Pietersielie- Kluitjies ~ Grootmaat

Jan van Niekerk
Lewer 48 porsies

Bestanddele
750 g Koekmeelblom
75 ml Bakpoeier
20 ml Sout
800 ml Melk
100 ml Varsgekapte pietersielie

Metode
Sif die droë bestanddele saam, voeg die melk by en meng tot ‘n gladdebeslag. Meng die pietersielie by. Skep lepelsvol van die beslag op jou kasserol gereg wanneer dit gaar is en plaas weer die deksel op. Bak by 180°C vir 20 minute. Moenie die deksel oplig voor die gereg weer uit die oond gehaal word nie, anders slaan jou kluitjies toe. Lewer 48 porsies.

Advertisements
 

Herderspastei ~ Grootmaat

Jan van Niekerk
Lewer 48 porsies

betsanddele
5,5 kg Beesmaalvleis
50 ml Sonneblomolie
1,5 kg Uie, gekap
10 ml Varsgemaalde knoffel
30 ml Sout
10 ml Varsgemaalde swartpeper
15 ml Fyn naeltjies
2,6 l Warm vleisaftreksel
500 ml Tamatiepuree
50 g Koekmeel

Aartappele bolaag
2,4 kg Aartappels, geskil en sag gekook
8 ml Fyn neutmuskaat
400 ml Melk
150 g Botter
15 ml Sout

Metode:
Vleis:
Verhit die olie in ‘n groot kastrol en braai die vleis bruin. Voeg die ui en knoffel by en soteer tot sag. Voeg die geurmiddels, warm aftreksel en tamatiepuree by. Verlaag die hitte,plaas die deksel op en prut vir 30 minute. Verdik die sous met meelblom en water pasta.

Bolaag:
Druk die aartappels fyn, voeg die res van die bestanddele by en meng deeglik. Skep die vleismengsel in oondpanne en skep aartappel bo-oor. Bak in voorverhitte oond by 180°C vir 20 minute. Lewer 48 porsies.

 

Geurige Geroosterde Hoender ~ Grootmaat

Jan van Niekerk
Lewer 50 porsies

Bestanddele:
50 Hoenderdye
120 ml Gesmelte botter
500 g Spekvleisgegeurde soutbeskuitjies, fyn gerol
150 g Parmesaankaas
20 ml Sout
10 ml Cayennepeper
10 Varsgemaalde swartpeper
25 ml Hoenderspeserye

Metode:
Smeer die gesmelte botter met ‘n kwas oor die hoendervleis. Bedek regrondom. Meng die beskuitjiekrummels, parmesaankaas, sout, peper, en hoederspeserye in ‘n groot mengbak en rol die hoenderstukke daain. Plaas die hoender in twee groot gesmeerde oondpanne in ‘n enkellaag en rooster die vleis teen 180°C vir 1 uur. Lewer 50 porsies.

 

Gebakte Appels met Kaneel ~ Grootmaat

Jan van Niekerk
Lewer 50 porsies

Bestanddele
50 Granny Smith appels
280 ml Gekapte pakaneute
260 ml Bruinsuiker
250 ml Pitloserosyne of sultanas
125 ml Suurlemoensap
50 kaneelstokkies
25 Teelepels Botter

Metode:
Sny die bopunt van elke appel af en ontkern die appels, maar hou hulle heel aan die onderkant. Vul die holtes met neute, bruinsuiker en sultanas. Sprinkel suurlemoensap oor elkeen en sit ‘n ½ teelepel botter bo-op elke appel. Druk ‘n kaneelstokkie van bo in elke appel. Rangskik die appels in ‘n groot oondpan of twee panne as jou oond nie so groot is nie. Vul die pan tot 1 cm met water en plaas in voorverhitte oond by 180°C en bak vir 25 minute. Sit die appels met warm vla voor. Lewer 50 porsies

 

 

Sagopoeding ~ Grootmaat

Jan van Niekerk
Lewer 50 porsies

Bestanddele
8 Koppies sago
6 Kaneelstokkies
7 ½ Liter melk
900g Suiker
30 ml Sout
225 ml Botter
18 Eiergele, geklits
450 ml Appelkooskonfyt
50 Eierwitte
1 kg Suiker

Metode:
Spoel die sago af. Voeg die kaneelstokkies en sago by die melk en verhit stadig. Kook oor lae hitte totdat die sago deurskynend is. Voeg 100 g suiker, sout en botter by. Meng goed. Verwyder die kaneelstok. Voeg die geklitste eiergele by. Skep die mengsel in ’n oondbak en stip die appelkooskonfyt oor. Klits die eierwitte styf en voeg die 120 g suiker lepel vir lepel by. Skep die meringue bo-op die sagomengsel en bak vir 20-25 minute teen 180 °C. Sit warm of koud voor. Jy kan die vulsel van die sagopoeding die vorige dag maak, hou in die yskas en sit die meringue die volgende dag bo-op en dan in die oond. Lewer 50 porsies.

 

Herderspastei ~ Grootmaat

Jan van Niekerk
Lewer 48 porsies

Bestanddele
5,5 kg Beesmaalvleis
50 ml Sonneblomolie
1,5 kg Uie, gekap
10 ml Varsgemaalde knoffel
30 ml Sout
10 ml Varsgemaalde swartpeper
15 ml Fyn naeltjies
2,6 l Warm vleisaftreksel
500 ml Tamatiepuree
50 g Koekmeel

Aartappel bolaag
2,4 kg Aartappels, geskil en sag gekook
8 ml Fyn neutmuskaat
400 ml Melk
150 g Botter
15 ml Sout

Metode:
Vleis:
Verhit die olie in ‘n groot kastrol en braai die vleis bruin. Voeg die ui en knoffel by en soteer tot sag. Voeg die geurmiddels, warm aftreksel en tamatiepuree by. Verlaag die hitte,plaas die deksel op en prut vir 30 minute. Verdik die sous met meelblom en water pasta.

Bolaag:
Druk die aartappels fyn, voeg die res van die bestanddele by en meng deeglik. Skep die vleismengsel in oondpanne en skep aartappel bo-oor. Bak in voorverhitte oond by 180°C vir 20 minute. Lewer 48 porsies.

 

Kerk se pannekoek ~ Grootmaat

Rohanja

200 100 60 30
5 kg koekmeel 2.5 kg meel 1.25 kg meel 625 g meel
4 eetl bakpoeier 2 eetl bakpoeier 1 eetl bakpoeier 7.5ml bakpoeier
3 k kookolie 375 ml olie 187.5 ml olie 95ml olie
40 eiers 20 eiers 10 eiers 5 eiers
2 eetl sout 1 eetl sout ½ eetl sout 3.5ml sout
10 l lou water 5 l water 2.5 l water 1.25 l water

Metode
Klits eiers en water goed saam. Dan olie en klits weer goed. Dan bakpoeier en sout. Voeg meel bietjies by en klits goed terwyl dit doen. Kan nie rou deeg vries nie, maar gaar pannekoeke wel.

 

Gebakte Bruinpoeding

Jan van Niekerk
Lewer 12 porsies
Maak 4 van die poedings vir 48 porsies of 2 van 24 porsies elk

Beslag
5 ml Koeksoda
125 ml Melk
375 ml Bruismeel
125 ml Witsuiker
2 Eiers
40 ml Appelkooskonfyt
25 ml Sagte botter
1 ml Sout
5 ml Fyn gemmer

Sous:
250 ml Water
250 ml Room
125 ml Botter
125 ml Suiker
5 ml Vanieljegeursel

Karamelvla:
600 ml Vla
5 ml Karamelgeursel

Metode:

Berei die beslag deur die koeksoda in melk op te los. Sif meel en voeg saam met die res van die bestanddele by die melk. Meng tot ‘n gladde beslag. Giet in ‘n oondbak van 2 liter-volume. Bak in voorverhitte oond by 180°C vir 30 minute.

Verhit die sousbetanddele saam tot kookpunt. Giet die warm sous oor die poeding sodra dit uit die oond gehaal word. Geur die vla met die karamelgeursel en sit voor saam met die poeding. Lewer 12 porsies.

 

Koolslaai met Jogurtsous

Jan van Niekerk

Lewer 24 porsies

Bestanddele
2 Koolkoppe, fyn gekerf
250 ml Pitlose rosyne
1 Pynappel, in blokkies gesny
4 Wortels, gerasper

Jogurtsous:
600 ml Natuurlike jogurt
60 ml Heuning
60 ml suurlemoensap
30 ml Suurlemoenskil
40 ml Gemmerwortel

Metode:
Meng die bestanddele vir die slaai in ‘n groot mengbak saam. Meng die sousbestanddele saam en giet dit oor die slaai. Roer liggies deur en skep in 2 slaaibakke. Plaas in die yskas vir 2 ure voor opdiening. Lewer 24 porsies.

 

Bolognaise Maalvleissous ~ Grootmaat

Jan van Niekerk

Lewer 48 porsies

Bestanddele
5 kg Binneboudmaalvleis
150 ml Sonneblomolie
1 kg Uie, gekap
15 ml Varsgemaalde knoffel
30 ml Sout
10 ml Varsgemaalde swartpeper
30 ml Gemengde kruie
900 ml Tamatiepuree
30 ml Bruinsuiker
3 l Vleisaftreksel
60 ml Koekmeelblom

Metode
Braai die maalvleis in verhitte olie in ‘n swaarboomkastrol tot dit verbruin. Voeg die uie en knoffel by en soteer tot die uie sag is. Voeg die res van die bestanddele, behalwe die meelblom by . Verlaag die hitte, plaas die deksel op en prut vir 45 minute. Verdik sous met pasta van meelblom en water. Dien op saam met spaghetti. Lewer 48 porsies.

Wenke
Vir 48 porsies benodig jy 3,5 kg ongekookte spaghetti
Bolognaisesous kan ook as vulsel vir pannekoek of saam met aartappels of vetkoek bedien word.