Bolognaise Maalvleissous ~ Grootmaat

Jan van Niekerk

Lewer 48 porsies

Bestanddele
5 kg Binneboudmaalvleis
150 ml Sonneblomolie
1 kg Uie, gekap
15 ml Varsgemaalde knoffel
30 ml Sout
10 ml Varsgemaalde swartpeper
30 ml Gemengde kruie
900 ml Tamatiepuree
30 ml Bruinsuiker
3 l Vleisaftreksel
60 ml Koekmeelblom

Metode
Braai die maalvleis in verhitte olie in ‘n swaarboomkastrol tot dit verbruin. Voeg die uie en knoffel by en soteer tot die uie sag is. Voeg die res van die bestanddele, behalwe die meelblom by . Verlaag die hitte, plaas die deksel op en prut vir 45 minute. Verdik sous met pasta van meelblom en water. Dien op saam met spaghetti. Lewer 48 porsies.

Wenke
Vir 48 porsies benodig jy 3,5 kg ongekookte spaghetti
Bolognaisesous kan ook as vulsel vir pannekoek of saam met aartappels of vetkoek bedien word.

Advertisements
 

BOLOGNAISE SOUS

Rika Theron
(4 porsies)

Bestanddele
25 ml olie,
2 medium uie,
750 g maalvleis,
1 blik heel tamaties,
37,5 ml tamatiepasta,
5 ml basiliekruid,
2 ml orego,
2 ml tiemie,
sout & peper,
1250 ml water,
gerasperde kaas.

Metode
Verwarm olie in ‘n groot kastrol, voeg gekapte uie by en soteer stadig tot uie sag is. Voeg vleis by en roer oor hoë hitte tot vleis donkerbruin is, druk die vleis goed fyn. Voeg ingemaakte tamaties, tamatiepasta, basiliekruid, orego en tiemie by en meng goed. Geur met sout & peper. Bring tot kookpunt, verminder hitte, prut 2 uur lank tot vloeistof verdamp het, sonder deksel. Sit voor met gerasperde kaas.