BILTONG, KAAS- EN UIE-POTBROOD

Anna Eksteen

Bestanddele
500g bruismeel                                                             
1 bier
1½ koppies gerasperde Cheddarkaas                            
250ml fyn (nat!) biltong
125ml fyn, bruingebraaide uie

Metode
Meng die meel en bier goed. Voeg 1 koppie kaas, die biltong en ui by en meng alles saam. Plaas dit in jou gesmeerde pot en bedek met die res van die kaas Bak tot gaar. Toets met ‘n skoon mes of totdat hy onderkant mooi hol klink. Eet warm met plaasbotter en konfyt

VARIASIES:
(Sonder die biltong en uie)
‘n Pakkie droë, bruin uiesop.
‘n Eetlepel of twee Marmite of Frey Bentos.
Neute en rosyne.
Spek (brosgebraai en gekrummel)
Olywe, kappers en ansjovis
Baie vars knoffel en pietersielie; gemengde kruie van jou keuse.

Advertisements

HEERLIKE KOOLSLAAI

Rina

Bestanddele
750 ml fyngekapte, rou kopkool                                    
1 appel, geskil en grof gerasper
1 groot wortel, geskil en grof gerasper                         
5 ml gedroogde basieliekruid
125 ml gekapte okkerneute                                          
125 ml korente
125 ml vars lemoensap                                                
30 ml dik room
5 ml strooisuiker (opsioneel)                                        
sout en swartpeper na smaak

Metode
Meng al die bestanddele liggies saam, behalwe die sap en room.  Giet sap oor en roer dan die room deur en geur soos nodig.  Skep in ‘n aantreklike slaaibak of individuele bakkies en garneer.

Gesonde Ontbyt

Woumarie

Bestanddele
340g Griekse jogurt
1 Piesang in skyfies gesny
15g pampoen, somnneblom en of sesame sade (Jy kan ‘n mengsel van die sade maak of jy kan of net een van die sade gebruik)
Gekanpte neute kan ook gebruik word.

Metode
Verdeel die jogurt tussen twee bakkies. verdeeel die piesangs ook tussen die twee bakkie. Strooi nou sade of neute oor die piesangs.

Fudge Bruintjies – Brownies – met gesoute geroosterde pekan neute

8 Desember is Nationale Bruintjies dag

Die onstaan van Sjokolade Bruintjies – Brownies

Tipe: Vierkant of staaf
Plek van herkoms: Verenigde State
Hoof bestanddele: Melk, botter, eiers, sjokolade of kakao poeier, suiker
Variasies: Blondie

‘n Sjokolade bruintjie (algemeen bekend as gewoon brownie) is ‘n vierkantige, gebakte, sjokolade-nagereg.
Brownies kom in ‘n verskeidenheid vorme en kan óf fudgerig of koekerug wees, afhangende van hul digtheid.
Hulle kan neute, versiersuiker, roomkaas, sjokolade-splinters of ander bestanddele insluit.
‘n Variasie met bruinsuiker, eerder as sjokolade in die beslag, word ‘n blonde bruintjie of blondie genoem.
Die brownie is aan die einde van die 19de eeu in die Verenigde State ontwikkel en in die VSA en Kanada gewild gedurende die eerste helfte van die 20ste eeu.

Brownies word tipies met die hand geëet, dikwels vergesel van melk, warm bedien met roomys, bedek met room, of besprinkel met versiersuiker en fudge.
In Noord-Amerika is hulle algemene item in kosblikkies, en ook gewild in restaurante en koffiewinkels

Bron: https://en.wikipedia.org/wiki/Chocolate_brownie

 

 

 

 

 

 

 

 

 

 

Vir die gesoute geroosterde pekanneute:
– 1 eetlepel ongesoute botter
– 1 koppie pekan neut halwes
– ½ teelepel seesout

Vir die brownies:
100gram onversoete sjokolade, gekap
1 koppie suiker
3/4 koppie styf gepakte ligbruin suiker
3 groot eiers, kamertemperatuur
2 teelepel vanielje ekstrakt of geursel
1 koppie koek meel
¼ koppie kakao poeier

AANWYSINGS
Voorverhit die oond tot 350ºF (180ºC) en smeer ‘n 12-vierkante brownie-pan of 20cm vierkantige pan.
Vir die gesoute geroosterde pekanneute, smelt die botter in ‘n pan oor medium hitte en voeg die pekanneute en sout by.
Roer die pekanneute vir sowat 8 minute totdat die pekanneute ‘n heerlike reuk afgee (die sout sal nie oplos nie, maar dit gee ‘n lekker kraak aan die neute).
Verwyder die pan uit die hitte en afkoel terwyl die bruinies voorberei word.

Brownies
Smelt die sjokolade en botter in ‘n medium pot oor medium lae hitte, roer tot dit gesmelt is.
Verwyder die pan van die hitte en klits in die suiker en bruinsuiker direk in die pot in. Klits die eiers een vir een by, dan die vanielje.
Roer die meel en kakao poeier by tot goed gemeng.
Tel 12 pekan neut halwes uit en hou eenkant.
Kap die oorblywende pekanneute grof en voeg by die brownie beslag. Giet die mengsel in die pan en rangskik die pekannehalwes bo-op.
Bak vir sowat 20 tot 25 minute tot die bo kant van die brownies hul glans verloor.
Laat die bruintjies vir ‘n uur afkoel voordat dit uit die pan verwyder word.
Die bruintjies sal tot 5 dae in ‘n lugdigte houer vars bly, en die verbeter eintlik na die 1ste dag.

Bron en foto:  afternoonbakingwithgrandma.com

Kersie-en-Neute Bruintjie Koek

Ingestuur deur Jan van Niekerk

 

 

 

 

 

 

 

Bestanddele:
150 g Botter
300 g Donker sjokolade, gekap
375 ml Sagte bruinsuiker
4 Eiers, liggies geklits
250 ml Koekmeel
125 ml Suurroom óf natuurlike jogurt
100 g Rooi glanskersies, grof gekap
100 g Gemengde neute, gekap

Brandewynsous:
125 ml Suiker
60 ml Water
30 ml Botter
10 ml Vanieljegeursel
60 ml Brandewyn
Skeut room

Metode:
Voorverhit die oond tot 170 °C en smeer ’n koekpan van 24 cm. Voer uit met bakpapier en smeer weer. Smelt die botter en sjokolade saam tot glad. Laat effens afkoel.
Klits die suiker en eiers by en voeg daarna die meel en suurroom (of jogurt) by. Meng goed. Voeg die kersies en neute by en roer deur. Skep in die pan en maak gelyk.

Bak vir sowat 30-40 minute, tot die koek gaar, maar nog klam in die middel is. Sit louwarm of teen kamertemperatuur voor met goeie vanieljeroomys en vars bessies. Sit die brandewynsous teen dieselfde temperatuur as die koek voor.

Brandewynsous: Verhit suiker en water saam in ’n kastrol oor lae hitte, tot ál die suiker gesmelt is. Verhit tot kookpunt en kook vinnig vir vyf minute of tot ’n ligte karamelkleur. Verwyder van die hitte en voeg die botter, vanieljegeursel en brandewyn by. Roer goed, tot gesmelt. Voeg ’n skeut room by en sit voor met die nagereg.

Landbouweekblad, 17 Desember 2010

KOUE KERSFEESPOEDING:

Net vergunning van Anna Eksteen

Bestanddele
1½ koppies fyn gerolde Marie beskuitjies
8 malvalekkers
¼ koppie suiker
½ koppie gekapte neute
125ml gemengde skil
¼ teelepel fyn neut
250ml room
¼ koppie lemoensap
mespunt kaneel
125ml dadels
gerasperde skil van 1 suurlemoen

Bestanddele
Meng krummels, vrugte, neute, skil en speserye. Verhit die lemoensap en los die malvalekkers daarin op. Voeg die suiker by en gooi oor die krummels en vrugte. Klop die room styf en vou dit by die mengsel in. Plaas die nagereg in die yskas om styf te word.

Chicken Fruit salad

Ingredients
4 Chicken Breasts deboned
2 Apples (or pears)
2 Peaches (or mango if in season)
1 Pineapple
Any othe Fruit like grapes can also be used
Light Salad Yogurt Herb sauce
Mixed Nuts
Couscous

Method
Prepare Couscous for 4 people. Cut the chicken in strips and fry till brown and add salt and spices to taste. Dice the fruit and mix with chicken – sprinkle nuts. Add couscous and mix well. Dress with the salad sauce.

AVOKADO SLAAI MET SPEK EN NEUTE:

Ingestuur deur Okkie Jansen van Vuuren

Bestanddele
1 pak gemengde slaaiblare
6 sprietuie, in ringe gesny met groen lowwe
8 repe swoerdlose streepspek
4 snye witbrood sonder korsies
1 groot, ryp avokado
125 ml pekanneute, grof gekap
125 ml Franse slaaisous

Metode
Breek die slaaiblare in kleiner stukkies en plaas in die slaaibak saam met die gesnyde sprietuie. Sny die spekin 1 cm-stukkies en roerbraai in ‘n bietjie olie tot bros. Haal uit en dreineer op kombuis papier. Sny die brood inblokkies (1 cm x 1 cm) en braai in die dieselfde pan as die spek tot goudbruin. Voeg ‘n bietjie ekstra olie byindien nodig. Haal uit en dreineer. Sny die avokado en rangskik op die slaaiblare. Bedek met slaaisous.Sprinkel neute, spek en bros broodblokkies oor slaai net voor opdiening

Gesondheidsbeskuit ~ Lekker Een

Maak: omtrent 40
Bereidingstyd: 15 minute
Baktyd: 45-50 minute plus droogtyd
Oondtemperatuur: 170 °C

500 g (545 ml) botter
300 g (350 ml) bruinsuiker
2 groot eiers, liggies geklits
500 ml karringmelk
1 kg bruismeel
10 ml bakpoeier
200 g All Bran ontbytkos
500 ml (135 g) semels
150 ml (115 g) rosyntjies
100 ml sonneblomsaad
30 ml sesamsaad
30 ml lynsaad

1 Smelt die botter en suiker saam in ‘n kastrol. Laat dit eenkant afkoel. Gooi die eiers en karringmelk by.
2 Sif die meel, bakpoeier en 5 ml sout saam. Voeg die All Bran, semels, rosyne en sade by. Roer die eiermengsel by. Vorm bolletjies en pak dit langs mekaar in ‘n gesmeerde oondpan. Bak dit vir 45 tot 50 minute in ‘n verhitte oond.

GESONDHEIDS SLAAI

 

SLAAISOUS
125ml olyfolie                                                               
30ml sojasous
45ml suurlemoensap                                                   
30ml heuning vars gemaalde peper na smaak
SLAAI
250ml rou stampkoring, afgespoel, geweek               
250ml rou lensies in koue water vir 2 ure                                                 60ml sultanas
1 rooi soetrissie, in blokkies gesny                             
2 seldery stingels, in skyfies gesny
‘n bossie sprietuie, gesny                                            
250ml pekanneute, gekap
375ml vars spinasie, fyngekap
BEREI DIE SLAAISOUS
Meng al die bestanddele  vir die slaaisous saam en plaas eenkant. Proe en pas aan indien nodig.
BEREI DIE SLAAI
Dreineer stampkoring  en plaas in n kastrol. Bedek met 750ml koue water en voeg sout by. Bring tot kookpunt en laat vir 35 minute prut of tot sag. Dreineer. Kook lensies in ‘n aparte kastrol in soutwater vir 40 minute of tot sag. Dreineer. Meng stampmielies en lensies in n groot mengbak en meng met slaaisous. Voeg oorblywende slaaibestanddele by en meng met twee vurke. Laat heeltemal afkoel. Plaas in yskas tot benodig.  Bedien teen kamertemperatuur.