LEMOENPOEDING

Anna Eksteen
‘n Effense variasie op die bekende Japie-se-gunsteling. Dié poeding het ‘n fyn koeklagie bo-op en baie sous onder-in.

Bestanddele
2 eiers, geskei                                                             
250ml suiker
100ml koekmeelblom
250ml melk
180ml lemoensap
15ml fyn marmelade
fyngerasperde skil van 1 lemoen
30ml gesmelte botter of margarien

Metode
Voorverhit die oond tot 180C en smeer ‘n oondbak van 20cm met botter. Klits die eiergele en suiker baie goed tot lig en dik. Voeg die meel en melk by en roer tot gemeng. Voeg die lemoensap, marmelade, skil en gesmelte botter of margarien by. Klits die eierwitte tot stywe punte vorm en vou in. Skep in die gesmeerde bak en plaas in die groter oondbak. Vul met water tot driekwart vol. Bak vir 45 minute tot goudbruin. Laat effens afkoel en sit voor. Bedien 6 mense.

Advertisements

WINTERVRUGTE IN ROOIWYN

Anna Eksteen

Bestanddele
1 suurlemoen
1 lemoen
750ml water
375ml vrugtige rooiwyn
45ml bruinsuiker   
1 kaneelstok
2 pere, gehalveer, geskil, ontpit en in stukke gesny      
4 koejawels, gehalveer
2 tamatiepruime (persimmons), geskil,in kwarte gesny
2 appels, geskil, ontkern, in stukke gesny

Metode
Gebruik ‘n sitrusskiller (“zester”) en trek repies skil van die suurlemoen en lemoen af. Druk dan die sap van albei uit en sit alles saam in ‘n kastrol. Verhit stadig oor lae hitte tot die suiker opgelos is. Verhit tot kookpunt en prut liggies vir 10-15 minute. Sit warm voor met room.

Sjokolade brood poeding met Meringue

Lus vir ‘n warm sjokolade lekkerny?
Dan is hierdie maklike broodpoeding net die ding.

•    250 ml room
•    250 ml melk
•    4 ekstra groot eiers, geskei
•    1 ekstra groot eier, ekstra
•    45 ml kakao
•    125 ml strooisuiker
•    6-8 dik snye dag oue witbrood, korsies afgesny en kleiner gesny
•    125 ml gekapte donker sjokolade
•    Knippie sout
•    180 ml strooisuiker, ekstra Kakao. om oor te sif

Voorverhit die oond tot 150C.
Klits die room. melk. 4 eiergele en 1 heel eier saam met die kakao en strooisuiker tot gladde mengsel.
Giet die sjokolademengsel oor die brood en laat dit staan vir 10 minute.
Pak nou die brood in ‘n gesmeerde middelslag-oondbak en sprinkel die gekapte sjokolade oor.
Giet enige orige sjokolademengsel (waarin die brood geweek het) ook oor.
Bak vir ongeveer 30 minute tot die poeding opgepof en die sjokolade vla ferm is.
Klits die eierwitte met ‘n knippie sout tot sagte punte vorm.
Begin voeg die strooisuiker lepel vir lepel by terwyl jy aanhou klits.
As al die suiker bygevoeg is, klits vir nog 1-2 minute.
Haal die poeding uit die oond en skep die meringue bo-op.
Smeer dit effens sodat die hele poeding bedek is.
Sit terug in die oond en bak vir ‘n verdere 15 minute tot die meringue goudbruin is bo-op.
Haal uit die oond, sif ‘n klein bietjie kakao oor en sit warm voor met roomys of vla.
Lewer 8-10 porsies.

Bron en foto: Loubou.com
Resep: Arina du Plessis

Steri Stumpie Stolpoeding

Bestanddele

  • Steri Stumpie melk, geur van jou keuse
  • gelatien

Metode

Vul klein opdienbakkies (soveel soos benodig) of ‘n groot jellievorm van jou keuse met kouewater en gooi dan die water in ‘n maatbeker.

Dit sal bepaal hoeveel Steri Stumpie asook gelatien jy benodig.

Gooi jou plante met die water nat.

Kyk nou op die pakkie gelatien en bereken hoeveel jy nodig het om die hoeveelheid Steri Stumpie deeglik te laat stol.

Meet die gelatien af en sprinkel oor ‘n bietjie koue water in a bakkie.

Roer liggies en laat dit vir paar minute staan om te spons.

Verhit 250 ml van die Steri Stumpie (dit moenie kook nie) en roer die gelatienspons by tot die gelatien gesmelt is.

Gooi die res van die (koue) Steri Stumpie by en meng deeglik.

Giet die mengsel in jou bakkies of (nat) jellievorm en plaas in die yskas vir ‘n paar uur om te stol.

Bedien in die bakkies of ontvorm en sit op ‘n mooi opdienbak, gegarneer met vars vrugteblokkies of bessies en bedruip mildelik met ‘n heerlike vrugtestroop.

Maklik!

Wenk: As jy ‘n fênsie jellievorm wil gebruik, gebruik dan ongeveer 15% meer gelatien as wat die pakkie aanbeveel.

Bron: marindakook.co.za

AARBEI-JELLIERING

Rika Theron

Bestanddele
Dreineer 1 blik ingelegde aarbeie en meet stroop. Voeg koue water by om 1 koppie te vul. Los 1 pakkie aarbeijellie in 1 koppie kookwater op, voeg aarbeistroop by en verkoel tot dit begin dik word.

Roer aarbeie in en skep in ringvorm sodat dit boom bedek. Verkoel tot styf. Los 1 pakkie lemmetjiejellie in 1 koppie kookwater op en verkoel tot dit begin dik word. Klits tot lig en skuimerig.

Voeg 125 ml Idealmelk (styfgeklop) en 1 k malvalekkers (stukkies gesny) by en meng goed. Skep bo-op aarbeijellie en laat stol.

LYDIA SE VRUGTETERT

Rika Theron

Bestanddele
1 gaar tertkors,
1 klein blikkie ingelegde perskes,
1 klein blikkie ingelegde appelkose,
1 klein blikkie ingelegde pynappel,
1 blik Idealmelk (koud),
1 blik kondensmelk,
1 1/2 – 2 pakkies jellie (pynappel of suurlemoen),
neute,
kersies,
dadels – soos verkies.

Metode
Dreineer vrugte en verhit sap. Los jellie in sap op en laat koud word. Snipper vrugte fyn. Klop Idealmelk tot dik en voeg kondensmelk by, dan vrugte, dadels, kersies, neute en laastens die jellie. Klits goed tot gemeng en gooi in gaar tertkors. Laat stol en bedien. Kan as nagereg bedien word sonder kors.

Gemmer pot poeding

½ koppie appelkooskonfyt
½ koppie margarien
½ koppie melk
2 teelepels koeksoda
1½ koppie koekmeelblom
1 teelepel fyn kaneel
1 teelepel fyn gemmer
½ teelepel sout


Stroop
4 koppies water
1 koppie suiker
1 teelepel fyn kaneel
1 teelepel fyn gemmer


Kook die konfyt en margarien saam.

Los die koeksoda op in die melk en gooi by.

Verwyder van hitte. Roer koekmeelblom, kaneel, gemmer en sout geleidelik by.

Maak die stroop in ‘n kastrol aan en verhit tot dit begin kook.

Skep lepels vol van die deegmengsel in die kokende stroop.

Sit die kastrol se deksel op. Kook stadig op ‘n lae hitte tot deeg gaar en stroop lekker dik is.

Bedien saam met roomys of vla.

 

Resep: Bloubakkie

KLASSIEKE SAGO-POEDING

Anna Eksteen
Die oorspronklike resep bevat altyd appelkooskonfyt, maar aarbeikonfyt is net so lekker daarby.

Bestanddele
140g sago
750ml melk
100g suiker
knippie sout
25ml botter
2 eiergele
50ml aarbeikonfyt
4 eierwitte
100g suiker

Bestanddele
Verhit oond tot 180C. Gooi sago in ’n sif en spoel af met koue water. Gooi sago daarna in ’n kastrol saam met melk en verhit stadig. Kook oor lae hitte totdat dit deurskynend is. Haal kastrol van hitte af en voeg 100g suiker, sout en botter by. Dan kom die geklitste eiergele by en meng goed. Skep mengsel in gesmeerde bakkies of koppies. Stip aarbeikonfyt bo-op. Klits eierwitte styf en voeg suiker lepel vir lepel by. Dit moet ’n stywe meringue vorm. Skep of spuit die meringue bo-op die sagovulsel. Bak in warm oond vir 20 minute. Lewer 6 porsies.

Tortilla-Bar-One Poeding

Ingestuur deur Jan van Niekerk

Wegsleep

Voel weer soos ’n kind met dié nagereg van Bar One en malvalekkers. Dit is maklik om aan mekaar te slaan en veral die kinders (van alle ouderdomme) is gaande hieroor.

Bestanddele:
2 Bar One-sjokoladestafies
1 Koppie malvalekkers
2 Groot tortillas

Metode:
1. Sny die sjokoladestafies in kleiner stukke en sny die malvalekkers in die helfte deur.
2. Pak die sjokolade en malvalekkers op ’n tortilla en maak dié lekkerte toe met nog ’n tortilla.
3. Knyp die tortillas toe in die rooster en braai totdat die sjokolade en malvalekkers net-net gesmelt is en die tortillas ligbruin aan die buitekant is.
4. Sny in “pizzaskywe” en eet dadelik.

Koue(regte basaar) poeding

Ingestuur deur Debbie Donaldson

Hier is ‘n heerlike koue(regte basaar) poeding :

1 blik kondensmelk
2 houers vars room (250 ml elk)
2 boksies grenadilla jellie of pynappel
2 houers grenadilla pulp en 1 vir bo-oor

Maak 2 jellies aan met 450ml warm water, los op en laat afkoel. Plaas in yskas tot effens styf, nie geset nie.

Klits 2 houers grenadilla by.

Klits kondensmelk in aparte bak

Klits room tot styf

Meng alles, plaas in yskas vir 3 tot 4 ure.

Garneer met laaste houer pulp.