KONFYTTERTJIES

Bestanddele
190 ml. ( 3/4 kop.) suiker.
125 ml. ( 1/2 kop.) margarien.
2 eiers.
500 ml. ( 2 kop.) meelblom.
10 ml. ( 2 tl.) bakpoeier.
vanielje.

Metode
Stel die oond op 180 Grade C. Room die suiker en margarien saam. Voeg die eiers by en klits goed todat mengsel liggeel en skuimerig is. Voeg die meelblom, bakpoeier en ‘n paar druppels vanielje by. Rol deeg in klein balletjies en plaas op gesmeerde bakplaat -ongeveer 5 cm.uit mekaar. Maak ‘n klein holte in die middel van die deeg en drup ‘n klein bietjie konfyt daarin. Bak in ‘n matige oond tot ligbruin.

Advertisements

MAKLIKE HANDTERTJIES

500 g bruismeel                                                               
2 ml sout
250 g botter, by kamertemperatuur                       
250 ml room
200 ml fyn appelkooskonfyt                                       
30 ml koekmeelblom
1 eier                                                                                    
25 ml melk
Sif bruismeel en sout saam.  Vryf die botter in, voeg die room by en maak aan tot deeg.
Vermeng die appelkooskonfyt en koekmeel goed.  Klits die eier en melk saam.  Rol bietjies-bietjies van die deeg dun uit op ‘n meelbestrooide oppervlak.  Druk sirkels, 80 mm in deursnee, met koekiedrukker af.  Maak die rand van elke sirkel klam met bietjie water.  Skep ‘n klontjie van die konfytmengsel in die middel van elke deegsirkel.  Vou die deeg toe in ‘n halfmaantjie en verseel die rand.  Plaas deeghalfmaantjies op ‘n gesmeerde bakplaat en bestryk dit met die eiermengsel.  Bak dit 10 min op middelste oondrak by 200ºC.  Laat die tertjies effens afkoel op die bakplaat voordat dit op ‘n afkoelrak geplaas word om heeltemal af te koel.