INDIESE RYSSLAAI

Rina

Bestandele
500ml gaar rys                                                            
1 ui, geskil en fyngekap
25ml blatjang
1 klein blikkie perskes, gedreineer in blokkies
125ml kondensmelk                                                     
37.5 ml suurlemoensap
12,5ml kerriepoeier (matig)                                          
250ml mayonnaise
sout

Metode
Meng kerriepoeier en suurlemoensap.  Meng res van bestanddele, gooi kerriemengsel oor en roer goed deur.  Laat staan oornag in yskas en dien op.

Advertisements

Easy huevos rancheros

Ingredients
1 tbsp vegetable oil or sunflower oil
1 corn tortilla wrap
1 egg
200g can black beans, drained
juice ½ lime
½ ripe avocado , peeled and sliced
50g feta , crumbled
hot chilli sauce (we like sriracha)

Method
Heat the oil in a frying pan over a high heat. Add the tortilla and fry for 1-2 mins on each side until crisping at the edges. Transfer to a plate. Crack the egg into the pan and cook to your liking. Meanwhile, tip the beans into a bowl, season and add a squeeze of lime, then lightly mash with a fork. Spread the beans over the tortilla, top with the egg, avocado, feta and chilli sauce. Squeeze over a little more lime juice just before eating.

KRUMMEL-MAALVLEISPASTEI 

Rika Theron
4 – 6 porsies

Bestanddele: 
1 ui, fyngekap,
2 knoffelhuisies, fyngedruk,
olie,
500 g maalvleis,
1 blik gebakte boontjies in tamatiesous,
15 ml Worcestersous,
paar druppels tabascosous,
sout en swartpeper.  

Bolaag:
60 ml botter,
200 ml koekmeel,
2 ml basielkruid,
200 ml Cheddarkaas, gerasper.

Metode: 
Verhit oond tot 180°C.  Smeer ‘n oondvaste bak.  Soteer die ui en knoffel in ‘n klein bietjie olie in ‘n pan tot sag.  Voeg die maalvleis bietjie vir bietjie by en braai tot effens bruin.  Voeg die gebakte boontjies by en geur met die Worcestersous en tabascosous, asook sout en swartpeper na smaak.  Skep in voorbereide bak.  Vryf botter met vingerpunte in koekmeel.  Voeg basielkruid en kaas by en meng goed.  Sprinkel oor die mengsel.  Bak sowat 20 tot 30 minute lank tot goudbruin van bo.  Dien op saam met slaai.

 

Spaanse Rys

Woumarie

Bestanddele tamatiesous
500 g ryprooi tamaties, gekap
2 groot uie, geskil en in kwarte gesny
4 heel knoffelhuisies, geskil
1 heel rooi brandrissie
1 opgehoopte teelepel paprika
Olyfolie om bo-oor te sprinkel

Bestanddele Rysgereg
3 eetlepels olyfolie (of kookolie)
1 groot ui, fyngekap
6 repies swoerdlose strepiespek, gesnipper
½ elk van ’n rooi, geel en groen soetrissie, pitte en wit gedeeltes verwyder en in stukke gesny
750 g maalvleis
1 koppie rou rys
3 koppies kookwater
1 koppie tuisgemaakte tamatiesous

Metode tamatiesous
Voorverhithit die oond tot 200°C. Plaas die tamaties, ui, knoffel en brandrissie in ’n oondbak. Sprinkel die paprika en olyfolie bo-oor en bak onbedek vir ongeveer 40 minute. Haal dit uit die oond, plaas dit in ’n mengbak en verpulp alles met ’n handmenger of in ’n voedselverwerker. Hou eenkant tot benodig.

Metode Rysgereg:
Voorverhit die oond tot 150°C. Verhit die olie in ’n swaarboomkastrol (wat ook in die oond kan gaan). Braai die ui daarin tot sag en deurskynend. Voeg die spek en soetrissie by en braai vir nog 5 – 7 minute. Voeg die maalvleis by en roer liggies met ’n vurk deur sodat die maalvleis nie klonte vorm nie. Braai alles liggies saam vir nog 7 minute. Voeg die rys by en roer goed deur. Voeg die kookwater en die tamatiesous by en roer baie goed deurmekaar. Bedek die kastrol en bak in oond vir ongeveer 1 – 1½ uur.

Varktjop Pot

Idees

Bestanddele
4 varktjops
Mexikaanse of vleis-speserye
sonneblomolie
250 ml rys
500 ml hoenderaftreksel
1 blik gekapte tamatie met soetrissie en rissie (of tamatie-en-ui)
1 blik heel soetmieliepitte, gedreineer
1 blik nierbone of gemengde bone, gedreineer
vars koljander, om voor te sit

METODE:
Geur die tjops aan albei kante met die speserye. Verhit ’n kastrol en gooi ’n bietjie olie by. Verbruin die tjops aan albei kante en skep dit uit. Gooi die rys in die kastrol en bedek dit met die aftreksel. Voeg die blik tamaties by en verhit dit tot kookpunt. Prut vir vyf minute met die deksel op. Roer die soetmielies en boontjies by, roer goed en sit die tjops bo-op die mengsel. Prut vir 10 minute met die deksel op, of tot die rys sag en die tjops gaar is. Sit voor met vars koljanderblare as garnering.

Ertjies en Patat

Isabel Lombard

Ons het so paar pakkies gevriesde groente, maar daar is nie genoeg in ‘n pakkie om vir ons gaar te maak vir ‘n ete nie. Vroulief kom toe en sê gooi die ertjies en patat bymekaar en maak dit soet.

Bestanddele Groente
Gevriesde ertjies
Gevriesdie Patats
Neem genoeg ertjies en patat vir die gesin.

Bestaanddele Sous
Botter of Margarien
Suiker
Die sous moet ten minste die pot se boom bedek.

Metode
Kook die ertjies en patat saam tot sag. Sodra sag gooi in vergietis sodat die water kan dreineer. Sit nou so paar hompe botter in die pot en laat dit smelt. Gooi nou suiker by. Roer botter en suiker mengsel aanhoudend tot diy lig bruin is. Gooi die die ertjies en patat by en roer deur sodat die botter suiker sous die ertjie en patat bedek.

Maalvleistoebroodjie

Bestanddele
15 ml (1 e) olie
10 g botter
1 ui, gekap
1 rooi soetrissie, gekap
2 knoffelhuisies, fyn gemaal
2 groen brandrissies, gekap
500 g beesmaalvleis
80 ml (¼ k) water
250 ml (1 k) tamatiesous
’n paar druppels tabascosous
30 ml (2 e) worcestersous
15 ml (1 e) Dijonmosterd
15 ml (1 e) asyn
15 ml (1 e) bruinsuiker
sout en peper
8 snye brood
kaas

Metode
Verhit die olie en botter in ’n pan oor matige hitte. Voeg die ui en rooi soetrissie by en braai 5 min. of tot sag. Voeg die knoffel en brandrissies by en braai nog ’n minuut terwyl jy gereeld roer. Voeg dan die maalvleis by en kook sowat 10 min. Roer die water, tamatie-, tabasco- en worcestersous, mosterd, asyn, bruinsuiker en geurmiddels in. Bring tot prutpunt. Rooster die brood en smelt die kaas daaroor. Bedek 4 snye met maalvleismengsel en bedek met die oorblywende snye.

PIESANG BOBOTIE MET SOUTVLEIS

www.flippenlekkerspice.co.za
1 Gekapte ui
Halwe gekapte soetrissie
2 teelepels kerriepoeier
2 teelepels Flippen Lekka Spice
opgehoopte eetlepel appelkooskonfyt
eetlepel asyn
1 Blik soutvleis (boelie bief)
2 piesangs in skyfies gesny
1 eier
kwart koppie melk.

Metode
Braai ui en soetrissie in olie tot dit begin verkleur. Voeg kerriepoeier en Flippen Lekka Spice by en braai vir 1 minuut. Voeg die res van die bestanddele by, behalwe melk en eier en roer liggies deur. Plaas in oondvaste bak. Klits eier en melk saam en giet bo-oor. Prik met vurk dat vloeistof effens kan intrek. Bak vir 30 min teen 180 .°C

 

3 Bestanddele Vrugtekoek

Rika Theron

Bestanddele
1 kg vrugtekoekmengsel
2 koppies lemoensap (Jy kan 1 koppie lemoensap vervang met brandewyn)
2 koppies bruismeel

METODE
Voeg die vloeistof by die vrugtekoekmengsel. Verhit dit vir 5 minute in ‘n mikrogolf op hoog. Laat staan vir 2 ure. Meng met dit met die bruismeel. Voer ‘n koekpan uit met bakpapier of botter. Bak vir 2 ure teen 130 grade.

Hoender ala Koning

www.rsg.co.za

Bestanddele
1 hoender
1 liter witsous
1 pakkie vars sampioene, opgekap
1 groen soetrissie, opgekap
1 teelepel paprika
175ml room

METODE
Kook hoender tot gaar. Ontbeen en trek die vel af. Sny in repies of blokkies. Braai die soetrissie en sampioene tot amper gaar. Meng alles.
Plaas in kastrol en prut vir 10 minute. Bedien op witrys met ertjies.