Beer Can Chicken, Bier blik hoender (of gebruik Coke)

Ek is al lankal lus om die resep te probeer.
Ek het uiteindelik en dit was heerlik en sappig.
Ek het die hoender in die Cobb braaier gaargemaak.
Maar hy kan op enige ander braaier (verkieslik met n deksel) gaargemaak word of selfs in die oond.
Bedek die hoender en hele pan met foelie indien jy dit in die oond doen.

Bestandele:
een heel hoender
6 medium aartappels
halwe blikkie bier of coke
foelie

Die speserye en geure is na smaak:
Maar hier is wat ek gebruik het:
Ongeveer 200ml olyf olie.
5ml gerookte sout flokkies
4ml naeltjies
22ml Ina Paarman Hoender speserye
15ml gegeurde gemengde kruie (Robertsons)
5ml knoffel vlokkies
meng goed en laat staan vir die geure om trek.

Skil 6 medium aartappels.
Plaas dit in  zip lock sakkie saam met ongeveer 80ml olyfolie en 10ml sout vlokkies.
Meng en rol dat al die aartappels bedek is met die olie laag in die sakkie.

As die vuur/hitte gereed is plaas die halwe  bier in die houer

Bier blik hoender houer

Smeer die hoender met die olyf mengsel.
Maak seker dit is n lekker dik mengsel dan loop dit nie net af nie.
Plaas hoender oor die blikkie/staander en draai foelie om die vlerkies en om die boudtjies se punte
Plaas dit in foelie bord bv n tert bord.
Draai die aartappels elkeen apart in foelie toe en plaas om die hoender.
Sit in jou braaier en maak die deksel toe.
Myne het ongeveer 2 ure geneem om gaar te word.

MY hoender het ongeveer 2 ure geneem om gaar te word, saam met die lekker gebakte aartappels

Waarna ek net die boudtjiesafgesny het en teruggeplaas het in die biersous
Die hoender het ek met foelie bedek en saam met die aartappels warm gehou op 90 grade.
Ek het gevriesde oven bake groente saam met die boudtjies gesit en daar was n heerlike ete gaar met min skottelgoed.

*My bier blikkie was te hoog. Ek het die bier oorgegooi in n kleiner koeldrank blikkie (Tonic water)

Solank jou braaier se hitte egalig bly behoort enige braaier te werk

Advertisements

Lendeskywe met Swartbiermarinade

Ingestuur deur Jan van Niekerk

Swartbier (of stout – dis nou soos Guinness) is in Suid-Afrika dalk nie so gewild terwyl die manne krieket kyk nie, maar ’n Castle Milk Stout gaan góéd af in ’n vleismarinade.
4 Porsies

Bestanddele:
4 Lendeskywe (‘sirloin steaks’)
1 Eetlepel canola-olie
1 Eetlepel swartpeper
1 Knoffelhuisie, gekneus
1 Koppie swartbier (ons het Castle Milk Stout gebruik)
1 Teelepel heuning
½ Koppie biefaftreksel

Metode:
1. Verf die vleis met olie, geur dit met gemaalde swartpeper en hou dit eenkant. Meng die knoffel, bier en heuning en giet dit oor die vleis. Laat dit vir minstens 2 uur marineer, maar verkieslik oornag.
2. Haal die vleis uit die marinade en druk dit versigtig droog met kombuispapier. Hou die orige marinade eenkant. Braai die vleis vir 3-4 minute aan ’n kant oor lekker warm kole.
3. Gooi intussen die orige marinade in ’n kastrolletjie, skink die biefaftreksel by en kook dit vir 10 minute tot dit met die helfte afgekook het. Sit dit voor met ’n groenslaai.

WegSleep sê: Vleis moet verkieslik teen kamertemperatuur voorberei word. Laat staan dus jou steaks vir 15 minute buite die yskas voor jy hulle braai.

Pastaslaai met Biersous

Ingestuur deur Jan van Niekerk

Bestanddele Pasta
4 Koppies gaar elmboogpasta
410 g Pynappelstukkies gedreineer
4 Piesangs geskik en met suurlemoensap besprinkle
1 x 565 g Lietjies gedreineer en ontpit
225 g Blik groenertjies gedreineer

Bestanddele Sous:
125 ml Mayonaise
125 ml Bier

Metode:
Meng die pasta, pynappelstukkies, piesangs, lietjies en ertjies in ‘n groot slaaibak.
Meng mayo en bier deeglik deur en gooi oor slaai.
Meng deeglik en verkoel vir minstens 8 ure voor gebruik.

Beesvleis met ’n biersous

Ingestuur deur Okkie Jansen van Vuuren

Bestanddele
sonneblomolie, vir potbraai
500 g kits-steaks (‘minute steaks’), in dun repe gesny
30 ml botter
2 uie, middeldeur en fyner gesny
20 ml meel
300 ml biefaftreksel
200 ml bier (of gebruik nog biefaftreksel)
’n takkie vars tiemie (of 1 ml droë tiemie)
fyn aartappel en groente, om voor te sit

Metode
Verhit ’n groot swaar-boom pan oor hoë hitte. Gooi ’n bietjie olie in sodra die pan vuurwarm is en dan die helfte van die vleis. Roerbraai tot mooi bruin, skep uit en herhaal met die res van die vleis.
Verhit die botter in dieselfde pan. Voeg die ui by en roerbraai dit oor matige tot lae hitte tot goudbruin. Roer die meel in. Voeg die aftreksel bietjies-bietjies by terwyl jy roer. Voeg die bier en tiemie by. Prut vir 5-10 minute tot die sous verdik het. Roer af en toe. Voeg die meel by die sous en geur dit. Sit voor met fyn aartappel en groente.

Kaneel & Bier bolletjies

 

Okkie C. Jansen van Vuuren 
(Okkie sê hierdie is een van die redes hoekom hy bier in die huis het)
Bestanddele
Bolletjies
1 bottel (340ml) bier
500 gram bruismeel
1 teelepel sout
Vulsel
100 gram amandels grof gekap
100 gram pecan neute grof gekap
100 gram gerdroogde appelkose
2 teelepels fyn kaneel
200 gram botter
Half koppie bruinsuiker
Half koppie heuning
Sit oond op 108 celcius
Bolletjie metode
Meng bruismeel met net genoeg bier om stywerige deeg te maak
Rol n reghoek uit op meelbestrooide blad
Vulsel metode
Hou 50 ml botter en al die suiker eenkant
Meng die res van die vulsel bestanddele en smeer egalig op uitgerolde deeg. Rol op soos jamrol en sny rol in 5 cm skywe.
Pak oopkant boontoe in pan
Klits die botter en suiker wat jy uitgehou het tot romerig en skep/smeer op rolletjies
Bak ongeveer 40 minute of tot gaar.
Heerlik as warm met roomkaas bedien word

Bier sop

Bestanddele
1 l Bier
125 ml Suiker
4 Eiergele
50 ml Suurroom
2 ml Fyn kaneel
1 ml Sout
Vars gemaalde swartpeper

Metode
Gooi bier en suiker in pot. Verhit die bier en roer aanhoudend. Verwyder van die stoof wanneer die suiker gesmelt is. Klits die eiergele in ‘n klein bakkie. Gooi nou bietjies suurroom in die bakkie en klits. Voeg nou ‘n klein bietjie van die warm bier mengsel by die eiermengsel. Roer aanhoudend met whisk. Voeg nou al die bier mengsel by die eiermengsel en whisk goed. Plaas nou die pot weer terug op die plaat, en prut oor lae hitte totdat die sop begin verdik. Moet nie laat die mengsel kook nie want anders sal die sop skif. Roer die sout en kaneel in. Bedien onmiddellik.
Garneer met gemaalde swart peper.