LAMSTJOPS MET KRUIE KNOFFELBOTTERSOUS

Anna Eksteen

KRUIEBOTTERSOUS:
250g sagte botter
2 knoffelhuisies (gekneus)
15ml gemengde droë kruie
30ml suurlemoensap

VLEIS:
45ml olyf olie 20ml suurlemoensap
sout en vars gemaalde swartpeper na smaak
12 lamslendetjops

Metode
Plaas botter, knoffel, kruie en sap in ‘n voedselverwerker. Meng goed. Skep bottermengsel op bak of botter papier van sowat 25cm in lengte en 4cm in breedte. Rol op sodat ‘n rol vorm en plaas in vrieskas of yskas tot gereed vir gebruik.

VLEIS:
Meng olyfolie, sap, sout en peper in bakkie en verf mengsel oor die tjops. Rooster tjops op kole na gelang van smaak van gaarheid. Verhit kruiebottersous stadig tot warm maak nie kokend nie. Gooi oor tjops net voor opdiening.

Advertisements

GEROOSTERDE SNOEK

Anna Eksteen

Bestanddele
1.5kg vars snoek
olie

Bedruipsous
250ml droë witwyn
1ml vars gemaalde swartpeper
100ml fynappelkooskonfyt
3 knoffelhuisies, gekap
20ml vars gekapte pietersielie
12.5ml Worcestersous
12.5ml sojasous
30ml suurlemoensap

Bestanddele
Meng die bestanddele vir die bedruipsous en laat prut vir 1 minuut lank. Smeer ‘n toeklap rooster vooraf met olie, anders sal die vis vassit. Moet nie die vel van die snoek verwyder nie, en plaas die snoek op die rooster. Rooster die snoek 15-20 minute stadig oor matige kole terwyl dit aanhoudend met die bedruipsous bestryk word. Gebruik ‘n kwassie vir die doel.

VEGETARIESE EIERVRUGPOTJIE

Anna Eksteen

Bestanddele
500ml botter of suikerbone, oornag geweek
5 medium aartappels
1 klein botterskorsie
2 groot eiervrugte
4 witwortels
5 groot geelwortels
125ml olyfolie
2uie, gekap
5ml sout
varsgemaalde swartpeper
10ml droë tiemie
10ml droë roosmaryn
4 heel knoffelhuisies
250ml groente aftreksel of appelkoossap
5ml rissiesous

Metode
Kook die boontjies omtrent ‘n uur lank tot dit net sag is, dreineer en hou eenkant. Was die aartappels, botterskorsie, eiervrugte, witwortels en geelwortels: dit is nie nodig om enige van hierdie groentes te skil nie. Sny dit in happiegroottes. Verhit die gietysterpot oor die kole, gooi die olyfolie daarin en soteer die uie tot deurskynend .Pak die groente in lae bo-op die uie. Sorg dat die groente wat die langste neem om gaar te word onder in die pot is. Wissel elke laag af met ‘n laag van die boontjiemengsel en strooi ‘n bietjie sout, peper, tiemie en roosmaryn oor. Druk die knoffelhuisies tussen-in. Giet verhitte aftreksel of appelkoossap oor die laaste laag. Giet die rissiesous in die middel van die groente deur ‘n opening in die middel daarvan te maak met ‘n lang mes of lepel. Bedek die pot met ‘n stuk foelie, verseël dit goed om die rand en sit die deksel op. Prut 1½-2 uur oor baie lae hitte. Lewer 6 porsies.

Wenk
Hierdie resep hoef nie net in ‘n potjie gemaak word nie maar kan ook in ‘n gewone pot op die stoof gemaak word.

VINNIGE MAKLIKE BYGEREG BY BRAAIVLEIS

Lynette Muller

Bestanddele
Vat 3 tot 4 hamburger buns, sny in helfte oop – le plat in bak sodat gesnyde kante na bo le.
Meng: 1 blikkie room met een pakkie potato of pasta bake (enige geur) meng goed – gooi bo-oor die buns.
Rasper klomp kaas bo-oor en bak in die oond tot gaar en goudbruin.
Jy kan sout en gemaalde swartpeper ook byvoeg en bietjie pietersielie en paprika.                                                 .

HOENDER-BILTONG-EN-SPEKPOTJIE

Anna Eksteen

Bestanddele Sous
2 hoenderaftrekselblokkies                                            
250ml kookwater
500ml droë witwyn                                                        
250ml blatjang
46g sampioensoppoeier (1 pakkie)                                
5ml gedroogde tiemie
5ml gemengde gedroogde kruie                                    
5ml suurlemoenpeper

Bestanddele Hoender
15ml olyfolie                                                                 
15ml botter
12 hoenderdye, ontvel indien verkies                             
250g spekvleis, gekap
50ml brandewyn                                                            
10ml gekapte knoffel – opsioneel
2 uie, in ringe gesny                                                     
½ groen soetrissie, grof gekap
1 seldrystringel, in dun ringe gesny                               
20 klein aartappeltjies, geskil
4 wortels, skyfies gesny                                               
12 klein uitjies, heel
250g knopiesampioene
8 murgpampoentjies, in dik skywe gesny
150g klam beesbiltong, gekerf                                       
250ml gerasperde Cheddarkaas
125ml vars, gekapte pietersielle

Metode Sous
Los die aftrekselblokkies in die kookwater op. Meng die res van die bestanddele vir die sous en voeg dit by. Hou die sous eenkant.

Metode Hoender
Verhit die botter en olie oor matige hitte en verbruin die hoender daarin. Voeg die spekvleis by en soteer dit 3 minute lank. Voeg die brandewyn en knoffel by. Roer dit deur en moet daarna nie weer roer nie. Strooi die uie, soetrissie en seldery oor die hoender en plaas daarna die aartappels en wortels bo-op. Giet die sous oor: Plaas die deksel op en laat dit 1 duur lank prut. Voeg kookwater by indien nodig. Bedek dit en laat prut dit 30 minute lank. Roer dit net voor bediening en strooi pietersielie oor.

Appeltert Op Die Vuur:

Lynettte Muller

Bestanddele
½ kop gewone hawermout
6 eetlepels meel
3 eetlepels bruinsuiker
¼ koppe gegranuleerde (castor) suiker
¼ teelpel kaneel
knippie neutmuskaat
2 teelepel botter, nog n bietjie vir foelie
3 appels (Fiji)
‘n paar druppels suurlemoensap

Metode
Meng die hawermout, meel, suikers, kaneel & neutmuskaat saam. Sny die botter in todat die mengsel krummels maak. Sit dit in die yskas & begin die appels voorberei. Was die appels & maak hulle droog. Sny die appels in skywe, meng dit in ‘n bak met suurlemoensap. Sny 2 stukke foelie (omtrent ‘n 30cm elk) & botter elkeen in die middel. Plaas die appels in die middel & gooi die hawermoutmengsel oor. Plaas ander een foelie bo op(botter in die middel) & vou die randjies om (omtrent 1 cm). Maak seker dis mooi geseël. Vou die hele pakkie in nog ‘n stuk foelie om seker te maak dat dit kan brand nie. Plaas dit op die rooster (Op medium hitte – 180 grade) vir 20 min. Laat dit afkoel vir ‘n paar minute. Wees versigtig- die inhoud is baie warm. Sit voor met roomys of room.

Lekker Braaivleis Sout:

Lynette Muller
Foto: Braai.com

Meng goed saam:
4 E aromat,
1 E vleisversagmiddel,
1 E mosterdpoeier,
2 E braaivleis speserye,
3 t suurlemoenpeper,
3 E sout.
3 t knoffelsout.

Metode.
Gooi in verseelde houer en sprinkel op vleis as jy braai.

FEESPAP

Lynette Muller

Bestanddele
3 koppies mieliemeel
6 koppies water
1½ teelepel sout
1 bottel biltong smeerkaas
250ml room
1 blikkie geroomde sampioene
250g ontbytspek
2 uie
gerasperde kaas

Metode
Stel oond op 180C, en spuit ‘n bakskottel. Kook mieliemeel in sout en water tot gaar.
Snipper en braai spek en uie. Meng gebraaide spek en uie, smeerkaas, room en geroomde sampioene. Skep in lae in bakskottel: Pap, dan spek mengsel. Herhaal lae. Strooi gerasperde kaas oor en bak totdat die kaas gesmelt is. Bedien saam met braaivleis.

Mieliepap Chips

braai.com
Maize meal is super versatile and you can transform your ordinary pap into this amazing snack or starter for your guests at your next braai.
WHAT YOU NEED:
3 cups water
1 cup maize meal
1 teaspoon salt
1 tot butter
Black pepper
Few sprigs fresh thyme
1 cup cheese, grated
For the Sauce:
1 cup french style mayonnaise
1 tot paprika
1 teaspoon chili flakes

WHAT TO DO:

  1. Stir the maize meal and water together in a pot to mix well. Add the salt and let it simmer on low heat for about 30 minutes until cooked.
  2. Add the butter, black pepper, thyme and cheese and mix well into the cooked pap
  3. Prepare a baking sheet with cooking spray or olive oil and place the cooked pap mixture into the baking sheet. Press it down firmly and evenly with the back of a spoon or your recently washed hands, to cover the pan. Leave to set for about 20 -30 minutes.
  4. Once the pap in the baking sheet has set, tip it over onto a surface and slice into strips.
  5. Place the pap strips onto your closed hinged grid and braai over warm coals until golden, crispy and brown.
  6. Mix all the ingredients together for the sauce and serve with the pap chips

Potbrood met Maalvleis

Ingestuur deur Jan van Niekerk

Bestanddele
1 Potbrood
1 kg Beesmaalvleis
500 g Varkmaalvleis
10 Mediumgrootte aartappels, geskil e blokkies gesny
3 ml Sout
2 ml Neutmuskaat
60 ml Botter
250 ml Melk
3 Groot tamaties in skywe gesny
3 Groot uie, gekerf
10 ml Varsgemaalde swartpeper
5 ml Sout
5 ml Origanum
125 ml Gerasperde kaas

Metode:
Verhit die olie in ‘n platboompot en braai die ui vir 5 minute. Voeg die vleis en ander bestanddele by en prut vir 20 minute. Kook intussen die aartappel in die 3 ml sout en water vir 15 minute. Dreineer en voeg die melk, botter en neut by en druk goed fyn. Sny die kors van die potbrood af en hol dit uit. Skep die vleis in die brood en smeer die fynaartappel bo-oor. Rangskik die tamatieskywe op die aartappel en strooi die kaas bo-oor. Plaas die pot se deksel op en pak ‘n paar kole op die deksel, Bak oor matige kole vir 20 minute. Lewer 8 ruim porsies.