PORTABELLA-SAMPIOENE

 

Dis sampioene van Denny ~ kyk in die winkels vir die sampioene,
hulle word genoem Portabella sampioene,
so groot soos ‘n man se hand en dit kan gebraai word op die
Braai-rooster of in die oond ~ dit bly ferm as dit gaar gemaak word

Die sampioene het ‘n groot ruimte aan die onderkant waarin ‘n vulsel geskep kan word ~
gebruik van die volgende vulsels

  • Gegeurde botter en vars broodkrummels
  • Gekrummelde fetakaas en gekapte neute
  • Kruie en bokmelkkaas
  • Knoffel-en-roomkaasmengsel

Resep met vergunning van Anna Eksteen

Advertisements
 

Brood, Sampioen en Kaas gebak

12 dun snye witbrood, korsies verwyder
45ml botter, gesmelt  (of Spray ‘n Cook)
625ml gerasperde Cheddarkaas
250g pak sampioene, in skywe gesny
½ groen soetrissie, ontpit en fyngekap
4 eiers, geklits
750ml melk
2,5ml paprika
1ml gemengde droë kruie
sout en varsgemaalde swartpeper

Smeer ‘n plat, oondvaste bak van 30 x 20 x 5cm of een met ‘n inhoudsmaat van ongeveer 2 liter.
Smeer die gesmelte botter liggies op albei kante van elke sny brood.
Halveer elke sny brood en rangskik die helfte van die brood in ‘n enkellaag op die bodem van die bak.
Sprinkel die helfte van die gerasperde kaas oor die broodskywe in die bak.
Plaas al die sampioenskywe bo-op. Herhaal die lae met die oorblywende broodskywe en gerasperde kaas.
Sprinkel groen soetrissie bo-oor. Klits die eiers en melk saam.
Geur met paprika, kruie, sout en peper. Gooi die eiermengsel oor die brood.
Bedek met kleefplastiek en plaas oornag in die yskas. Bak in ‘n voorverhitte oond by 180C, vir ongeveer 35-45 minute of tot gestol en goudbruin bo-op.
Lewer 6 porsies.

 

Gemarineerde-sampioene-en-blomkoolslaai

Gemarineerde sampioene kan tot 3 weke in die yskas hou.

genoeg vir 6

Bestanddele
45 ml olyfolie
3 x 250 g-bakkies bruin en wit sampioene
1 x 200 g-pak blomkool
1 x 170 g-pak aspersiepunte (tips), gedompel in kookwater marinade
80 ml balsemasyn
160 ml olyfolie
2 knoffelhuisies, fyngekap
hand vol koljander, fyngekap
2 rooi brandrissies, fyngekap
sout en varsgemaalde swartpeper

Metode
Verhit olie tot warm in middelslag-pot. Voeg sampioene by en roerbraai 8 – 10 minute of tot halfgaar. Haal sampioene uit en gooi bietjie kookwater in dieselfde pot. Gooi blomkool by en plaas deksel op pot. Stoom blomkool 3 – 5 minute of tot halfgaar. Dreineer en sit saam met sampioene in groot mengbak. Voeg aspersies by. Marinade Meng asyn, olyfolie, knoffel, koljander en brandrissies goed saam. Gooi oor gaar groente en meng deur. Geur goed met sout en peper. Marineer 2 – 3 uur in yskas en sit voor as slaai.

 

Beesfilet-oor-die-kole met sampioensous

Deur Herman Lensing
(6 porsies)

Bestanddele
100 ml olyfolie
hand vol vars kruie van jou keuse, fyngekap
5knoffelhuisies, gekap
100 ml rooiwyn
1 kg beesfilet
sout en varsgemaalde swartpeper

Bestanddele Sous
45ml olyfolie
2knoffelhuisies, gekap
1 ui, fyngekap
400 g gemengde sampioene
50ml brandewyn
250 ml room
sout en varsgemaalde swartpeper

Metode
Meng olyfolie, kruie, knoffel en rooiwyn. Marineer filet oornag in die mengsel. Geur goed met sout en swartpeper.Braai filet stadig oor matige kole – sowat 15 minute aan ‘n kant vir medium-gaar of langer as jy dit gaarder verkies. Haal van hitte af en laat rus in skoon bak. Maak sous deur olyfolie in ‘n mediumgroot pot te verhit. Voeg knoffel en ui by.Braai liggies vir sowat 5minute of tot begin verkleur. Voeg sampioene by en braai verder vir 5 – 8 minute of tot goudbruin en gaar.Gooi brandewyn by en laat wegkook. Voeg room by en verlaag hitte.Laat stadig prut tot vloeistof met helfte verminder, sowat 10 – 12minute. Geur goed met sout en swartpeper. Sit filet voor saam met sampioensous.

 

SAMPIOEN POFFERS

250 ml koekmeel
5 ml bakpoeier
knippie sout                                                 
1 eier, geklits
75 ml melk                                                    
15 ml botter, gesmelt
500 g knopiesampioene, stingels gelyk afgesny
olie vir diepvetbraai
Sif meel, bakpoeier en sout saam.  Voeg eier, melk en botter by en meng tot gladde beslag.  Voeg nog ‘n bietjie melk by as dit te styf is.  Vee die sampioene skoon af met kombuispapier.  Doop die sampioene in die beslag sodat dit heeltemal bedek is.  Braai dit in warm olie totdat die poffertjies liggies uitgepof en goudbruin is.  Dreineer op kombuispapier.  Plaas poffertjies op opdienbord rondom ‘n bakkie met tartaresous – verskaf vurkies of peuselstokkies sodat sampioene daarmee in die sous gedoop kan word.
Nota:  ‘n Langsteelvurk of kombuistangetjie kan gebruik word om die sampioene in die beslag te doop.

Oesters, garnale en ander groente as sampioene kan op dieselfde manier bewerk word.  Vir vrugtepoffertjies kan 30 ml suiker by beslag gevoeg word

 

SAMPIOEN-EN-SOETRISSIESLAAI:

 

Dankie vir die Resep Okkie
Bestandele slaai
500g knopiesampioene, in skyfies gesny                  
sap van een suurlemoen
sout en varsgemaalde peper                                     
1 ui, in dun skyfies gesny
6 stingeluie, in die lengte in skyfies gesny                 
1 bossie botterslaai
25ml olie                                                                     
2 knoffelhuisies
3 snye brood in blokkies gesny                                   
1 avokado
suurlemoensap                                                           
1 groenrissie, ontpit en in skyfies gesny
1 rooi soetrissie, ontpit en in skyfies gesny               
1 komkommer, uitgehol en in halfmane gesny
3 repies spekvleis, bros gebraai, gedreineer.
 
Bestandele Slaaisous:
125ml olyfolie                                                              
125ml asyn
knippie suiker                                                              
5ml gedroogde orego
sout en swartpeper                                                  
50ml groen peperkorrels
10ml verkrummelde Fetakaas                                    
vars gekapte pietersielie.
Metode Slaai
Besprinkel sampioene met suurlemoensap en geur.  Plaas uie en stingeluie in yswater om bros te word.  Was botterslaai en plaas ook in yswater.  Verhit olie en braai knoffel en broodblokkies daarin.  Halveer avokado en sny in dun skyfies.  Besprinkel met suurlemoensap.  Verwyder uie en slaai uit water en rangskik saam met res van bestanddele in slaaibak.  Strooi spek en brood blokkies bo-oor.
Metode Slaaisous:
Klits al die bestanddele, behalwe pietersielie tot romerig.  Giet slaaisous net voor slaai voorgesit word oor en besprinkel met pietersielie.
 

Aartappelslaai met sampioene

 

12 Klein aartappeltjies in skil gekook tot net sag
½ Kropslaai in repe gesny
100g Knopie Sampioene gekerf
1 Bossie Bronkhors gekerf
SLAAISOUS:
100 ml Slaaiolie
½ t Sout
Vars gemaalde swart peper na smaak
50 ml Wit Asyn
2 ml Knoffel vlokkies
20 ml vars gekapte pieterdielie
Metode:
Meng die betanddele vir die slaai saam. Plaas sous bestanddele in fles en skud goed saam. Giet oor die slaai net voor opdiening. Lewer 4 porsies.