Een vir almal en almal vir een

Een vir almal en almal vir een
Hallo Frik

Ek onthou nog vir Trompie en die Boksombende uit my kinderdae. Hulle was ’n tipiese bende wat saam kattekwaad aangevang het. As daar ’n klip op die dak val of die deurklokkie lui, maar as jy oopmaak is daar niemand, kan jy maar weet: die Boksombende is aan die gang.

Op skool was ons ook ’n groepie van so vyf manne wat alles saam gedoen het. Dit was seker weens al die kattekwaad wat ons aangejaag het dat ons orals beroemd (of is dit nou berug?) was. By die skool, by die kerk, in die buurte van Somerset-Wes, ag orals het almal van ons geweet.

As daar êrens iets skeefgeloop het, was ons die eerste verdagtes. Meeste van die kere was ons wel die oorsprong van die poets of kattekwaad en het ons ons pak gevat soos ’n man. Wat ons wel so met die tyd geleer het, was dat jy maar saam met die res moes buk, of jy nou deel was van die kattekwaad of nie.

As ek nou terugdink, was ons amper soos die drie musketiers oftewel, vyf musketiers. Want hulle leuse kon net sowel ons s’n gewees het: Een vir almal en almal vir een. As iemand pak moes vat, het almal saam gebuk. As ons pret gehad het, het ons saam gelag.

So behoort ons verhouding met Jesus ook te werk. Hy het vir ons gesterf sodat ons vry kan wees van die sondelas waarmee ons gebore is. Nou behoort ons ook ons eie lewe af te lê om te wys dat ons graag in eenheid met Hom wil leef.

11Ek praat die waarheid: as ons saam met Jesus gesterf het, sal ons ook saam met Hom leef.

Watter goeie nuus is dit nie! Soos Trompie en sy bende en ek en my vriende saam die straf moes dra en saam moes buk, is ons as’t ware saam met Jesus gekruisig.

Gelukkig bly dit nie net by die pakslae gedeelte nie. Omdat Jesus die dood oorwin het, deel ons ook in die oorwinning. Ons het saam met Jesus die vyande oorwin, want dis mos een vir almal en almal vir een.

En hieraan moet ons vasklou. As die volgende groot brander van die lewe weer oor ons koppe slaan en ons sukkel om asem te kry, moet ons onthou dat ons ook deel het aan die opstanding. Al was ons nie daar nie, deel ons tog op ’n bonatuurlike manier daarin. Ons dra saam met Jesus die wennerskroon.

Ek weet dit voel nie aldag so nie. Soms voel dit asof siekte ons versmoor. Soms druk die finansies dat ons oë traan. Soms is dit ’n verhouding wat die heeltyd ons knieë laat bewe. Dan is dit tyd om te onthou dat Jesus al daai dinge reeds oorwin het. Die bose en sy maatjies is bloedbek geslaan en hulle is oorwin.

Saam met Jesus kan ons ’n oorlog platloop. Saam met Jesus kan ons die reus in ons pad stormloop en oorwin, want dis mos een vir almal en almal vir een.

Teks
2 Tim 2:8-13

Om oor na te dink
Glo jy dat jy saam met Jesus oorwin het?
Lewe jy so?
En die reus in jou pad?

Gebed
Vader, ek is moeg. Ek is moeg baklei en niks wil reg loop nie. Ek is dankbaar om te hoor dat ons saam met Jesus reeds oorwinnaars is. Ek gaan nou so lewe. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

Advertisements
 

Lofprysing 3

Blye Versekering vir 13 Nov. 2019 Tema: Lofprysing 3

**** My eie woorde

**** Dis mos baie maklik om ‘n lofsang te sing as dit jubel in jou hart, na die reën en vir al die wonderlike dinge wat die HERE gedoen het. Vanoggend deel ek met julle die moeilikste lofsang. Dit is voor jou stryd voor jy sien wat die uitkoms is. Kyk wat gebeur die OOMBLIK toe ‘n volk God vereer in lofsang.

2Kron 20:21  En hy het met die volk beraadslaag en tot eer van die HERE sangers opgestel wat, in heilige sieraad, moes lofsing en by die uittrek op die voorpunt van die gewapendes moes sê: Loof die HERE, want sy goedertierenheid is tot in ewigheid!

**** Kyk wat gebeur

22  En op die oomblik toe hulle die gejubel en die lofsang aanhef, het die HERE ‘n hinderlaag opgestel teen die kinders van Ammon, Moab en die mense van die gebergte Seïr wat teen Juda gekom het, sodat hulle verslaan is.

**** Die dissipels herdenk saam met Christus Sy dood wat voorlê deur die nagmaal en Hy laat hulle ‘n lofsang sing voor hulle vertrek en Petrus Hom gaan verloën

Matt 26:30  En nadat hulle die lofsang gesing het, het hulle uitgegaan na die Olyfberg.

Ps.65:2  Aan U kom ‘n lofsang toe, o God, in Sion, en aan U moet die gelofte betaal word.

Ps. 66:2  Besing die eer van Sy Naam, maak heerlik sy lofsang!

****Watter krisis oor jou pad kom vandag sing ‘n loflied tot God en WEET Hy is in beheer en HY sal uitkoms vir ons gee. Jy hoef nie mooi te sing nie jy dink dalk dat jy nie eers ‘n lied ken nie, dan sing jy Wat ‘n vriend het ons in Jesus ….Of die HERE is MY Herder.

GEBED vir VANDAG i

Onse Vader vanoggend sing ons lofliedere tot Eer van U Naam vir die goeie dinge wat reeds gebeur het maar ook vir die dinge wat gaan gebeur Ek bid vanoggend vir elkeen onder die letter i . In die besonder vir diegene wat siek is en pyn het en wat onseker voel oor hulle toekoms. Ons sing ‘n loflied tot U ten spyte daarvan omdat ons WEET dat U in beheer is. Hou hulle vas in die holte van U hand van genade vandag. In Jesus se Naam. Amen.

Geseënde dag aan elkeen.

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie,  Probleme tydens vas. Bybels tekste oor vas

https://youtu.be/xtM_BWsonFw   Deel 2

https://youtu.be/WRmcCzr9g3c  Deel 1

Die offer

https://youtu.be/BAXyZF_6oh8  -Deel 1

https://youtu.be/h9w6NicWKiY   -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com 

 

Lofprysing 2

Blye Versekering vir 12 Nov. 2019 Tema: Lofprysing 2

**** My eie woorde

**** Dis altyd vir my so interessant hoe Satan probeer om ons geloof en vertroue af te takel. Wat en wie is sy wapens. Hy gebruik mense as sy instrumente. Ek dink elkeen van ons weet dat ons geloof en vertroue juis in donker tye versterk word. Daardie oomblik wanneer jy dink jy kan nie meer nie dan weet ek en jy …maar HY kan. Dis mos maklik om Hom te loof as dit goed gaan, maar wanneer dit lyk asof alles uitmekaarval en Hom te loof omdat jy WEET Hy is steeds in beheer, dit is nie maklik nie. Nogtans wil ek vir jou sê, wanneer jy jouself aan God en Sy wil onderwerp, sal ook dit wat jy nou beleef ten goede meewerk, al lyk dit nie nou so nie. Soms is die enigste manier hoe Hy ons weer kan laat terugdraai na Hom juis donker tye.

Ps 30:12 U het my weeklag vir my verander in ‘n koordans, U het my roukleed losgemaak en my met vreugde omgord; 13 sodat my eer U kan besing en nie swyg nie. HERE, my God, vir ewig sal ek U loof.

Ps 31:24 Julle moet die HERE liefhê, al sy gunsgenote! Die HERE bewaar die getroues en vergeld hom oorvloedig wat trots handel. 25 Wees sterk, en laat julle hart sterk wees, almal wat op die HERE wag!

Rom 8:28  En ons weet dat vir hulle wat God liefhet, alles ten goede meewerk, vir hulle wat na sy voorneme geroep is.

GEBED vir VANDAG H

Onse Vader, baie dankie dat U juis ons donker oomblikke gebruik om ons geestelik te verlig, sodat ons U handewerk kan aanskou. Ek bid vandag vir elkeen onder die letter H. My Vader ek vra dat U hulle geestelik sal versterk om kragtig vir U op te staan, maak nie saak wat gebeur nie. Wil U hulle seën met ‘n hemelse seën vandag. In Jesus se Naam . Amen

Geseënde dag aan elkeen

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie,  Probleme tydens vas. Bybels tekste oor vas

https://youtu.be/xtM_BWsonFw   Deel 2

https://youtu.be/WRmcCzr9g3c  Deel 1

Die offer

https://youtu.be/BAXyZF_6oh8  -Deel 1

https://youtu.be/h9w6NicWKiY   -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com 

 

As swaarkry opdaag

As swaarkry opdaag
Hallo Frik

Kom ons val met ’n paar moeilike vrae by die deur in:

  • Hoeveel pyn is jy bereid om te vat vir jou geloof?
  • Tot watter punt is jy bereid dat jy gemartel word vir jou geloof?
  • Sal jy sterf vir jou geloof?
  • Is jy bereid om jou kinders en geliefdes se dood te aanskou vir jou geloof?

Sjoe, dis moeilike vrae en ek is huiwerig om ’n antwoord te waag, want sê nou maar net ek kom een of ander tyd wél voor so ’n kruispad in my lewe?

Daarom kry ek al hoe meer waardering en respek vir Paulus en al die ander voor en na hom wat ter wille van die evangelie gely het.

Kyk net hierdie wonderlike getuienis van Paulus se lewe. Hy het nou wraggies ge-practice what he preached10Daarom gee ek nie om om swaar te kry nie. Ek doen dit ter wille van die mense wat God gekies het. So kan hulle saak met God ook reg wees omdat hulle Jesus s’n is en kan hulle voel hoe wonderlik dit is om ’n Christen te wees.

As ’n mens só ’n getuienis lees, voel jy sommer sleg omdat jy nie hierdie tipe swaarkry ken nie. Nêrens in ons lewens is daar sprake van hierdie vlak van swaarkry nie. Ons is deel van ’n wonderlike geloofsgemeenskap waar ons oop en bloot vir God kan aanbid. Niemand kyk ons skeef aan wanneer ons oop en bloot met ons netjiese klere na ’n gebou ry om kliphard God se lof te besing nie.

Ons hoef nie sleg te voel hieroor nie. Sommige word geroep om vir hulle geloof te ly. Ons is geroep op ’n ander plek in ’n ander tyd. Eintlik moet ons vir God baie dankie sê dat ons nie vervolg word nie.

Tog moet die verhaal oor Paulus se lyding en die manier hoe hy vasklou aan sy opdrag en niks toelaat om in sy pad te staan nie, vir ons ’n aansporing wees. Ons moenie tevrede wees met ’n gemiddelde of afgewaterde geloof nie. Want wie sal in ieder geval na so ’n geloof wil kyk en dit ook wil besit?

Paulus se geloof wat vasstaan te midde van swaarkry is ’n aansporing vir ander gelowiges om aan te hou en te bly glo. Gemiddelde of afgewaterde geloof trek niemand aan nie. Inteendeel, dit stoot mense eerder weg van God af.

Paulus is geroep om die evangelie uit te dra, die wêreld in. Hy doen die werk baie suksesvol en mense word deur sy geloof aangespoor om ook te glo. Ons elkeen se roeping is presies dieselfde, al ly ons nie. God dank!

Die probleem is egter dat wanneer dit goed gaan, ons eintlik nie meer vir God nodig het nie. Of só dink ons. Ons dink ons kom eintlik goed op ons eie reg en dan sluip ons geloof by die agterdeur uit.

En die bose is heel tevrede.

Daarom moet die swaarkry van Paulus en al die ander vir ons ’n aansporing wees om seker te maak dat ons geloof sterk is. Dan kan dit ’n aansporing wees vir ander om ook in God te glo.

As swaarkry sy opwagting by die voordeur maak, is ons gereed en sterk genoeg om saam daarteen op te staan.

Teks
2 Tim 2:8-13

Om oor na te dink
Hoeveel diepte het jou geloof?
Sal ander God volg as gevolg van jou geloof?
Hoe anders dan?

Gebed
Jesus, U het U lewe neergelê vir sondaars soos ek. Ek kan nie dieselfde doen in my eie krag nie. Mense en my omstandighede maak dit dikwels moeilik vir my om U voorbeeld te volg. Ek is bereid om te probeer, met U hand in myne. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

 

Lofprysing 1

Blye Versekering vir 11 Nov. 2019 Tema: Lofprysing 1

**** My eie woorde

**** Ek ervaar dat ons werklik hierdie week, die HERE moet loof en dank, ja, spesiaal vir die reën wat alreeds op verskeie plekke geval het. Verseker verdien ons dit nie, dit is suiwer Sy grote genade. Tog weet ons elkeen dit is net Hy die Skepper God, wat vir ons uitkoms gestuur het. Ek weet ook daar is nog ander plekke wat swaar trek, maar ons gee nie moed op nie.

Ps.109:26  Help my, HERE my God! Verlos my na U goedertierenheid, 27  sodat hulle kan weet dat dit U hand is: U, o HERE, het dit gedoen.

Ps.28:7  Die HERE is my sterkte en my skild; op Hom het my hart vertrou, en ek is gehelp; daarom jubel my hart en sal ek Hom loof met my gesang.

GEBED vir VANDAG G

Onse Vader, ek weet vanoggend is daar baie wat uit hulle harte kan jubel, vir iets wat U vir hulle gedoen het. Nogtans wil ons spesiaal dankie sê vir die lieflike reën wat daar geval het. Al die lof en die Eer kom net U toe. Ons weet daar is nog plekke waar mense en diere nog swaar kry, wat meer kan ons doen as om te vra HERE wees ons genadig, want meer as versadig is ons van veragting oor ons sonde. Heilige Gees, moet ons nie laat gaan nie asseblief maar gee ons ook die krag om te oorwin van sonde. Ek bid spesiaal vanoggend vir elkeen onder die letter G. Miskien is daar iets waarmee hulle worstel vandag. Daardie een ding wat sal verhinder dat hulle U Koninkryk sal ingaan. My Vader, hoor hulle uitroep na U vandag. In Jesus se Naam. Amen.

Geseënde dag en week aan elkeen

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie,  Probleme tydens vas. Bybels tekste oor vas

https://youtu.be/xtM_BWsonFw   Deel 2

https://youtu.be/WRmcCzr9g3c  Deel 1

Die offer

https://youtu.be/BAXyZF_6oh8  -Deel 1

https://youtu.be/h9w6NicWKiY   -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com 

 

Om uit jou boeie bevry te word

 

Om uit jou boeie bevry te word
Hallo Frik

Die dorp waar ek woon word geruk deur moorde. Ek kan my die vrees en angs nie indink waardeur vermoordes voor die tyd moet gaan nie. Dit maak nie vir my sin hoe ’n seun sy pa en ma en toe sy broer met ’n byl kan doodkap nie.

Hy word skuldig bevind en moet vir baie jare in die tronk gaan sit. Sommer die eerste dag in die tronk is sy lewe in gevaar. ’n Mede-tronkvoël kom hom net betyds te hulp.

Tronke is nie vir ordentlike mense nie. Die genade loop dun. Liefde kruip weg. Jy kan seker nie iets anders daar verwag nie.

Omstandighede binne tronke het nie veel verander sedert 2 000 jaar gelede nie. Dis in sulke walglike omstandighede waarin Paulus sit. Hy vrees vir sy lewe. Die mense wat in die tronk is, is nie lekker mense nie.

Te midde van die omstandighede sê hy die volgende: 9Dit (Jesus se oorwinning oor die dood) is die kern van die goeie boodskap wat ek vir julle vertel. Daarvoor kry ek swaar, al moet ek soos die een of ander krimineel geboei hier in die tronk sit. Gelukkig kan niemand ooit God se boodskap met kettings vasmaak en in ’n tronk gooi nie.

As ek kyk na die prentjie van ons tronke vandag, maak die swaar wat Paulus moet deurgaan vir my meer sin. Dis nie ’n mooi prentjie nie. Dis heel waarskynlik nog erger as wat dit vandag is. Soos ’n misdadiger word hy mishandel. Hy lewe die heeltyd in vrees. Sy lewe is niks meer werd as die bakkie koue sop en droë brood wat hulle vir ete kry nie.

Tog fokus Paulus nie op die omstandighede nie. Ja, hy erken die swaar, maar hy laat nie toe dat dit hom onderkry nie. Sy fokus is op die verlossende boodskap van Jesus. En dit gee hom hoop. Dit gee hom krag om die volgende oggend na bitter min slaap met ’n lied die dag tegemoet te loop. Hy sien kans vir wat ookal na sy kant toe gegooi word.

Paulus verstaan God se boodskap. Hy ken dit en hou dit binne sy hart vas. Hy weet dit kan nie met boeie vasgemaak word nie. Inteendeel! Daar is niks wat God se woorde kan vasbind nie. Dis eenvoudig te sterk, te groot, te lewegewend. En dit gee vir hom hoop in ’n hopelose plek. Dit gee hom krag, waar hy kragteloos in boeie sit. Dit motiveer hom waar ander ongemotiveerd is om op te staan en aan te hou lewe.

Dit is wat God se boodskap doen. Dit raak die petrol waarmee ons vorentoe beweeg, al lyk die toekoms duister.

Dis vir ons ’n groot les. Dalk is die omstandighede waarin jy nou sit ook duister. Dalk vrees jy. Dalk is jy moeg geploeg en pap van al die spanning ronddra. Dalk het jy al alles probeer, maar nêrens skyn daar ’n stukkie lig nie. Dan is dit nou juis die tyd om na God se Woord te keer. Daar is lig. Daar is liefde. Daar is hoop. Daar is vrede. Daar is verlossing. Daar is die antwoord.

Laat God en Sy Woord in jou lewe toe om só uit jou boeie bevry te word.

Teks
2 Tim 2:8-13

Om oor na te dink
Wat hou jou vas?
Waarvoor sien jy nie kans nie?
Hoe kan God se Woord jou help?

Gebed
Here, U boodskap kan nooit deur enige iemand vasgebind en onaktief gemaak word nie. U Woord is lewend en het die krag en mag om lewens en omstandighede te verander. Herinner my asseblief daaraan in moeilike omstandighede. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

 

Vertroue en geloof 5

Blye Versekering vir 8 Nov. 2019 Tema Vertroue en geloof 5

**** My eie woorde

****Wanneer ek en jy sê ons GLO, kan dit iets beteken of net leë woorde wees. Onthou so dikwels wanneer ons goedjies sê, toets die HERE ons om die bedoeling van ons hart raak te sien. Ek sê altyd “ talk is cheap” Dis nie diegene wat die wedloop begin wat tel nie nie, maar hulle wat enduit volhou om klaar te maak. Ja, al kom jy laaste, jy maak klaar en dit is wat tel. As ons geloof getoets word en ons bly staande wag die kroon van die lewe vir ons. 

Spr.3:26  want die HERE sal jou vertroue wees, en Hy sal jou voet bewaar vir die strik.

Jer.17:7  Geseënd is die man wat op die HERE vertrou, en wie se vertroue die HERE is.

Mar.9:24  En dadelik roep die vader van die kind met trane uit en sê: Ek glo, Here, kom my ongeloof te hulp!

Heb 3:14 (NV ) Ons behou deel aan Christus as ons end-uit volhard in die vertroue waarmee ons begin het.

Jak.1:12  Salig is die man wat versoeking verdra, want as hy die toets deurstaan het, sal hy die kroon van die lewe ontvang wat die Here beloof het aan die wat Hom liefhet.

GEBED vir VANDAG F

Onse Vader vanoggend plaas ons elkeen ons vertroue in U . Dankie, vir die beloftes in U woord dat ons geseënd sal wees as ons op U vertrou, dat ons deel aan Christus sal hê as ons enduit volhou en dat ons die kroon van die lewe sal ontvang as ons U opreg lief het en dien. Nogtans weet ons dat ons ook kan uitroep HERE kom ons ongeloof te hulp. Ek bid vanoggend vir elkeen onder die letter F Versterk hulle geloof en hou hulle op U gefokus totdat U kom. In Jesus se Naam Amen.

Geseënde dag en naweek almal. Tot Maandag as ons gepaar bly.

Geseënde dag aan elkeen

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie,  Probleme tydens vas. Bybels tekste oor vas

https://youtu.be/xtM_BWsonFw   Deel 2

https://youtu.be/WRmcCzr9g3c  Deel 1

Die offer

https://youtu.be/BAXyZF_6oh8  -Deel 1

https://youtu.be/h9w6NicWKiY   -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com 

 

Vasklou in die swaar

Vasklou in die swaar
Hallo Frik

‘n Vriend van my vra my so ‘n tyd terug om saam met hom te bid vir wysheid. Werk is skaars en hulle benodig ‘n groot kontrak om te oorleef.

Hy vra vir wysheid sodat hulle die regte syfers kan inskryf in elke blokkie van die tender. Hulle werk hulle sommetjies mooi uit. Verskaffers en kontrakteurs word gebel om nóg beter pryse te kry.

Hulle was baie hoopvol om die tender te kry, maar gister kry ek ‘n e-pos van hom. Hulle het nie die tender gekry nie!

Wat sê ‘n mens nou? Wat doen ‘n mens? Wat glo ‘n mens?

Ek kry die week meer as een gebedsversoek vir ‘n dokter wat tydens haar werksure in die hospitaal verkrag is.

Ek kry ‘n gebedsversoek van ‘n vrou wat smeek dat ons moet bid dat haar man werk sal kry. Sy het die oggend haar laaste geld gebruik vir petrol om werk toe te ry.

Oral is mense wat baie swaar kry. Dalk kry jy baie swaar. Hoe maak jy dit? Bid jy ook sonder ophou vir God om tog die uitkoms te bring vir die benarde situasie waarin jy sit?

Of vra vriende dalk vir jou wat hulle moet maak in die swaar tye? Het jy ‘n antwoord?

Sonder om die swaar omstandighede mis te kyk of te maak of dit nie daar is nie, sonder om te probeer om pleisters te plak wat te klein is vir die seer, gee Paulus baie goeie raad. Hy wil voorstel dat ons met alles wat in ons is aan die enigste vaste rots vasklou: 8Moet nooit van Jesus Christus vergeet nie. Hy was dood en God het Hom weer lewendig gemaak.

Dit is al wat ‘n mens kan doen in jou swaarkry. Dit is al raad wat ek het vir die mense wat in swaarkry vasgevang sit: Glo in Jesus. Hy was dood, maar Hy het die dood oorwin, omdat Sy Abba Vader Hom bygestaan het. Dít is al wat jy nodig het om aan vas te hou. Én dit is genoeg.

Onthou dat God jou só liefhet dat Hy bereid was om Sy Seun, Jesus op te offer, te laat doodmaak, te laat afgaan in die dal van doodskaduwee … vir jou. God het dit gedoen. Hy het reeds Sy liefde vir my en jou aan ons kom wys, Sy liefde laat grondvat voor ons oë, deur die reddende daad van Jesus wat moes sterf aan ‘n houtkruis. Hoe seer, hoe stukkend, hoe vernederend, hoe alleen moes Jesus en ja, God ook nie gewees het nie. En dit alles vir my en jou!

God is aan jou kant. Weet dit en leef dit. Weet en vertrou en sê dit sommer hardop dat die almagtige God, wat Sy Seun uit die dood laat opstaan het, aan jou kant is. Hoe groot is jou probleem? Dit sal seker nie meer energie van God vra as toe Hy Jesus uit die dood gaan haal het nie? Of hoe? Hier is dus nog ‘n belofte: die Een wat jou uit die swaar gaan help, is oor en oor bevoegd om dit wel te kan doen! Hy word nie net aangevuur deur ‘n hoop liefde nie, maar Hy het ook al die krag wat nodig is om dit wel te kan doen.

Teks
2 Tim 2:8-13

Om oor na te dink
Hoe lyk jou swaar?
Glo jy God kan jou hiermee help?
Sê dit alles vir Hom en gee dit oor!

Gebed
Here, U ken my swaar. U weet dat daar dae is wat ek geen krag het om aan te gaan nie. Hou my hand vas terwyl ek aan U vasklou, sodat ek nie glip nie. Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.

 

Vertroue en geloof 3

Blye Versekering vir 6 Nov. 2019 Tema: Vertroue en geloof 3

**** My eie woorde

**** In vanoggend se gedeelte sien ons iets interessant. Eerstens sê Hy ons moet iets doen. As ons ons bekeer, dit is om dinge te laat staan wat ons WEET  verkeerd is en wanneer jy dit gedoen het, sal ek en jy in Sy rus en vrede ingaan. Nou kom die vraag … hoe doen ek dit, ek het nie die krag om te oorwin nie…dan Sy kosbare antwoord dat jou krag  in stil wees en vertrou  is, in ons Skepper God, want daar is ons hoop en verwagting.

Jes 30:15 So het die Here my God, die Heilige van Israel, gesê: As julle julle bekeer en tot rus kom, sal julle gered word. Julle krag lê in stil wees en vertroue hê.

Spr. 29:25 As jy vir mense bang is, kan jy in ‘n strik beland, maar as jy jou vertroue in die Here stel, is jy veilig.

Joh.11:40  Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?

GEBED vir VANDAG D

Onse groot en Ewige Hemelse Vader, hoe groot en wonderbaar is U in U werke. Opnuut besef ons dat ons totaal van U afhanklik is elke dag en elke tree. Ek bid vanoggend dat U ons elkeen sal help om ons krag in U te vind. Ons kan elkeen vanoggend sê “ HERE ons GLO laat U wil geskied.” Ek bid vanoggend vir elkeen onder die letter D.  Ek dra hulle op aan U deur U Seun Jesus Christus en vra, voorsien in hulle behoefte en uitroep na U. In Jesus se Naam. Amen.

Geseënde dag aan elkeen.

You Tube:

Skakels oor vas.

https://youtu.be/S7YAKvrbnkw Deel 4 Ninevé se vas, ons Wapen teen Bose geeste, ons moet kies.

https://youtu.be/Zcs-MjdrVWc Deel 3 Vas en Medikasie,  Probleme tydens vas. Bybels tekste oor vas

https://youtu.be/xtM_BWsonFw   Deel 2

https://youtu.be/WRmcCzr9g3c  Deel 1

Die offer

https://youtu.be/BAXyZF_6oh8  -Deel 1

https://youtu.be/h9w6NicWKiY   -Deel 2

https://youtu.be/CHztsItN5fE

http://www.facebook.com/Blye.Versekering#!/Blye.Versekering

Blye Versekering Webtuiste:  http://www.go.to.co.za/lenten

Nuwe intekenare is welkom

blye.versekering@gmail.com  

blye.versekering.audiocd@gmail.com

Gebedsversoeke kan gestuur word aan

gebed.asseblief@gmail.com 

 

Met die grote God aan my sy …

Met die grote God aan my sy …
Hallo Frik

(Baie geluk aan Siya en die boys! Dankie dat julle help om ons land se mense nader aan mekaar te kry!)

In America’s Got Talent 2018 stap ’n uiters skaam 13-jarige Courtney Hadwin op die verhoog. Haar stem bewe. Sy is erg gespanne. Toe die beoordelaars haar vra wat haar gunsteling musiekgenre is, antwoord sy giggelend: “Ek weet nie.”

Ek wil eintlik nie verder kyk nie, want ek kan dit nie aanskou as iemand so op ’n verhoog met ’n klomp mense hulle naam met ’n plank slaan nie. Dit lyk vir my of Courtney ernstig hiervoor gaan kwalifiseer.

Tog hou ek haar met een oog dop. Met die eerste nood wat sy sing, spring my ander oog oop. Ek kan nie glo wat ek sien en hoor nie. Sy sing briljant! Die klein meisietjie het ’n stem wat skrik vir niks.

Howie Mandel, een van die beoordelaars, was gaande en het veral aanklank gevind by die liedjie wat sy van Janice Joplin (’n sangeres uit die sestigerjare) gesing het. In ’n paar sinne vertel hy dat Columbia Records se president, Clive Davis, vir Janice op ’n verhoog by Menterey musiekfees raakgesien het en net daar vir haar ’n kontrak aangebied het.

Howie sê toe: “Ek is nie Clive Davis nie. Ek kan nie vir jou ’n platekontrak gee nie. Maar wat ek wel kan doen, is om die golden buzzer te druk.” (Dan gaan sy direk deur na die konsert-optredes.)

Hierdie dertienjarige meisietjie was stomgeslaan. Haar pa het op die verhoog gestorm en haar opgetel. Trane het oor hulle wange geloop. Oor myne ook. Elkeen van die tien kere wat ek dit gekyk het …

Courtney se lewe gaan nooit weer dieselfde wees nie.

Sy was ’n gewone meisie en sou seker so gebly het as Howie nie vir haar na ’n volgende vlak geneem het nie.

Op ’n manier is dit wat God met Jesus ook doen. Jesus het gesterf en neergedaal na die doderyk. Daar was nie meer ’n teken van lewe in Hom nie.

8… Hy was dood en God het Hom weer lewendig gemaak.

Die eenvoudige verhaal van Howie en Courtney laat my bietjie meer verstaan van wat God gedoen het. Sonder God sou Jesus nie kon opstaan nie. Jesus sou dood gebly het.

Dit vertel ’n storie van ons almagtige God en hoeveel krag Hy het. Die dood waaroor ons mense geen beheer het nie, kan God beheer deur eenvoudig net weer lewe in Jesus te blaas. Ons God is groot en dis juis hierdie grote God wat my en jou só liefhet.

Dis wonderlik om te besef dat God aan die een kant só groot en só almagtig is, maar aan die anderkant loop Hy oor van liefde vir sondaars. Daarom kan ons die lewe ingaan en leef soos mense wat reeds oorwinnaars is. Ons kan vol vreugde en vrede leef. Ons hoef nie bang te wees vir enige bal wat die bose na ons gooi nie, want ons God is groter!

8Moet nooit van Jesus Christus vergeet nie. En moet nooit vergeet wat God gedoen het nie. Hulle stap saam met ons deur die lewe. Kom ons hou aan om Hulle te loof en te prys, want dis juis deur die lofprysing wat ons anders word en kans sien om die lewe vierkantig in die oë te kyk.

Teks
2 Tim 2:8-13

Om oor na te dink
Hoe groot is jou prentjie van God?
Loof jy God genoeg?
Stap jy dapper die wêreld binne omdat jy jou God ken?

Gebed
Jesus, ek wil nooit vergeet dat U dood was en weer lewend geword het deur die krag van ons Hemelse Vader nie. Deur U krag kan ek ook ’n lewe van oorwinning leef vol seëninge van U. Dankie, dankie, dankie! Amen.

Shalom
Gerjo Ben
Ns. As jy van iemand weet wat hierdie e-pos nodig het, kan jy dit vir hom/haar forward.

Jy kan ook info@kruispad.com in die Cc blokkie sit en dan sal ons hulle op die poslys plaas.