BUTTERNUT SKYWE MET GARLIC

Lynette Muller

Bestanddele en Metode
Sny jou butternut in dik skywe – met skil aan. Smeer lekker homp botter op en knoffelvlokkies, sout en gemaalde swartpeper – sny ‘n ui in skywe en sit die skyf ui bo-op die butternut. Maak indeviduele pakkies. Maak pakkie toe met foelie en maak gaar op die kole of in die oond.

Advertisements
 

Rooi lensies sop vir ontbyt

Ezo se Bruidsop van rooilensies

Sop vir ontbyt is deesdae ‘n groot ding. In lande soos Turkeye, Viëtnam, Korea tot en Columbië is dit al ‘n eeue-oue gebruik. Pho, ramen, om ‘n paar te noem. My ontdekking is ‘n Turkse sop met die mooiste storie.

Ezogelin, ‘n verleidend-lekker rooilensiesop, vernoem na ‘n jong Persiese bruid Ezo, ‘n pragtige vrou wat nou al ‘n legende in Turkeye geword het. Die man op wie sy verlief was het haar gevfa om te trou, maar met een voorwaarde – sy moes eers sy ma ontmoet … en Skoonma was maar ‘n baie moeilike mens. Sy het hierdie rooilensiesop gemaak om in haar goeie boekies te kom. Wel, sy en haar man het later 9 kinders gehad, so Skoonma was sekerlik baie beïndruk.

Die sop, wat uit die suid-oostelike deel van Anatolië kom, word nou oral in Turkeye geëet, veral vir ontbyt. Die rooi lensies kook baie vinnig en hoef glad nie vooraf geweek te word nie. Dit is voedsaam met hoë vlakke van minerale soos yster. Die smaak is subtiel en die lensie kook heeltemal sag. Die geure van die droë kruisement saam met lensies is ‘n heerlike nuwe ontdekking.

Die burgul is ‘n gestampte koring wat effens verwerk en halfgaar gemaak is. Rys kan ook gebruik word. Ment paai die senuwees en verskerp die sintuie.

Ezo se bruidsop

1 knoffelhuisie, fyn gekap
1 ui, fyn gekap
Bietjie Olie of botter vir braai
5 ml komyn
45 ml tamatiepasta
5 ml soet paprika
200 g (opgehoopte koppie) rooi lensies, afgespoel red lentils,
45 ml bulgur koring, afgespoel (opsioneel) of 125 ml rys
1.5 liter hoender- of groenteaftreksel
Sout en peper

Bediening:
15 ml droë kruisement, net so of gemeng met sagte botter.
rissievlokkies, suurlemoensap

Braai die knoffel en uie liggies tot sag en deurskynend, voeg die tamatiepasta, paprika en komyn by en kook 2 minute terwyl jy roer.
Voeg die lensies, burgulkoring (of rys) en aftreksel by. Bring tot kookpunt en prut dan sowat 30 minute terwyl jou nou en dan roer om te keer dat dit vassit. Sodra die lensies sag is blits die sop met ‘n handstaafmenger tot redelik glad. Proe en pas na smaak met sout en peper.

Skep in sopbakkies, sprinkel droë ment oor of bedien met ‘n klontjie botter, rissievlokkies as jy wil en ‘n drupsel suurlemoensap.

 

Bron en foto:  https://huiskok.com/author/huiskok/

 

Knoffel Brood

 

 

 

 

 

 

 

10 of 12 “hotdog” lang broodrolletjies
Verskieslik ‘n dag oud
500ml of 2 koppies room
750ml Mayonaise
Fyn of stukkies knoffel na smaak
1K of 250ml gerasperde kaas
Voorverhit die oond 150C

Sny die rolletjies in 2cm dik wiele
Pak die wiele in n gesmeerde oondpan.
Meng die Room, Mayonaise en knoffel.
Gooi die mengsel oor die brood wiele.
Strooi die kaas oor.
Bak vir ongeveer 30min.

Met vergunning van www.MaroelaMedia.co.za

 

 

 

Kaas en Garlic Crisps

Teresa Meyer

Bestanddele
4 Ronde Pita Brode
125 g Margarien
2 e Gekapte Vars Basil
3 Huisies Gekneusde Knoffel
4 e Gerasperde Parmasaanse Kaas

Metode
Sny elke ronde pita broodjie horisontaal in die helfte. Sny elke helfte in 4 wiggies. Smelt botter. Plaas botter, basil en knoffel in bak en meng. Plaas die wiggies op ‘n geoliede bakplaat. Smeer elke wiggie met die margarien mengsel. Strooi Parmasaanse kaas oor. Bak in ‘n warm oond van 200°C vir 10 minute tot goudbruin.

Wenk
Bedien op saam met u gunsteling doopsous.