Lewer

Ilana

Bestanddele
1kg lewer in blokkies gesny.
3 E appelkooskonfyt
2 Uie
2 Tamaties
1 pakkie tamatiepasta
15ml Soyasous
10 ml braai speserye
10 ml Robertson Country knoffel en kruie
10 ml gekneusde knoffel
+- 350 ml water
Sout na smaak

Metode
Braai die knoffel, uie en tamaties. Gooi knoffel by en braai. Gooi dan al die res van die bestandele by en roer deur. Giet water oor tot dit redelik souserig is. So om en by 350ml.
Gooi sout na smaak en sit op lae hitte en kook omtrent halfuur of tot baie van die sous afgekook het. Solank daar nog sous vir die pap is.

Advertisements

Lewer koekies resepte

LEWERKOEKIES (1)

500 g lewer (skaap-, kalf- of beeslewer)

1 middelmatige ui

2 eiers

12,5 ml asyn of suurlemoensap

5 ml sout

1 ml (1/ 4 t) peper

5 ml gekapte pieterselie

Vet of olie om in te braai

Maak die lewer skoon soos hierbo beskryf, en sny in stukke. Sny die ui in skywe en maal doe lewer en ui saam of maal die lewer en kap die ui fyn, en voeg dit by die lewer. Voeg die asyn, sout, peper en gekapte pieterselie by. Klits die eiers en voeg dit by. Meng alles goed saam. Verhit `n braaipan en smelt genoeg vet daarin om die boom van pan te bedek. Skep die lewermengsel met `n lepel in die warm vet en laat dit aan die een kant bruin braai. Draai die koekies versigtig om met `n slaplem-mes en laat hulle aan die ander kant bruin braai.

 

LEWERKOEKIES (2)

1 dik sny ou witbrood

400g skaaplewer

1 groot ui

1 groot aartappel geskil

2  eiers

25ml kookolie

7ml sout

knypie peper

knypie gemaalde neutmuskaat

100ml koekmeelbom

kookolie vir vlakbraai

Doop brood in koue water en druk dadelik soveel as moontlik van die water uit. Maal lewer, ui, aartappel en brood saam. Voeg eiers, olie, sout, peper en neutmuskaat by en meng deeglik. Voeg meel laaste by en meng. Skep eetlepelsvol in warm, vlak kookolie en braai aan weerskante  tot mooi bruin oor matige hitte. Dreineer op kombuispapier.

 

LEWERKOEKIES (3)

500g skaaplewer 4 middelslag aartappels

250ml gesnyde groenboontjies

2 spinasieblare

1 middelslag tamatie 1 ui

1 sny brood 3 eiers

180ml ongesif afgemeet meelblom 15ml bakpoeier 10ml sout 1ml peper kookolie vir vlak braai.

Trek die vliese van die lewer af en sny die lewer in stukke. Maal die lewer beurtelings met die aartappels, boontjies, spinasie, tamatie en ui. Maal die brood laaste(sodat jy terselfdertyd die meul skoonmaak.)Voeg die eiers by die gemaalde mengsel en meng goed. Voeg die meelblom, bakpoeier, sout en peper by en meng. Skep lepelsvol lewermengsel in vlak warm kookolie en braai dit eers aan die een kant oor matige hitte tot gaar en bruin. Dreineer die lewerkoekies goed op kombuispapier en sit dit warm of koud voor. Hierdie koekies vries goed.

 

Hoenderlewertjies

Ingestuur deur Wanda-Mari Lundly

Bestanddele
500g hoenderlewertjies
1 ui
1 groenrissie
1 eetl Bisto-sous
125 ml room
Peri-peri speserye en bbq speserye

Metode
Maak hoenderlewertjies, uie en groenrissie gaar in olie.
Voeg speserye by en roerbraai vir rukkie
Wanneer dit amper gaar is, gooi room gemeng met die bistosous by en prut tot dik
Bedien met kapokaartappels

LEWER BOBOTIE MET APPEL

Bestanddele
1 dik sny bruinbrood 
500g skaap of beeslewer 
1 ui, fyngekap 
1 groot groen appel, geskil en in blokkies gesny 5 ml borrie 
30ml fyn appelkooskonfyt 
2 ekstra groot eiers, geklits 
2 lourierblare 
125ml melk 
sout en peper 
2 knoffelhuisies, fyngedruk 
15 ml matige kerriepoeier 
30ml blatjang 
30 ml suurlemoensap 
250ml melk 

Metode
Voorverhit die oond tot 180C. Spuit n oondvaste bak van 24x24x5cm met kleefwerende middel. Week die brood in die melk sag en maak fyn. Maak die lewer skoon: Trek die vliese af en sny enige harde senings uit. Indien jy beeslewer gebruik, laat 30 minute lank in lou sout water lÍ. Sny in blokkies en geur met sout en peper. Braai in verhitte olie tot bruin van buite. Skep uit en hou eenkant. Soteer die ui en knoffel tot sag en voeg die appel, kerrie en borrie by en roerbraai nog een minuut lank. Voeg die blatjang, appelkooskonfyt en suurlemoensap by en meng. Voeg die gebraaide lewer by en meng goed deur. Skep in die voorbereide oondbak. Klits die eiers en melk goed saam en giet bo-oor. Rangskik die lourierblare bo-op. Bak 30-45 minute lank of tot gaar en gestol. Dien dadelik op saam met gestoofde perskes en rys. 

Lewer en perske-broodjie

250 g ontbytspek 
1 ui, gekap 
20 g botter 
250 g hoenderlewers 
250 g gemaalde beesvleis 
sout en peper na smaak 
410 g perskeskywe, gedreineer 
50 g vars broodkrummels 
20 ml fyn gekapte pietersielie 
1 eier, geklits 
4 ontbeende hoenderborshelftes 

Voorverhit die oond tot 180º C en smeer n broodpannetjie en voer dit uit met die spekvleis, hou die wat oorbly. Braai die ui in die botter tot sag en laat afkoel. Meng die hoenderlewers en oorblywende spek met die ui en maal dit saam in n voedselverwerker. Voeg die maalvleis by en geur met die sout en peper. Kap die perskeskywe in stukkies en voeg dit by die maalvleismengsel. Voeg ook die broodkrummels, pietersielie en eier by. Meng alles saam met n groot vurk. Skep die helfte van die vleismengsel in die bereide pan. Sny die hoendervleis in stukkies en plaas dit bo-oor die vleismengsel. Skep die oorblywende vleismengsel bo-op. 
Bak die broodjie 1 uur lank of tot gaar. Laat afkoel en plaas liefs n rukkie in die vrieskas voor dit gesny word.