik ‘n nommer 3 potjie

1 kg hoender
fyn sout
growwe swart peper
koekmeel om stukkies in te rol.
2 medium uie fyn gekap
kook rys apart tot gaar.
10ml fyngemaakte gemmer en knoffel
20ml botter
10 klein aartappeltjies
10 jong worteltjies
10 klein vlapampoentjies
250g knopie sampioene

BESTANDDELE VIR DIE SOUS
300ml tamatiesous
50ml blatjang
20ml Worcestersous
2ml tabascosous
50ml asyn
50ml suiker
5ml mostertpoeier
15ml paprika
125 water

Metode Sous
Voeg alles bymekaar is ‘n bottel en meng goed deur die bottel te skud.

Metode Potjie
Maak jou pot warm en gooi botter by.Braai die fyngekapte uie en gemmer/knoffel tot die geur uitkom. Neem die hoender porsies en strooi individueel een vir een met fyn sout en peper. Nadat die gedoen is doop die hoender porsies in die koekmeel en voeg in die pot. Roer totdat die hoender porsies goed met die uie en olie bedek is vir so 10 minute. Gebruik ‘n houtlepel. Van nou af roer jy nie weer jou pot totdat jy opskep nie. Gooi nou jou sous soos bo saamgestel in en laat jou pot stadig loop. (Borrel liggies regdeur). Los so vir ongeveer 15 minute. Voeg nou jou groente in lae in die volgende volgorde. Aartappels, jong wortels, pampoentjies, en sampioene. Los so vir ongeveer 45 minute Voeg klaargekookte rys by so 10 minute voor opskep, en laat die sous deurkook. Die pot loop so 2½ uur.

VISSERMANPASTEI:

Anna Eksteen

Bestanddele
25 ml olie
1 groot ui, geskil en gekap
2 vet knoffelhuisies, geskil en gekap
1 blik (410 g) gekapte tamaties
5 ml suiker
sout en peper
gerasperde skil en sap van een suurlemoen
1 kg skel- of stokvisfilette
25 ml gekapte pietersielie
4x250ml fyngemaakte, gaar aartappels
50 ml botter
2 ekstra-groot eiers, geklits
gerasperde neutmuskaat
5 ml aangemaakte Engelse mosterd
15 ml melk

Metode
Gebruik ‘n groot kastrol, skep die olie in en verhit totdat dit matig warm is. Voeg die uie en knoffel by en roerbraai totdat die uie sag is. Voeg die tamaties by en roer deur. Geur met suiker, sout en peper .Roer die suurlemoenskil en -sap by. Rangskik die vis op die sous en bedek die kastrol. Prut oor LAE hitte totdat die vis gaar is. Verwyder die kastrol van die hitte, verwyder die deksel en laat staan totdat die vis effens afgekoel het. Skep die vis uit die kastrol, trek die vel af en verwyder alle grate. Vlok die vis, strooi die pietersielie oor en hou eenkant. Sit die vis in ‘n bak en gooi die uie knoffel oor die vis. Meng die aartappels met die botter en roer die eiers by. Geur met neutmuskaat en mosterd. Proe en voeg sout by soos benodig. Sit nou die aartappels oor die vies en bak tot goudbruin.

WAARSKUWING: Indien jy skelvis gebruik, moet jy nie die aartappels te veel sout nie, anders gaan die “pastei” te sout wees

GEURIGE KOOL VAN OUMA FRIEDA:

Anna Eksteen

Bestanddele
1 klein koolkop, gekerf
2 wortels, gerasper
2 uie, gekerf
1 kg maalvleis
1 pakkie hoendernoedelsop
5 ml borrie
2 eetlepels kerrie (matig)
1 teelepel sout
1 ml swartpeper
4 eetlepels botter
125ml room

Metode
Gebruik ´n groot braaipan. Braai die uie in 4 eetlepels botter tot ligbruin. Voeg die kool by en roerbraai vir ongeveer 30 minute. Voeg nou vleis, wortels en geurmiddels by. Maak sop aan met 500 ml water en gooi helfte by. Kook / prut vir 30 minute en gooi af en toe van die res van die sop by of as dit nodig is kan meer water by gegooi word (moenie laat dit brand nie). Roer die room by. Bedien met rys, vars broodjies en mengelslaai.

Afrika sout tert

70ml botter gesmelt
250ml Bacon Kips koekies, fyngemaak

Voorverhit die oond tot 150C en smeer ‘n 20cm-losboomkoekpan met botter of bespuit met kleefwerende kossproei.
Meng die botter en koekiekrummels goed en druk op die bodem en effens teen die kante van die voorbereide koekpan vas.
Hou eenkant.

2 bosse spinasie, skoon gemaak, fyn
3 repies spekvleis, grof gekap
gekap en gaar gestoom
1 middelslag ui, fyn gekap
250g geroomde maaskaas
350ml suurroom
4 ekstra-groot eiers, geklits
125g fetakaas
parmesaankaas

Dreineer die gestoomde spinasie goed en druk dan in jou vuis droog om van alle vloeistof ontslae te raak.
Braai die spek tot halfgaar, voeg die uie by en braai tot die uie sag en geurig is.
Klits die maaskaas, suurroom en eiers goed saam.
Roer die spek en uie mengsel asook die spinasie by.
Roer die fetakaas in en giet in die voorbereide kors.
Bak 1¼ uur lank tot ferm en goudbruin.
Sprinkel ‘n bietjie parmesaankaas oor en laat staan vir omtrent 30-minute om stewig te raak.
Bedien louwarm of teen kamertemperatuur.

Resep: Anna Eksteen