MIELIEMEELHAPPIES 

Rika Theron

Bestanddele: 
375 ml melk
375 ml mieliemeel
1 groot ui, fyn gekap
1 groot groen soetrissie, fyn gekap
2 stele seldery, in ringe gesny (opsioneel)
2 medium wortels, in dun ringe gesny
50 ml botter
500 ml koekmeelblom
20 ml bakpoeier
5 – 7 ml sout
5 – 7 ml tiemie
1 ml rooipeper
1 ml neutmuskaat
25 ml suiker
3 ekstra groot eiers, effens geklits.

Metode: 
Voorverhit die oond tot 180°C.  Smeer twee panne van 24 x 24 cm met margarien.  Verhit die melk tot kookpunt in ‘n groot kastrol op die stoof.  Voeg die mieliemeel lepelsgewys by terwyl aanhoudend geroer word.  Meng goed en verwyder dan van die stoofplaat.  Laat effens afkoel.  Soteer die groente in verhitte botter tot effens sag.  Voeg by die mieliemeelmengsel en meng goed.  Meng die res van die bestanddele, buiten die eiers, goed saam.  Voeg dit beurtelings met die geklitste eiers by die mieliemeelmengsel en meng goed.  Verdeel die mengsel in twee en skep in die voorbereide panne.  Bedek en bak 30 minute lank of tot gaar.  Sny in blokkies en dien warm of koud op saam met tuisgemaakte tamatiesous.

Variasie: 
Skep lepelsvol van die mengsel in verhitte olie en diepvetbraai tot goudbruin en gaar van binne.  Dreineer op handdoekpapier.

Vir ‘n vinnige tamatiesous: 
Gebruik ‘n blik tamatie-en-uiesmoor, geur dit met sout, swartpeper en basielkruid en kook dit af totdat dit nie meer waterig is nie.

Advertisements
 

VRUGTEHAPPIES

(14)
Rika Theron

Bestanddele
Halveer 1 groot ronde suikerbrood sodat jy 2 koeklae het.
Druk sirkels, 5 cm in deursnee, met ‘n koekiedrukker uit elke koeklaag af.
Klits 1 blikkie (225 g) kondensmelk en 50 ml suurlemoensap tot gemeng.
Voeg 1 blik (410 g) vrugtekelkie (gedreineer) by en meng.
Skep mengsel op sirkels.
Strooi gerasperde sjokolade bo-oor en versier met ‘n aarbei of lemoensegment.

 

Chocolate Hedgehog


Base
175g butter
2/3 cup caster sugar
4 tablespoons Cadbury Bournville Cocoa
2 tablespoons desiccated coconut
1 egg, lightly beaten
½ cup shelled pistachios
250g packet shredded wheat biscuits, broken into pieces

Method
In a saucepan melt butter, sugar and cocoa over a medium heat for 3 minutes. Stirring to ensure sugar dissolves. Remove from heat add coconut, egg, pistachios and biscuits. Press mixture into a baking paper lined 28cm x 18cm slab pan. Chill for 1 hour.

Chocolate topping
250g Cadbury dark cooking chocolate, chopped coarsely
50g butter
Melt chocolate and butter in bowl over simmering water. Spread over slice. Allow to set in refrigerator for 20 minutes. Slice with hot knife into pieces.

 

Kersie blokkies

Annetjie Cilliers

Bestanddele
200g wit Easy-Melt-dek sjokolade
397g kondensmelk
200g donker Easy-Melt-dek sjokolade
30g botter
250ml glanskersies, gekap
500ml klapper

Metode
Smelt wit sjokolade oor ‘n bak met warm water. Meng kersies, kondensmelk en klapper saam en voeg by sjokolade. Gooi kersie mengsel en gesmeerde en uitgevoerde pan en versprei eweredig. Smelt donder sjokolade, voeg botter by en smeer eweredig oor kersie mengsel. Verkoel tot geset en sny in blokkies.

 

Bacon Kips Happies

Fonna Goosen

Bestanddele
1 Pak Bacon Kips
1 Pak Sout en Asyn Chips
Gesnyde Bruin Brood
Margarien
Bovril, Oxo, Fraybentos of Marmite

Metode
Maak die sout en asyn chips fyn. Meng genoeg margarien en een van die smere na smaak. Neem brood en druk met ronde vorm, sirkels uit, groot genoeg om op Bacon Kips te pas. Smeer sirkel broodjie en plak die verkeerde kant van die Bacon Kip. Versier bo-kant eb snykante van die broodjie met margarien mengsel. Probeer die Bacon Kip skoon te hou. Strooi die gesmeerde deel met fyn Sout en Asyn chips.
Hierdie sout happie is beslis ‘n wenner.