NOEDELS  MET  TUNA 

Rika Theron 
4 porsies

Bestanddele: 
125 g rou noedels
1 ui, fyn gekap
2 knoffelhuisies, fyngedruk
olie
2 tamaties, ontvel en in blokkies gesny
1 blikkie (185 g) gesnipperde tuna, in soutwater verpak
50 ml mayonnaise
25 ml blatjang
sout & swartpeper na smaak
knippie neutmuskaat
paar druppels tabascosous (opsioneel)
125 ml Cheddarkaas gerasper
25 ml gekapte pieterselie.

Metode: 
Voorverhit oond tot 180°C.  Smeer ‘n oondvaste bak.  Kook die noedels in soutwater sag.  Dreineer en hou eenkant.  Soteer die ui en knoffel in ‘n klein bietjie olie tot sag.  Voeg die tamaties by en prut tot ‘n moes.  Voeg die tuna asook ‘n bietjie van die soutwater waarin dit verpak is, by.  Voeg die noedels, mayonnaise en blatjang by, meng en geur met sout, swartpeper, neutmuskaat asook die tabascosous.  Meng goed en skep in die voorbereide bak.  Meng die kaas en pieterselie en sprinkel oor.  Bak sowat 20 – 30 minute of totdat die kaas gesmelt en die gereg lekker warm is.  Dien op saam met slaai.

 

Advertisements
 

TUISGEMAAKTE MAYONNAISE:

Anna Eksteen

Bestanddele
2 eiergele
2ml mosterdpoeier
5ml suiker
2ml sout
knippie witpeper
10ml suurlemoensap of asyn
250ml olyf of kookolie of ‘n mengsel daarvan

Metode
Klits die eiergele, mosterd, suiker, sout, witpeper en suurlemoensap of asyn saam in ‘n mengbak.
Hou aan met klits en voeg die olie druppel vir druppel by. Sodra die mengsel begin verdik, kan meer olie op ‘n slag bygevoeg word. (Gewoonlik na 60-75ml) Hou aan met klits totdat al die olie bygewerk is.

 

AARTAPPELSLAAI MET GROENERTJIE MAYONNAISE

Ingestuur deur Okkie Jansen van Vuuren

Metode
1kg ekstra klein aartappels
125ml natuurlike jogurt
250ml vars jong ertjies of bevrore ertjies, gestoom
125ml mayonnaise
2 huisies knoffel, fyngemaak
30ml gekapte vars grasuie
30ml gekapte vars kruisement
sout en swartpeper na smaak

Metode
Kook die aartappels in hul skilletjies in soutwater tot net sag. Dreineer en laat afkoel totdat die skilletjies met die hand afgetrek kan word. Verpulp die ertjies saam met die jogurt, mayonnaise en ui. Voeg die kruie by. Skep die groenertjie mayonnaise oor die aartappels terwyl hulle nog warm is en laat afkoel.