NOGA:

Anna Eksteen

Bestanddele
375ml suiker
250ml gouestroop
125ml water
knippie sout
1 eierwit, styf geklits
60ml glanskersies, gekap
250ml neute, grof gekap
2ml vanielje geursel

Metode
Vermeng die suiker, stroop, water en sout. Verhit dit en roer dit voortdurend totdat die suiker opgelos is. Kook dit verder, sonder om te roer, tot die sagtebal stadium. Haal dit van die plaat af en gooi dit in ‘n dun straaltjie oor die styfgeklitste eierwit. Klits dit voortdurend met ‘n elektriese klitser. Wanneer die mengsel fatsoen behou, roer die kersies, neute en geursel by. Gooi dit in ‘n gesmeerde oondpan. Laat staan oornag en sny dit dan in blokkies.

Advertisements