3 BESTANDELE KOEK

Lynette Muller

Bestanddele
6 Eiers
1 Koppie suiker of strooisuiker
1 Koppie bruismeel

Metode
Skei die eiergele en witte
Gooi helfte van suiker by eiergeel en klits goed
Klop eierwit tot amper styf
Gooi ander helfte suiker by die wit en klop goed.
Meng nou die geel en wit
Voeg meel bietjie vir bietjie by terwyl jy meng
DIE GROOT GEHEIM BY DIE KOEK IS – KLITS TOT “FLUFFY” BESLAG
Meng gerasperde skil van een lemoen by
Gooi mengsel in koekpan en bak by 180 C vir ½ uur

Advertisements
 

Vleisbroodjie

Lynette Muller

bestanddele
750g Gemaalde maer beesvleis
250g Gemaalde maer varkvleis
2 snye Witbrood
100ml Melk, volroom
1 medium Ui, gerasper
10ml Roosmaryn, vars, fyngekap
1/2 t Knoffel vars
15ml Olyf olie
10ml Mosterd poeier
250g-500g Streepspek
250g mozzarella kaas (opsioneel as jy ‘n kaas in die middel wil maak) of 4 hard gekookte eiers in die middel

Metode
Week brood in melk en druk orige melk uit en voeg brood by die maalvleis. Voeg die res van die bestanddele by, behalwe die spek en eier of kaas, en meng liggies met ‘n vurk. Smeer ‘n brood pannetjie en voer dit met ‘n dubbel laag bakpapier uit ( die bakpapier moet oor die kante gaan om te help met die uitlig van die klaar gebakte broodjie)…smeer weer die bakpapier…maak seker dit plat lê anders mag die vleis daarin vas bak.

Begin om die repies spek oor die kort gedeelte van die broodpan uit te lê totdat die hele pan bedek is. Skep die helfte van die vleismengsel in die voorbereide pannetjie, druk die kookeiers of die kaas in die middel van die vleis in…bedek met die res van die vleis. Vou die repies spek wat uitsteek oor om die broodjie te bedek. As daar maalvleis uitsteek…bedek dit met nog spek.

Bak by 160℃ vir 60min, laat vir 10 minute afkoel, keer uit op ‘n druprakkie en pan. Verbruin onder oond se rooster element totdat goudbruin. Laat weer so 10 minute rus vir die vog om te stabiliseer en die vleis om te set, dan kan dit eers gesny word …

 

Lekkerste Herders Pastei

Woumarie

Bestanddele
1 ui, fyngekap olie
500g maalvleis
1 tamatie, ontvel en fyn gekap
sout en varsgemaalde swartpeper
10ml Worcestersous
30ml tamatiepasta
1 ekstra groot eier, geklits
1 sny brood, korsies verwyder en gekrummel.
60ml gladde maaskaas
4 aartappels, geskil en in stukke gesny
50ml suurroom
50ml Cheddarkaas, gerasper paprika

METODE:
Voorverhit die oond tot 180*C. Bespuit ‘n oondvaste bak met kleefwerende kossproei. Soteer die ui in olie tot sag. Voeg die maalvleis by en roerbraai tot gaar. Voeg die tamatie by en geur met sout en peper. Voeg die Worcestersous en tamatiepasta by en meng deur. Verwyder van die hitte en voeg die broodkrummels en eier by en meng goed. Kook die aartappels in genoeg soutwater tot sag. Dreineer en druk goed fyn. Voeg die maaskaas en suurroom by en meng deur. Skep lae van die maalvleis en aartappel in die voorbereide oondbak en eindig met aartappel.
Strooi kaas en paprika oor en bak 25 minute lank of tot goudbruin bo-op.

 

Eiers in spekmandjies

Flippenlekkerspices

Bestanddele
eiers
Liggies Gekookte Bacon
Flippen Lekka Spice smaak

Metode
Spuit n muffin pan met kleefwerende sproei. Sit die spek snye rondom die kante van die muffin pan. Breek ‘n eier en gooi in die pannetjie , sprinkel flippen lekka spice bo-oor. Bak dit teen 180 ° C vir 10 minute. Gebruik ‘n lepel om die mandjies te verwyder en te dien met roosterbrood.

 

Perfekte gekookte eiers

Frik

Bestanddele
Eiers soos benodig
Ys

Metode Kook
Gooi genoeg water in die pot, om die eiers te bedek. Sit water op die stoof en kook. Sodra die water kook, plaas die eiers versigtig een vir een in die water. Kook nou so 12 minute. Gooi water in ‘n bak met baie ys. Na die kooktyd skep die eirs uit die pot en plaas in yswater vir sowat 5 minute.

Metode Dop
Plaas nou ‘n kerf bord op die kas. Neem een eier in joou hand en kapp liggies teen die kerfbord. Maak jou hand oop en plaas die eiers onder jou handpalm en rol liggies vorentoe en agtertoe. Die dop sal kraak. Trek nou die dop af, en siedaar die eier s perfek gekook en afgeskil.

Hoekom
Indien jy ‘n eier in ‘n pot water sit en dan die plaat aansit sit die eier uit. Die wit gaan sit aan die dop vas. Wanneer jy egter die eier in warm water sit trek die wit weg van die dop af.

Roer die eiers liggies met ‘n houtlepel sodat die gel mooi perfek in die middel gaan lê.

 

TUNA EN MASALA SOUFFLE

Woumarie
‘n RSG Resep

Bestanddele
1 blikkie tuna
¼ ui, fyngekap
2 eetlepels botter
1 eetlepel olie
1 eetlepel masalaknippie sout
3 eiers, geskei
¾ koppie melk
3 eetlepels meel
1 eetlepel fyngekapte danja (koljander)

METODE
Verhit oond tot 160 grade Celsius. Braai uie in olie en botter. Voeg masala en meel by soos jy ‘n witsous sal maak. Roer melk by.
Roer drie eiergele by (eiergele moet gaar word, maar jy wil nie roereier maak nie) Voeg tuna en danja by. Laat sous afkoel terwyl jy die drie eierwitte styf klits. Vou die eierwit in die sousmengsel in. Sit dit in ‘n groot bak wat met botter gesmeer is, of in kleiner porsie bakkies. Bak vir 45 minute. Dit is heerlik met pampoen

 

KERRIE-EIERS  MET  MIELIES

Rika Theron
4 – 6 porsies

Bestanddele: 
1 ui, in ringe gesny
1 knoffelhuisie, fyngedruk
olie
10 ml kerriepoeier
300 ml hoenderaftreksel
sap en skil van ‘n halwe suurlemoen
30 ml blatjang
30 ml suiker
1 blik (420 g) geroomde suikermielies
15 ml koekmeelblom
sout & swartpeper
4 – 6 eiers, hardgekook.

Metode: 
Soteer die ui en knoffel in ‘n klein bietjie olie tot sag.  Voeg die kerriepoeier by en roerbraai nog ‘n bietjie.  Giet die hoenderaftreksel by en bring tot kookpunt.  Voeg die sap en skil van die suurlemoen by asook die blatjang, suiker en suikermielies.  Laat goed kook en verdik dan die sous met meelblom wat aangemaak is met ‘n bietjie water.  Voeg die eiers by en verhit tot die eiers deurwarm is.  Dien op saam met rys, piesangskyfies, blatjang en klapper indien verkies.

 

 

BROOD-EN-EIERGEREG

Rika Theron

Bestanddele
6 snye brood, met botter gesmeer,
6 eiers, tamaties,
sout,
gerasperde kaas,
ontbytspek,
peper,
melk.

Metode
Pak ‘n laag brood in gesmeerde bak.  Sny ‘n paar skywe tamatie bo-oor, sprinkel sout, peper en ‘n laag kaas oor.  Pak nog ‘n laag brood en tamatie, plaas ‘n paar repies spek bo-op en strooi ‘n dik laag kaas oor.  Klits eiers en melk goed met sout en peper en gooi bo-oor.  Bak in matige oond tot eiers gaar is.

 

SKILLIE SE KERRIE EIERS

 

 

 

 

 

10 HARDGEKOOKTE EIERS EN AFGEDOP EN GEHALVEER.

2 X UIE IN RINGE GESNY

3 X EETLEPELS KOEKMEEL

1 X EETLEPEL BOTTER

1 X TEELEPEL BORRIE

2 X EETLEPELS KERRIE (NA SMAAK)

1 X EETLEPEL ATJAR MASALA

2-3 EETLEPELS SUIKER

2 X KOPPIES WATER

½ KOPPIE WIT DRUIWE ASYN

½ KOPPIE CHEDDAR KAAS.  (OF ENIGE STERK KAAS)

½ KOPPIE BLATJANG

1 X EETLEPEL APPELKOOSKONFYT

 

1)    BRAAI UIE TOT LIGBRUIN.,

2)    SKEP  UIT EN HOU EENKANT.

3)    OOR LAE HITTE SMELT BOTTER IN KASTROL

4)    VOEG MEELBLOM BY EN ROER TOTDAT  DIT KLONTERIG IS.

5)    VOEG NOU DIE WATER BY EN BRING TOT KOOKPUNT ,

6)     ROER TOT ‘n GLADDE TEKSTUUR VERKRY WORD.

7)    VOEG NOU DIE SUIKER BY ASOOK DIE ASYN EN BRING WEER TOT KOOKPUNT TERWYL GEROER WORD.

8)    VOEG NOU DIE KERRIE, ATJAR MASALA, BORRIE, BLATJANG, APPELKOOSKONFYT   BY DIE KOKENDE MENGSEL

9)    VOEG NOU DIE UIE BY DIE MENGSEL EN ROER DEUR.

10)    ROER NOU DIE GERASPERDE KAAS BY DIE MENGSEL.

11)    GOOI SOUS OOR DIE GEHALVEERDE EIERS EN LOS VIR 30 MINUTE OM AF TE KOEL.

12)    BEDIEN SAAM MET BRAAI VLEIS..

Resep geplaas met vergunning van Peet Mulder

Bedien saam met jou volgende braaivleis gaan nie spyt wees nie. Vra vir nog

Hierdie was op n stadium n heerlike Sondag aand ete saam met roosterbrood

 

Ham en aartappelskyfie gereg

Wanda-Marie Lundly

Bestanddele
500ml fyn aartappelskyfies (kaas en uie geur)
325ml gerasperde kaas
325ml fyn ham
500ml aangemaakte witsous
5ml mosterd
2 eiers

Metode
Meng die skyfies, kaas, ham en witsous en voeg mosterd by. Gooi in ‘n gesmeerde bakskottel en gooi die geklitste eiers bo-oor. Bak in ‘n matige oond 180C vir 15-20 minute. Bedien met vars broodrolletjies. Lewer 4 porsies