Melkkos Met Macaroni

Lynette Muller

Bestanddele
100g (250ml) Macaroni
1L Melk
25ml Botter
2 eiers
50ml Meel
5ml Bakpoeier
Sout
Kaneel

Metode
Mikro 750ml van die melk saam met die macaroni en botter vir 15min op 100% krag. Roer en kook weer vir 5 min. Skei eiers. Klits eiergeel, 250ml van die melk, meel bakpoeier en die sout saam. Voeg by macaroni mengsel en kook vir 6 min op 100% krag.
Klits eiers witte styf (nie droog nie) en vou in. Bedien met kaneel en suiker.

Advertisements
 

MACARONI MELKKOS:

Lynette Muller

Bestanddele
1 kop macoroni
1lit melk
3 eiers
2 e mielieblom – mazena
kaneelstokkie
3 e botter

Metode
Kook macaroni apart, kook melk met sout.
Voeg gedreineerde macaroni by
Klits eiers goed, gooi stadig by melk em roer aanhoudend.
voeg kaneelstokkie by verdik met mielieblom en voeg botter by
Roer goed tot dik – bedien met kaneelsuiker.

 

SAGO- SJOKOLADE MELKKOS:

Lynette Muller
Lewer 8 porsies

Bestanddele
250 ml (1 k) sago
2,5 liter (10 k) sjokolade melk
60 ml (¼ k) room/water
2 ml (½ t) sout
15 ml (1 e) botter of margarien
kaneelsuiker

SO MAAK JY:
Week die sago 1 uur lank in die melk.
Verhit dan die mengsel in ’n groot swaarboomkastrol tot kookpunt terwyl jy dit die hele tyd roer.
Voeg die sout en room/water by.
Kook totdat dit verdik.
Roer die botter of margarien by.
Klits tot lekker romerig.
Bediening
Sit voor saam met kaneelsuiker.

WENK:
Jy kan 12.5ml kakao byvoeg om dit nog meer sjokoladegeur te gee.
Jy kan ook sjokolade skaafsels byvoeg en dit laat smelt.

 

Mikrogolf Melkkos

Ingestuur deur Lena

Bestanddele

100 ml (70 g) sago
1 liter (4 k) melk
30 ml (2 e) botter
2 eiers, geskei
75 ml (5 e) koekmeel
20 ml (4 t) vlapoeier
2 ml (½ t) sout
125 ml (½ k) water
60 ml (¼ k) suiker
2 ml (½ t) fyn kaneel

Metode

Plaas die sago en 250 ml (1 k) van die melk in ‘n mikrogolfvaste glasbak en mikrogolf 2½ minute op hoog.
Roer goed en laat ‘n rukkie staan.
Voeg die oorblywende melk en botter by en mikrogolf nog 15 minute. Roer ná elke 5 minute.
Klits die res van die bestanddele behalwe die eierwitte saam en roer by die sagomengsel in.
Mikrogolf 6 minute en roer ná die eerste 3 minute.
Klits die eierwitte styf en vou by die sagomengsel in. Sit warm voor saam met kaneelsuiker.