TAMATIE LEKKERTE

Woumarie

Bestanddele
4 kg geskilde tamaties
1 kg gekapte uie
3 kop suiker
2 kop asyn
2 gekapte “greenpeppers”
Kook saam ± 1uur

MENG EN VOEG BY
2 eetl mosterdpoeier
2 eetl Kerrie
2 eetl sout
2 eetl maizena (hoogvol)
2 eetl koekmeel (hoogvol)
1 kop asyn

Opsioneel en Metode
Ek gooi so 1 tl crushed chillies by die daai ekstra Byt !! Kook goed deur.  Skep in bottels. Mens kry 10 botteltjies uit van die mengsel. Gebruik as ‘n braai bygereg, hamburgers, hotdogs, saam met kerrie geregte, sous oor jou gebraaide wors, as sous by jou pap

Advertisements
 

BUTTERNUT SKYWE MET GARLIC

Lynette Muller

Bestanddele en Metode
Sny jou butternut in dik skywe – met skil aan. Smeer lekker homp botter op en knoffelvlokkies, sout en gemaalde swartpeper – sny ‘n ui in skywe en sit die skyf ui bo-op die butternut. Maak indeviduele pakkies. Maak pakkie toe met foelie en maak gaar op die kole of in die oond.

 

FEESPAP

Lynette Muller

Bestanddele
3 koppies mieliemeel
6 koppies water
1½ teelepel sout
1 bottel biltong smeerkaas
250ml room
1 blikkie geroomde sampioene
250g ontbytspek
2 uie
gerasperde kaas

Metode
Stel oond op 180C, en spuit ‘n bakskottel. Kook mieliemeel in sout en water tot gaar.
Snipper en braai spek en uie. Meng gebraaide spek en uie, smeerkaas, room en geroomde sampioene. Skep in lae in bakskottel: Pap, dan spek mengsel. Herhaal lae. Strooi gerasperde kaas oor en bak totdat die kaas gesmelt is. Bedien saam met braaivleis.

 

Mieliepap Chips

braai.com
Maize meal is super versatile and you can transform your ordinary pap into this amazing snack or starter for your guests at your next braai.
WHAT YOU NEED:
3 cups water
1 cup maize meal
1 teaspoon salt
1 tot butter
Black pepper
Few sprigs fresh thyme
1 cup cheese, grated
For the Sauce:
1 cup french style mayonnaise
1 tot paprika
1 teaspoon chili flakes

WHAT TO DO:

  1. Stir the maize meal and water together in a pot to mix well. Add the salt and let it simmer on low heat for about 30 minutes until cooked.
  2. Add the butter, black pepper, thyme and cheese and mix well into the cooked pap
  3. Prepare a baking sheet with cooking spray or olive oil and place the cooked pap mixture into the baking sheet. Press it down firmly and evenly with the back of a spoon or your recently washed hands, to cover the pan. Leave to set for about 20 -30 minutes.
  4. Once the pap in the baking sheet has set, tip it over onto a surface and slice into strips.
  5. Place the pap strips onto your closed hinged grid and braai over warm coals until golden, crispy and brown.
  6. Mix all the ingredients together for the sauce and serve with the pap chips
 

SNOEK OOR DIE KOLE

Lynette Muller

Bestanddele
1 Snoek vooraf gesout
Appelkoos Braaisous:
60 ml mayonnaise
60 ml knoffelbotter
60 ml gladde appelkooskonfyt
of
Mayo-Braaisous:
250 ml mayonnaise
90 ml botter

Metode
Plaas die vis oop met die velkant na onder op die rooster. Sprinkel peper oor. Verhit die bestandele vir enige van die braaisouse oor lae hitte en meng goed. Gebruik ‘n klein kwassie en verf die vleiskant van die vis met die sous. Braai oor gloeiende kole – nie te warm nie – tot die vis maklik van die graat loskom. Sit voor met vars brood en slaai of tamatie-en-uie-braaibroodjies

 

Koue Heel Mielieslaai: (Ideaal Vir Braai)

Koekoes Vorster

Bestanddele
Jong Vars Heel Geelmielies (1 Of 2 Per Persoon)
1 Bottel Franse Slaaisous

Metode
Kook Mielies Vir 15 Min (Afhangende Van Grootte )
Sny Mieliestronke In 4 – 5 Cm Stukke
Sit In Marineerbak Saam Met Slaaisous En Draai Af En Toe Om.
Geniet Saam Met Braaivleis Op ‘N Warm Dag.

 

Potatobake broodjie

Ingestuur dur Wanda-Mari Lundly

Bestanddele en metode
1 winkel brooddeeg
1 koppie melk
1 pakkie potato bake (enige geur) Pasta bake werk ook
Smeer bak dik met botter
Rol bolletjies, sit in bak.
Maak potato/pasta bake aan met 1 koppie melk. Gooi bo-oor die bolletjies
Oond 180 C
Bak vir 40 tot 45 min

Variasie op broodjie:
Soetbroodjie
3/4 kop melk en 1 kop bruinsuiker
Gooi bietjie melk en bruinsuiker op bodum van bak. Maak bolletjies, gooi orige melk en suiker oor en bak soos bo.

NB – as jy die broodjie uithaal uit die oond, haal dit dadelik uit die pot, sit in bak en skep die karamel onder uit die bak en gooi dit bo-oor die broodjie. As die karamel onder hard word kry jy nie jou brood uit die pan uit nie.

 

Lendeskywe met Swartbiermarinade

Ingestuur deur Jan van Niekerk

Swartbier (of stout – dis nou soos Guinness) is in Suid-Afrika dalk nie so gewild terwyl die manne krieket kyk nie, maar ’n Castle Milk Stout gaan góéd af in ’n vleismarinade.
4 Porsies

Bestanddele:
4 Lendeskywe (‘sirloin steaks’)
1 Eetlepel canola-olie
1 Eetlepel swartpeper
1 Knoffelhuisie, gekneus
1 Koppie swartbier (ons het Castle Milk Stout gebruik)
1 Teelepel heuning
½ Koppie biefaftreksel

Metode:
1. Verf die vleis met olie, geur dit met gemaalde swartpeper en hou dit eenkant. Meng die knoffel, bier en heuning en giet dit oor die vleis. Laat dit vir minstens 2 uur marineer, maar verkieslik oornag.
2. Haal die vleis uit die marinade en druk dit versigtig droog met kombuispapier. Hou die orige marinade eenkant. Braai die vleis vir 3-4 minute aan ’n kant oor lekker warm kole.
3. Gooi intussen die orige marinade in ’n kastrolletjie, skink die biefaftreksel by en kook dit vir 10 minute tot dit met die helfte afgekook het. Sit dit voor met ’n groenslaai.

WegSleep sê: Vleis moet verkieslik teen kamertemperatuur voorberei word. Laat staan dus jou steaks vir 15 minute buite die yskas voor jy hulle braai.

 

Braai broodtjie

Bestandele

1 heel brood
Tamatie
Uie
Bacon
Knoffel
125ml room
Mushrooms
Kaas

Sny die brood se kop af
Sny in die helfte en dan in skywe sonder om deur te sny
Braai uie, bacon, mushrooms, tamatie, uie en knoffel (en speserye na smaak). Voeg room by en roer tot lekker dik.
Gooi mengsel oor die brood. Bedek met kaas en bak vir ’n paar minute in die oond.